أو

الدخول بواسطة حسابك بمواقع التواصل



عدلات

> منتديات عامه وثقافيه

> المنتدي الادبي

> أقلام عدلات الذهبية

رواية فجاة ينتشر الحب البارت الحادي عشر

إضافة رد  أضف للمفضلة
https://adlat.net/showthread.php?t=288864
608 1
#1

افتراضي رواية فجاة ينتشر الحب البارت الحادي عشر

ابتسام بصدمة: انت شو جاي تعمل هون يلا برا الك عين تجي بعد الي ساويته... وقامت رايحة عنه بس مسك ايدها وقال
: مو على كيفك تروحي اسمعي الشي الي بدي قوله بعدين فيك تمشي
نفضت ايدها منه بعصبية وقالت : خير غير الي شفته بهداك اليوم شو بدك تقول يلا بسرعة قول شوفي عندك وخلصني ترا ما عندي وقت ضيعه معك
بابتسامة الم: ما توقعت يجي يوم واسمع منك هيك بس يلا مو مشكلة
ابتسام بسخرية: لا والله يعني تبيني مثلا استقبلك بالاشواق ههه
ابتعد شوي وعطاها ظهره تنهد تنهيدة طويلة حست ابتسام انها كانت هالتنهيدة تحمل كتير من الالم والوجع
سامي: الموضوع بلش بهداك اليوم الي صديقي عمل حادث
ابتسام: وبعدين
سامي: قالو انو بحاجة للدم فقلت لهم انو زمرتي وزمرته متطابقين وطلب الدكتور يعمل تحاليل الدم قبل ما اتبرع فلما الدكتور عمل لي التحاليل خبرني وقتها بالمفاجاة الي صدمتني وحطمتني وهي انو معي سرطان وما باقي لي تقريبا غير شي اربع اشهر لحتى عيشهم من وقتها وانا مصدوم وضايع ومو عرفان شو اعمل والايام الي ما كنت اتصل بيك او نطلع وكنت دايما لما تساليني اختصر الاجابة وقلك مشغول اما الحقيقة كانت غير يوم عن يوم ودقيقة وثانية ما كنت عايش كنت بس مهموم وافكر شو الي ممكن يصير بعد اربع اشهر طيب وازا متت شو رح يصير فيك وباحلامنا سوا رح تتبخر هيك وانو انتي رح تحزني علي كتير وانا بما اني بحبك كتير ما كان بدي هيك يصير لك قلت انو لازم بعد ما اموت ما تحزني علي ولا تعيشي بهم وانو لازم اعمل شي عشان ما تحزني علي وتكرهيني وعشان بعد موتي تعيشي حياتك وتحبي من جديد بدون حزن علي من شان هيك عملت التمثيلية الي شفتيها بهداك اليوم والبنت الي شفتيها معي هي نفس البنت الي اتصلت فيك وطلبت منك تجي وعلى فكرة تراها بتكون اختي من الرضاعة المهم بعد شهر ونص تقريبا كنت بغرفتي بنفس الحالة اتصل فيني الدكتور وطلب مقابلتي رحت لعنده مستغرب وهنيك اعتذر مني وقال لي انو تحاليل هداك اليوم كانت خطا يعني تحاليلي اختلطت له مع تحاليل حدا ثاني وهي هي كل القصة ازا بدك الحين فيك تمشي .... التفت ليشوف ردة فعلها لقاها دموعها عم يجرو على خدها

ابتسام ركضت لعنده وحضنته وقالت ببكى : ليش هيك
سامي ويربت على ظهرها: مو قصدي حبيبتي بس قلت لك السبب

وبعد مدة
سامي وهو يطلع من جيبه خاتم ويقول
سامي: طيب وهاد ما بدك ترجعي تلبسيه
ابتسام بخجل مدت ايدها ولبسها الخاتم

سامي: هي هي خطيبتي الحلوة خليك مبتسمة لاني ما احب اشوف الزعل على وشك





ابتسام: سامي
سامي: عيوني
ابتسام: تسلم عيونك ما قلت لي ايمتا طلعت لك اخت من الرضاعة
سامي: قصة طويلة بقلك ياها بعدين
ابتسام: اوكي مثل ما بدك ....... وبعد شوي قال بتفكير

سامي: خلاص انا قررت
ابتسام باستغراب: شو
سامي: رح خبر عمي وقله انو بدي الزواج يصير بعد شهرين
ابتسام بخجل: طيب ... بعد دقيقتين رن موبايل سامي اخده بابتسامة حط سبيكر وخلا ابتسام تسمع
سامي: هلا
: اهلين اخي بشر تراني من لما رحت وانا على نار يلا قول حكيت مع ابتسام شرحت لها
سامي: على مهلك مايا اي حكيت معها وشرحت لها كل شي ورجعنا مثل السمن على العسل
مايا: ههههههه حلوة دي اي ابتسام
ابتسام: هلا
مايا: اياك تزعلي سموي بيوم واهتمي بيه واذا زعلتيه انط لك من المكان الي انا فيه واوريك
ابتسام: ههههه لا تخافي
مايا: اخليكم يا روميو وجولييت اشوفكم بعدين
سامي: يلا باي
مايا: بايات



بمكان ثاني

: خلص لهون وبس بيكفي انا اسف بالرغم من صداقتنا الي الها زمان الا اني مستحيل اسكت على هالوضع وبنتي رح تطلق من ابنك
: بترجاك اهدى شوي انا بعرف منيح انو ابني ارتكب خطا وبعرف كمان انو ضربها وهانها لبنتك بس بترجاك افهمني شوي واعطيه فرصة صدقني انا بلشت لاحظ انه بدى يتغير
: انا اسف بس ما رح انتظر يتغير ابنك على حساب انو بنتي تكون بهيك وضع صدقني بنتي غالية علي كتير وانا وافقت اعطيها لابنك عشان خاطرك وخاطر صداقتنا وعشان انو ابنك رح يسعدها بس بظن انك شفت النتيجة وانا بعتذر هالشي ما رح يغير صداقتنا ورح نظلو اصدقاء مع انو انا زعلان منك بس اظن ولادنا ما الهم مستقبل مع بعض

: بترجاك عشان خاطري يا صديقي
: ماهو انا عشان خاطرك صبرت وانا بعرف الوضع الي فيه بنتي فيه بس لهون ويكفي
: ارجوك........ وبعد شوي قدر يقنعه
: طيب عشان خاطرك
: اوكي اسمع انا عندي خطة عظيمة رح تغير الوضع بينهم مية بالمية... وقاله عليه
: لا لا دي خطة فيها مخاطرة كبيرة
: صديقي لا تقلق انت بس اترك الموضوع علي وبتشوف بعيونك انت ما عليك غير تقنع ميرا خلال هديك الفترة والباقي خليه علي
: الله يستر طيب




اتنمى البارت عجبكم اشوفكم على الف خير بالبارت الثاني عشر


#2

افتراضي رد: رواية فجاة ينتشر الحب البارت الحادي عشر

تسلم ايديكِ
إظهار التوقيع
توقيع : وِجَـعَ ـ قَلَبّـ..❤


قد تكوني مهتمة بالمواضيع التالية ايضاً
الموضوع كاتب الموضوع المنتدى
اجمل كلمات الحب للرومانسين نونو حسن رسائل وتوبيكات
ما زلتُ أعرف أن الشوق معصيتي .. والعشق والله ذنب لستُ أخفيه حڸآۉة آڸرۉح المنتدي الادبي
رواية فجاة ينتشر الحب البارت الثاني عشر دنيا الداودي أقلام عدلات الذهبية
رواية فجاة ينتشر الحب البارت العاشر دنيا الداودي أقلام عدلات الذهبية
رواية فجاة ينتشر الحب البارت الاول دنيا الداودي أقلام عدلات الذهبية


الساعة الآن 05:27 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل