البارت التانى من روايتى الأولى "ظلمتنى ولكن أحببتك"
أهلا باللى كان متابع روايتى من البارت الاول واللى مش متابع
الرابط اهوhttps://adlat.net/showthread.php?t=278275
يلا نكمل
البارت الثاني ....
كان يقف امام المراه يصفر .. شاب في 25 من عمره .. ذات العيون العسليه..و البشره البيضاء و الشعر البني ... تدخل عليه اخته في 22 من عمرها .. و تبدا بالصراخ ..
دارين بصوت عالي :أنت هنا يا عمر وبابا بيدور عليك
عمر وهو يحاول اسكاتها :ايه يا دارين الصوت ده اهدي يا ماما اهدي يا حبيبتي ...وبعدين قولتلك مليون مره خبطي يا مااما قبل اما تدخلي مش حااطط الباب ده زينه يعني ..
دارين بهمس :بابا قالب عليك البيت ..
عمر: نعم ..!! بتقولي ايه ..علي صوتك شويه يا دارين
دارين بصوت عالي : بابا قالب عليك البيت
عمر بنفاذ صبر :دارين حبيبتي متعليش صوتك اوي او توطيه اوي خليه متوسط تعرفي..؟!
دارين :يا عم ما تقول كده من الاول ..بقولك بابا قالب عليك البيت عشان موضوع العروسه
عمر بملل:يووه انا مش عايز اتجوز انا كده برنس ...
دارين : متهزرش يا عمر انت بتستهبل اصلا..يعني عاجبك الصرمحه بتاعتك ديه .. ولا البنات الي انت تعرفها ..ولا انك بتتاخر بره البيت
عمر :خلااااص انتي معاكي ملفي كلو ولا ايه
دارين بغرور : منا قولتلك مية مره اعمل الي انت عايز بس من غير ما ياخد بااله مسمعتش كلامي
عمر :خلاص يا ختي يارتني كنت سمعة كلامك ...اعمل ايه دلوقتي
دارين :طب ما تشوف العروسه مش يمكن تعجبك ..
عمر : حتي لو عجبتني انا اخري يومين تلاته وخلاص مليش ف الجواز
دارين : حراام عليك يا اخي الي بتعمله ده انت مش ملاحظ انك عندك اخت بنت
عمر :لا ما انتي مخطوبه ياختي
دارين :لا ذكي ياض
عمر بغرور :عارف عارف ..مازن فين
دارين :في الشغل يا فااشل ..انت هتروح فين دلوقتي
عمر :ورايا ميعاد مع البت بتاعتي
دارين :وعلي كده بتحبها يا فالح
عمر بسخريه :لا طبعا انتي هبله
دارين بجديه :عمر انت بكره رايح عشان تتقدم لواحده بنت ناس ..اتعدل و اقطع علاقتك بالبنات ديه
عمر :هاهاهاها حلوه النكته ديه انا ماشي قبل اما بابا ييجي سلام
دارين بصوت عالي :يابابا عمر ماشي الحق
عمر :يا حيواانه تعالي هن..
قطع كلامه صوت والده قائلا :رايح فين يا بشمهندس
عمر :احم رايح الشركه يابابا
الاب بعدم تصديق :بجد عمر باشا هيروح الشركه ..وهتروح تعمل ايه بئا ..مش انت متخرج من كليه فنون جميله .. يعني المفروض ان سيادتك مهندس ديكور
عمر :أحم اها يابابا
الاب :عمر انت مكنتش كده يابني اتعدل ..انت بكره هتروح تخطب
عمر :يابابا لذومه ايه يعني اني اتجوز انا ممكن اتعدل لكن من غير جواز
الاب : حسن والد العروسه ده شريكي ف الشركه اظن عارفه
عمر بتافاف:اها عارفه ماله ..؟!
عمر بحزن :يا حول الله يارب ..ربنا يشفيه ..حاضر يا بابا هاجي مع حضرتك بكره ..بس لو معجبتنيش
الاب غامزا له :متخافش هي البت حلوه يعني
هنا تاتي والدته قائله :بتقول حاجه يا عادل
عادل بخوف :لا يا حبيبتي مبقولش
الام :اهاا بحسب
عمر ضاحكا :سلام انا بئا اسيبكو تحبو ف بعض
عادل بتحزير :عمر
عمر :حاضر حاضر عارف هتقول ايه ..سلام
الجميع :سلام
ركب سيارته وذهب و رن هاتفه باسم مازن
عمر :اهلا باخويا العزيز
مازن :ايوه يا تافهه انت فين
عمر : ف العربيه ورايا ميعاد
مازن :اهااا قولتي ..انت مش ناوي تبطل شغل الهبل ده
عمر ضاحكا :لا الله يسترك انا مش ناقص ابوك لسه مديني اسطوانه تمام
مازن :اهاا عشان العروسه الجديده
عمر :ايوه يا اخويا ..ايامها معايا عنب ..
مازن :احترم نفسك ياض عيب
عمر بسخريه :عيب ايه بس ...يا نهاار اسود
مازن بخضه : في ايه يا عمر
عمر بغضب :خليك معايا كده يا مازن
وفي الجهه الثانيه
تمشي امنيه مع صديقتها متوجهه الي رياض الاطفال الي تعمل بها ..وهي تمر الطريق يقع منها نضارتها الشمسيه وتذهب لاحضارها ...وهنا تاتي سياره يتحدث صاحبها ف الهاتف ...عمر ... وعندما يراها يتوقف بالسياره وينزل منها غاضبا ..كانت هي خائفه ومغمضه عينيها و توقفت عن الحراك
عمر بغضب :مش تاخدي بالك يا بني ادمه انتي
تفتح هي عينيها الزرقاء وتبعد خصلات شعرها عن عينيها : هو في ايه يعني انت كنت هتخبطني وبعدين جاي تزعق
توقف هو ونظر في عينيها الجميلتين و توقف عن الكلام
امنيه بغضب :ايييه يا انت اتخرست ليه دلوقتي مش كان صوتك عالي
عمر :هاا
وهنا تاتي صديقتها لتصلح الموقف : خلاص يا امنيه حصل خير
امنيه بغضب :حصل خير ايه انا كنت هموت
وهنا استعاد عمر وعيه وقال بغضب : لا والله مش انتي الي غلطانه ..والله انا راجل مش فاضي عشان اتكلم مع بنت هبله زيك
امنيه بصدمه :ايه ده انت بتشتمني يا انسان انت
عمر بتريقه :ايه ده انت بتشتمني يا انسان انت .. ايوه بشتمك في حاجه
امنيه :مهو لو انت راجل متربي و متعلم ازاي تتكلم مع البنات كنت اتكلمت معاك باحترام لكن انت انسان تافهه
وذهبت وتركته و هو واقف يضحك علي تصرفاتها ...
..
نهايه البارت يا رب يعجبكوابتسامة
إظهار التوقيع
توقيع : كيوت متل التوت
التوقيع لا يظهر للزوار ..
رد: البارت التانى من روايتى الأولى "ظلمتنى ولكن أحببتك"
إظهار التوقيع
توقيع : صفاء الحياة
التوقيع لا يظهر للزوار ..
رد: البارت التانى من روايتى الأولى "ظلمتنى ولكن أحببتك"
رد: البارت التانى من روايتى الأولى "ظلمتنى ولكن أحببتك"
إظهار التوقيع
توقيع : دوما لك الحمد
التوقيع لا يظهر للزوار ..
رد: البارت التانى من روايتى الأولى "ظلمتنى ولكن أحببتك"
إظهار التوقيع
توقيع : للجنة اسعى❤
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| مصطلحات نفسية : المزااااااج | ¥~alaa ~¥ | العيادة النفسية والتنمية البشرية | ||
| إرشادات تتعلق بأوقات وجبات الأطفال ما بين السنة الأولى والثانية | الملكة نفرتيتي | العناية بالطفل | ||
| ملف كامل عن الحرب العالمية الأولى | اماني 2011 | شخصيات وأحداث تاريخية | ||
| {لن أتمنى بعد الآن } روايتى الأولى بقلمى {تعالو تابعونى} | عمر ابانا وعائشه امنا | أقلام عدلات الذهبية | ||
| [قصص حب] روايتى الأولى ظلمتنى ولكن أإحببتك | كيوت متل التوت | قصص - حكايات - روايات | ||
الساعة الآن 02:10 AM
جميع المشاركات تمثل وجهة نظر كاتبها وليس بالضرورة وجهة نظر الموقع