أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

انا محتاجه مساعداتكوا اووووي

إضافة رد  أضف للمفضلة
https://adlat.net/showthread.php?t=237483
2171 13
#1

افتراضي انا محتاجه مساعداتكوا اووووي

انا جديده هنا في المنتدي ومحتاجه انكوا تساعدوني في مشكلتي معلش هي طويله بس استحملوني





انا كنت مرتبطه بزميلي 3 سنين ومكنش عارف يجي يتقدم عشان لسه في الدراسه المهم السنه اللي فاتت اهلي خطبوني غصب عني لواحد جاب شبكه غاليه وشقته كانت كبيره اهلي اتخموا فيه اتخطبت اسبوع بالظبط وفشكلت عشان طلع بتاع بنات وعرفنا من ناس بعد مافشكلت اني لو كنت اتجوزت اهلي مكنوش هيشفوني زميلي كان تعبان اوووي بعد مافشكلت بعدها بكام شهر اول ماخلصنا جيه اتقدم علطول وكان لسه ميعرفش موقفه من الجيش ومكنش معاه اي فلوس لشبكه وعفش المهم اول قاعده والده قال لوالدي كل الظروف وقال لو ابني مكنش عايز بنتك انا مكنتش جيت عشان ظروفنا متسمحش للجواز دلوقتي فقال لوالدي احنا هنجيب ب 5000 شبكه ونكتب 70 جرام فيالقايمه والعفش عموله واكتب المؤخر اللي انت عايزه بابا كان قاعد ساكت مش عاجبه الكلام فوالد زميلي بيقول لبابا انتوا بتعملوا العفش بكام بابا قاله معرفش اسال والد زميلي قاله انا معرفش اول مره اجوز حد من عيالي بابا مش ريحه برضه فالراجل قاله يعني في حدود 50000 فبابا قال اه خدوا واجبهم ومشيوا بابا قعد 15 يوم معلقهم ومردش عليهم لغايه لما انا قولتله مينفعش كدا فاتصل علي زميلي وقاله جيب والدك وتعالي المهم جيه هو ووالده ومامته فبابا بيقول لوالده انت قولت طبعا هتجيب العفش ب 50000 فقال لا اتا مقولتش كدا فبابا قاله انت مقولتش كدا طيب انا بقا عايز شبكه 10000 والعفش يجي من دمياط والمؤخر 25000 فباباه قال لبابا انت جاي تصغرني قدامك مانا قايلك علي الظروف من الاول فمامت احمد قالت انا والله هعمل لابني عفش عموله بس هيبقي كويس مش هعمله حاجه وحشه بابا قال لا قعدوا يتكلموا في حوار العفش يجي نص ساعه وبابا مصمم علي رايه قام والد زميلي قال ماشي شكرا ومشيوا الموضوع ده من شهر 8 اللي فات ومن ساعتها كل اللي بيتقدملي بيتنك علينا ومحدش فيهم عدل ووالد زميلي رافض يجي تاني انا مش عارفه اعمل ايه ومش عارفه اتصرف مين الصح ومين الغلط
ووالد زميلي نعمل ايه عشان يوافق يجي تاني ساعدوني الله يخليكوا


#2

افتراضي رد: انا محتاجه مساعداتكوا اووووي

بصى يا قمر حاولى تقنعى والدك بظروف زميلك

وهو من ناحيته برده يحاول يتساهل فى الطلبات الموضوع مش موضوع فلوس وعفش لا الموضوع موضوع راجل هياخد بنته هل يقدر يتحمل مسؤولية ولا لا

ده المهم وربنا يطمنا عليكى
إظهار التوقيع
توقيع : حنين الروح123
#3

افتراضي رد: انا محتاجه مساعداتكوا اووووي


المشاركة الأصلية كتبت بواسطة حنين الروح123
بصى يا قمر حاولى تقنعى والدك بظروف زميلك

وهو من ناحيته برده يحاول يتساهل فى الطلبات الموضوع مش موضوع فلوس وعفش لا الموضوع موضوع راجل هياخد بنته هل يقدر يتحمل مسؤولية ولا لا

ده المهم وربنا يطمنا عليكى

المشكله مش في والدي دلوقتي اهلي حاسوا بقيمه بس المشكله في والد زميلي رافض يجي تاني قال دول ناس مش قدروا ظروفنا هنروحلهم تاني ازاي
واهلي شايفين انه لو كان شاريني وعايزني كان جاب الطلبات
#4

افتراضي رد: انا محتاجه مساعداتكوا اووووي


المشاركة الأصلية كتبت بواسطة asmaa benky
المشكله مش في والدي دلوقتي اهلي حاسوا بقيمه بس المشكله في والد زميلي رافض يجي تاني قال دول ناس مش قدروا ظروفنا هنروحلهم تاني ازاي
واهلي شايفين انه لو كان شاريني وعايزني كان جاب الطلبات
يبقا زميلك يحاول يقنع اهله

وانتى من ناحيتك حاولى توصلى لاهلك ان الطلبات غالية عليهم وممن توصلو لحل وسط يرضى الطرفين عندك وعنده
إظهار التوقيع
توقيع : حنين الروح123
#5

افتراضي رد: انا محتاجه مساعداتكوا اووووي

يعني انا لسه جديده وكتبت مشكلتي بحسب ان حد هيرد عليا مفيش غير واحده ربنا يفرح قلبها اللي ردت عليا وعبرتني بجد شكرا ليكوا واسفه اني كتبت مشكلتي
#6

افتراضي رد: انا محتاجه مساعداتكوا اووووي

متزعليش ان محدش رد عليكى لانك كاتبة متاخر ومعظم البنات مش موجوده لكن بكرة باذن الله اكيد حيردوا عليكى ..واهلا بيك فى المنتدى واحنا هنا كلنا اخوات وبنخاف على بعض وبنساعد بعض .
شوفى ياقمر بالنسبة لمشكلتك خلى زميلك يقنع بباه وفى نفس الوقت انتم تتنازلوا شوية فى الطلبات او يبقى الجهاز بالنص او مثلا هما يشيلوا اوضتين وانتم اوضة وبكده يبقى انتوا راعيتم ظروفهم .
ونرجع ونقول كل شئ قسمة ونصيب وربنا يكتب لك اللى فيه الخير يارب
إظهار التوقيع
توقيع : zozoweza
#7

افتراضي رد: انا محتاجه مساعداتكوا اووووي

حبيبتي متزعليش زي مقلتلك زوزو احيانا منكتب بوقت متاخر ومحدش برد لكن تاني يوم غالبية العدولات بترد
وبالنسبه ليكي كلمي والدتك وهي تقنع والدك وزميلك يقنع اهلو معليش عشانك هو برضو لازم يضحي حبيبتي ولازم يستحمل
لازم يكون في حل وسط
علما بان الموضوع ده عمل شرخ بين اهلك واهل زميلك ولو انا مكانهم ممكن اعمل زيهم لكن ... زميلك لازم يكون الو دور في الحكايه دي يا قلبي
لو فعلا مصمم يقنع اهلو
انا اعرف كتار كده والشاب هو الي يقنع اهلو لانو فعلاعاوز البت دي
يعني متخفيش بتحصل وبعدها بوقت بتنحل الامور
إظهار التوقيع
توقيع : صفاء الحياة
#8

افتراضي رد: انا محتاجه مساعداتكوا اووووي

بصي يا سمكه خلي خطيبك دا ان شاء الله هيبقي خطيبك يقنع باباه انه يجي يتقدم تاني علشان خاطر هو ابنه واكيد يهمه سعاته وانتي كمان تحاولي تقنعي باباكي انه يتسهل شويه في الطلبات
#9

افتراضي رد: انا محتاجه مساعداتكوا اووووي

ربنا يفرح قلبكوا يااارب
#10

افتراضي رد: انا محتاجه مساعداتكوا اووووي

عزيزتى اسماء انا رائى انك تقنعى والدك بظروف هذا الشاب وان يقدر ظروفه وبعدين ماهو فى قيمة تحفظ حقك وربنا يوفقك وانت منورة المنتدى وكل الموجودين اخواتك ياقمر
#11

افتراضي رد: انا محتاجه مساعداتكوا اووووي

ايه ده ده الجواز عندكم غالي جدا انا بصفتي مغربية معندناش الحاجات دي هو صداق وعرس ولما تبيجي الشقة نتساعد انا وهو وناثثها بزوقنا
#12

افتراضي رد: انا محتاجه مساعداتكوا اووووي

ربنا يصالح لكى الحال بس العيشة غالية انا روحت خطبت لابنى زى والد زميلك ده ويمكن اقل بكثير انا ابنى كان يتيم وابوها لواء بمكان حساس فى الدولة بس البنت اقنعت اهلها ورحت ومعايا ربنا لقيت الرجل الله يكرمه بيشيد بيا وبمجهودى مع اولادى واد ايه انا ست رائعة انى علمت اولادى شهادات عالية كده بظروفى وان هو مش عايز منا اى حاجة هو بيشترى راجل وصدقينى الخفيفة كانت عالينا والثقيلة عاليه وابنى سعيد جدا فى حياته ومن يوم ما دخلنا بيتهم ووالد زوجته معتبره ابنه على حق لانه معندهوش غير 3 بنات يوم ما قرائنا الفاتحة قالة من اليوم انا اسمى بابا مفيش عمى اضغطى على والدك شوية وزميلك يضغط على باباة يا بنتى ومشى طالما انه كويس الحياة تعاون مش مظاهر وربنا يوفقك
#13

افتراضي رد: انا محتاجه مساعداتكوا اووووي

شوفى ياحبيبتى انتى حاولى اقنعى باباك اذا ما اقتنع خلى مامتك تتكلم معاه وان شاء الله يرضى بعدين باباك رح يكلم ابو زميلك وان شاء الله حيتحل الموضوع بقدرة الله انتى اعملى استخارة الاول واتوكلى وكلمى باباك
#14

افتراضي رد: انا محتاجه مساعداتكوا اووووي

إذا أردت أن يتحقق ما تريدين صلي قيام ليل وادعي الله و أنتي موقنة بالإجابة وربي يوفقك


قد تكوني مهتمة بالمواضيع التالية ايضاً
الموضوع كاتب الموضوع المنتدى
سلاسل حلوة اووووي .. ♥ ♥mnoon♥ اكسسوارات ومجوهرات وأحذية
زعلانة منكمممممممممممممم اووووي عاشقة الصلاه مضيفة عدلات
لعبه حلوه اووووي ♥ احبك ربى ♥ فرفشة عدلات
افكار لتزيين غرف الاطفال حلوة اووووي Momo 19 اعمال يدويه لتزيين المنزل
فساتين زفاف جامدة اووووي زقزقية مزقزقة فساتين زفاف وخطوبة 2022


الساعة الآن 12:45 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل