أو

الدخول بواسطة حسابك بمواقع التواصل



عدلات

> منتديات ترفيهيه منوعه

> مضيفة عدلات

غيبة دامت شهور

إضافة رد  أضف للمفضلة
https://adlat.net/showthread.php?t=51336
7007 27
#1

129878 غيبة دامت شهور

السلام عليكم ورحمة الله وبركاته
أخواتى العدولات
تعجز يدى عن الكتابة
لاقول أسباب غيبة طويلة جدا دامت شهور تجدد شكل المنتدى وزادت عضواته وغابت عنه أخوات ودخله أخوات جدد
بس اللى أقدر أقوله انكم وحشتونى جدا جدا ووحشنى المنتدى




عارفة انى غيب كتير واختفيت تماما عنكم وقلقتم عليا
سبب الغيبة غريب يمكن متصدقوش وأنا عارفة انى لو حكيت لكم هتقولوا مش ممكن ده يحصل
أنا دخلت المنتدى بشكل متقطع من شهر 9 واختفيت من شهر 12
اللى حصل الاغلبية عارفين ان زوجى سافر للخارج يشتغل زى كل زوج جاله عقد يسعى على رزقه ورزق عياله
وبدل ما يقول يا هادى وكتر يارب رزقنا
وأعوض زوجتى اللى تعبت سنين معايا وافرح اولادى بانى اوسع عليهم واجيب لهم كل ما يلزمهم واهنيهم
اختلق مشكلة من شهر 9 بدون سبب وعايز اننا ننفصل واخد الاولاد واربيهم وخلاص كدا شكرا
طبعا مش مصدقين
لكن اقسم برب الكعبة دا اللى حصل
مكنتش اعرف ان المال يعمل كدا فى البنى ادم يرمى ام اولاده واولاده عشان خاطر الفلوس وجمع الفلوس
تدخل اهلى عشان يحلوا الموضوع وتدخل عمه ولكن دون جدوى
فى الاخر قالولى سافرى يمكن ربنا يهديه لما يشفكم ويرجع تانى كويس احيانا المشاكل بتكتر لما الزوجين يكونوا بعيد عن بعض خصوصا
لما الزوجة تكون فى بيت العيلة وانا شقتى فى بيتهم
المهم سافرت اكتشفت حاجات كتيرة جدا
باختصار مش جوزى اللى عاشرته وكنت عارفاه
لقيته شخص تانى الشر جواه عايز يرجعنى تانى انا والاولاد باى طريقة وبرده
عايز يطلقنى المهم ان الطلاق يجى من ناحيتى عشان ما يدينيش مؤخر ولا نفقة ليا اتهنت واتشتمت ووصل للضرب كمان
وبعد ده كله رجعت تانى بيت ابويا بس تركت ولادى
هتستغربوا انى سبتهم هناك معاه ايوة سبتهم لانى اكتشفت من وانا لسه فى مصر انه عايز يطلقنى وارجع بيت ابويا وميصرفش على ولادى
مع العلم انى بعت ذهبى كله عشان يسافر بيه يعنى مبقاش معايا حاجة خالص
عرفت انه عايز يهرب منى انا والاولاد باى طريقة عشان يحوش براحته من غير اى عقبة فى طريقة
عشان كدا سبت له الولاد
هتقولوا قلبى جامد قوى
انهى ام تسيب عيالها يبعدوا عنها
انهى ام ترضى ان ولادها ميكونوش فى حضنها
بس انا فكرت بعقلى انا بدون وظيفة وتحفيظ القرآن اللى انا فيه اجره 200 جنية بس
هيقضوا تلات عيال اكل وكسوة ومدارس ودروس وادوية لا قدر الله لما يكون طفل فيهم تعبان وابوهم مرتبه كبير يعيشنا ويفيض
لقيت ان قلبى مش او عاطفتى مش هتنفعهم
هتقولولى ارفعى عليه قضية نفقة للعيال
حلنى المحاكم حبالها طويلة اصرف عليهم ازاى فى الفترة دى
كل زوجة فاهمة زوجها كويس قوى وانا ربنا كان منور لى بصيرتى لانه سبحانه وتعالى كان بيدينى اشارة فى منامى كل ليلة
بيهيئنى لاى شئ عشان اكون مستعدة لمواجهته
ادعولى ربنا يصبرنى على بعدهم وحشونى قوى
وادعولى ربنا ينصرنى وياخد حقى ويرجع لى فلوسى وحقوقى
نفسى احج واطلع على عرفات انا سافرت 35 يوم رفض فيهم يودينى عمرة
شفتم جبروت اكتر من كدا وقتها قلت لنفسى العبادة مش بايدك مش مكتوبة دلوقتى ربنا يكتبهالى مع محرم غيرك يكون قد كلمه المحرم اللى يصون عرضه
ادعولى ربنا يعوضنى خير فى حياة افضل
الدنيا تعبتنى قوى شفت كتير قسوة وحرمان حب وحنان
طولت عليكم وبعتذر لكم على غيبتى بس انا حكيت لكم على اللى كنت فيه من شهر 9
نسيت اضحكم معايا جوزى كان سفره فى شهر 7 واختلق المشكلة فى شهر 9
يعنى لما سافر شهرين عايز يخلع مننا
بالذمة مش نكته هم يضحك وهم يبكى
بعتذر للادمن لانى قطعت بدون اسباب وانا رجعت مش طمع فى اشراف او شئ بس حبيت ارجع وسط اخواتى اللى وحشونى جدا
واقولكم المنتدى شكله جميل جدا بعد التجديد
بصراحة انا تهت فى الاول
بس عرفت ادخل لانه بيتى اللى فيه اخواتى
دمتم فى أمان الله
ووفقكم لما يحب ويرضى
السلام عليكم ورحمة الله وبركاته


إظهار التوقيع
توقيع : امينة
#2

افتراضي رد: غيبة دامت شهور

اهلا وسهلا بيك وربنا يقويك على ما انت فيه بجد قصتك توجع القلب
يا مأمنة لرجال مأمنة الميه في الغرباللكن مش بعمم فيه رجال عظماء وما العظمة الا لله
الله يصبرك على بعد اولادك والظالم له يوم وشرفتي المنتدى
قلبي معك
إظهار التوقيع
توقيع : لؤلؤة الاسلام 1
#3

افتراضي رد: غيبة دامت شهور

مش عارفه اقولك ايه الاول نورتى المنتدى برجوعك وادعيلك ان ربنا يهدى الحال يا رب تكون فتره وتعدى وولادك يرجعو حضنك وجوزك ربنا يهديهولك
#4

افتراضي رد: غيبة دامت شهور

حبيبتى امينه والله العظيم كلنا هنا اشتقنالك انتى وام مهند واحشتونا اوى والحمدالله اننا اطمنا عليكى وانك بخير رغم الظروف القاسيه اللى مرت عليكى
ماتزعليش يا حبيبتى ربنا يصبرك ويعوض صبرك خير ويسرلك امورك واحوالك ان شاء الله
طمنينا على ام مهند عا مله يه وبلغيها سلامى قولها لينا بتسلم عليكى كتير
وانا عمرى ما ها انس انك اول واحده اتعرفت عليها هنا ف المنتدى
ربنا معاكى
إظهار التوقيع
توقيع : ♥ احبك ربى ♥
#5

افتراضي رد: غيبة دامت شهور


المشاركة الأصلية كتبت بواسطة أزهار
اهلا وسهلا بيك وربنا يقويك على ما انت فيه بجد قصتك توجع القلب
يا مأمنة لرجال مأمنة الميه في الغرباللكن مش بعمم فيه رجال عظماء وما العظمة الا لله
الله يصبرك على بعد اولادك والظالم له يوم وشرفتي المنتدى
قلبي معك
ربنا يخليكى يا ازهارومشكورة على ترحيبك
إظهار التوقيع
توقيع : امينة
#6

افتراضي رد: غيبة دامت شهور

ياحبيبتى زعلتينى والله عليكى ربنا يصلح حالك وينصرك ويلم شمل بيتك تانى وزوجك يعرف ويشعر بخطأه ويجى يعتذر ليكى يارب اصبرى حبيبتى وإن شاء الله خير وإن شاء الله سندعو لكى دائما ونحن معك فكلنا هنا أخوات والله من كل قلبى أشعر بكى ربنا يصلح حالك يارب ويهدى زوجك
إظهار التوقيع
توقيع : Nothing To Lose
#7

افتراضي رد: غيبة دامت شهور

اسال الله العظيم رب العرش الكريم ان ينور طريقك ويسرلك امورك واحوالك ويفك كربك ويزول همك ويهيئلك كل خير ربنا يطمن قلبى ويريح بالك ويجمع مع اولادك عاجلا ان شاء الله
إظهار التوقيع
توقيع : ♥ احبك ربى ♥
#8

افتراضي رد: غيبة دامت شهور


المشاركة الأصلية كتبت بواسطة ♥ احبك ربى ♥
حبيبتى امينه والله العظيم كلنا هنا اشتقنالك انتى وام مهند واحشتونا اوى والحمدالله اننا اطمنا عليكى وانك بخير رغم الظروف القاسيه اللى مرت عليكى
ماتزعليش يا حبيبتى ربنا يصبرك ويعوض صبرك خير ويسرلك امورك واحوالك ان شاء الله
طمنينا على ام مهند عا مله يه وبلغيها سلامى قولها لينا بتسلم عليكى كتير
وانا عمرى ما ها انس انك اول واحده اتعرفت عليها هنا ف المنتدى
ربنا معاكى
وحشتينى كتير قوى يا لينا مانحرمش منك ومن ذوقك ام مهند كويسة بس النت عندها مفصول من ايام الحج لانها راحت تحج ففصلته شهر الحج ولسه مدخلتوش هى كويسة وان شاء الله ابعت لها السلام ومانحرمش من ترحيبك دعواتك يا حبيبتى
إظهار التوقيع
توقيع : امينة
#9

افتراضي رد: غيبة دامت شهور

ابكيتينى جدا

حبيبه قلبى الى عملتيه هو الصح لان محدش هيصرف عليكى ولا على اولادك وانته عارفه احنا فى زمن كله بيدور على نفسه

وكل الى اقدر اقوله ليكى

ربنا يختار ليكى الصالح ويعجل بيه
#10

افتراضي رد: غيبة دامت شهور

مشكورة لافالنتينا ربنا يبارك لك
ويتقبل منكم الدعاء
وقدوتى عائشة ربنا يخليكى عارفة والله انكم هتحسوا بيا لاننا فى بيت واحد المنتدى ده بيتنا كلنا واحنا فيه اخوات
ربنا يتقبل منك وسعيدة بتعرفى عليكى
إظهار التوقيع
توقيع : امينة
#11

افتراضي رد: غيبة دامت شهور

ياه ده انتى واحشانى جدا وكنت مشغولة جدا عليكى ربنا معاكى ويصبرك على بعد اولادك عنك انا زعلت خالص من اللى حصل ربنا يفك كربك وما تغيبيش علينا تانى
إظهار التوقيع
توقيع : عاشقة اولادى
#12

افتراضي رد: غيبة دامت شهور

حبيبتى والله وجعتى قلبى على خيانة الازواج قادر ربنا على لم شملك انتى واولادك وربنا يهدى جوزك وتزورى الحرم وتحجى وتعمرى واحنا كمان معاكى ان شاء الله ومرحبا بكى معنا فى وسط اخواتك
إظهار التوقيع
توقيع : ام القمرات
#13

افتراضي رد: غيبة دامت شهور


المشاركة الأصلية كتبت بواسطة نسائم الصباح
ابكيتينى جدا

حبيبه قلبى الى عملتيه هو الصح لان محدش هيصرف عليكى ولا على اولادك وانته عارفه احنا فى زمن كله بيدور على نفسه

وكل الى اقدر اقوله ليكى

ربنا يختار ليكى الصالح ويعجل بيه
عارفه والله انه الصح لانه ده فى صالحهم بعدهم واجعنى بس دهه الصح ليهم ولمصلحتهم ربنا يدينى الصبر ويعوضنى بما يتمناه قلبى وربنا يبارك فيكى على مشاعرك الجميلة
إظهار التوقيع
توقيع : امينة
#14

افتراضي رد: غيبة دامت شهور

افتقدناكى كتير
استعينى بالله
إظهار التوقيع
توقيع : ♥ احبك ربى ♥
#15

افتراضي رد: غيبة دامت شهور

أنا اللى أسعد حبيبتى بمعرفتى لكى ربنا يكرمك يارب
إظهار التوقيع
توقيع : Nothing To Lose
#16

افتراضي رد: غيبة دامت شهور

وحشتونى كتير والله
وافتقدكم انتوا كمان والحمد لله فى السراء والضراء
انا مش زعلانه لانه مكتوب فى اللوح المحفوظ ودليل على حب ربنا ليه
والله عارفه
ان الله اذا احب عبدا ابتلاه
وقال وبشر الصابرين الذين اذا اصابتهم مصيبة قالوا انا لله وانا اليه راجعون
وانا ابتلاءاتى كتير والحمد لله بصبر وبعدى المحنة وربنا بيدينى المنحة بعدها وانا عارفة ان فرج ربنا قريب
وربنا يجزيكم خير على شعوركم وعلى ترحيبكم بيا وسطكم تانى
احب اقول لاختى انها مش خيانة الخيانة لما الزوج يخون زوجته يعرف عليها واحدة او يتجوز من وراها وانا بقول من وراها لان الشرع اباح الزواج ولكن بشرط موافقة الزوجة وعلمها
بس فى حالى ده بعد عن ربنا وعدم ايمان وعرفان بالجميل
والحمد لله ان ليه اخوات زيكم يشاركونى همومى ربنا مايحرمنى منكم ابدا
إظهار التوقيع
توقيع : امينة
#17

افتراضي رد: غيبة دامت شهور

نورتى حبيبتى وربنا يهدى ويصلح الحال
إظهار التوقيع
توقيع : هبه شلبي
#18

افتراضي رد: غيبة دامت شهور

يا حرام !! ايه القصة المحزنة دي!
ليه الرجال عاملين كده؟!
المهم الحمد لله على سلامتك و رجوعك لينا و ان شاء الله يكون خير و تهدى الاوضاع!
إظهار التوقيع
توقيع : الـمـتـألـقـة
#19

افتراضي رد: غيبة دامت شهور

ياقلبي تعوذي من الشيطان وارجعى لبيتك واولادك اصبري وتحملي ترى الصبر مفتاح الفرج خذيها من قلب يحبك والله اذاشفك زوجك وانتي صابرة ومتحمله والله تكبرين في عينة وانتي وشاطرتك
إظهار التوقيع
توقيع : المشتاااااقة للجنة
#20

افتراضي رد: غيبة دامت شهور

لا حول و لا قوة الا بالله
ربنا معاكي حبيبتي
هو مش عارف ان الكفن مالوش جيوب و اذا ما كانش هيعل فلوس علشان عياله
هيعملها عشان مين
دى العمر بايدين ربنا
لا حول و لاقوة الا بالله
إظهار التوقيع
توقيع : ام هنا
#21

افتراضي رد: غيبة دامت شهور


المشاركة الأصلية كتبت بواسطة وردة الجوري
ياقلبي تعوذي من الشيطان وارجعى لبيتك واولادك اصبري وتحملي ترى الصبر مفتاح الفرج خذيها من قلب يحبك والله اذاشفك زوجك وانتي صابرة ومتحمله والله تكبرين في عينة وانتي وشاطرتك
مع احترامى لرأيك انا عملت زى ما قلتى تعوذت من الشيطان وسافرت لان المشاكل من وانا لسه فى مصر وشافنى وانا صابرة ومتحملة وكل اللى عمله انه هانى وضربنى عشان انزل واخد العيال فى حاجات مقدرتش اقولها الموضوع كبير جدا ومشكورة على شعورك بس معدش ينفع تانى
إظهار التوقيع
توقيع : امينة
#22

افتراضي رد: غيبة دامت شهور

م
المشاركة الأصلية كتبت بواسطة ام هنا
لا حول و لا قوة الا بالله
ربنا معاكي حبيبتي
هو مش عارف ان الكفن مالوش جيوب و اذا ما كانش هيعل فلوس علشان عياله
هيعملها عشان مين
دى العمر بايدين ربنا
لا حول و لاقوة الا بالله
شعور جميل انى الاقى اخوات يشاركونى وحشتينى يا ام هنا
إظهار التوقيع
توقيع : امينة
#23

افتراضي رد: غيبة دامت شهور

نورتي المنتدى برجوعك امينة والله وحشتيني يا غالية

معلش حبيبتي " قل لن يصيبنا الا ما كتب الله لنا " عليكي بالدعاء وحسبنا الله ونعم الوكيل على كل راجل ما بيقدرش تعب زوجته وصبرها عليه
وان شاء الله ربنا مش حينساكي وربنا يطمنك على اولادك ويهديلك زوجك ويلم شملكم من تاني
#24

افتراضي رد: غيبة دامت شهور

حبيبتي ربنا يصبر قلبك ويصلح لك الأحوال ويطمنك على ولادك ويجمعك بيهم عل خير ربنا يقويكي ع اللي انت فيه ويعوضك انت وولادك عن فرقتكم خير وتجتمعوا عن قريب
اهلا بيكي وسط اخواتك نورتي احنا هنا اسرتك واهلك وربنا يفرح قلبك انت وولادك وابقي طمنينا على أحوالك انت وهم حبيبتي
إظهار التوقيع
توقيع : رحيق
#25

افتراضي رد: غيبة دامت شهور

منوره المنتدى بنورك الصادع
إظهار التوقيع
توقيع : ★н̃̾ɑ̃̾ı̃̾σ̃̾ѕн̃̾ɑ̃̾★
#26

افتراضي رد: غيبة دامت شهور

والله العظيم وحشتينى وبكتينى كمان
مش عارفة اقولك ايه
ربنا ما يحرمنا منك تانى
ويصلحلك الاحوال يارب ويجازيكى كل خير ان شاء الله
بحبك مووووت يا منمن
إظهار التوقيع
توقيع : حسناء
#27

افتراضي رد: غيبة دامت شهور


المشاركة الأصلية كتبت بواسطة حسناء
والله العظيم وحشتينى وبكتينى كمان
مش عارفة اقولك ايه
ربنا ما يحرمنا منك تانى
ويصلحلك الاحوال يارب ويجازيكى كل خير ان شاء الله
بحبك مووووت يا منمن
ربنا يخليكى يا حبيبتى والله وانا كمان بحبك وبحبكم كلكم وربنا يجازيكم خير على شعوركم
إظهار التوقيع
توقيع : امينة
#28

افتراضي رد: غيبة دامت شهور

حبيبتى امينه
وحشتينى مووووت
واللى حصلك بجد ابكانى
مش عارفه اقولك ايه
امال لو مكنش انسان ملتزم وعارف ربنا كان عمل ايه اكتر من كده
ربنا يهديه
انا فاكره جدااااااااا انتى كنتى عامله ازاى على غيابه كنتى مضايقه جداااااا
ربنا يعينك ويصبرك على فراق اولادك
إظهار التوقيع
توقيع : ملك قلبى

« الموضوع السابق | الموضوع التالي »


قد تكوني مهتمة بالمواضيع التالية ايضاً
الموضوع كاتب الموضوع المنتدى
الحمل فى الثلاثة شهور الاولى rose23 مرحلة الحمل والولاده
ملابس بيبيهات مستوردة وماركات بأسعار تبدأ من 10 جنية وبس همس الذكريات سوق المستعمل
حمل التوأم,الحمل و الـ 3 شهور الاولى, الـ 3 شهور التانية من الحمل,اخر شهور الحمل الملكة نفرتيتي مرحلة الحمل والولاده
ماذا يأكل طفل 4 شهور ؟؟ Nada Nodaa العناية بالطفل
العناية الطبية للطفل من 1 الى 3 شهور رتوجى العناية بالطفل


الساعة الآن 03:10 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل