السلام عليكم
هنتكلم النهارده عن الشعر ب كل تفاصيله .
*ف علاج طبيعی و علاج طبی و زی ما عبير قالت طبيعی +طبی بيجيب نتيجه أسرع و احسن
الفيتامينات اللی بيحتاجها الشعر :
بيوتين _اوميجا3 _كاليسوم _زنك_حديد
الكالسيوم اللی كنت باخده اسمه استيوكير عباره عن كاليسوم و ماغنسيوم و زنك و فيتامين د3
*الشامبو يتخفف بمياه حسب النوع اللی انتی مرتاحه معاه ولازم تكون مجموعه كامله عشان النتيجه تبقی احسن
*ممكن بدل الشامبو تستخدمی صابونه نابولسی شاهين انا بستخدمها
*ممكن برضو شامبو طبی ع حسب إمكانياتك حددی اللی انتی عاوزه
*اعصری نص ليمونه ع لتر مياه ساقعه وبعد ما تغسلی شعرك انزلی بيها عليه بتلمع الشعر و بتقلل القشرة و بتقويه
*أعملی حمام زيت كل أسبوع و الزيوت كتير منهم: زيت الزيتون _زيت الصبار _ زيت الجوجوبا _ زيت الجرجير _ زيت التوم _ زيت الكتان _ زيت السمسم _ زيت النخاع _ زيت الحشيش _زيت لوز حلو _زيت جوز الهند
*و ف زيوت هندی تيرشوب و كيشور دهنی و زيت ارجان دولا اون لاين
*أعملی حنه كل شهر حلوه ممكن تحطی عليها كركديه و ليمون و مراميه و حاجات كتير ع حسب اللی انتی عاوزه وصلت ب ناس أنها تحط عليها جاز بس مالنش دعوه
*حمام كريم بيقاعد نص تلت ساعه ب الكتير
*حمام الزيت م ساعتين ل 5 ساعات متعملوش و تنامی
*قبل ما تحطی حمام الكريم أو الزيت ع راسك بتدفی الكريم أو الزيت ازای ياما ع حمام بخار ياما ف طاسه و يدفوا دقيقة بس عشان متحرقيش فروة راسك و عشان شعرك يمتص الزيت أسرع
*تلبسی بونيه بتاع الشعر أو كيس و فوقه فوطه محطوطه ف مياه سخنه لمده 10 دقايق أو ممكن تحطيها كده عادی
*شعرك يتسرح ب مشط خشب واسع
*يفضل انك تعملی حمام الزيت ع شعر نضيف مندی تكون غسلتيه و تنشفيه براحه كأنك بتطبطی ع بيبی صغير و تحطی الزيت ع فروة راسك بعد كده الأطراف انا جربت ع الناشف و ع الشعر نضيف و النضيف كان احسن
*هتقصی أطراف شعرك كل 3 شهور ف الأيام القمرية 13 14 15 من الشهر الهجری
*حددی مساميه شعرك عشان تعرفی ايه اللی ناقصه و محتاجه و ازای يوصله الغذا أسرع الطريقة ف الصوره تحت
*الضفيره مساج الشعر بتطوله
*متفضليش كاتمة شعرك طول اليوم و تقولی بيقع ليه
*الترمس الحلو بينبت الشعر بنفس طريقة عبير : معلقه و نص ترمس حلو ع كوبايه مياه مغليه تتنقع يوم كامل و تصفية و كل يوم الصبح تسرحی شعرك ب مشط خشب و تبخی ع فروة راسك
*لوسين الزعتر و البابونج و المرميه بينبت و يتقل ده انا عملته بنفسی بتجيبی ب جنيه من كل حاجه فيهم و تخلطيها كلها ف علبه أو كيس و تاخدی معلقه ع كوبايه مياه مغليه و لو عندك بلح حطی النواة ف آل كوبايه معهم تتنقع يوم كامل و يكون متغطی عشان الزيوت متطرش ف الهوا و تتصفی ب قماشه و تبخی منه باليل قبل ما تنامی ع فروة راسك و ع الأطراف
*لوسين الروز ماری الناس بتشكر ف بس متحطيش الزيت بتاعه ع راسك إطلاقا عشان تقيل ع فروة راسك طريقه نفس طريقة اللوسين اللی فوق
*بالنسبه لل بيتونجار انا جبت المستورد و كنت باخده مره واحده بعد الغدا و مطلعش شعر ف جسمی ولا حاجه بس الشرطين ب 97 جنيه
*أعملی شعرك طاقية بعد كل شاور و اغسلی شعرك كل 4 ايام
و لو افتكرت حاجه تانی هقولكوا اقاعدوا بالعافيه