أو

الدخول بواسطة حسابك بمواقع التواصل



عدلات

> اقسام الاناقة والجمال

> العناية والجمال

> ميك اب ومكياج

كل شي عن ميك اب الحفلات

إضافة رد  أضف للمفضلة
https://adlat.net/showthread.php?t=64299
10812 19
#1

افتراضي كل شي عن ميك اب الحفلات

تهيئة البشره قبل المكياج


طبعا اذا بتسوين خطوات الي بذكرها لازم تزيدين 20 دقيقه لي ربع ساعه قبل الوقت عشان تضمنين وجه مشدود وبشره نظره ونظيفه ناعمه ورطبه وقولو باي باي لويه مدهن بنص الحفله وفاونديشن متشقق ويخطط





#1

يفضل نسوي سكرب ( تقشير البشره ) عشان تكون نضيفه ونزيل الجلد الميت وتكون البشره صافيه قد مانقدر



[IMG]https://up2.**- /uploads/ee643c4ab2.jpg[/IMG]

2

واذا ماعندج وقت للسكرب نظفي ويهج بالتونك عدل والخطوه مهمه بالذات اذا كان في رواسب ميك اب واذا كنتي حاطه ميك اب قبل يعني مثلا بقايا ميك اب الدوام يفضل تنظفين ويهج بالكلينسنغ ملك ( حليب المنظف) افضل بوايد من ( الفوط او الكلينكس مزيلة المكياج ) لانها شوي قويه نوعا ما ويمكن تسبب احمرار او وهالشي نبي نبتعد عنه عشان الميك اب يكون تمام التمام


[IMG]https://up2.**- /uploads/cfea42f4f6.jpg[/IMG]


[IMG]https://up2.**- /uploads/5a585548ba.jpg[/IMG]

#3
والخطوه قبل الاخيره اخذي ماي ورد + عبيه بمكعبات الثلج البلاستك الي بالفريزر

[IMG]https://up2.**- /uploads/6c202a06b4.jpg[/IMG]


[IMG]https://up2.**- /uploads/e371ff976e.jpg[/IMG]


وخليهم لاستخدامج كل مره وهالحركه جدااااا مهمه ليييييييييش ؟؟؟؟
• اول شي ماي الورد ينعم ويهدي البشره ويتركها مرتاحه وبنفس الوقت منعش
والحين بستالون ليش اثلجه ؟؟
• عشان يشد البشره لان معروف الماي البارد او حتى تمرير ثلجه على الوجه كله تشد البشره وتسكر المسامات المفتوحه من بعد التنظيف العميق الي سويناه بخطوه التهيئة
بتقولون لي حجي فاضي ومو مهمه الخطوه بقولج ؟؟
• هالشي جدا مهم لاانها بتمنع ان الويه يدهن لاان المسامات المفتوحه تسبب في افراز الدهن فانتي لمن تسكرين هالمسامات تحمين نفسج من ان ويهج يدهن والفاونديشن يخترب ويخطط ويدهن معاج ،،،


طريقتي المعتمده جربوها وانشالله بتدعون لي [IMG]https://up2.**- /uploads/4930691763.gif[/IMG]



# 4

واخر ستب من تهيئة البشره اهو الترطيب وااايد مهم وانصحكم بفيتامين اي من بودي شوب اخذي النوع الي يناسب بشرتج


[IMG]https://up2.**- /uploads/196445ce28.jpg[/IMG]


اساس السهرات ::

حبايبي في تقريبا 3-4 انواع


1- الاساس المات ( المات لوك ) ::


الي اهو المطفي غير الامع وتكون فيه البشرة مطفيه ومافيها لمعه ونصيييييحه اذا بشرتج جافه من قلب لاتتبعين هاللوك عشان بيزيد مشكلتج وببين جفاف ويهج



وعشان نسوي هالنوع نحتاج لاساس يكون مات من اي مااااركه تعجبج ولازم يكون فاونديشن مات

ومن تجربتي امدح لج كريولاين فيتا كولور بس اخذي المات مو الجلوسي

[IMG]https://up2.**- /uploads/579d15101c.jpg[/IMG]

او فيج تستخدمين الكيك فاونديشن واهو اقوى الانواع من المات وطبعا ارشح لكم كريولاين

[IMG]https://up2.**- /uploads/f2ec5521d7.jpg[/IMG]

وهالشغله حلوووه اذا تبين مكياجججججججججججج يكون مات استخدمي هالنوع مثل الجل على كريم ووزعيه بالذات على منطقة التي زون

[IMG]https://up2.**- /uploads/dcf3c2f5ea.jpg[/IMG]

واهيا اكثر المناطق الي تدهن وتلمع


ارشحج لج ماك و ميك اب فور ايفر نو واااااااي يدهن الويه

[IMG]https://up2.**- /uploads/7019add420.jpg[/IMG]

وتستخدمينه قبل لا تحطين الاساس على الويه خليه 5 ثواني تقريبا وبعدين وزعي الفاونديشن





3- Dewish look : اللوك الرطب ومثل مايسمونه لمعة الماي



واهو اللوك طبيعي على رطب واااااايد حلو ونتيجته على منطقه الخد في لمعه رطبه كأن في الويه ماي شويه




نصيييييحه :: اذ ويهج دهني من قلب ابتعدي عنه بالذات اذا عندج مناسبه وحفله مهمه



وعشان تسوينه بتحتاجين التالي ::


اي نوع تفضلينه لكويد فاونديشن الي اهو الاساس السائل


او


اي نوع تفضلينه من اساس كريمي مثل كريولاين الكريمي تغطيته حلوه للحفلات

[IMG]https://up2.**- /uploads/534bfddd7f.jpg[/IMG]

وبنحتاج اي نوع تفضلينه لوز باودر وافضل نوع للحفلات وعشان يطلع لوكج طبيعي افضل مااااااك عجيب و بعد كريولاين اللوز باودر شغل عدل للحفلات

[IMG]https://up2.**- /uploads/c40aea79e3.jpg[/IMG]


[IMG]https://up2.**- /uploads/08e86e09e0.jpg[/IMG]


وبعد بنحتاج قطنه مبلوله بماي ويفضل ماي ورد كان بالثلاجه عشان يثبت الفاونديشن اكثر

والسر في اللوك الديوي او الرطب انج توزعين الفاونديشن يا ::
بفرشاه توزيع الفاونديشن مبلوله بماي
او
بسفنجه مبلوله وتوزعين على كامل ويهج


او فيج بس توزعين بالاسفنجه الرطبه على منطقه الخد بس وتخلين باقي الويه توزعينه بسفنجه ناشفه او بفرشاه ناشفه

ومن بعد توزيع الفاونديشن نمد اللوز باودر على كامل الويه



الخيار الثاني ::


[IMG]https://up2.**- /uploads/568ff8b249.jpg[/IMG]



يغنيج عن الخطوات اي ذكرتها كلها فوق اللهم عليج توزعين فاونديشنج من اي نوع وتشترين هالنوع من الفكس سبراي من كريولاين اسمه ديرما كولور فكسنغ سبراي واهو محتلف عن باقي انواع السبراي المثبت لاان ميزته يعطي لمعه الماي على الويه ويتم ثابت طووول الحفله بس انا ماايده وايد مادري احب اللمعه تكون خفيفه وباينه طبيعيه بس في النهايه الخيار لج


النتيجه سوا بسبراي ولا من غيره ::
ان بشرتج صايره رطبه بس لمن تلمسينها تلاقينها ناشفه يعني اهيا مثل خدعه بصريه بس للي يجوف يحس ويهج رطب وفي لمعه الماي








4- الفل كفرج :: او الاساس للتصوير او للحفلات والمناسبات المهمه يعني اكثر للعرايس


الي اهو الفاونديشن ذو التغطيه الشامله وبصراحه انا استخدمه بس للعرايس او لملجه او خطوبه وحده لاان بهاي الحاله بتكون البنيه مركزه الاضاءه عليها وفلاشات التصوير فلازم يكون قوي وميزته يخفي كل العيووووب ويسفلت الويه بطريقه قويه نوعا ما



وافضل الانواع الي تعطيج الفل كفرج اهو نوع الفاونديشن ستك وافضل الانواع الي اداوم استخدامها اهو::


كريولاين فاونديشن ستك :: حتى بتلاقون مكتوب عليه للتصوير السينمائي والتلفزيون ودايم احمد قبيسي يستخدمه لكل المغنيات بحفلاتهم ولا حتى بالفيديوكلبس

[IMG]https://up2.**- /uploads/616c63308b.jpg[/IMG]

النوع الثاني يعطي فل كفرج بس بعد في نفس الوقت على طبيعي شويه يعني مايتقارن بكفرج كريولاين اهو انسب للي تبي لوك طبيعي : : اسمه هاي دفنشن ومن اسمه يعني للتصوير والاعمال السينمائيه يعني لنفس الغرض للناس الي مركزه عليهم الاضاءه وللتصوير

[IMG]https://up2.**- /uploads/7b0f1e9f90.jpg[/IMG]


5- اللوك المخملي ::


وهو الي اعتمده اكثر شي لاان وااااايد حلو من قلب لانه يطلعج بلوك طبيعي وبشرتج تطلع جوناااااان على قولتهم ويصير ملمسها مثل المخمل



نصيحتي :: هالنوع يناسب كل انواع البشره وافضل الانواع من حيث الوك النهائي طبييييعي وناعم




وكل الي بنحتاجه

فاونديشن سائل ( ليكود فاونديشن) من اي ماركه تفضلينها وبالنسبه لي امدح لج هالانواع ::

ماك مينارليز فاونديشن

[IMG]https://up2.**- /uploads/d0b1b3f09d.jpg[/IMG]

كريولاين شمرنغ فاونديشن

[IMG]https://up2.**- /uploads/6cdf0c6aa0.jpg[/IMG]


كريولاين فيتا كولور جلوسي او مات اهو شوي اقوى من الشمرنغ من حيث التغطية
[IMG]https://up2.**- /uploads/2fd2768016.jpg[/IMG]

ليكود فاونديشن ميك اب فور ايفر

[IMG]https://up2.**- /uploads/5498da9dfc.jpg[/IMG]

+ اي نوع تفضلينه لوز باودر وتمررينه على كااااامل الوجه




والحين دور خلطاتي ومكساتي السريه



برويكم طريقتي اذا عندج فاونديشن طايح بجيدج من حيث ان تغطيته مو شي وانغشيتي فيه او حتى اي فاونديشن عندج اياه وتستخدمينه للدوام وخفيف برويج اشلون تحولينه لفاونديشن تغطيته اخر تمام ومناسب للاعراس والحفلات والسر في شغله وحده بس





كل الي بتحتاجينه ديرماكول

[IMG]https://up2.**- /uploads/c47dcda483.jpg[/IMG]


والاساس الخفيف


[IMG]https://up2.**- /uploads/06e90e8627.jpg[/IMG]

جوفو مثلن انا استخدم لوريال للاستخدام اليومي وباستخدام ديرماكول بحوله لاساس ينفع للسهرات ويدوم وهالكلام عن تجربه


والديرماكول للي مايعرفه اهو مثل عصاره تغطيتها قوووويه من قلب وكثيفه يعني لا تفكرين تحطينه كانه اساس لان بتكونين جنج لابسه قناع او مثل ويه كاسبر بالضبط نصييييييييحه يابنات لا تستخدمونه كساس



الفكره :: حطو كميه قلييييييييله جدا من الديرماكول لاانه وايد قوي وكميه قليله تكفيج لتغطيه الويه ومكسوها مع الفاونديشن مالكم ومكسوا على اليد وهالحركه بالذات تسخن الاساس وبالتالي يثبت اكثر على الويه








---------

والحين دور الكونسيلر من افضل ماجربت ::


بالنسبه للكونسيلر اخذي درجه افتح من لون اساسج وبليييييييييز لا تاخذين النوع الي ايكم وردي او ابيض او بيج فاتح نهاااااائيا مو حلو وكلش مو طبيعي اللون الصح اهو الاوان المصفره جريب البيج

كريولاين كونسيلر ويل :: شغل عدل واهو كونسيلر وبنفس الوقت يستخدم لنحت الويه

[IMG]https://up2.**- /uploads/1af9bd1f99.gif[/IMG]



وعندهم هالنوع الثاني بعد حلو


[IMG]https://up2.**- /uploads/6455bb057c.jpg[/IMG]


وماك اينن وااااايد حلو واكثر شي يعجبني في هالماركه اهو اختلاف الدرجات واهو تغطيته اقل واخف من كريولاين بس حلو وايد يعطي لوك طبيعي

[IMG]https://up2.**- /uploads/309dda6396.jpg[/IMG]

بوبي بروان حلوه تغطيته بس عيبه يخطط مانصحه لكم بالذات للحفلات يعني حده للدوام وبيخطط معاج بعد

[IMG]https://up2.**- /uploads/368842fa09.jpg[/IMG]





وعشان يكتمل اللوك بنحتاج هالشغلات ::

وهالشغلات اختياريه فيج تحطين او لا


طبعا امدح الماسكرات الواتر بروف للناس الي تمدع عينهم ووللبنات الي يصيحون بالاعراس خخخخخخ


[IMG]https://up2.**- /uploads/32fe529acd.jpg[/IMG]


جلترز

[IMG]https://up2.**- /uploads/c5aa9629e7.jpg[/IMG]



وبالنسبه للاساسيات لاااااازم عشان تضمنين مكياجججججججججججج يدوم اطول وقت




كريولاين فكس سبراي ( سبراي مثبت المكياج )


[IMG]https://up2.**- /uploads/f409d53f91.jpg[/IMG]


ماك فكس بلس ( مثبت للمكياج )

[IMG]https://up2.**- /uploads/675528626b.jpg[/IMG]

واذا ماعندج عبي ماي داخل اي نوع من المرشات وخليها بالثلاجه ضروووري ورشي منها بعد يثبتلج الميك اب





والطريقه انج ترشين على بعد شويه مو من جريب وترشون تقريبا مابين 3- 4 رشات تقريبا بحيت يتغطى الويه كامل وتحسن مثل رذاذ الماي على ويهج ناااعم




والحين عشان يكتمل الموضوع حطيت لكم خطوات ميك اب سموكي يصلح للحفلات ومايحتاج تفتنتق وسهل وكنت مسويته من فتره وبسرعه بسرعه فسامحوني اذا الخطوات مو واضحه



هاي الشغلات الي بنستخدمها


[IMG]https://up2.**- /uploads/12dd1ccde9.jpg[/IMG]

ونسيت اصور كحل اسود سمايلنغ




والخطوات بالصور من غير شرح ،، تعبت وانا اهذر خخخخخ



[IMG]https://up2.**- /uploads/b7d805d2a7.jpg[/IMG]


[IMG]https://up2.**- /uploads/d5353329a4.jpg[/IMG]


[IMG]https://up2.**- /uploads/e2b736efde.jpg[/IMG]


[IMG]https://up2.**- /uploads/731a1589f9.jpg[/IMG]


[IMG]https://up2.**- /uploads/81a11b8b4f.jpg[/IMG]



[IMG]https://up2.**- /uploads/5fe7d2d9e8.jpg[/IMG]


[IMG]https://up2.**- /uploads/0b06e8dc26.gif[/IMG]


وبس





عسا الموضوع عجبكم واستفدتوا منه ومايكون هذره على الفاضي والي عندها اي استفسار انا حااضره وهالله هالله بالردود والتقيم اذا كان الموضوع يستاهل


#2

افتراضي رد: كل شي هن ميك اب الحفلات

موضوع حلو جدا
شكرا ليكى يا قمر
#3

افتراضي رد: كل شي هن ميك اب الحفلات

و الله يستاهل احلي تقييم . . مجهود رائع و عجبني اوي مكعبات ماء الورد
إظهار التوقيع
توقيع : remasahMoon
#4

افتراضي رد: كل شي عن ميك اب الحفلات

شكرا ليكى
إظهار التوقيع
توقيع : لحظة حنين
#5

افتراضي رد: كل شي عن ميك اب الحفلات

شكرا ع الموضوع المفيد
#6

افتراضي رد: كل شي عن ميك اب الحفلات

العفو حبايب قلبي منورررررين
#7

افتراضي رد: كل شي عن ميك اب الحفلات

يستاهل التقييم
#8

افتراضي رد: كل شي عن ميك اب الحفلات

شكرن منورييين
#9

افتراضي رد: كل شي عن ميك اب الحفلات

يسلمووو
إظهار التوقيع
توقيع : ايمان المقصبي
#10

افتراضي رد: كل شي عن ميك اب الحفلات

الله يسلمك شكرن منوررره
#11

افتراضي رد: كل شي عن ميك اب الحفلات

تسلم ايدك ما قصرتي
إظهار التوقيع
توقيع : لؤلؤة الايمان
#12

افتراضي رد: كل شي عن ميك اب الحفلات

جزاك الله خير
إظهار التوقيع
توقيع : رووية ورهوف
#13

افتراضي رد: كل شي عن ميك اب الحفلات

شكرن منوررررررررررين
#14

افتراضي رد: كل شي عن ميك اب الحفلات

شكراااااا غاليتى

تسلم ايدك

انتظر جديدك المميز

رد: كل شي عن ميك اب الحفلات
إظهار التوقيع
توقيع : ريموووو
#15

افتراضي رد: كل شي عن ميك اب الحفلات

شكراً ياقمر موضوع مفيد جداً
إظهار التوقيع
توقيع : dodo modo
#16

افتراضي رد: كل شي عن ميك اب الحفلات

ابدعتى فى الموضوع يعطيك الف عافية
#17

افتراضي رد: كل شي عن ميك اب الحفلات

موضوع جميل وانت الاجمل
يا وردة
إظهار التوقيع
توقيع : ايفين
#18

افتراضي رد: كل شي عن ميك اب الحفلات

تسلم اييدكي علي المجهود
إظهار التوقيع
توقيع : لولو حبيب روحي
#19

افتراضي رد: كل شي عن ميك اب الحفلات

يسلمووووووو
إظهار التوقيع
توقيع : المهره الاصيله
#20

افتراضي رد: كل شي عن ميك اب الحفلات

مشكوررررره


قد تكوني مهتمة بالمواضيع التالية ايضاً
الموضوع كاتب الموضوع المنتدى
صور ميك اب عرايس 2024 اجمل صور ميك اب فرح ميك اب زفاف 2024 مكياج عرايس ريموووو ميك اب ومكياج
ميك اب عرايس 2024, ميك اب الوان رائعه, ميك اب جديد . ميك اب رائع مميز ريموووو ميك اب ومكياج
ميك اب رائع 2024,اجمل صور ميك اب عرايس,ميك اب فرح.ميك اب حفلات, ميك اب سهرات, مي ريموووو ميك اب ومكياج
صور ميك اب عرايس 2024, صور مكياج عرايس , صور ميك اب مميزه, صور ميك اب ريموووو ميك اب ومكياج
ميك اب 2024 , صور ميك اب جديد , مكياج فرحك , مكياج عرايس , صور ميك اب عرايس جديد ريموووو ميك اب ومكياج


الساعة الآن 05:31 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل