تنظيف البشرة .كيفية الاعتناء وتنظيف البشرة بالبيت,,علة طريقة الصالونات,,
كلكم عارفين ان البشرة تحتاج تنظيف من وقت للثاني
و خاصة اللي يستخدمون ميك اب كثير
و البعض منا ما يتوفر له الوقت او القدرة للذهاب الى الصالونات او مراكز التجميل
عشان كذا اختكم سلفوني قررت تساعدكم و تسهلها عليكم
طبعا اكيد الطريقة بتختلف من صالون لثاني
سواء يكون اكثر او اقل خطوات
المهم هاذي الطريقة بتعجبكم و اذا سويتوها اسبوعيا .. بتشوفون بشرة حلووة
ما ودي اطول عليكم بدخل بالتفاصيل على طول
أولا : لازم تتوفر عندك الكريمات التالية :
-كريم للتنظيف العميق
-مقشر ..
-ماسك (قناع) ..
اي نوع يناسب بشرتك طبعا .. هناك اكثر من شركة ممتازة ..
عندك مثلا شركة نيتروجينا
و شركة نيفيا .. بس ما ادري يتوفر منها قناع او لا ..
و شركة كلين اند كلير من جونسون
و شركة ستيفيز .. وهي المفضلة عندي
طبعا بالنسبة للي .. استخدم العناصر التالية :
كريم التنظيف العميق من كلين اند كلير
مقشر من ستيفز
قناع من ستيفز
كريم الترطيب من ستيفز ايضا .. انا استخدم بالكولاجين مررة ممتاز
طبعا الكريمات اللي انا استخدمها تنفع لجميع انواع البشرة .. و هذا اللي يميزها
ثانيا : وفري العناصر التالية
* ابرة التنظيف الخاصة للبشرة
تلقينها في البودي شوب .. او بأي محل تجميل
للمعلومية في منها انواع كثيرة
انا معي هالنوع
* جهاز بخار للوجه ..
اذا ما عندك لا تزعلين .. لان في طريقة القدر
* فوطة
* ربطه تلمين فيها شعرك
* اسفنجة
حطي زبدية صغيرة فيها موية دافية .. و حطي الاسفنجة داخلها
بتفيدك عشان ما تضطرين تروحين كل شوي دورة المياة و تغسلين وجهك
* كاس حطي فيه قطع ثلج
قبل نبدأ : :
1- اول شي .. قومي بتشغيل جهاز البخار عشان يكون جاهز وقت الاستخدام .
2- ارفعي شعرك بربطة او طوق او اي شي .. عشان ما تحوسين الدنيا
3- خلي كل شي جنبك عشان ما تضطرين تروحين و تجين
و اذا ما كان عندك جهاز البخار .. انقلي الاغراض بالمطبخ .. لانك بتحتاجين الفرن
4- يفضل تقفلين المكيف الين تخلصين
بسم الله .. نبدأ بالطريقة :
* بللي وجهك بالماء ( عن طريق الاسفنجة و الموية الدافية)
* ابدأي بكريم التنظيف العميق
حطيه بوجهك و الرررررررررقبة يا حرام لا تنسوها .. و قومي بتوزيعه .. بررررررفق
بنات خلوا عنكم العربجة .. الا بشرة الوجة يبيلها ضغط خفيف .. دلع يعني
و بإتجاهات معينة عشان ما تتهدل بشرة الوجه مع الزمن
يعني يا حبيبات البي .. مهم تعرفين كيف تحركين يدك بخفة و بإتجاهات صحيحة
عشان يصير تنظيف و مساج بنفس الوقت ^_^
كنك توزعين كريم اساس بس لاحظي عند الذقن .. لازم تحركين ايدك بإتجاه الاذن
و الرقبة نفس الشي .. تحركينها لفووق
بالنسبة للمنطقة المحيطة بالعينين .. قفلي عيونك .. و حركيها بالشكل التالي :
لاحظي اتجاه كل عين عكس الثانية ..
و دايما الفلبينية وهي تدلك وجهي .. تضغط جنب عيوني بقوة .. مو مرة مرة قوة ..
بس اقوى من التدليك العادي ..
استمري بالتدليك .. لمدة 3 الى 5 دقائق بعد ما تنتهين
امسجي وجهك بالاسفنجة زين .. و نفس اتجاهات التدليك يعني من تحت لفووق
* الحين حطي المقشر ووزعية على البشرة بدون تدليك .. فقط وزعيه
* بعدين يجي دور جهاز البخار
حاولي تقعدين فيه مو اقل من 10 دقائق و مو اكثر من 20 دقيقة
او على حسب الوقت اللي تتحملينه
اللي ما عندها الجهاز .. تحط قدر على النار .. و تجيب فوطة
و بعد البخار .. دلكي وجهك .. لا تنسون المقشر ما زال موجود على البشرة ما مسحناه
يعني سوينا بخار للوجه و المقشر موجود عليه
دلكي وجهك بنفس طريقة المساج الموجود بالصور و مقطع الفلاش
***- **تجنبي المنطقة المقاربة للعينين ***- **
بعد 5 دقائق .. امسحي وجهك بالاسفنجة
* اعيدي الخطوة الاولى مرة اخرى .. اللي هي كريم التنظيف العميق .. حطي الكريم و دلكي وجهك مرة ثانية لمدة 3 الى 5 دقائق ثم امسحي وجهك مرة اخرى بالاسفنجة بس حاولي تمسحينه زين هالمرة او تغسلينه بدورة المياة بالماء بس .. اغسليه زين
خلال روحتك لدورة المياة .. فرصة انك تجددي الموية اللي فيها الاسفنجة
* هاتي ابرة تنظيف الوجه .. و اضغطي على اماكن تواجد الزيوان الوسخ يعني .. و اللي غالبا ما يكون في الدقن و الانف و الجبين .. اضغطي الابرة برفق على هالاماكن
امسحي وجهك بالاسفنجة
* هذه الخطوة اختياريه .. وهي انك تحطي خلطة لتغذية و نضارة البشرة اذا كان عندك خلطة تحبي تستخدميها .. البطاطس المخلوط بالخلاط حلوو للهالات السودة تحت العين
خليه بالوجه 10 دقايق او اكثر اذا انتي رايقة ^_^
* حطي الماسك على الوجه : يا أما ماسك طبيعي .. اي ماسك يناسب وجهك
و خليه من 10 الى 20 دقيقة .. ثم اغسليه
او ماسك جاهز
المهم حطي الماسك .. ووزعيه على وجهك .. ما عدا المنطقة العيون و منابت الشعر و الحواجب
تقدري تحطين شريحتين خيار على عيونك
في انواع كثيرة للاقنعه في نوع يجف و يغسل
مثل هالصورة اللي فوق
...
وفي نوع مثل الجل .. يجف و يزال بالسحب
بس حطي طبقة مناسبة .. لا تكثرين مرة و لا تقللين مرة
و المهم انك ما تقللي .. لانك لو قللتي بيتقطع و يصير صعبة ازالته
* بعدين خذي الثلج و مرريها على وجهك الين تذوب
في بنوتات حلوات يحطوا موية ورد في مربعات الثلج و يحطوها بالفريزر و يستخدموها لهالمرحله
و كلكم تعرفوا موية الورد وشكثر حلوة للوجه
* حطي الكريم المرطب على الوجه
في امان الله
إظهار التوقيع
توقيع : sηfoorћ♪'
التوقيع لا يظهر للزوار ..
رد: تنظيف البشرة .كيفية الاعتناء وتنظيف البشرة بالبيت,,علة طريقة الصالونات,,
رد: تنظيف البشرة .كيفية الاعتناء وتنظيف البشرة بالبيت,,علة طريقة الصالونات,,
إظهار التوقيع
توقيع : ضــي القمــر
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| ديكورات غرف نوم دمياط مودرن وكلاسيك 2024 غرف نوم مجموعة منوعة للعرسان | sweet angel | غرف نوم 2022 | ||
| البشرة الدهنية وانواعها والعناية بها بالتفصيل | نسيم آڸدکَريآت | العناية بالبشرة | ||
| طرق تنظيف البيت | لؤلؤة الايمان | افكار وتجارب منزلية | ||
| شركه العنود للخدمات المنزليه بمكه | rosh ahmed | سوق المستعمل | ||
| عملية تنظيف البشرة (فيشل),كيف تنظفين بشرتك,تنظيف البشره وجعلها براقه | حياه الروح 5 | العناية بالبشرة | ||
الساعة الآن 09:46 AM
جميع المشاركات تمثل وجهة نظر كاتبها وليس بالضرورة وجهة نظر الموقع