أو

الدخول بواسطة حسابك بمواقع التواصل

#1

افتراضي بالله عليكوا ساعدوني مش عارفه اعيش حياتي خالص

بصوا يابنات انا مش جديدة انا قديمه بس الاكونت التاني نسيت الباسورد بتاعه

انا محتاجه مساعدتكوا ورايكوا

انا كنت مرتبطه بواحد زميلي معايا ف الجامعه 4 سنين وكل عريس كان يتقدملي كنت برفض عشانه وكنت بقف قدام اهلي واتخطبت اسبوع غصب عني وسيبته عشان خاطر زميلي بعدها بكام شهر جاب اهله وجم اتقدموا ابو زميلي قال لوالدي احنا هنجيب شبكه ب 5000 والعفش عموله فبيقول لبابا انتوا بتعملوا العفش بكام فبابا قاله ابقي اسال فقاله يعني في حدود 50000 بابا قاله اه فقاله ماشي طبعا بابا كن قاعد مش عاجبه الطلبات مع انهم مقتدرين واخو زميلي في كليه شرطه المهم خدوا واجبهم ومشيوا طبعا والظي كان رافض بس قعدت اتحايل عليه اسبوعين لغايه لما وافق انهم يجوا تاني جم بابا قعد يتكلم مع زميلي ويقوله انت هتبقي مسئول واللى تطلبه منك هى هتجبهولها فبابا بيقول لوالد زميلي انت قولت المرة اللي فاتت انك هتعمل العفش في حدود 50000 قاله لا انا مقولتش كدا وقالها بطريقه وحشه فبابا قاله يعني انت مقولتش كدا طيب انا عايز شبكه ب 10000 والعفش من دمياط فالراجل قاله انت جاى تصغرني قدامك وقاموا مشيوا بعدها زميلي بعتلي رساله وقالي كل شئ قسمه ونصيب قعدت اسبوع اتحايل عليه اننا منسبش بعض قالي والدى حلف انه مايدخل عندكوا تانى قعدت اقوله هنحلها سوا لغايه لما رجعنا قعدنا سنه نتكلم بعد الحوار ده وكل عريس يجي ارفضه لغايه لما ابن صاحب بابا اتقدملي وبابا صمم عليه قولت لزميلي اتصرف وتعالي اتقدملي تاني قالي مش هينفع دلوقتي خليها بعد شهرين اصل بنوضب في الشقه بتاعتنا قالي اعملي انتي بقا حاجه وارفضي العريس ده قولتله اهلي مصممين قالي يبقي خلاص كل شئ نصيب بعدها اتخطبت قعدت 4 شهور واتجوزت علي طول بعد جوازى بشهرين زميلي كلمني وقالي انا عرفت انك اتجوزتي وانا خلاص ربنا فتحها في وشي وسافرت الكويت وانتي اصلا بعتيني واهلك مبيدوروش غير علي الفلوس وانتي خسرتيني وبعدها بمده كلمني تانى وقالي اهالينا هما السبب واحنا اللى اتاخدنا في الرجلين اول بقا ماعرف اني حامل كلمني وققالي انتي هتندمي عليا بعدين وهتعرفي قيمتي وانا خلاص لقيت الاحسن منك وهتقلها بالدهب واهلها مبيدوروش علي الفوس زيكوا والايام بنا وبكرا تندمي عليا







انا دلوقتي مخنوقه ومش عارفه اعيش حياتي ياترى فعلا انا ظلمته وهندم عليه ولا مين اللى ظلم



#2

افتراضي رد: بالله عليكوا ساعدوني مش عارفه اعيش حياتي خالص

حبيبتي خلاص انتي اجوزتي حرام عليكي تفكري ولا تكلمي رجل غير جوزك مجرد تفكيرك في شخص تاني ده خيانة يا حبيبتي ذنبه ايه جوزك تخونيه ومهما كان اللي عملتيه معاه صح او غلط فهو اللي مكنش شاريكي من الاول استغفري ربنا
#3

افتراضي رد: بالله عليكوا ساعدوني مش عارفه اعيش حياتي خالص


المشاركة الأصلية كتبت بواسطة mercy bird
حبيبتي خلاص انتي اجوزتي حرام عليكي تفكري ولا تكلمي رجل غير جوزك مجرد تفكيرك في شخص تاني ده خيانة يا حبيبتي ذنبه ايه جوزك تخونيه ومهما كان اللي عملتيه معاه صح او غلط فهو اللي مكنش شاريكي من الاول استغفري ربنا

والله غصب عني اني بفكر فيه انا فعلا مبقتش عارفه اعيش حياتي خالص دايما فكراه ومش عارفه انسي

#4

افتراضي رد: بالله عليكوا ساعدوني مش عارفه اعيش حياتي خالص

يابنتي استغفري ربنا زنبه ايه جوزك مش ذنبه اي حاجة ولا طفلك اللي هتظلميه ده انسان بيتسلي بيكي
#5

افتراضي رد: بالله عليكوا ساعدوني مش عارفه اعيش حياتي خالص

حبيبتي ابوكي طلب الحق وربنا اختارلك الاحسن وهو يحكيلك هيك عشان يخرب حياتك ما تهتمي بي كلاموا واهتمي بزوجك والولد يلي بطنك
إظهار التوقيع
توقيع : بنوتة فلسطينية
#6

افتراضي رد: بالله عليكوا ساعدوني مش عارفه اعيش حياتي خالص


المشاركة الأصلية كتبت بواسطة smsmt mohamed
والله غصب عني اني بفكر فيه انا فعلا مبقتش عارفه اعيش حياتي خالص دايما فكراه ومش عارفه انسي
ان شاء الله ابتنسي وبلاش تخرب حياتك من وراء واحدد بيلعب بحياتك

إظهار التوقيع
توقيع : بنوتة فلسطينية
#7

افتراضي رد: بالله عليكوا ساعدوني مش عارفه اعيش حياتي خالص

حبيبتى الشيطان بيحلى الحرام
اوعى تفتكرى انك لما تفكرى كدة انتى صح
كل واحد بياخد نصيبو وربنا علام الغيوب
ماتعمليش حاجة تندمى عليها
لوانتى اكتشفتى انو جوزك هوة الى عمل كدة هتعملى معاه اية
انا رأى انك تغيري خطك اصلا لانو طلع واحد مش محترم علشان عايز يخرب بيتك
حرام اوعى تكلمية تانى بالله عليكى وخليكى فى حياتك وابنك الى جاى [MENTION=117372]smsmt mohamed[/MENTION];

إظهار التوقيع
توقيع : ام مالك وميرنا
#8

افتراضي رد: بالله عليكوا ساعدوني مش عارفه اعيش حياتي خالص

بصي انتي معملتش حاجة علاشان تلظلمية باباكي هوا الي رفض وانتي اتحايلتي علية و مرضاش و زميلك قالك ان هو مش فاضي يبقي مين الي غلطان بقي انتي دلوقتي كملي حياتك و استمري و خلي بالك من النونو ولو كلمك تاني قوليله انت قولت الجواز قسمة ونصيب خلاص بعد اذنك متتصلش تاني يا أما مترديش
#9

افتراضي رد: بالله عليكوا ساعدوني مش عارفه اعيش حياتي خالص

انا من رأيي غيرى خطك عشان متحصلش مشاكل
وبعدين ظلمتى مين هو اللى اتخلى عنك وقالك كل شىء قسمة ونصيب
انتى لو جدعة هتنسيه ، اصل مفيش حاجة اسمها حب لغير الزوج ، انا واخدة مبدأ من صغرى وماشية عليه لغاية دلوقتى وهو ان مفيش حاجة اسمها حب غير للزوج فى الحلال ومش بسلم قلبى لحد مش ملكى
اخر كلام انتى مظلمتهوش هو اللى مش شاريكى وغيرى خطك وانسيه

#10

افتراضي رد: بالله عليكوا ساعدوني مش عارفه اعيش حياتي خالص

mawdo3 hilow
#11

افتراضي رد: بالله عليكوا ساعدوني مش عارفه اعيش حياتي خالص

حبيبتى كل شئ قسمه ونصيب
ومتزعليش نفسك على واحد مايستهلكيش
والحمد لله ربنا رزقك بااحلى زوج ربنا يتمم حملك على خير وده انسان عاوز يخرب بيتك فبلاش تكلمه خلاص وغيرى رقمك ومتسائليش عليه خالص ربنا اختار ليكى الخير ادمنى الاستغفاره

إظهار التوقيع
توقيع : خديجة فى قلبى
#12

افتراضي رد: بالله عليكوا ساعدوني مش عارفه اعيش حياتي خالص

انتي اتجوزتي عيشي حياتك وماتخليش حاجه تنكد عليكي وملكيش كلام معاه تاني اصلا عشان حرام وربنا يهديلك الحال
#13

افتراضي رد: بالله عليكوا ساعدوني مش عارفه اعيش حياتي خالص

خير ان شاء الله
#14

افتراضي رد: بالله عليكوا ساعدوني مش عارفه اعيش حياتي خالص

حبيبه قلبي خلي بالك من جوزك حرام عليكي وغيري رقم تليفونك ده عايز يدمر حباتك وهو الي كل شويه يقولك كل حاجه قسمه ونصيب ماهو لو كان عايزك كان اتحايل علي اهله زي مانتي فضلتي تتحايلي علي اهلك علشان يوافقوا فوقي واستغفري ربنا واهتمي بجوزك وعيشي حياتك وفكري ف ابنك الي حته منك
#15

رأي رد: بالله عليكوا ساعدوني مش عارفه اعيش حياتي خالص

حبيبة قلبى اتقِ الله فى زوجك وفى أطفالك منه وحبيه وحبى عيـالك منه وارفعى كلمة والدك واعرفى إن ايللى ربنا اختـارهولك هوا ده الخيـر واحمدى ربنا بجد، وحافظى على بيتك ، غصب عن عينه وغيرى رقم تليفونك ده خالص ، وانسى أى حاجة ربطتك بالشخص ده ولا كأنك شوفتيه أو عرفتيه لإن بصراحة كونك إنك رديتى عليه يبقى إنتى لسه بتفكرى فيه وعايزاه وده حرااااام وأكبر غلط ، ده عايز يخرب بيتك اومال يعنى بيتصل ليه بواحدة متجوزة؟ وعايز يندمك انتى ووالدك مش أكتـر ومش بيحبك ولا عمره حبك ايللى بيحب واحدة بيحارب الدنيا كلها علشانها وبيثبت لأهله إنه اختار صح ولو محصلش نصيـب بيـبـعد عنها عشان ما يلخبـطش حياتها لإنه حبها فى يوم من الأيام وهيكون عايز ليها الخير ، لكن مش يعايـرها ويقعد يتصل بيـها وعارف كويس إنها متـزوجة وعلى ذمـة واحد وإنها بتكلمه فى غفـلة عن زوجـها ، ده بينتقم من والدك ومن زوجك فى نفس الوقت وعن طريقك أنتِ وفى أغلى حاجة تهم وتوجع أى راجل فى الدنيا ايللى هى العِـرض دى عقلية الرجال وده أسلوبهم فى التفكير ، خليـكى ذكيـة وحبى زوجك فقط وحافظى على استقرار بيتك ، زوجك اختارك أنتِ كزوجة من بين كل النساء وواثق فيكِ أكيد ، فليه تخونى الثقة ولمين؟ واحمدى ربنا واشكريه .
#16

افتراضي رد: بالله عليكوا ساعدوني مش عارفه اعيش حياتي خالص


المشاركة الأصلية كتبت بواسطة mercy bird
حبيبتي خلاص انتي اجوزتي حرام عليكي تفكري ولا تكلمي رجل غير جوزك مجرد تفكيرك في شخص تاني ده خيانة يا حبيبتي ذنبه ايه جوزك تخونيه ومهما كان اللي عملتيه معاه صح او غلط فهو اللي مكنش شاريكي من الاول استغفري ربنا
نفسي نفسك

#17

افتراضي رد: بالله عليكوا ساعدوني مش عارفه اعيش حياتي خالص

ده لو كان شاريكي فعلا ً وبيحبك عمره ما كان يفكر في عفش ولا ذهب ولا كلام فارغ من ده.. احمدي ربنا إنك بعدتي عنه وربنا رزقك بزوج أن شاء الله يحبك ويصونك ويحافظ عليكي.. وانتي انسي البني ادم ده خالص
#18

افتراضي رد: بالله عليكوا ساعدوني مش عارفه اعيش حياتي خالص

السلام عليكم
الزواج قسمة ونصيب و زوجك هو نصيبك و الشخص الثاني للاسف ماكان نصيبك و انت اكيد مو
ضلمتيه لانك حاولت كثير انكم ترتبطو بس للاسف ما وحدث هذا
واذا رجع اتصل فيك فهميه انك مرا متزوجة و حامل و عندها بيتها و مو لازم يتصل فيك مرة
اخرى وانك مو ضلمتيه ابدااا.
وبتمنى انو مشكلتك تنحل

#19

افتراضي رد: بالله عليكوا ساعدوني مش عارفه اعيش حياتي خالص

شكراااااااا
#20

افتراضي رد: بالله عليكوا ساعدوني مش عارفه اعيش حياتي خالص

هو باعك
#21

افتراضي رد: بالله عليكوا ساعدوني مش عارفه اعيش حياتي خالص

بياعها محدش بيجوز ببلاش
#22

افتراضي رد: بالله عليكوا ساعدوني مش عارفه اعيش حياتي خالص

هو جاي يهزرر مع ولدك
#23

افتراضي رد: بالله عليكوا ساعدوني مش عارفه اعيش حياتي خالص

حبيبتي خلص ماعاد اتفكري فيه انتي تجوزتي هلا فكري في جوزك وفي مستقبلك وبس وصدقيني ابوكي بدو مصلحتك خلص لحين قومي اتوضي وصلي ركعتين لوجه الله سبحان وتعالى وابقي عارفه كويس انه القران علاج للروح
#24

افتراضي رد: بالله عليكوا ساعدوني مش عارفه اعيش حياتي خالص

ما ينفعش حبيبتي تكلمي واحد ولا تفكري اصلا في واحد غير جوزك
ده انسان كان بيلعب بيكي
ما كنش المفروض اصلا يكلمك بعد جوازك
استغفري ربنا وانتبهي لجوزك وابنك وسيبك من الشيطان اللي بيصورلك الحق باطل والباطل حق

إظهار التوقيع
توقيع : بحلم بالفرحة
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
قرآن كريم كامل استماع وتحميل مباشر بصوت اكثر من قارئ جزء 4 سلمى سالم2 القرآن الكريم
بالله عليكوا تدعولى ان ربنا يسترها معايا ويعدى الايام دى على خير بجد م nicegirl فضفضة وحل المشاكل
أختي تعبتني وبوظت حياتي مش عارفه أعمل معاها إيه !! غير مسجل فضفضة وحل المشاكل
بالله عليكوا ساعدونى بنت الحلال فضفضة وحل المشاكل


الساعة الآن 09:10 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل