*السلام عليكم ورحمة الله وبركاته*
البدآيـــــــــــــــــة ..
على مرجوحة الحياة..كنت..اتغنى بأجمل الألحان وأعذبها ... .فجاة.
وقد عصفت بي أحاسيس جياشة ..تفجرت من صميم القلب لتعلن عن
بداية ..حكايـــــــــــــــــة صآدقة ّّ
الشخصيات ~
غرام :بنوتة ولاكل البنات عمرها 18 سنة طيوبة وهادئة وحساسة وخجولة كثير
بشرتها بيضآء وشعرها بني وناعم ويوصل لأخر ظهرها ونعومة مرة وحلوة
فيصل:شاب يدرس الطب عمرهـ 24سنة وسيم وبشرته حنطية ورومانسي حيل ~
(العائلات)
*عائلة بوعبدالرحمان وماعندهم غير ولد واحد عبدالرحمان وعمرهـ 25 سنة مملوح وعيونه سود وجذابة .. وثلاث بنات أم سعود وأم عبدالله وشذى اصغر وحدة
*وعائلة بومحمد ولدين فيصل ومحمد وبنتين منيرة وشهد
وباقي الشخصيات راح يورد ذكرهم في أحداث الرواية .
(البارت الأول )
أم عبدالله تنادي بصوت عالي :غرام يابنيتي يلاجهزي بنروح بيت جدكـ
غرام من فوق: أن شاء الله يمآ دقايق وأكون جاهزة
الي راح يوصلهم هو عبدالله أخو غرام الوحيد وعمرهـ 23 سنة يدرس أخر سنة بالكلية يشبه غرام أخته وهو بعد ماشاء الله ماعليه نقص بالجمال
عبدالله بملل: وينكـ غرام تأخرنآ
غرآم وهي نازلة من الدرج: طيب طيب والعبآءة في يدهآ والشنطة في اليد الثانية وكانت لابسة بلوزة سودا وبنطلون جينز
ورآفعة شعرهـا بشكل عشوآئي .. طالعة تهبل .
ركبوآ سيارة عبدالله الؤلؤية ( الومينآ).
وفالطريق ..
رن جوآال غرآم بنغمة موسيقى كلاسك : هلا وغلا حيآ الله هالصوت
فرح بنت خالة غرآم وتؤآم روحهآ أكبر من غرام بسنة وتدرس بالجامعة بنوتة حلوة..و شعرها قصير ويوصل لتحت أكتافها بأشوي.. حنطاوية وجسمها روعة ..وجريئة نوعآ مآ
فرح: هلا فيكـ أكثر وحشتيني يالدووبة
غرآم : مايوحشكـ غالي وترآ حنآ فالطريق بس تدرين على مايخلص ولد خالتكـ الوسيم كشخته
تناظر عبد الله بنص عين: يكون يعني لازم نتآخر هههه
فرح بدلع: حرآم عليكـ لاتقولين كذآ ..
غرآم : الحين أنا الي حرآم علي ..المهم أنا الحين بسكر قبل مايآكلوني بعض الناس >>>تقصد عبد الله.
فرح : طيب حياتي باي
غرام: باي
وبعد ماسكرت ..
عبدالله وينآظر فيهآ من المرآية : الحين أنتي تموتين أذآ ماحشيتي فيني
غرآم : شسوي أنت الي تجيب لنفسكـ
أم عبد الله : بسكم هوآش لافي بيت ولافي سيارة ألا كذآ
عبد الله : طيب يمآ ولايهمكـ أنتي بس لاتعصبين يالغالية ..ولي ورآ أنا بعدين أوريهم شغلهم
غرآم تضحكـ بصوت خفيف ههههه
في بيت بو محمد.
كانووووو مجتمعين في الصالة ..
فيصل : أنا مالي شغل قلت لكم أذآ بخطب من العايلة أوبرهـ لازم اشوفها قبل ولاماني بمتزوج
أم محمد : ياوليدي مايصير تشوف بنآت العالم وبعدين تغير رأيكـ
منيرة : خلاص يمآ أنا بدورله خوش بنت من برهـ العايلة .. بس هو وش يبي موآصفاتهآ
( هاذي أخت فيصل الكبيرة متزوجة وعندها ولد أسمه نايف وزوجها أسمه خالد وطيوبة مرة وحنونة )
فيصل تحمس : أبيهآ تكون ملكة جمال .. تطيح الطير من السمآ
منيرة : ههههه والله أنكـ مجنون... يلا نحاول ندور لكـ وحدة تشبه هالموآصفات
شهد أخت فيصل الثانية بنوتة حبوبة وطيبة ومملوحةعمرها 22 سنة وتدرس بالكلية: أقول فصول شرأيك أنا الي أدورلكـ والله أنه في بنات بالكلية يهبلون
فيصل : لا أقول أنتي ينخاف منكـ تغدرين فيني ولا شيئ ..
شهد: شدعوة مافي ثقة
فيصل : أبد في الزوآج لا ههههه..
المهم أنا بطلع الحين بيمر علي عبود ولد خالتي
تبون شيئ ..
أم محمد : سلامتكـ وأنتبهو على نفسكم ولاتسرعون فالطريق ..
فيصل : تأمرين أمر.. يلا مع السلامة
وطلع فيصل من بيتهم
وركب سيارة عبد الله الي كان معصب : ياأخي حرقتني الشمس وأنا أنتظركـ ورآنا طريق بنروح الدمام
فيصل : شنسوي بعد تدري خذتني السوالف مع أهلي عن فتاة أحلامي ..يأخذ نفس طويل :أهـ منهآ من تكون ؟؟
عبد الله وهو يتريق: نانسي عجرم هي بس تبيكـ تجي تخطبهآ أصلا
فيصل منقهر من روقآن عبدالله : تتريق أنت وجهكـ شفت روحكـ خالص وضعكـ ..جيت علي أنا
عبد الله : اللهم لاحسد بسم الله علي هههههه
فيصل : أقول سق وأنت ساكت ترآهـ أفضل .
في بيت بو عبد الرحمان ( جد غرآم ) .
وكانت عادتهم يجتمعون الأربعاء كلهم ...
أم عبد الرحمن : هذآ أم محمد أوخيتي جالسة تدور بنت حق ولدهآ فيصل وجننهم في الموآصفات
أم عبد الله: أي الله يوفقه خوش ولد وبعدين كل بنت تتمنآهـ دكتور ماشاء الله عليه
رواية صدقيني عجزت أنساك / رواية سعودية رومانسية /بقلمي
أم سعود وتذكرت شيئ: يمآ ترآ بعد أسبوع بنروح البحر لاتقولين مارآح تروحين
أم عبد الرحمان : يابنيتي تعرفيني ماحب أطلع .. روحو لحالكم
أم عبد الله : أجل بيقول عبود مابيروح ولابيودينآ تدرين عنه مايحب يروح أي رحلة ألا وأنتي موجودة
غرآم سمعت السالفة فيهآ بحر هذآ موتهـا عاد : الله وناسة حنآ بنروح البحر فديتكم أنا
أم سعود : بس جدتكـ مو رآضية تروح
شذى : أمي خلوها علي أنا أعرف كيف أقنعها شذ ى وهي تناظر البنات :عسى بس ماتفشلني (شذى عمرها 21 سنة تدرس بالجامعة .. أخر العنقود وكانت مدللة ومرحة كثير وجذابة )
غرآم : يؤؤ جدتي روحي تكفين عشاني ..تدرين عبود أذآ سمع أنك مو رآيحة بيكنسل الرحلة
شذى وهي تدلع على أمها : يما تدرين أني أحبكـ
أم عبد الرحمان: خلي عنكـ هالحركات وأخري عني
شذى ومسوية أنها زعلانة : أفا يالغالية كذآ يعني
أم عبد الرحمان وبسرعة حنت على بنتها : طيب خلاص
فرح وتوها جاية: أسمع طاري بحر.. شالسالفة؟؟
غرآم : أي وشكل مفعول شذاوي قوي على التيتة
أم عبد الرحمان : خلاص أمري لله أبروح
غرآم وفرح : هيـــــآ وهاذي أموووووح على رأسكـ ياأغلى جدة
***- ***- ***-
في بيت بو سعود الساعة 7 الصباح
وفي غرفة نومها
فرح وتشيل عنهآ اللحاف: يلا حنووو قومي جلسي.. تكفين لا تأخرينآ ورآنا مشوآر
حنين أخت فرح وعمرهآ 17سنة رجة وفلة وحلوة وتحب ت
نكت ..ودمهآ خفيف ..ولسآنهآ طووووويل: أوف ..توهـ بدري لاحقين يعني لهدرجة الفرحة مو مخليتكم تنامون
فرح : أنتي شدرآكـ قسم بالله أني مشتاقة لريحة البحر وبعدين غرآم بنت خالتك ماخلتني أنام كل ساعة تقولي يلاجلسي لانتأخر
حنين وتشيل اللحاف بطفش: طيب أخوكـ سعودو جلس هذآ لحاله يبي له ساعتين <<سعود أخوهم الصغير عمرهـ 14 سنة
سعود ويفتح الباب بقوة : أي جلست على بالكـ كل الناس مثلكـ
في بيت بو محمد .
أم شوق (هبة)كانت تسوي الفطور ..
(هاذي مرت أخو فيصل الي هو محمد طيوبة وحبوبة مـــــــرة )..
بو شوق(محمد) وتوه صاحي من النوم ودخل المطبخ: صباح الورد
أم شوق بأبتسامة : ياصباح الفل.. صح النوم
بو شوق : ليش خليتيني أنام لهـ الوقت تدرين ورآنا مشوار
أم شوق : شسوي.. قلبي ماطاوعني أصحيكـ لأنكـ مانمت ألا متأخر
بو شوق وهو يقرب من زوجتهـ وبصوت خفيف: فديت قلبكـ أنا
في هالوقت دخل فيصل المطبخ : أحم أحم يعني من الصباح وفالمطبخ<< ماسكـ روحهـ لايضحكـ
بو شوق : أقول أنت ماتستحي وشدخلكـ ..زوجتي وبكيفي
فيصل : طيب عرفنا أنها زوجتكـ خلاص أكلتني بقشوري
أم شوق : فيصل تبيني أسويلكـ شيئ قبل مانروح <<فيصل كان يعتبر أم شوق مثل أخته وكان يقدرها كثير .
فيصل : وين أمي وأنتو وين بتروحون ؟؟
بو شوق : بنروح البحر مع العايلة الكريمة ماقالكـ عبود !!
فيصل : لا ماقالي
بو شوق : طيب يلا أجهز عشان تروح معنآ
فيصل : كأنه مالي خلق أروح ..ولا أقولكم أنتو روحو وأنا أذآ أشتهيت بجيكم
بو شوق: على رآحتكـ
الساعة 12 الظهر والجو كان ربيعي ومرة حلووو في البحر
غرآم وفرح وشذى وحنين كانو جالسين عند البحر
شذى : أقول بنات سمعت يقولون فيصل ولد خالتي أم محمد يدورون له على عروس
حنين وماتجوز عن حركات الخبال : صدق ..كان زين يأخذني
البنات :هههه
فرح: والله ماسمعتك أمي
غرام: الله يوفقه
فرح وهي تدز حنين على يدهـآ : تعلمي منها ..شوفي كيف الذرابة
شذى : .. ألا أقول غرومة شخبار حبيب قلبي عبود قولي له أنه خالتكـ زعلانة عليكـ ..المسطول من زمان ماشفته
فرح برومانسية: يازين طاريه ^ ^
غرآم وتضحكـ على حال بنت خالتها: ههههههه بخير هو الي جايبنا .. وكأنهآ تذكرت شيئ وكدرهآ ..
فرح : شفيكـ غروم ؟؟!!
غرآم : لامافيني شيئ بس تذكرت أبوي الله يرحمه كان يحب البحر
الكل : الله يرحمه يارب
شذى وحبت تلطف الجو : ألا أقول؟؟ شهود بنت خالتي بتجي مشتاقة لها
فرح: والله مادري خليني أدق عليها
وبعد كم رنة أرفعت ..
شهد في السيارة
هلا وغلا
فرح: أهلين فيكـ كيف حالك؟
شهد: بخير دامي سمعت صوتك
فرح: دوم يارب .. ألا أقول مابتجين البحر ؟؟
شهد: أفا عليك كأني في الطريق بوشوق الي جايبنا
فرح: أهاا زين
البنات : سلمي عليها
فرح: يسلمون عليكـ البنات
شهد : الله يسمنهم هههه
فرح: الله لايسمع منكـ يالحسودة هههه
شهد: طيب أوريكـ
فرح: اوكي قود باي
شهد : باي حبيبتي
شذى بحمااس : أذا جات شهيد بنفلها والله
حنين وهي تتريق : أزيد من كذآ
غرام: ههههه
ومسوية أنها جدية : أقول أستحي تراها خالتنا
شذى وماتحب هالكلمة ..وبقهر: وجع أن شاء الله ..كم مرة أقولكم لاتقولن لي خالتي من كبري أنتو وخششكم
فرح وماسكة ضحكتها : أن شاء الله خالتي
شذ ى بتهديد: أنادي لعبد الله ..يوريكـ شغلكـ
فرح وهي تناظر البحر وتأخذ نفس طويل : كان زين
حنين: فروح أعلم أمي !!
فرح خافت: أفا.. هذآ وأنا أختكـ
غرام: هههههه
أقول شرآيكـم نرجع الخيمة لهم
حنين : يؤؤؤؤؤ.. تراكم طفشتوني كل ساعة في مكان
شذى : مابقى ألا النتفة ..أقول أمشي وأنتي ساكتة
حنين:اووووووووووف
البنات : هههههه
الساعة 8 باليل
في سيارته الفخمة السودآ Bmw M5
فيصل ويكلم بالموبايل : هلا عبود.. وينكـ يالخاين تروح وماتقولي
عبد الله : هلا فيكـ ياأخوي أدري عنكـ مارآح تجي
فيصل : بس أنا جايكم وهذآ أنا في الطريق
عبد الله : الحين !! ..
فيصل: أيوووووهـ
عبدالله: طيب أنتبه على الطريق
فيصل : أن شاء الله وسلم على الأهل
عبدالله: يوصل .. يلافمآن الله
فيصل: فمآن الكريم
وعلى شاطئ البحر كانو يتمشون غرآم وفرح وحنين وشذى
وفي ذآ الوقت وصلت شهد البحر ودآيركت أتجهت للبنات
البنات كلهم يركضون يحضنونها (كانت علاقتهم قوية كثير على رغم من بعض الخلفات ألا أنه العيال مازالو كلهم مترابطين )
غرآم وتسلم على شهد: كيفكـ يالدوووبة!!
شهد : والله ماشي الحال
شذى : يالبطة من زمان عنكـ
شهد : شسوي بعد الظروف وتدرين دوام الكلية وهذآ حال الدنيا
فرح: نحفتي وحلويتي وتغمز لها :وش السر؟!
شهد وبغرور مصطنع: أحم أحم من عمري حلوة
البنات: أموت على الثقة ههههههه
حنين وماتخلي لقافتها : أجل بتخطبون لفصول ولاتقولون لي أدور معكم
شهد وهي تتريق: أسفة عمتي نسينا نخبركـ وبعدين أستحي على وجهكـ دكتور وتقولين عنه فصول
البنات: هههههه
حنين: أصلآ فيصل سامحلي أنادي له كذآ ...هو قايلي ..أنتي شدراكـ
شهد وفرح وشذى:ههههههههه
شذى وتتكلم بصوت خفيف : بنات شوفو غرام مو معنا على الخط سرحانة في البحر أشكـ أنهآ تحب
فرح : يلاعاد جوزو عن حبيبة قلبي
غرآم : أقول ترى سامعتكم والله أنكم ماتستحون تحشون فيني وأنا موجودة وبعدين من قال أني أحب يلاعاد بلا خرآبيط
شهد بنص عين: خرابيط ها ...حطي عينك فعيني
غرام وتطلع لسانها : مابي ههههه
في ذآ الوقت سمعو البنات صوت رجال ورآهم
#سبحان الله أقمار مو قمر واحد وفي الأرض ..ياسبحان الله
البنات ماتو من الخوف خاصة أنهم أبتعدو عن أهلهم يعني لو يسوي لهم شيئ هالطايش محد بيسمعهم
#أموت أنا على مشي الغزال
شذى وهي ميتة خوف : بنات لاتلتفون خلوهـ يولي لاتعطونا أهتمام
حنين وهي ترتجف : أخـ ـ ـاف يـ ـسوي لنا شيئ
فرح: بنات خلونا نركض هذآ أضمن حل
غرام ودمعتها في عينها: وش بلاك فرح وشو نركض
#طيب عطونا وجه ترآ فينا جمال وأصل وفصل
شهد وخلاص ماعادت تتحمل تصرفات هالطايش وقررت توقفه عند حدهـ
شهد وهي معصبة بس بدون ماتلتفت عليه: صدق أنكـ قليل حيآ وأصل وفصل بعد والله أن ماوخرت للم الناس كلها عليكـ على بالكـ الدنيا فوضه
حنين بصوت خفيف : يالبيه ياشهود بنت رجال والله
# وبدلع ونبرة تنرفز: يمآ خفت بسم الله ...أقول بلاعيمكـ لايطلعون
شهد وطلعت من طورها
فرح وهي ماسكة حصآ : شهد خذي هاذي
شهد وهي خايفة : جيبيها كاسلاح.. بس من جدكـ أخاف أتهور
البنات كلهم لتفتو بيواجهون الموقف وشهد معهم
شهد : أنا أوريكـ يا......وماقدرت تكمل كلمتها بعد ماشافته
البنات بصوت واحد: هههههههههههه عبدالرحمان
شذى: عبدالرحمان هذآ أنت ..؟؟
فرح: ياخالي قسم بالله طيحت قلوبنا
حنين حظنت خالها وتحس بالخوف للحين فيها : لاتعيدها
غرام: ليه سويت كذآ !!
عبدالرحمان وهو ميت ضحكـ : ههههههه
بس كذآ جآ على بالي أطفركم وعشان مرة ثانية ماتبتعدون عنآ هالكثر بس تبون الصدق اشكالكم توحفةههههههه
فرح بقهر: لا والله
عبدالرحمان وهو يناظر شهد الي ميتة من الأحراج ودها تنشق الأرض وتبلعها ولاتنحط في هالموقف مع ولد خالتها عبدالرحمان
عبدالرحمان ومازال يناظر شهد: بس عجبوني بعض الناس حسيت أنهم عن عشر رجال كفو والله ..لكن لو حاذفيني بالحصآ كان أنا من عداد الموتى
شهد وخدودها ولعو وتقول في قلبها : بسم الله عليكـ من الموت
البنات ميتين ضحكـ على شهد المتفشلة
شهد قررت تنسحب للخيمة من بعد الأحراج .......
الساعة 12 باليل
وفي هذآ الوقت فيصل وصل البحر
(كان لابس برمودآ رمادي وتيشرت أحمر وكاب رمادي .. طالع مرة ستايل )
السلام عليكم ..
الشباب : وعليكم السلام.. هلا هلا بفيصل ..
فيصل : هـــــا أن شاء الله ماتعشيتو عني ؟؟
بو شوق : أنا أبي أعرف هاذي جية الساعة 12 باليل مجنون أنت
عبد الرحمان : توهـ بدري
عبد الله : عادي هذآ طبعهـ من زمان مسوي فيهآ رومانسي مايحب يمشي ألا باليل
فيصل : يمآ منكم الحين ترآ أرجع هههههه
شهد من جهة الحريم: هذآ فصول غريب جاي خليني أروح أتحرش فيه
حنين : ماشاء الله عليهـ تغير من زمان ماشفنآهـ
فرح: أي والله وحلو بزيادة
شذى وهي تطالعه من بعيد: صدقتو والله
غرآم: هـــــــا فروحة أقول لعبود
فرح: ههههه لاعاد هذآ ماقدر فيه وهي تتنهد :عين السيح فديته
غرآم : هههههه أي خلكـ كذآ
بعد كذآ كملو العيلة رحلتهم مع سوالف الحريم وحركات البنات وأزعاج الشباب ولعب العيال كانت رحلة رهيبة والكل أستانس فيها وخاصة شهد وعبدالرحمان ^_*.
انتهى.
ارجو التقييم ورد