أو

الدخول بواسطة حسابك بمواقع التواصل



عدلات

> منتديات عامه وثقافيه

> المنتدي الادبي

> قصص - حكايات - روايات

[قصص طويلة] يوميات حماة الحلقة 2(عريس1)

إضافة رد  أضف للمفضلة
https://adlat.net/showthread.php?t=302808
1688 14
#1

افتراضي يوميات حماة الحلقة 2(عريس1)

في الحلقة السابقة الحلقة الاولي
https://adlat.net/showthread.php?t=302805

النهاردة يوم مختلف ...اى نعم هو فيه الروتين اليومى لى كأم بس بالليل جاى لبنتى عريس...اه عريس ايه الغريب فى كده...اى نعم بنتى عندها 20سنة ولسه فى سنة 3كلية بس مايمنعش انها تتخطب دلوقتى وبعد ماتخلص تبقى تتجوز...وبعدين ده عريس لقطة شاب وعنده الشقة ويتيم طبعا دى ميزة لاام هتغير عليه منها ولا تتحشر فى كل حاجةولا اب ولا حد غير اخت متجوزة يعنى ملبوخة فى بيتها وعيالها...بس ياترى شكله ايه؟؟؟ اما نشوف هدى زميلتى قالتلى عليه كويس...جارها وبيدور على عروسة ورشحت له توتا بنوتى القمراية...الميعاد كان الساعة 8 قبلها بساعة استعدت توتا ولبست طقم شيك وحطت ماكياج هادى"طبعا هى مش محتاجة هى قمر طبيعى"وفعلا الساعة 8وربع لقينا الباب بيخبط...دخلت توتا اوضتها وقام جوزى يفتح الباب وانا وقفت جنبه لاستقبال العريس
فتح الباب طلت علينا هدى ودخلت ودخل وراها العرييييييييس
فتحت فمى بابتسامة ترحيب وبسرعة قفلت بوئى تانى...هدى بتعرفنى"ميدو العريس"سلم على جوزى وسلم عليه
نوصف بقى الاستاذ ميدو شاب حوالى 35سنة اسمرانى وقصير ومتختخ حبتين لالا 3 او 4 حبات والنظارة بتاعته تجنن عضم اسود اخر مرة شفت واحدة زيها كانت بتاعة جدى الله يرحمه
ماعلينا فضلنا واقفين مستنيين باقى الاسرة اكيد طالعين ع السلم
هدى قالتلى"انتوا واقفين كده ليه مفيش حد معانا"يعنى العريس الامور جاى بطوله؟؟؟؟؟؟؟ واللى لفت نظرى انه ايد ورا وايد قدام مش جايب معاه حاجة خالص واضح انه ذوووووووق




قعدنا وهو ماشاءالله واثق من نفسه ثقة رهييييييبة وقاعد كده نافش ريشه زى الديك الرومى واستقبله جوزى ببشاشة وانا"مضطرة لانه فى بيتى"وتجاذبنا اطراف الحديث واول حاجة سألته "الا قوللى ياميدو هوده اسمك الحقيقى ولا دلع" فطبعا ابتسم ابتسامة صفراء بلهاء سخيفة وتطل منها سعادة خبيثة وقال"هههه لا ده الدلع اصل امى كانت بتدلعنى وتقوللى ياميدو فخلاص لو احد قاللى يااحمد بفتكره يقصد حد تانى هههه"ابتسمت له ابتسامة اصفر من ابتسامته وانا بقول فى سرى"تك ضربة فى تقل دمك"...وسالته امال فين اختك او اى حد من اهلك ..قاللى لا انا مش بحب حد يطلع على اسرارى طبعا مقدرتش امسك نفسى وقلتله باعتبار انك هتتجوزها فى السر قاللى لا ياطنط بس لما نتفق على كل حاجة ابقى اقولهم "طنط فى عينك" طبعا فى سرى وبعدين خدت هدى ودخلنا المطبخ علشان توتا تطلع بالصينية ويشوفها وقلت لها ايه اللى انتى جايباه ده قالتلى عريس هو حد لاقى...طبعا انفجرت فيها وقلتلها ليه هو انا بنتى بايرة...ضحكت وقالتلى انتى هتعملى حما من اولها...معقول اكون كرهته كده من اول نظرة علشان هياخد بنتى...قلت خلاص اكون حيادية شوية يمكن كويس ويعجبها ما هو مش بالشكل
طلعت توتا بالصينية وهو تنح لها "طبعا له حق"وقدمت له الجاتوه اللى طبعا اخد وبدأ ياكل فيه قبل حتى ما البنت تقعد
وقال لنا وهو بياكل احنا نتفق بقى"طبعا توتا بصيت لى وهى رافعة شفتها العليا ومشمئزة"وده كان رد بالنسبة لى معجبهاش"الحمدلله تعالى لطنط ياحبيبى"قال مبدئيا انا عجبتنى العروسة طبعا رديت عليه بسرعة وسألته طيب مش تستنى لما نشوف انت هتعجبها ولا لا...بنفس الضحكة الصفرا الخبيثة قال"اكيد هتتكسف تقول انى عجبتها فمتحرجيهاش ياطنط" بصراحة فوجئت برده مش متوقعة انه فاكر نفسه قمر 14 ماعلينا كلنا خلقة ربنا...بص ياحاج...طبعا بيقول لجوزى...انا شقتى موجودة وجاهزة من كله الاجهزة والعفش موجودين وهى لو عايزة اوضة نوم مفيش مانع هاتوا اوضة نوم وانا عندى الصالون والسفرة واوضة الاطفال والاجهزة كلها وبالمناسبة انا مش بحب الشكليات يعنى مفيش داعى لفرح كبير يدوب كفاية كتب كتاب فى الجامع ...جيت اقاطعه واقوله والشبكة...قاللى لو سمحتى ياطنط اكمل كلامى...سكت وانا حاسة ان فيه دخان طالع من دماغى...بالنسبة للشبكة طبعا مفيش مانع بس هتبقى ساعة كتب الكتاب ونخليها اسورة وخاتم ولا مفيش داعى للفشخرة اللى مالهاش لازمة هو الخاتم كفاية ماانا هجيب دبلة
حسيت بجوزى عايز يلبسه الكرسى اللى جنبه بس بصيتله بمعنى سيبهولى...قلتله قوللى ياميدو انت انت عندك كام سنة قالى 36قلتله وليه مفكرتش فى الجواز قبل كده ..قالى لا ماانا كنت متجوز قبل كده بس مرتاحتش معاها طلقتها وبعدين خطبت مرتين برضه حسيت كده انى مش مرتاح سبتهم...قلتله يارااااااااجل طيب مقولتش من الاول ليه...قال ليه هى دى حاجة تعيبنى انا كل البنات تتمنانى...مقدرتش اتحكم فى اعصابى اكتر من كده انا لقيت الجيران بيشدونى ولقيت كم قميصه فى ايدى.


إظهار التوقيع
توقيع : mercy bird
#2

افتراضي رد: يوميات حماة الحلقة 2(عريس1)

روعة هههههههههه بس الحتة الاخيرة دي تحفة هههههههههههه الباقي النهاردة انا عجبتني الرواية دي
إظهار التوقيع
توقيع : amira alzlam
#3

افتراضي رد: يوميات حماة الحلقة 2(عريس1)


المشاركة الأصلية كتبت بواسطة amira alzlam
روعة هههههههههه بس الحتة الاخيرة دي تحفة هههههههههههه الباقي النهاردة انا عجبتني الرواية دي
كل يوم هنزل حلقتين او تلاتة لانها طويلة اوي
إظهار التوقيع
توقيع : mercy bird
#4

افتراضي رد: يوميات حماة الحلقة 2(عريس1)


المشاركة الأصلية كتبت بواسطة mercy bird
كل يوم هنزل حلقتين او تلاتة لانها طويلة اوي
انا مستنية الباقي علي احر من الجمر وعندي طريقة تسهل عليكي كتر المواضيع
اكتبي البارت في نفس الموضوع يعني كا مشاركة واقتبسي مشاركات اللي عايزين يتابعو وقوليلهم ان البارت نزل
ولو حابة تعملي مواضيع براحتك
إظهار التوقيع
توقيع : amira alzlam
#5

افتراضي رد: يوميات حماة الحلقة 2(عريس1)


المشاركة الأصلية كتبت بواسطة amira alzlam
انا مستنية الباقي علي احر من الجمر وعندي طريقة تسهل عليكي كتر المواضيع
اكتبي البارت في نفس الموضوع يعني كا مشاركة واقتبسي مشاركات اللي عايزين يتابعو وقوليلهم ان البارت نزل
ولو حابة تعملي مواضيع براحتك
الاسهل بالنسبة ليكو اعمله مفيش مشكلة عادي
بس عايزة اسال سؤال محيرني من يوم دخولي المنتدي ده
ليه بتسمو الجزء بارت
مع ان القصة مكتوبة باللغة العربية وكل حاجة عربي اشمعنه كلمة بارت
إظهار التوقيع
توقيع : mercy bird
#6

افتراضي رد: يوميات حماة الحلقة 2(عريس1)


المشاركة الأصلية كتبت بواسطة mercy bird
الاسهل بالنسبة ليكو اعمله مفيش مشكلة عادي
بس عايزة اسال سؤال محيرني من يوم دخولي المنتدي ده
ليه بتسمو الجزء بارت
مع ان القصة مكتوبة باللغة العربية وكل حاجة عربي اشمعنه كلمة بارت
اتعودنا بصراحة اانا نص كلامي انجليزي بس بحاول اخليه عربي مش قادرة
إظهار التوقيع
توقيع : amira alzlam
#7

افتراضي رد: يوميات حماة الحلقة 2(عريس1)


المشاركة الأصلية كتبت بواسطة amira alzlam
اتعودنا بصراحة اانا نص كلامي انجليزي بس بحاول اخليه عربي مش قادرة
لا عادي اننا بنقول كلام انجلش في وسط الكلام بس اشمعنه البارت الاول المفروض دي قصة لغة عربية فهماني
إظهار التوقيع
توقيع : mercy bird
#8

افتراضي رد: يوميات حماة الحلقة 2(عريس1)


المشاركة الأصلية كتبت بواسطة mercy bird
لا عادي اننا بنقول كلام انجلش في وسط الكلام بس اشمعنه البارت الاول المفروض دي قصة لغة عربية فهماني
اه بس مش عارفة يمكن علشان نواكب العصر كدا انتي فهماني البنت بتحب تبان كوول واوو وكدا
إظهار التوقيع
توقيع : amira alzlam
#9

افتراضي رد: يوميات حماة الحلقة 2(عريس1)


المشاركة الأصلية كتبت بواسطة amira alzlam
اه بس مش عارفة يمكن علشان نواكب العصر كدا انتي فهماني البنت بتحب تبان كوول واوو وكدا
ههههههههه قشطة
إظهار التوقيع
توقيع : mercy bird
#10

افتراضي رد: يوميات حماة الحلقة 2(عريس1)


المشاركة الأصلية كتبت بواسطة mercy bird
ههههههههه قشطة
اه ههههههههه
إظهار التوقيع
توقيع : amira alzlam
#11

افتراضي رد: يوميات حماة الحلقة 2(عريس1)


المشاركة الأصلية كتبت بواسطة amira alzlam
اه ههههههههه

إظهار التوقيع
توقيع : mercy bird
#12

افتراضي رد: يوميات حماة الحلقة 2(عريس1)


المشاركة الأصلية كتبت بواسطة mercy bird
انا اكتر

إظهار التوقيع
توقيع : amira alzlam
#13

افتراضي رد: يوميات حماة الحلقة 2(عريس1)


المشاركة الأصلية كتبت بواسطة mercy bird
كل يوم هنزل حلقتين او تلاتة لانها طويلة اوي
نزلتي ولا لسة
إظهار التوقيع
توقيع : amira alzlam
#14

افتراضي رد: يوميات حماة الحلقة 2(عريس1)

تحفة
آخر حتة دي رهيبة
بانتظار التكملة
إظهار التوقيع
توقيع : hadeel tarek
#15

افتراضي رد: يوميات حماة الحلقة 2(عريس1)


المشاركة الأصلية كتبت بواسطة hadeel tarek
تحفة
آخر حتة دي رهيبة
بانتظار التكملة
يسلم مرورك شرفتيني
إظهار التوقيع
توقيع : mercy bird


قد تكوني مهتمة بالمواضيع التالية ايضاً
الموضوع كاتب الموضوع المنتدى
ديوان يوميات امرأة لا مبالية للشاعر نزار قباني ريموووو مكتبة عدلات
يوميات عدلات ومحروس كاملة هـــدوء قصص - حكايات - روايات
يوميات حماة الحلقة 6 mercy bird قصص - حكايات - روايات
تحميل كتاب يوميات نائب في الأرياف للكاتب توفيق الحكيم ريموووو مكتبة عدلات
تحميل ديوان يوميات جرح فلسطيني للشاعر محمود درويش ريموووو مكتبة عدلات


الساعة الآن 09:51 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل