أو

الدخول بواسطة حسابك بمواقع التواصل

#1

افتراضي البــنــت دى .. ♥

البنت دى تشبه اوى لشارع قديم
تشبه لغنوه بصوت حليم ..
تشبه اوى لضحكة سُعاد
ولحزنها ..
تشبه لأمى فـ حضنها
تشبه لفيلم بينتهى
أسعد نهايه ممكنه !
غاروا الملايكه منّها
بعتوها تسكن عندنا
البنت دى مش معجزه ..
لكن بتعمل معجزات
البنت دى " كل البنات "
سُكر نبات ..
بلونه طارت فـ الهوا
فـ عنيها ميت مليون طريقه
للبكا من غير دموع
ووجع غريب من كل نوع
لكن بتديك الدوا
هى اللى لو مره إشتكت
او يوم بكّت
تنزل دموعها منها
على شكل قلب بينكسر
سبحانه فعلا ربنا
وكإنه واضع فيها سر
وكإنه واضع فيها شئ
البنت دى هى الأمل
هى الطريقه و الطريق
البنت دى تنفع تكون امى
تنفع تكون اختى تنفع تكون بنتى
البنت دى " انتى "
[MENTION=83579]العدولة هدير[/MENTION];





ايوه موضوعين ورا بعض .. زهقتى منى ولا لسه
بحبك اصلا



إظهار التوقيع
توقيع : NoUr♥
#2

افتراضي رد: البــنــت دى .. ♥

يا روحى ♥
بموت فيكى اصلا ♥
عمرى ما ازهق منك يا تؤامى انتى بجد مش عارفة اقولك اية كل دا علشانى انا دا كتير اوى متحرمش منك يا قلبى ويارب دايما نفضل مع بعض واشوفك اسعد واحدة فى الدنيا ♥


إظهار التوقيع
توقيع : العدولة هدير
#3

افتراضي رد: البــنــت دى .. ♥

كلام جميل وربنا يديم المحبة بينكم

إظهار التوقيع
توقيع : zozoweza
#4

افتراضي رد: البــنــت دى .. ♥


المشاركة الأصلية كتبت بواسطة العدولة هدير
يا روحى ♥
بموت فيكى اصلا ♥
عمرى ما ازهق منك يا تؤامى انتى بجد مش عارفة اقولك اية كل دا علشانى انا دا كتير اوى متحرمش منك يا قلبى ويارب دايما نفضل مع بعض واشوفك اسعد واحدة فى الدنيا ♥

حبيبتى والله ♥

ربنـا يخليكـى ليـا وميحرمنـيش منك .. ♥ ..

إظهار التوقيع
توقيع : NoUr♥
#5

افتراضي رد: البــنــت دى .. ♥

حلو
الله يديم المحبة بيناتكم ولا يحرمكم من بعض

#6

افتراضي رد: البــنــت دى .. ♥

ربنا مايحرمكم من بعض ويديم الود والمحبه بينكم
إظهار التوقيع
توقيع : مغتربه مصريه

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل