البارت الرابع ...
حسن : ايه ده انتو تعرفو بعض
عمر : لا
امنيه :اها
عادل : اها ولا لا ..؟!
كان عمر ينظر لها بتوسل لكي لا تخبرهم انه كان سيدعسها بسيارته وكانت هي تري انها الفرصه المناسبه لتهرب من هذه "الجوازه "...و كانو هم يتابعون نظراتهم بصمت حتي قال محمد : متفهمونا في ايه
امنيه بخبث : اصل ..
عمر مقاطعا : مفيش حاجه خالص
امنيه : لا في اصل البشمهدس كان هيخبطني بالعربيه امبارح
الجميع : ايه
شريف بخوف : ازاي يعني ..وانتي مقولتلناش ليه
امنيه بضحك : اهدي يا عم منا زي القرده اهو
احمد: مقولتلناش ليه يا امنيه .. طب جرالك حاجه يعني
عادل بعصبيه : انت يابني مستهتر حتي ف ده
حسن بهدوء : اهدو كده ..وانت استني شويه يا عادل ..ايه الي حصل يابني
عمر بتوتر : ياعمي هي الي كانت بتجيب حاجه ف نص الطريق و من المكان الي بيعدي منو العربيات و احمدو ربنا بئا اني شوفتها
حسن لامنيه : مية مره قولتلك احنا مش ف تركيا عشان تعملي كده يا امنيه
عادل : خلاص يا جماعه حصل خير
لاحظت امنيه عيون صغيره تنظر لها ف نظرت لهذا القزم الذي يحدق بها وما ان راته حتي ان قفزت من فرحتها قائلا : كريم
كريم : لا والله ..لسه واخده بالك حضرتك
امنيه بضحك : معلش يا حبيبي انت ايه الي جابك هنا
كريم بضحك : منا اخو الصايع
نزلت امنيه لمستواه وهمست في اذنه قائله : هو الغلس ده اخوه
كريم باسف : ايوون للاسف
كانو ينظرون لهم غير فاهمين ما يحصل
مازن : انتو تعرفو بعض منين
كريم : مهي ديه المس بتاعتي
عمر : لا والله
كريم بفرحه : انا مبسوط اووي يا مس ان انتي هتتجوزي اخويا وهنفضل مع بعض علي طول
امنيه بسعاده : وانا والله
حسن لعادل : طب قبل اما نقرا الفاتحه يا عادل امنيه وعمر يروحو الحديقه يتكلمو مع بعض لو حد عايز يسال التاني علي حاجه يعني ..
عادل : ماشي .. يلا يا عمر روح وامنيه جايه وراك
عمر : حاضر
شريف لاحمد : ده امنيه هتاكله
احمد بضحك : تاكله بس ..ده هيطلع من الدنيا قبل اما يدخلها يا عم
...........
كان ينظر لها بابتسامه و هي تنظر له باستغراب ثم قالت : انت يابني غاسل سنانك و جاي تستعرضها هنا ولا ايه ..؟!
عمر علي نفس ابتسامته : بحاول اكون لطيف
امنيه :امممم ثم نظرت الي الارض و عمر نظر لها باستغراب قائلا : انتي في حاجه واقعه منك و لا ايه ..؟!
امنيه بخجل : بحاول اكون خجوله
عمر : عسل يا بت
امنيه باستفزاز : عارفه عارفه .. ثم قالت بجديه : انت عايز تتجوزني بصراحه
عمر : عايزه الصراحه
امنيه : اها
عمر : لا
امنيه : والسبب
عمر: انا عايش حياتي بالطول والعرض و عارف بنات اكتر من شعر راسي و..
امنيه مقاطعه : صايع يعني ..؟!
عمر : بالظبط .. وانتي ؟!
امنيه : انا مش عايزه بس عشان بابا مش يزعل مني
عمر : امممم طب هنعمل ايه يا فالحه
امنيه بخبث : بص احنا هنتخطب و نفضل مع بعض حوالي 5 او 6 شهور و بعدين انت تروح تقول لاهلك ان انا وانت مش متفقين مع بعض و تجيب العيب عليا و طول الوقت نتخانق قدامهم وانا اروح اقول لاهلي نفس الكلام واجيب الحق عليك
عمر : اشطا ..بس انتي مش شايفه ان 6 شهور كتير اووي
امنيه : يا ذكي عشان ميقولناش انتو لحقتو و الكلام ده يعني نكون قعدنا مع بعض فتره كافيه
عمر : لا ذكيه ..ذكيه ايه انتي خبيثه اوووي
امنيه بفخر : i know
عمر : وانا الي كنت بحسب انا بس الي متكبر
امنيه : انا مش متكبره ع فكره ..ديه بس ثقه
عمر : ايه رايك لوقت اما ننفصل نبئا اصحاب ثم مد يده اليها قائلا : اصحاب مدت امنيه يدها ايضا قائله : اصحاب
عمر : مش هتزعلي لو عرفت بنات وكده
امنيه : as you like
عمر باعجاب : اول مره اشوف بنت قويه زيك
امنيه : طول عمري ع فكره
عمر : وديه ثقه بردو
امنيه : yes
عمر : يلا بئا عشان اتاخرنا عليهم
امنيه : اوك
.........
حسن لامنيه : ها نقرا الفاتحه
امنيه بخجل مصتنع : الي انت شايفه يا بابا
انفجر اخوتها وعمر من الضحك و هي معهم ايضا
عادل : خلاص نقرا الفاتحه
حسن : لا ثانيه ... انا الاول عندي طلب
عادل :اؤمر
حسن : نكتب الكتاب ف الخطوبه
امنيه وعمر : نعم ..؟!
عادل : اكييد هنعمل كده
امنيه لنفسها : اهدي يا امنيه ديه مجرد ورقه مش هيجري حاجه
قرؤ الفاتحه ثم تحدثو قليلا وغادرو
احمد : ام...
امنيه مقاطعه : احمد الله يخليك مش عايزه كلام دلوقتي انا طالعه اوضتي ..ركضت امنيه علي غرفتها و فهمت حبيبه ما بها و صعدت ورائها ... رمت امنيه جسمها علي السرير و بكت بشده وتعالت شهقاتها اخذتها حبيبه بين ذراعيها قائلا : اهدي يا حبيبتي ..امنيه ادي لنفسك فرصه تانيه .. مش كلهم زي اسر يا حبيبتي
امنيه ببكاء : لا يا حبيبه كلهم اسر كلهم شبهو
حبيبه بمرح : طب يبئا يزعلك كده والله لهجرجرو ف المحاكم و ارفع عليه قضية سب وقذف
ضحك امنيه وقالت : شهيقدر اصلا
حبيبه : عارفه يا حبيبتي انك شرانيه ومحدش يقدر عليكي
.........
نهاية البارت يارب يعجبكو
التققيم
البارت 4 من قصتى ظلمتنى ولكن أحببتك
قد تكوني مهتمة بالمواضيع التالية ايضاً