رد: رراية ( صدقيني عجزت انساكي)
( البارت 28)
الأحد السآعة 5 العصــــــــر .
بدآرهآ كانت جالسة ومالهآ خلق تطلع أو تقابل حد
وفي ذآ الوقت أنطق باب دآرهآ ..
فرح بطفش: تفضـــل
دخلت حنين وقربت من عندهآ : يعني لمتى بتمين حآبسة نفسك؟
فرح: حنووو مالكـ شغل .. خلوني على راحتي .
حنين : غرام ..تعبت وهي تدق عليكـ ليه ماتردين عليهآ ؟
فرح بحزن : ماقدر!
حنين: حرآم عليكـ .. حتى على البيت دقت لأجل تكلمكـ
فرح بخيبة: مفتشلة منهآ وش أقول لهآ .
حنين وجلست قربهآ : ماودي أطول معكـ بالموضوع لأن خالي تحت ..
فرح: عبدالرحمان
حنين وقامت من مكانهآ: أيووووهـ ... ولاتطولين لأنه مشغووول .. وجاي عشآنكـ
فرح وتمت تفكر عبدالرحمان وش يبي فيني وتقول في خاطرهآ .. أكيد يبي يقنعني أني أوافق على عبدالله ..
وبعد فترة غيرت ملابسهآ وأنزلت ..
عبدالرحمان طلب من أخته أم سعود أنه يجلس مع فرح لوحدهآ ..
وفي الصالة .. أنزلت له وبعد ماسلمت عليه ..جلست جنبه
عبدالرحمان : كيفكـ اليووووووم ؟!
فرح برضى: الحمدلله
عبدالرحمان: أجل ليه الحزن ...وبمرح كاعادته: هذآ وأسمكـ فرح
فرح ناظرت فيه وأبتسمت له .........
عبدالرحمان : ههههه أيوهـ كذآ ..
وبعد دقايق ..
فرح بتردد: عـ ـ بد الرحمـ ـ ـان ... أذآ كنت جاي تقنعني أني أوافـ ـ ـ ق علـ ـ ـى عبدالله .. فاأسمحلي ياخالي.!
عبدالرحمان برود وهدوء لأجل يفهمهآ الموضوع زين : من قال أني جاي أقنعكـ فيه
فرح بأستغراب : أجل؟؟
عبدالرحمان: صدق أنه عبدالله ولد أختي .. ويعز علي .. لكن هذآ قراركـ أنتي لوحدكـ .. ومحدن يقدر يغصبكـ
فرح وكأنه علامات أستفهام تدور حولهآ ؟؟؟؟؟؟
عبدالرحمان : أنآجاي لأجل أفهمكـ الموضوع
فرح : افهم شنوو !!.. والسالفة صارت قدآم عيني ؟؟
عبدالرحمان بحيرة وماهو عارف كيف يوصل لهآ الخبـــــــــر :........
فرح: خالي علامكـ ؟؟!!
عبدالرحمان بتردد: البنـ ـ ـ ت الي شفتيها.. مع عبدالله .. هاذي ...
ماكمل وقاطعته ...
فرح: مايهمني من تكون
عبدالرحمان : لاحول ولاقوة ألا بالله ... طيب خليني أكمل لاتصعبين الموضوع علي
فرح بحزن: خالي شلي بتكمله .. أصلآ الموضوع ماهوبمحتاج توضيح .. عبدالله مايحبني وأنآ شفت ذآ الشيئ بعيني .. خله يروح يتزوجهآ أحسن له .. هو باعني برخيص
عبدالرحمان بعد فترة من السكوت : بالعكس عبدالله للحين يحبكـ وشاريكـ
فرح بقهر: بس يخوني ..صح
عبدالرحمان : لا
فرح: ولي كانت معه هاذي وشو؟؟
عبدالرحمان بصوت متقطع : .............. ....أختـ ـ ـه !!
فرح بلا مبالاة وتصديق: خالي شبلاكـ .. أنآ كلمت غرام وكانت بيتهم وقت ماكان عبدالله بالحديقة ..
وبحزن: أنت ليه ماهوبراضي تصدقني ؟!
عبدالرحمان بحنية ولطف: ومن قال أني مومصدقكـ ؟’
فرح: كلامكـ هو الي يقول
عبدالرحمان: أي صح فيذآ اليوم عبدالله كان مع أخته
فرح بقهر: ماعادآ أتحمل ياخالي ...وتأشرعلى موبايلهآ: تبيني أتصل لكـ على غرام تكلمهآ .. يعني تصدقه وتكذبني .
عبدالرحمان وبدء يتنرفز وهذآ بين من ملامحه : ماهي بغرام !!
فرح بسخرية : هئ .. أجل منو ؟... لاتقولي أخته من الأسلام ..
عبدالرحمان بجدية: هاذي أخته بس مو غرام
فرح وبدت ملامح الجد ترتسم على وجهآ : وشووو؟؟؟؟
عبدالرحمان : لأجل كذآ أنآ أقولكـ أهدي وخليني أفهمكـ ..
فرح وتحس أنهآ مومستوعبة الي يصير: تفهمني شنو !!؟ّ
عبدالرحمان وكأنه يتذكر الي صار من زمان.. وبهدوء: خالتكـ أم عبدالله ماعادت تجيب عيال من بعد غرام وعبدالله .. وزوجهآ بوعبدالله الله يرحمه .كان يبي أخت أوخو لعبدالله وغرام .. بس لأنه يحب زوجته مابين لهآ هالشيئ وصبر ...
فرح بأهتمام وتوتر: وبعدين وش لي صار ؟
عبدالرحمان ويرجع للماضي: لمآكان مسافر لبريطانيآ للعمل ., تزوج هنآكـ وبعدهآ نزل لسعودية ومعه زوجته .. بس ماقال لحد
فرح وتحس أنهآ تسمع قصة خيالية ماهوبحقيقة: ...
عبدالرحمان ويكمل: بالصدفة أبووووي عرف بالموضوع لكنه ماعلم أختي لأنه خاف عليهآ .. ولأنه بوعبدالله ترجآهـ أنه مايعلم حد ألا بعد مايتوفى
فرح وعيونهآ تلمع : خالتي ماتستآهل ..
عبدالرحمان: بعدهآ جاب منهآ بنت وكانت أكبر من عبدالله بسنتين بس ..
فرح بصوت متقطع: هــ ـ ي الـ ـ ـي كانت معه ؟!
عبدالرحمان هز رأسه بـــ أي : قبل لايتوفى بوعبدالله خبر ولدهـ بالموضوع .. لأنه من بعدهـ يبيه يدير باله على أخته ..
فرح وقامت من محلهآ : ماني بمصدقة الي سمعته .. كأني أحلم
عبدالرحمان:.....
فرح بحزن: شلون ؟؟.. أنتو ليه خبيتو علينا هالسر .. والله حرام عليكم
عبدالرحمان: أبوي راح يخبر أم عبدالله .. بس بالوقت المناسب
فرح: ماصدق . جدي الي كنت أعتبرهـ أحكم واحد فينآ .. وهو الي عندهـ حل لكل شيئ .. يفكربهالطريقة
عبدالرحمان: كان مجبور.. وعبدالله رافض بتآتآ أنه حد يجيب طاري هالموضوع قدام أمه
فرح بحزن: ومحد يدري بالسالفة ألا أنتو الثلاثة
عبدالرحمان: أيوهـ
فرح ودمعتهآ طاحت : طول عمرهآ غرام كانت تتمنى لو أنه عندهآ أخت أكبرمنهآ .. بس موبكذآ وخالتي أم عبدالله .. الي كانت تعتبر زوجهآ ملاكـ مافي أفضل منه والي بكت سنين على فرقاهـ .. يطلع متزوج وعندهـ بنت
عبدالرحمان: مجبورين نتقبل هالشيئ لأنه موبيدينآ .
فرح: أنت متصور معي الوضع ... كيف بتخبرونهم .. بتقولون لغرام أنه بعد كل هالسنين صآرت لكـ أخت .فجأة كذآ ... وانتي عليكـ أنكـ تتقبلينهآ ... وخالتي أم عبدالله .بتقولون لهآ أنه زوجكـ الي حترمتيه وقدرتيه ..طلع متزوج غيركـ وعندهـ بنت .
عبدالرحمان بتعب وضيقة: فرح لاتضيقينهآ علي أكثر من كذآ .؟
فرح : أنآ بس جالسة أصور لكـ الوضع كيف بيكون ... والله العظيم أنهآ موهينة
عبدالرحمان بقلة حيلة: أدري .. بس لزوم نتقبله ماهوبكيفنآ ؟! ... الشيئ ذآ صار وأستوى حتى لومارضينآ فيه
فرح جلست وتحس أن رجولهآ ماهي بشايلتهآ وتمت سآكتة وتفكر بالي صار ..
عبدالرحمان وحاس أنه الأيام الجاية بتكون صعبة ويقول في خآطرهـ :يآرب أنكـ تسهل ..
في بيت أم عبدالله .~
الساعة 8 باليل
دخل عبدالله وكان معه جدهـ وعبدالرحمان
غرام كانت موجودة بيتهم وجالسة معه أمه بالبيت
دخلوووو وسلمو عليهم وجلسو
ام عبدالله بفرحة لزيارة ابوها وأخوهآ : حيآ الله من جآنآ
عبدالرحمان وأبوهـ: الله يحيكـ
غرام وهي بعد مبسوطة بشوفتهم: من زمان عنكم .. شدعوة نسيتوني .
بوعبدالرحمان: ينسآكـ الموت يالغالية .. وحقكـ علينآ
عبدالرحمان: ومن يقدر ينسى غراام
غرام : ربي يخليكم ولايحرمني منكم
عبدالله كان طول الوقت متوتر وخااايف ..
بوعبدالرحمان بحزم : ياوخيتي أنآ جاي وعندي لكـ سالفة .. وأنآ داري بأنكـ مرأة عاقل ومتفهمة
أم عبدالله وبدت تخاف: أمر يبآ وشو الي تبي تقوله ؟!
عبدالله كان قلبه يدق بسرعة وكان مشبكـ أيدينه بعض ويهز رجوله بقلق كبير
عبدالرحمان هو بعد كان خايف من ردة فعل غرام وأمهآ .. بس يدعي الله ..أنه الأمور تسري على خير
..
بوعبدالرحمان : ياأم عبدالله . أنتي عارفة أنه المرحوم كان ودهـ بعيل لغرام وعبداالله بس مالله أراد
ام عبدالله بحزن وتذكرت المرحوم وعيونهآ صىرت تدمع: الله يرحمه
غرام بنفس حزن أمهآ : الله يرحمه ويسكنه فسيح جناته
بوعبدالرحمان وكان من جوهـ خايف على بنته لايصيبهآ شيئ بس مجبور يعلمهآ خاصة أنه بدت تتكون مشآكل بسبة هالموضوع..
بوعبدالرحمان: أنآ الي أبي أعلمكـ فيه ..... أنه المرحوم
في ذآالوقت الكل سآكت ومرتبكـ ........ ...
بوعبدالرحمان وبتردد : كـ ـ ان متـ ـ ـ زوج !!
هنآ طاحت الصدمة على غرام وأمهآ
بوعبدالرحمان وعبدالرحمان وعبدالله كانت ملامح الخوف باينة بعيونهم .. وكأنهم ينتظرون الأحداث كيف راح تكون ..
وعبدالله كان أكثر واااحد فيهم خايف على أمه ..
أسكتت وكأنه ألسآنهآ أنربطـ وأيدينهآ صارت ترجف بقوة وكأنهآ جالسة تعيد شريطـ حيآتهآ مع زوجهآ من جديد
غرام دموعهآ بدت تنزل .. وبعدم تصديق وتهز رأسهآ بـ لا: أنتو تكذبون ؟؟!! ..... مستحيل
( غرام كانت تعتبر أبوهآ مثل أعلى لهآ .. لأنه كان طيب وسموح وكريم .. وتعامله معهم مرة حلووو .. وبعد علاقته مع أمهم كانت كاملة ومتكاملة ... وكانت دوم تتمنى فارس أحلامهآ يكون مثل أبوهآ .. لأجل كذآ ماهي بمصدقة أنه ممكن يكون متزوج على أمهآ)
بوعبدالرحمان بحكمة وتصرف: أستهدو بالله .. ترى ماسوآشيئ حرام ..هوتزوج على سنة الله ورسوله .
أم عبدالله مازالت سآكتة لكن من دآخلهآ كانت برااكين من القهر ..
غرام دموعهآ تصب أربع أربع وماهي مصدقة الي تسمعه
عبدالله خآف على أمه مرة خاصة أنهآ مابكت ولاصرخت ولاسوت الي توقعه
جلس قربهآ ومسكـ يدهآ .
وبدموع: أبيكـ تسامحيني لأني ماقلت لكـ
ام عبدالله بعدم تصديق وكأنها بحلم: متزوج !
غرام بصوت مبحوح : يعني أنت كنت تعرف .. ؟
عبدالله سكت وماقال شيئ ونزل رأسه
غرام بنبرة حزينة: ليه ياعبدالله .. كيف طآوعكـ قلبكـ ؟
عبدالرحمان بحزن: لأنه خاف عليكم !
بوعبدالرحمان: الأهم من كذآ الي بقوله ؟
غرام بدموع:ليه باقي شيئ غير الي قلتوهـ .؟!
بوعبدالرحمان وخايف من العوااقب : أنتـ ـ و عندكم أخت
هنآ كان الصمت سيد الموقف
.............. .....
وبعد فترة قصيرة ..,
أم عبدالله ماقدرت تتحمل أكثر.. وأصعدت لدآرهآ بدون ماتنطق حرف وااحد
غرام بصوت يلين الحديد وملامحهآ الطفولية غطتهآ الدموع : أخت ؟؟!!
وبصوت منهار: بعد كل هالسنين ..جايين تقولون لي أنه عندي أخت ..
وتقرب عند عبدالله : عبود قل شيئ .. تكفى ؟
عبدالله ماقدر يتحمل وحظنهآ بقوة : تكفين يالغالية هدي أعصابكـ .. والله الي فيني مكفيني
عبدالرحمان بتوتر: غروم موزين عليكـ أنتي حامل
بوعبدالرحمان : عبدالله ياوليدي .. روح انت وأختكـ لـ أمكـ لاتخلونهآ لوحدهآ .. وانا أن شآءالله بجي بكرآ أتطمن عليهآ
في أحد مقاهي الشرقية ..~
كانت جالسة مع صديقتهآ وحدهآ مقهورة ومتوترة
ريمة : يعني أنتي بعتي بيتكـ الي بالرياض
أحلام وتعض على أسنانها بقوة من القهر: لامابعته بس أجرته .. وش أسوي فيه وانا حلالي كله بالدمام ..
ريمة بروقان وتشرب العصير: لاتنقهرين ولاشيئ .. مايستآهلكـ وربي .. بعد كل الي سوتيه له يجازيكـ بالطلاق .. صدق عين قوية
أحلام بحقد وخبث: من قال أني أبخليه يتهني معهآ
ريمة وتناظر الشر الي بعين أحلام: وش ناوية عليه ؟؟؟
أحلام: بعدين أخبركـ ..بس قبل أبي منكـ خدمة
ريمة: أمري .؟
أحلام وتقوم من مكانهآ: موهنآ أنتي قومي ..
ريمة : وين ؟؟
أحلام وتمسكهآ من يدهآ : قومي وبعدين أفهكـ .؟!
ريمة بأنطياع : طيب
في بيت أم تركي الساعة 10 باليل
كان بدآرهـ جالس وفاتح الاب توب ولابس بيجامة لونهآ بني .. وطالع مرة كيوت
دخلت في ذآ الوقت وقفت عند الباب وتمت تناظر فيه
تركي شافها وأبتسم: تعالي شذى .. ليه وااقفة
دخلت بهدوء ووصلت عندهـ
تركي برومانسية: علامهآ الحلوة ؟ّ
شذى نزلت رأسهآ وبتردد: تركـ ـ ي أنـ ــآ
تركي بمرح: هههههه أنتي شذى مو تركي
شذى كانت متوترة بس ماقدرت تمسكـ نفسهآ : هههههه أي صـ ـح أنآ شذى
تركي ويغمز لهآ: وأحلى شذى
شذى بخآطرهآ : أروح قشطة منتهية صلاحيتهآ أنــــآ ..
.وربي أذآ تم يتغزل فيني كذآ ماراح أقدر أقول كلمة على بعضهآ ..
تركي وميت ضحكـ على شكلهآ: هههههههههههه
شذى جلست قربه وبدلع: وبعدين معكـ ؟؟