أو

الدخول بواسطة حسابك بمواقع التواصل

#1

افتراضي البارت الأول من روايه نظره عتاب






البارت الأول من روايه نظره عتاب
قبل مابدا كنت عايزه اعتزر للبنوته الجميله اللي كانت طلبه مني أكبر الخط بس للأسف معرفتش حتى اني طلبت مساعده اختي وقالتلي انها تعرف تكبره على الاب اما الموبايل لا وأنا الحقيقه مليش في التكنولوجيا هههههه فبدل مفضح نفسي اكتر من كده معلش يا قمر بقا استحمليني انتى
يلا نبدأ الروايه . توكلنا على الله
الساعه 7 الصبح
زينب(والده حياه) : يلا يا احلام قومي عشان متتاخريش على شغلك.
احلام بنعاس : خلاص يا ماما انا صحيت اهو هصلي والبس واجي.
زينب:طيب وانا وحياه هنحط الفطار أعبال متخلصي، هااتي يا حياه الاكل من عندك
حياه:حاضر يا ماما هطفي على الشاي الأول واجيب الاكل واجي
وبعد ربع ساعه كانوا التلاته قاعدين بيفطروا وبيتكلموا عن مشاريعهم انهارده.
احلام ايه ده الساعه سبعه ونص انا كده هتاخر، انا همي يا ماما لحسن مدير الشركه عصبي ومبيحبش التأخير.
زينب:طيب يا بنتي ربنا معاكي لا إله إلا الله
احلام:محمد رسول الله
واتجهت احلام ناحيه الباب وقبل متقفله
احلام :صحيح كنت هنسي، ماما محمد كلمني الصبح بعد مصليت وبيقولي لو فاضين ننزل عشان ننقي بقيت الحاجات اللي نقصه للشقه.
زينب: انتي عارفه يا بنتي الدكتور محرج عليا ممشيش خالص اليومين دول. لو كده خدي حياه معاكي
احلام :ها يا حياه فاضيه انهارده.
حياه بابتسامه :وحتى لو مش فاضيه افضيلك نفسي انا عندي كام احلام يا جميل .
احلام: ربنا يخليكي ليا يا قمر انتي دايما رافعه معنوياتي
زينب بحنان :ربنا يخليكوا لبعض يا بناتي وافرح بيكون انتوا الاتنين واشيل عيالكم ولاعبهم
احلام طيب الحق انزل انا عشان متاخرش ، تبقى اتصل بيكي يا حياه ، يلا سلام.
حياه :سلام.
وبعد نص ساعه
حياه:انا خلصت يا ماما عملت البيت وطبخت هنزل بقى عشان الساعه 8 ولازم اكون في الفندق 8 ونص عشان الحق اعمل الفطار
(ملحوظه حياه بنت عندها 22سنه خريجه تربيه بس عشان ملقتش شغل في نفس مجالها واللي هي دخلتوا مخصوص مع ان مجموعه كان يدخلها حجات أعلى عشان هي بتحب تدرس للأطفال وكان نفسها تطلع مدرسه أطفال بس حلمها متحققش ومجلهاش شغل في تخصصها، وعشان تساعد مامتها في مصروف البيت واحده صحبتها ساعدتها انها تاخد وظيفه مساعد شيف في فندق كبير في القاهره ولمهارتها في المطبخ اخدت الوظيفه وبقت شغاله هناك تقريبا من ساعه متخرجت نرجع للقصه تاني)
حياه وهي تفتح باب الشقه :انا نازله يا ماما عايزه حاجه
زينب :لا يا بنتي ربنا معاكي.
حياه:متنسيش تخدي دواكي ولو احتجت حاجه تبقى تتصلي بيا.
زينب،:ماشي يا حبيبتي ربنا معاك ويوفقك
وصلت حياه الفندق وكعادتها قبل متدخل تقف أدام البوابه وتعمل عينها وتأخذ نفس عميق وتوكل على الله وتفتح عينها وتدخل.
دا كان البارت الأول اتمنى ان كل واحد يقولي رأيه بامانه ومستنيه تعليقاتكوا واعتذر مره تانيه على الخط

البارت الأول من روايه نظره عتاب



#2

افتراضي رد: البارت الأول من روايه نظره عتاب

ممتاز يا قمر متباعكي
إظهار التوقيع
توقيع : mercy bird
#3

افتراضي رد: البارت الأول من روايه نظره عتاب

جميل جدا يا قمر
بالنسبة للخط تروحي علي كلمة الاحجام وتختاري الحجم المناسب
واللون هتلاقي حرف
وبالتوفيق ليكي ف روايتك

l
رد: البارت الأول من روايه نظره عتابرد: البارت الأول من روايه نظره عتاب




رد: البارت الأول من روايه نظره عتاب رد: البارت الأول من روايه نظره عتاب
رد: البارت الأول من روايه نظره عتاب



إظهار التوقيع
توقيع : LOLO_LOLY
#4

افتراضي رد: البارت الأول من روايه نظره عتاب


المشاركة الأصلية كتبت بواسطة mercy bird
ممتاز يا قمر متباعكي
شكرا يا جميل ردك اسعدني جدا

#5

افتراضي رد: البارت الأول من روايه نظره عتاب

حلوة يا قمر متابعين كملى
إظهار التوقيع
توقيع : بياض الثلج
#6

افتراضي رد: البارت الأول من روايه نظره عتاب


المشاركة الأصلية كتبت بواسطة lolo_loly
جميل جدا يا قمر
بالنسبة للخط تروحي علي كلمة الاحجام وتختاري الحجم المناسب
واللون هتلاقي حرف
وبالتوفيق ليكي ف روايتك

l
رد: البارت الأول من روايه نظره عتابرد: البارت الأول من روايه نظره عتاب




رد: البارت الأول من روايه نظره عتاب رد: البارت الأول من روايه نظره عتاب
رد: البارت الأول من روايه نظره عتاب


اولا بشكرك على ردك الرائع ثانيا انا مش لاقيه ولا كلمه أحجام ولا حاجه

#7

افتراضي رد: البارت الأول من روايه نظره عتاب


المشاركة الأصلية كتبت بواسطة ام عبده٢
حلوة يا قمر متابعين كملى
شكرا على ردك الجميل

#8

افتراضي رد: البارت الأول من روايه نظره عتاب

انا هكتب بارت جديد كل مكون فاضيه واحتمال يكون في اكتر من بارت في اليوم لاني بصراحه في 3 ثانوي وهبدا دروس بعد حوالي 4 ايام وهتعزل فتره عن العالم الخارجي هههه وانا كنت بدأت في القصه بس لسه مخلصتش فهنزلكوا لغاية مكتبت على الورق وحاول اخلص الباقي قبل مبدأ دروس. المهم انتوا سمعتوا وانا بقول اني في 3 ثانوي يعني محتاجه دعاويكوا كلكوا. فبالله عليكم ادعولي كلكم بالتوفيق واني أحقق حلمي. اصل بيني وبينكوا نفسي اخش كليه الطب يلا ادعولي وكمان أهم حاجه ادعولي اني اقدر افيد فيها غيري ومحدش ينساني في الدعاء انا بقولكوا اهوا متعزعلنيش منكوا هههه يلا ربنا يوفقنا جميعا. ان شاء الله
#9

افتراضي رد: البارت الأول من روايه نظره عتاب


المشاركة الأصلية كتبت بواسطة ربي وفقني
انا هكتب بارت جديد كل مكون فاضيه واحتمال يكون في اكتر من بارت في اليوم لاني بصراحه في 3 ثانوي وهبدا دروس بعد حوالي 4 ايام وهتعزل فتره عن العالم الخارجي هههه وانا كنت بدأت في القصه بس لسه مخلصتش فهنزلكوا لغاية مكتبت على الورق وحاول اخلص الباقي قبل مبدأ دروس. المهم انتوا سمعتوا وانا بقول اني في 3 ثانوي يعني محتاجه دعاويكوا كلكوا. فبالله عليكم ادعولي كلكم بالتوفيق واني أحقق حلمي. اصل بيني وبينكوا نفسي اخش كليه الطب يلا ادعولي ومحدش ينساني في الدعاء انا بقولكوا اهوا متعزعلنيش منكوا هههه يلا ربنا يوفقنا جميعا. ان شاء الله
اكيد هستناكى الله يوفقك فيما يحبه الله وما يرضاه وينولك اللى فى بالك يا بنتى يارب ويوفق الجميع

إظهار التوقيع
توقيع : بياض الثلج
#10

افتراضي رد: البارت الأول من روايه نظره عتاب


المشاركة الأصلية كتبت بواسطة ام عبده٢
اكيد هستناكى الله يوفقك فيما يحبه الله وما يرضاه وينولك اللى فى بالك يا بنتى يارب ويوفق الجميع
بشكرك على الدعوه الجميله ديه اناحتي كنت داخله عشان اعدل في الدعوه اصلي نسيت حاجه مهمه اوي هههههه شكرا مره تانيه على الدعوه الجميله وجزاكي الله كل خير

#11

افتراضي رد: البارت الأول من روايه نظره عتاب

الجزء الثاني
في الفندق
ياسمين : حياه ازيك وحشتيني عامله ايه وايه اخبار طنط زينب واحلام
حياه:حيلك حيلك كل ده ارد علي اي سؤال فيهم.
ياسو: ها ها ظريفه اكيد تردي عليهم كلهم اومال انا بسألك ليه.
حياه: طيب يمو لسان طويل ، انا الحمد لله وماما مش عارفه ليه مش عجباني اليومين دول قلقانه عليها اوي. اما احلام فبتشطب في شقتها عشان مبقاش في وقت كتير علي الفرح.
ياسو:طيب مسالتيش ليه الدكتور.
سألته وقلي ان دا بسبب تأثير الأدوية والعمر كمان

ياسمين: متقلقيش طنط زينب قويه و ان شاء الله هتتحسن
حياه :ان شاء الله
ياسمين :هو فاضل اد ايه علي فرح احلام.
حياه :حوالي شهر
ياسو: ياه شهر دا قرب قوي انا لازم ابدا اجهز في نفسي.
حياه:. تجهزي في نفسك قبلها بشهر ليه هو حشرتك العروسه وانا معرفش.
ياسو: اتريقي اتريقي منتي مش فلحه غير في التريقه وبعدين انتي نسيه يا هانم ان انا في السن المناسب للجواز. مش ممكن يكون نصيبي مستنيني في الفرح.
وقبل مترد حياه علي ياسمين، جالهم صوت خالد
خالد : ايه يا انسات نوين تعملوا فطار انهارده للناس اللي هتنزل تفطر ولا هتقضوها رغي
حياه وياسو: اسفين يا شيف، احنا هنبدأ حالا
حياه :شكله متعصب ومخنوق اوي النهارده
ياسوا:ملناش دعوه بيه لحسن يهب فينا
وبدأت حياه عملها بمساعدة الشيف خالد في تحضير الفطار


(توضيح:ياسمين هي صاحبه حياه من ساعه مبدأت شغل في الفندق وعندها 20 سنه بنوته حبوبه ومرحه جدا خريجه سياحه وفنادق وهي المسؤله عن التقديم.
خالد دا بقي الشيف المسؤل عن تجهيز وجبه الفطار في الفندق عنده 35 سنه وهو اصغر شيف في الفندق
راجح: دا الشيف المسؤل عن وجبه الغدا وعنده 40 سنه وبيعامل حياه زي بنته
نبيل :الشيف المسؤل عن وجبه العشا وعنده 39 سنه ' وكل واحد فيهم مسؤل عن شيفت معين
ملحوظه / حياه شغلها بيبدأ 9الا ربع وينتهي 6 بالليل -)


نرجع للفندق تاني
خالد / حياه تعالى شوفي الفطاير اللي في الفرن استوت ولا لسه
حياه حاشر يا شيف.
حياه وقد لاحظت غضب وحزن خالد منذ الصباح
حياه بابتسامتها المعهوده: هو حضرتك كويس يا شيف
خالد بلا مبالاه :ليه شيفاني بأطع في هدومي
حياه وقد كسي عليها مسحه حزن من رده :لا بس حضرتك شكلك مهموم من الصبح، وعلي العموم ربنا يفك كربك . وتركته وذهبت لتساعد يوسف(وهو احد العاملين بالمطبخ)
وفي المطبخ
خالد وقد شعر بخطأه في حق حياه :" ايه اللي انا هببته ده هو انا عشان مقريف ومتخانق مع سمر امبارح اطلعه علي المسكينه اللي جايه تشوف مالي.




يلا يا عسولات انا نزلت جزء جديد انا عرفه اني منزله بدري اوي بس مش مشكله ااناس النشيطه اللي بتصحا بدري هتقرؤ الاول هههه . اه متنسوش تكتبوا الردود وانا قلتلكوا قبل كده اني هسعد بيها مهما كانت

#12

افتراضي رد: البارت الأول من روايه نظره عتاب

حلو يا قمر
تسلمي

إظهار التوقيع
توقيع : hadeel tarek
#13

افتراضي رد: البارت الأول من روايه نظره عتاب

حلوة اوي هستني بقي القصة
إظهار التوقيع
توقيع : نونو وبس
#14

افتراضي رد: البارت الأول من روايه نظره عتاب


المشاركة الأصلية كتبت بواسطة نونو وبس
حلوة اوي هستني بقي القصة
عيونك الحلوه يا نونو. انا هنزل الجزء اللي كتبته علي الورق بس الباقي مش عارفه هلحق أألفه واكتبوا علي الورق وانزلوا ولا لا هههههه عشان زي منتي عارفه هابدأ دروس بعد بكره ان شاء الله اهم حاجه متنسونيش من الدعاء. في امان الله

#15

افتراضي رد: البارت الأول من روايه نظره عتاب

حلوة كتيييير
إظهار التوقيع
توقيع : بياض الثلج
#16

افتراضي رد: البارت الأول من روايه نظره عتاب


المشاركة الأصلية كتبت بواسطة ام عبده٢
حلوة كتيييير
بشكر حضرتك علي ردك الرائع وتشجيعك ليا. سعيده بمتابعتك

#17

افتراضي رد: البارت الأول من روايه نظره عتاب

روعة كملي بسرعة بليز [mention=117525]ربي وفقني[/mention];
إظهار التوقيع
توقيع : amira alzlam
#18

افتراضي رد: البارت الأول من روايه نظره عتاب


المشاركة الأصلية كتبت بواسطة amira alzlam
روعة كملي بسرعة بليز [mention=117525]ربي وفقني[/mention];
حبيبتي كانزنفسي اكملها وردك الحقيقه فرحني جدا بس انا بما انا بدات دروس ومش لاقيه وقت خالص لان الكتابه بتاخد وقت طويل بس هحاول ان شاء الله اخلص مذاكرتي انهارده الصبح واكتبلكوا البارت الجديد بالليل بإذن الله ومشكوره يا قمر علي متابعتك لروايتي

#19

افتراضي رد: البارت الأول من روايه نظره عتاب


المشاركة الأصلية كتبت بواسطة ربي وفقني
حبيبتي كانزنفسي اكملها وردك الحقيقه فرحني جدا بس انا بما انا بدات دروس ومش لاقيه وقت خالص لان الكتابه بتاخد وقت طويل بس هحاول ان شاء الله اخلص مذاكرتي انهارده الصبح واكتبلكوا البارت الجديد بالليل بإذن الله ومشكوره يا قمر علي متابعتك لروايتي
انتي اللي قمر وروايتك جميلة جدا وتستحق المتابعة وانا حبيتها وهاستني البارت الجاي علي احر من الجمر

إظهار التوقيع
توقيع : amira alzlam
#20

افتراضي رد: البارت الأول من روايه نظره عتاب


المشاركة الأصلية كتبت بواسطة amira alzlam
انتي اللي قمر وروايتك جميلة جدا وتستحق المتابعة وانا حبيتها وهاستني البارت الجاي علي احر من الجمر
حبيبتي ربنا يخليكي والله اسعدتيلي صباحي ربنا يسعدك زي ما اسعدتيني . وإن؛شاء الله اكتبوا وانزلوا النهارده يا جميل

#21

افتراضي رد: البارت الأول من روايه نظره عتاب

البارت الثالث
في الحديقه الخلفيه للفندق حيث اعتادت حياه الجلوس في وقت الاستراحه


حياه :الو ازيك يا احلام هتعدي عليا امتي
احلام : هعدي عليكي الساعه 6 تكوني خلصتي شغل
حياه :ماشي هستناكي ادام البوابه
احلام :اوك ؛سلام

وبعد انتهاء المكالمه دخلت حياه للمطبخ ووجدت في طريقها خالد وكان مستعد للرحيل
خالد :انسه حياه
حياه :نعم
خالد :انا كنت عايز اعتذرلك علي بجاحتي معاكي الصبح
حياه : لا ولا يهمك انا مزعلتش
خالد :اصلي اتخانقت مع سمر امبارح
حياه :ليه كده
خالد:مش عايز اوجع دماغك
حياه : دا كلام يا شيف خالد هو انا لو احتجت مساعده مش هتساعدني
خالد :لا ازاي اكيد هساعدك
حياه :يبقي احكيلي يمكن اقدر اساعدك
وبدا خالد بسرد سبب مشكلته مع سمر
حياه باتسامتها المعهوده : طب مش ممكن تكون فعلا معاها حق
خالد :حتي انتي حياه يعني هو انا بعمل كل ده لمين مش ليها وللطفل اللي جاي
حياه وما زالت مبتسمه : طيب ممكن تقولي يومك بيعدي ازاي
خالد مستغربا سؤالها :عادي بنزل الصبح الساعه 8:30 وبخلص شغل هنا الساعه 1 الضهر وبروح علي المطعم بتاعي علي الساعه 2 واروح الساعه 7
حياه مكمله حديثه :واكيد طبعا بتروح هلكان ويدوب تاكل لقمه وتنام صح
خالد :اكيد منا طول اليوم بشتغل ومحتاج استريح شويه
حياه: طب وهي
خالد :هي مالها
هي فين من يومك .انت مش ملاحظ انك مذكرتهاش في اي جزء من يومك انت ناسي انها محتاجه انها تحس باهتمامك ليها .
خالد مطأطأ : وانا بعمل كل ده ليه مش عشانها عشان متحتجش حاجه.عشان مخليش البيبي محتاج حاجه
حياه :صدقني يا استاذ خالد الفلوس مش كل حاجه . البيبي محتاج يجي يلاقي اسره متماسكه يلاقي عطف وحنان من ابوه وامه مع بعض
خالد وما زال ينظر للارض
حياه بابتسامتها المعتاده : هي مش طلبه منك كتير يدوب تفضيلها شويه وقت من وقتك .تعدوا مع بعض تخرجوا يعني تقضي وقت معاها
خالد :حاضر ياستي
حياه : ها واخيرا ابتسمت .وصحيح وانت مروح تبقي تشتريلها هديه وهي هتصالحك علي طول
خالد :ههه هههه حاضر يا ستي منشوف اخرتها
حياه :ومبروك علي البيبي .
خالد :الله يبارك فيكي ,معلش يا حياه عطلتك الاستراحه خلصت من ربع ساعه
حياه : ولا يهمك ,اناىهعتذر لشيف راجح , تقي تسلملي علي سمر
خالد : حاضر . مع السلامه

راجح : ايه ده كنت فين يا حياه انا عمال اسئل عليكي من بدري
معلش يا شيف بس كان عندي حاجه مهمه كنت بحلها
راجح : طيب يلا روحي اغسلي ايدك وابدئى تحضير في المقبلات
حياه :حاضر يا شيف

راجح : الا قةليلي يا حياه لسه بتعملي حلويات ولا بتلطي
حياه : لا والله يا شيف مش بلاقي وقت خالص فمبعملش غير يوم الجمعه لو مش ورايا حاجه
راجح : طيب انا عايز ادوق حلوياتك
حياه بفرحه :ايه ده بجد يا شيف طيب اعملهم واجهم بكره
راجح : لا اعمليهم الجمعه وجبيهم السبت .

وفي الساعه السادسه مساء
ياسو : ايه ماشيه يا حياه
اه يا ياسو احلام مستنياني بره سلام





احلام : ايوه يا ماما ,لا انا خلاص رحتلها , اه مستنياها تخرج وهنروح ,ماشي سلام
حياه السلام عليكم , ايه كنتي بتكلمي مين
احلام كنت بكلم ماما
حياه : هو محمد هيجي معانا
احلام : اه بس هيجي علي المحل علطول
حياه : ماشي بس بقلك ايه هنعدي نجيب اي حاجه ناكلها لحسن انا جعانه خااالص
احلام : هو انتي كده دايما جعانه , ويا ريتوا باين عليكي ,
حياه : بصيلنا في اللقمه اللي بناكلها بقي
احلام : هه ههه لا يختي ولا نبصلكوا ولا تبصولنا



وامام منزل حياه
حياه : ياه دي الساعه 10
محمد : معلش يا حياه اخرناكي وانا عارف انك بتصحي دري
حياه : لا ولا يهمك يبو الكباتن
احلام بغيظ ؛:بت انا مش قلتلك متقوليش ابو الكباتن ديه تاني
حياه : ليه ان شاء الله هو مش مدرب كراتيه يبقي كابتن ودلع كابتن ابو الكباتن ولا ايه يبو الكباتن
محمد :ههههههه ماشي يا ستي هنمشيها ابو الكباتن
احلام : بقي كده
محمد : لا انا كده امشي احسنلي بدل مروح متكسر
احلام : متكسر ليه ان شاء الله شايفني دبه , عجبك كده يا حياه
حياه : ههههههههه لا الصراحه مينفعش
محمد : كده يا حياه يعني انتي تقوميها عليا وفي الاخر تقولي مينفعش
حياه : هه هه هه طب خلاص لحسن انتوا كده شكلكوا ناوين تعدوا تتخانقوا لبكره وانا الصراحه بصحا بدري , يلا سلام يا محمد
محمد : سلام , سلام يا وردتي هههههههه
احلام : سلام

وهكذا مر الاسبوع بايامه الروتينيه حتي جاء اليوم الذي كانت تنظره حياه بفارغ الصبر

الجمعه الساعه 7 صباحا
زينب : يلا يا حياه قومي الساعه 7
حياه : ههمم حاضر هقوم دلوقتي

احلام : يلا يا حياه قومي الساعه 8
حياه : حالا هقوم حالا انا برفع الغطا اهو

زينب احلام مع بعض : يووه متقومي بقي يا حياه الساعه 12
حياه : ايه 12 ازاي , ايه ده يا ماما انا مش قلتلك صحيني 7
زينب : انا صحيتك الدور والباقي علي اللي مقمش
ااي يا دماغي حتي السرير مش طايقتي
احلام : يا بنتي مش تخدي بالك بدل منتي عماله تتكعبلي فكل حاجه ادامك
حياه : اصدك ايه بقي ان شاء الله انا معتوهه بقي ولا ايه
احلام : لا ازاي العفو منك
حياه : ما علينا انا مستعجله كويس اني جبت كل المكونات امبارح

وفي اخر اليوم كانت حياه ما زالت بالمطبخ
احلام : ايه كل ده يا بنتي انتي ناويه تفتحي محل حلويات ولا ايه
لا بس شيف راجح كان عايز يدوق حلوياتي . فحترت اعمل ايه عملتهم كلهم وقلت اكتلر عشان ادوق الكل بالمره
احلام : ههههههه والله انتي اتهبلتي
ها خا ظريفه


وفي اليوم التالي

وبعد انتهاء الشفت الخاص بالشيف
حياه : شيف خالد اتفضل
خالد : ايه ديه
ديه حلويات عملتها امبارح وعملت حسابك وحساب سمر
خالد: ايه ده انتي بتعرفي تعملي حلويات حياه:يعني بمشي حالي
خالد:هههههه ماشي يا ستي احنا هندوق ونقلك علي راينا بس ها متفكريش اننا هنجاملك عشان عرفينك احنا هنحكم بالعدل
حياه : هههههه وده اللي انا عايزاه

#22

افتراضي رد: البارت الأول من روايه نظره عتاب

رووووووعة واووووووو بصراحة مش عارفة اوصفها
إظهار التوقيع
توقيع : amira alzlam
#23

افتراضي رد: البارت الأول من روايه نظره عتاب


المشاركة الأصلية كتبت بواسطة amira alzlam
رووووووعة واووووووو بصراحة مش عارفة اوصفها
تسلمي يا ميرو

#24

افتراضي رد: البارت الأول من روايه نظره عتاب

البارت الرابع /

حياه / اتفضلي يا ياسو
ياسمين / ايه ده
ديه حلويات عملتها امبارح
ياسو / الله حلويات. حرام عليكي يا حياه هتبوظيلي الرجيم اللي بقالي اسبوع عماله احاول اثبت عليه
هههههه يا ستي اعتبري النهارده يوم الفريه بتاعك.
ياسو/ ممكو بردوا لازم الواحد يرفه عن نفسه من فتره للتانيه هههه.
طب يلا بقي ساعديني اني اوزع العلب ديه علي كل اللي موجودين قبل ما الاستراحه تخلص
ياسو / اوك

. ازي حضرتك يا شيف راجح
الحمد لله. انا سامع انك بتوزعي حلويات علي كل الموجودين
اه اصل قلت بما اني بعمل يبقي اعمل للكل
هههه ماشي يا ست حياه عملتي حسابي ولا نستيني في الزحمه
لا ازاي يا شيف دا انا عملت عشان حضرتك. اتفضل دي علبه حضرتك يا رب يعجبوك
راجح / ايه كل ده انا قلتلك اعمليلي حاجه واحده مش كل ده
اه منا احترت اعمل ايه فقلت اعملهم كلهم
بس دول شكلهم زي الحجات اللي بعملها في مطعمي.
اه منا اتعلمت من مجلات بتاعه حضرتك. انا تقريبا كل الكيكات اللي بعملها اتعلمتها من حضرتك
طيب احنا مستعجلين دلوقتي لو ملحقتش انهارده هقلك علي راي بكره
ماشي وانا هستنه تقييم حضرتك.
وفي اليوم التالي.
خالد / ازيك يا حياه
الحمد لله بخير. ازي حضرتك يا شيف
تمام
وفي الوقت ده كانت مستنيه بفارغ الصبر انوا يقلها علي رايه. بس مكنش رد فعله زي متمنته
خالد ببرود / يلا عشان نبدا نحضر الفطار
ها اه اتفضل
وبدات بتقطيع الخبز وعقلها يدور به العديد من الأسئلة
ايه هو مقليش ليه علي رايه يكونوا معجبهوش؟؟؟
ايه اكون زودت حاجه؟ ؟!! لا ولا يمكن اكون نسيت مكون؟؟؟؟
ميكونش طعمه وحش اوي عشان كده مش عايز يجرحني!!!
طب اسئله ولا لا؟؟؟؟

انتبه خالد عليها وهي غارقه في تفكيرهز فابتسم
ايه ده يا حياه انتي سزحتي في ايه الرغيف اتفتت في ايدك مش بس اتقطع
حياه وقد انتبهت للرغيف المسكين / ايه ده انا اسفه يا شيف ماخدتش بالي اصلي سرحت شويه
خالد / سرحانه في ايه
لا ولا حاجه متشغل؛ بالك
وعادت لعملها. وكانت من فتره لفترة تنظر لخالد بتردد وكأنها تريد سؤاله
شئ ولكن يوقفها ترددها
اخذت نفس عميق ثم سألته بدون النظر اليه / شيف خالد هو انا اديتك حاجه امبارح وانت كنت هتقلي رايك النهارده بس شكلك نسيت
خالد / ههههعع مين قالك اني نسيت انا فاكر كويس. دي كانت الذ كيكات ادقها مع اني فاتح مطعم وبعمل حلويات كتير بس الحلويات بتاعتك كانت مزيج رائع مبين الحلويات الشرقيه والغربية
سعدت حباه جدا بهذا الاطراء الجميل. طب حضرتك مقلتليش ليه رايك من الاول
خالد/ كنت مستني وقت الاستراحه عشان كنت عايز اعرض عليكي عرض
حياه باستغراب / عرض عرض ايه
هقلك عليه في الاستراحة

وفي الاستراحه
بصي بقي يا حياه موهبتك وفنك في عمل الحلويات وانتي حتي مش دري
سه في المجال ده حاجه كبيره جدا وانتي عندك موهبه بس للاسف هتفضل مختفيه طول منت بتشتغلي هنا فانا كنت هعرض عليكي تشركيني
حياه بذهول / اشارك حضرتك في ايه
خالد بابتسامه / تشركيني في الكفيه الجديد بتاعي
بس انا معنديش الامكنيات الماديه اللي تخليني اشارك حضرتك
ومين قالك انك هتشاركيني بالفلوس.
اومال هشاركك بايه.
بصي يا حياه انا عندي المكان والامكانيات الماديه وانتي عندك الموهبه وبتعملي احسن حلويات دقتها قبل كده فليه منشاركش بعض ونفتح الكافيه ده. وتبقي استغليتي موهبتك ودخلتي لنفسك دخل افضل من الدخل اللي بتدخليه من الفندق.
حياه بعدم استيعاب / بس انا الحقيقه مفكرتش في حاجه زي ديه قبل كده
خالد بابتسام / انا نفسي عمري مفكرت فده يا حياه. بصي هو انا الفكره ديه فكرت فيها انا وسمر اول متجوزنا بس مكنتش لاقي الامكانيات الماديه اللي تخليني افتحه وبعد مربنا فتح عليا واشتريت المحل في مكان حميل جدا وسمر كانت فرحانه جدا لاننا واخيرا هنفتح محل احلامنا وكنا متفقين اننا نشتغل فيه مع بعض بس ملقتش القدرات اللي تقدر تساعدني. كنت محتاج للاشخاص الموهوبين اللي زيك. ها قلتي ايه
حياه وما زالت علامات عدم الاستيعاب علي وجهها / الحقيقه مش عارفه اقول لحضرتك ايه ديه فرصه كبيره جدا بس انا محتاجه افكر
طيب فكري وقوليلي رايك الاسبوع الجاي.
حياه / ماشي يا شيف

وانتهي اليوم وعادت حياه الي غرفتها. المكان الذي دائما تفجر فيه افكارها وانطلقت لتطلق لذاكرتها العنان اخذت تتذكر ياسو صديقتها التي اتصلت بها بعد عودتها لامنزل واخذت تمدح بحلواها التي وصفتها بانها ذات الطعم المذدوج ااتي لم تذق مثله من قبل. ثم تذكرت الشيف راجح الذي اخذ يمدحها هو الاخر وقوله انها تصنع حلوي من الذ الحلويات التي ذاقها من قبل. حتي عندما عرض عليها العمل في مطعمه. كم تمنت ان تعمل هناك وهي صغيره. مرت ذاكرتها بأيام بعيده جدا عندما كانت طفله صغيره لم تتجاوز السادسه وكانت تدخل مع والدتها المطبخ وتطلب منها ان تعلمها عمل الحلويات حتي تذهب وتعمل في مطعم الشيف راجح. كانت دائما تود ان تعمل معه وكانت تتابع جميع مجلاته وتشتري كل كتبه حتي بدات بالابتكار كانت تبتكر نكهات جديده. لم تعتقد ابدا انزحلمها وهي صغيره سوف يتحقق في يوم وانها ستعمل معه في نفس الفندق. ليس هذا وحسب بل عرض عليها اليوم عرض لطالما حلمت به وهي صغيره ان تعمل في مطعمه الخاص.
وبينما هي في حلقه ذكرياتها .
اذسمعت صوت حياه خلف الباب
حياه انتي نمتي
عايزه حاجه يا احلام
لا انا هعمل كوبيتين شاي ليه ولماما اعملك معانا
لا شكرا انا هنام
ماشي

عادت مره اخري لحلقه ذكرياتها واستلقت علي سريرها ووضعت راسها علي الوساده ونظرت للسقف. استغرقت حوالي 4 سواني لتعود لتذكر احداث يومها نعم لقد تذكرت خالد وكلامه معها والعرض الذي عرضه عليها لقد اعطاها مهله لتفكر. ولكن ماذا تفعل لقد حصلت علي عرضين مهمين جدا عرض من الشخص الذيطالما حلمت ان تعمل في مطعمه وهي صغيره والاخر هو الشخص الذي طلب مشاركتها لم يطلب منها اي مقابل مادي بل فقط موهبتها . ام ترفض العرضين وتستمر في العمل في الفندق الذي
اه يا حياه ماذا ستختارين..؟ ؟ هذا ما قالته قبل ان تغط في نوم عميق .

#25

افتراضي رد: البارت الأول من روايه نظره عتاب

روووووعة سوري اني طولت عليكي في الرد بس عضويتي اتحظرت لفترة اتمني تكملي الرواية بسرعة [mention=117525]ربي وفقني[/mention];
إظهار التوقيع
توقيع : amira alzlam
#26

افتراضي رد: البارت الأول من روايه نظره عتاب

جميلة ياقمر هنسقهالك بس ياريت ترتبها بالبسملة والفواصل
إظهار التوقيع
توقيع : حنين الروح123
#27

افتراضي رد: البارت الأول من روايه نظره عتاب

حلو
استمري

#28

افتراضي رد: البارت الأول من روايه نظره عتاب

استمري حبيبتي انا متابعة معاكي
إظهار التوقيع
توقيع : عشق2001
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
تجميعة من أقوى مذكرات الفرنساوي للصف الأول الثانوي قمحاوية مصرية المرحلة الثانوية
جميع مذكرات منهج الفصل الدراسي الأول لجميع الفصول التعليمية قمحاوية مصرية منتدى عدلات التعليمي
تنبيه بالنسبه للبارت التاني في روايه نظره عتاب ربي وفقني أقلام عدلات الذهبية
عتاب لابراهيم ناجى تصميمى ,, قصيدة عتاب للشاعرابراهيم ناجى شقاوة آنثى المنتدي الادبي
رسائل عتاب احلى رسائل عتاب رومانسية للجوال روزة رسائل وتوبيكات


الساعة الآن 01:06 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل