نيجي بقي للمهم
اهتمامك بجوزك انا هقولكم علي حاجة واكيد كلنا عارفينها الرجالة عاوزة كل حاجة في الست يعني عاوز يشوفك حلوة وعاوز يشوف بيت مترتب ومنظم وعاوز كل حاجة في وقت واحد عشان كده لاز م تطولي بالك وتصبري
اول حاجة لازم تكوني رقيقة جدا معاه في صوتك ومناقشتك حتي لو فيه خلاف بلاش صوتك يعلي عشان احنا منظرنا بيبقي وحش اوي واحنا فاتحين بقنا ع الاخر وعاملين نزعق لازم تعرفي كويس اوي ازاي تمتصي غضب جوزك حتي لو هو الغلطان اولا عشان الموضوع ميكبرش ثانيا لو كنتي هادية معاه ورقيقة وقت الخلاف صدقيني هو هيراجع نفسه بعد اما يهدي وهيحس انه زعلك وهياصلحك
اول مايجي من الشغل بيقي جاي من برا وهقان وطهقان بلاش اول مايدخل تديله الموشح بتاع كل يوم عاوزين ايجار الشقة عاوزين فاتورة مش عارف ايه ابنك وقع اتبطع وامك كلمتني في التليفون ومسحت بكرامتي الارض وبلاش الحاجات دي صدقيني ساعتها بيبقي بيفكر يلف بظهره ويمشي من وشك
اول مايرجع (( اهلا ياحبيبي حمدالله علي سلامتك وزي ماتفقنا هتكوني لابسة ومتغندرة وعلي سنجة 25 والبرفان جايب اخر الشارع ))
يدخل ياخد حمامه عادي جدا اذا كان هيتغدي تحطي الاكل علي مايطلع من الحمام اذا كان مش قادر بلاش تطهقيه في عيشته وتبتدي الموشح انت كلت برا بقي انا اقعد اطبخ واجهز واجوع وانت تاكل برا لا بلاش لو قالك مش هاكل تقوليله ليه ياحبيبي خير برقة كده وهدوء ان قالك مش قادر قوليله معليش ياحبيبي انا كمان مش هاكل لحد ماناكل مع بعض
ان انا قالك انا كلت قوليله الف هنا وشفا ياروحي من غير ماتلوي بوزك وبعد كده في ساعة صفا قوليله كده ياحبيبي اهون عليك تاكل برا وتسبني انت مش عارف اني مقدرش اكل لقمة من غيرك
لوحسيتي انه راجع مضايق اسأليه بحنيه انا حاسة ان فيه حاجة مضيقاك حصل حاجة في الشغل ان قالك ساعتها تمام ان مقلش سبيه علي راحته وبلاش تزني وترغي لا لازم تقولي مالك دلوقت حالا اهو وان مقلتش تبقي عامل عاملة ومخبيها عليا سبيه ساعتها وابقي اسأليه وقت تاني
لازم تشاركيه اهتماماته زي انك تتفرجي معاه علي ماتش تقري معاه كتاب بيحبه تكلميه في مشاكل شغله ها عملت ايه انهاردة حصل في المشكلة الفلانيه
حسسيه كتير انك سعيده معاه
لو في يوم اشتري حاجة غالية شويه لنفسه اوعي تنكدي عليه وتقوليله البيت اولي قوليله تعيش وتجيب الف مبروك
لو في يوم عزمكم علي خروجة تاكلوا في مطعم اوعي تعملي فيها ايلة نظيرة الموفرة وتقوليله وليه الاسراف ده لا قوليله ربنا يخليك لينا انت بتعملنا اللي نفسنا فيه
مش كل مايجي يخرج مع اصحابه تنكدي عليه عارفة لو جاه يخرج ونكدتي عليه هيبقي عاسز يخرج ميرجعش وبيقي اصحابه اللي رايح لهم دول احسن منك عنده لا قوليله مع السلامة ياحبيبي بس متتاخرش عليا عشان انت بتوحشني اوي واحنا بقالنا كتير مقعدناش مع بعض والله لو عملتي كده هيخرج ويبقي عايز يرجعلك هوا ويمكن ميخرجش اصلا
دايما حسسيه انك بتحبي اهله حتي لو بتكرهيهم عمي لان دول مهما حصل اهله ومش هيكرههم في من الاحسن حسسيه انهم اهلك وخصوصا امه
افتكريله الحاجات الحلوة يعني دايما تفكريه بالذكريات الحلوة اللي عملها معاكي واحرصي دايما ان صوتك يكون واطي وتكوني رقيقة جدا معاه
علي فكرة انا لسه مخطوبة ويمكن فيه حاجات كتير انا مذكرتهاش لاني معنديش خبرة فيها
بس انا من يوم ما اتخطبت وانا عارفة ان الزوج والاسرة نعمة كبيرة ولازم احافظ عليها
جوزك اللي انتي بتفرطي فيه وبتقولي هو هيروح فين اهو بيلف يلف ويرجعلي اخر اليوم اسمحيلي انتي مش بانسيون
لازم يرجعلك اخر اليوم عشان بيحبك وملقيش واحدة تملا مكانك مش عشان انتي اللي هتخربي بيته لوطلقك وانتي اللي ربطاه بالعيال والمؤخر والقايمة
لو كنت مهملة في نفسك فيه ستات كتير برا علي سنجة عشرا هيسيبك ويروح لهم وهتبقي انتي السبب
لو كنتي جافة معاه هيدور علي فيه ستات بتعرف ازاي تبقي حنينه
لو مسمعتيش انتي جوزك وبقيتي الصدر الحنون ليه فيه الف واحدة تقدر تعمل كده وبردوا انتي هتبقي السبب
انتوا اذكياء جدا واكيد فهمتوا قصدي واللي تقدر تضيف حاجة انا مستنياها وربنا يسعدكم ويهنيكم
حملة هاحافظ علي جوزي حبيبي الجزء2
قد تكوني مهتمة بالمواضيع التالية ايضاً