أو

الدخول بواسطة حسابك بمواقع التواصل



https://adlat.net/showthread.php?t=288224
2919 8
#1

منقول افكار حلوه & للناس الحلوه(41)& وحشتوني

السلام عليكم احبتي
عارفه بقالي فتره طويله مانزلتش حاجه جديده وبدخل كل فتره بالعافيه عشان احافظ ع العضويه بجد ظروفي كانت صعبه تعب ومشاكل الحمد لله ولسه ربنا يصلح الحال يارب مش عارفه اقولكم وحشتوني قد ايه بجد وبشكر كل اللي سألو عني وبعتولي رسايل واولهم الغاليه ام يوسف واحلي بنات المهم قلت افكركم بيا لا تكوني نسيتوني هانبدأ بأفكار في الوصفات زي ماتعودنا يارب تعجبكم بمناسبه رمضان كل عام والامه الأسلاميه بخير وبين كل وصفه والتانيه هانحكي شويه في افكار برضوا وحاجات مفيده ان شاء الله تعجبكم . واستحملوني معلش الموضوع طويل يا جماعه وربنا يهون ويجعله في ميزان حسناتنا جميعا كل اللي دخله او رفعه برد او تقييم . نبدأ بسم الله
وعدتكم بوصفات للبرغل والشوفان الوصفه دي بالبرغل .جاتني فكرتها من اكله والدتي الله يرحمها كانت بتحبها . عارفين الكشك الصعيدي . كان بيتباع جنب المترو مع الفلاحين اللي بيكون معاهم بيض بلدي . المهم هو عباره عن اقراص من القمح مسلوق ومعجون بحاجه من مشتقات الحليب وطبعا مع ملح كتير كماده حافظه المهم والدتي كانت بتنقع الاقراص دي ولما تبقي طريه تضيفها ع بيض في سمنه ع النار . دي الوصفه الاصليه .وهااقلدها بوصفه البرغل والطعم قريب جدا . وفي الاول والاخر اهي وصفه مغذيه جربيها يمكن تعجبك
برغل نقعته في ميه سخنه لما ذاد حجمه صفيته كويس وضيفت له معلقتين كبار لبنه لو مفيش يبقي علبه زبادي
وضيفي ملح معلقه وقلبي وسيبيه شويه يتشرب بعدين هافقش بيضتين في سمنه ع النار
ولما تبدأ البيضه في التماسك انزل بخليط البرغل واقلب مع البيض ع النار فتره كويسه لحد ما البيض يستوي كويس وكله ياخد من بعضه وقدميه وبالف هنا وصفه خفيفه تنفع جدا للسحور ومش هاتسبب عطش
ونحكي شويه قبل الوصفه اللي جايه عشان تتجنبي العطش في رمضان خصوصا هذا العام جاي في الحر الله المستعان . في الفطار ابعدي عن المسبك والتوم وكل الحاجات الحاميه ع القلب وكمان حاولي توزعي الميه اللي بتشربيها ماتبقاش كلها مره واحده كده الجسم هايطردها برضوا مره واحده يعني قولي كل ساعه تشربي كوبايه ميه وتعالي بقي للسحور بلاش الحاجات الحادقه قوي ولا الحلوه قوي كلاهما بيسبب العطش وكلي موزه الموز فيه بوتاسيوم بيقلل العطش
الدونات السريع
هاتي كوبايه افقشي فيها بيضه واحده قيسي بالنظر كميه البيضه في الكوبايه
وقدها حطي زيت ذره او عباد زيت نضيف يعني وقدها كمان حطي حليب بمعني ان سائل البيضه قد الزيت قد الحليب قلبي بشوكه وضيفي معلقتين سكروفضيهم في حاجه واسعه وانزلي بدقيق واحده واحده اول كميه دقيق ضيفي لها معلقه بيكينج وزره ملح واعجني
وضيفي دقيق تاني لحد ماتلم وتبقي عجينه فله افرديها وقطعيها زي الدونات
وقليها طوالي بدون انتظار
وقدميها بالف هنا طبعا انا قليت الفواصل كمان مالها شكلها زي حرف واي وزي الفل ههه
تعالوا نفتح واحده ماشاء الله زي القطنه
وممكن نعملها صوابع عشان مانهدرش حاجه من العجينه وعشان كمان نقدمها من غير توبينج تغطيه يعني ونقدم جنبها قي طبق صغير صوص شوكلت او حتي مربي للتوفير ونحافظ اكتر ع اللي يفضل لانه مع التوبينج يعني لو الدونات متغطي هايخسر اسرع . كده كل حاجه لحالها وممكن تعمليه وتخلي الزينه قبل التقديم مباشره . كانظريه اقتصاديه هههه وخلينا نحكي شويه في النظريه الاقتصاديه .





طبعا حبايب قلبي كلنا في رمضان بنستني المغرب نطبق في الميه ونشرب كتير وبالتالي مانقدرش ناكل كويس الاكل عشان كده عاوزين نعمل كميات محسوبه وكمان نتجه للاصناف اللي ينفع تتشال وتتحفظ البواقي منها بسهوله وكمان نشغل المخيخ في اعاده التدوير عشان اسرتنا ماتزهقش من الاكل البايت مثلا عملت اول يوم صينيه كنافه اولا يفضل اعملها ساده كنافه مع زبده ادخلها الفرن نطلع اسقيها ليه لان الحشوه اول حاجه بتخسر كمان الساده هاتديني فرصه اكبر اشكل منها براحتي . اول يوم هاقدمها مه وردات قشطه ع الوش . تاني يوم هاخد قطعتين تلاته واسقيهم بجيلي فراوله بعد مايبرد وقبل مايجمد هاتشربه ويخلي لونها احمر وطعم تاني خالص ابني حبها قوي ع فكره بس ماصورتهاش للاسف. تالت يوم رشه جوز هند ومكسرات سخيه ع وش الكنافه مع رشه عسل تمسك المكسرات واقدم جنبها في الطبقه بوله ايسكريم محترمه بالف هنا . كان عندي ضيف وعجبته فعلا مع الايسكريم. رابع يوم لو لسه باقي من صينيه الكنافه حاجه فتفتيها واعجنيها بمعلقه عسل واعمليها كور ودحرجيها في جوز هند وحطيها في ورق كب كيك صغير
وممكن كمان بعد ماتفتقتيها تحطيها ارضيه في كاسات وتصبي فوقها مهلبيه وع الوش رشه قرفه بتبقي تحفه. وبكده صينيه الكنافه اتقدمت كل يوم بشكل مختلف وهكذا وهكذا انتوا طبعا اشطر شطار في الافتكاسات دي ههههه
ولو حابه تحشي الكنافه ممكن تحشي حشوتين مختلفتين خالص في نفس الصينيه يعني نص الكنافه مكسرات مثلا والنص التاني مهلبيه وبعد ما تغطي وانتي لسه فاكره مكان كل حشوه هاتحطي خله خشب طويله تفصل بس وتوضح
وبعد ماتطلع من الفرن شيليها وقطعي كل صنف لوحده
تابعوني لسه مكملين بإذن الله
تكمله لموضوع النظريه الاقتصاديه واعاده التدوير هانقول وصفتين ع السريع
اولا الفراخ بالمشروم حد من العيال ساب فرخته قطعتها في طاسه ع السريع وشيلت العضم وضيفت توابل بصل وتوم بودره وفتحت علبه مشروم معلبه وضيفتها كله ع النار مع معلقه سمنه
بعدين ضيفت نصف كوب ميه ونصف معلقه صلصه ولفيتهم كويس ع النار
وقت التقديم رشه طحينه ع الوش وعملت جنبها سلطه طحينه وبطاطس مقليه
تاني وصفه وصفه بواقي
هاتي بصلتين كبار قطعيهم ع النار في معلقه سمنه وضيفي لهم اي حاجه باقيه عندك حته كبده حته قلب قوانص فراخ حته لحمه شويه بطاطس مقليه بايته حتي لو مطبوخه بواقي صينيه خضار في الفرن بواقي سلطه بس شيلي الخيار طبعا كله مع كله ومعاهم نصف معلقه توم مفروم وريحه شطه يامعلم
يتلف لفه حلوه تمام ع النار
وبالف هنا
واخيرا تعالو نحكي شويه قبل مانمشي الله اعلم هاعرف ادخل تاني امتي . طبعا عارفين اني بحبككم كلكم في الله وعشان بحبكم عاوزه انبهكم ان اغلبنا بيذيد وزنه في رمضان طبعا حلويات واكلنا كله بالليل عشان كده نعمل حسابنا من دلوقتي ونعمل ريجيم خطير بجد من غير هزار وتحدي بحيث اننا نحاول نخس الشويه اللي هانذيدهم في رمضان بأذن الله
2-لو عندك اطفال لسه بادأين يصوموا يبقي سهريهم لحد الفجر ياكلوا كل شويه ويشربوا ميه براحتهم وبعد مايصلوا الفجر يناموا يصحوا بعد الظهر بساعه يصلوا ويكملوا اليوم ع خير وجهزي ليهم حاجات تشغل وقتهم لحد المغرب عشان ينسوا عطشهم وجوعهم
3_ العزومات وما ادراك ما العزومات اولا ياجماعه ماتزعلوش مني كلنا بنعرف نطبخ فميش داعي بصراحه للعزومات خصوصا في رمضان مجهود ومصاريف ووقت بيضيع ولو فاض عندك اكل لفيه وطلعيه لحد محتاجه بس طبعا الكلمه لازواجنا واحنا علينا السمع والطاعه وربنا يعين وناخد اجر مضاعف. بس لوو الزوج متفهم يجمع عزوماته في ايام الدوره الشهريه لزوجته هايكون افضل ليها .كمان لو العدد كبير قدمه كل صنف في سرفيس كبير وهاتي اطباق واكواب بلاستيك من اللي بتترمي بعد الاستخدام من كل الاحجام وحطي منها ع السفره ايوه ما تتكسفيش كلنا عارفين وقفه الحوض والمواعين بعد العزومات واخيرا ركزي في الاصناف عشان مايتبقاش اكل كتير بمعني لو الضيوف اشخاص انتي عارفه هما بيحبوا ايه في الاكل مثلا محشي يبقي محشي بلاش تجربي فيهم حاجه جديده الهدف ان الاكل يتاكل . اشخاص ماتعرفيش بيحبوا ايه في الاكل امسكي العصايه من النص واعملي اصناف متعدده بكميات قليله عشان اللي مابيحبش ده ياكل من ده ههه وكميات قليله ليه لان كلنا بنغلط ونعمل حساب ان كله هاياكل من كله وده مش بيحصل فابيفيض اكل اكتير نحتاس بيه بعده يومين.
كل عام وانتم بخير ده رابط الجزء السابق
افكار حلوه & للناس الحلوه(40) سحور رمضان
https://forums..com/thread5854616
وده رابط موضوعي للسمبوسه
https://forums..com/thread5433150
وده رابط الجزء ال15 فيه تلخيص لما قبله من احزاء
https://forums..com/thread5459380
وده رابط الجزء ال30 فيه تلخيص من الجزء ال15 حتي الجزء ال30
https://forums..com/thread5731997
سامحوني مش قدر ادخل كتير وادعولي بالشفاء وصلاح الحال



إظهار التوقيع
توقيع : انا دلوعة اوووى
#2

افتراضي رد: افكار حلوه & للناس الحلوه(41)& وحشتوني

شكراااااا
إظهار التوقيع
توقيع : اماسلام
#3

افتراضي رد: افكار حلوه & للناس الحلوه(41)& وحشتوني

شكراااااا
#4

افتراضي رد: افكار حلوه & للناس الحلوه(41)& وحشتوني

تسلمين
#5

افتراضي رد: افكار حلوه & للناس الحلوه(41)& وحشتوني

رد: افكار حلوه & للناس الحلوه(41)& وحشتوني
#6

افتراضي رد: افكار حلوه & للناس الحلوه(41)& وحشتوني

مــــــآشـآء’للـه ، الله ، يوفقك : الا مـآفيه الخير ،
#7

افتراضي رد: افكار حلوه & للناس الحلوه(41)& وحشتوني

بـآقي ب : سوي اثنين ، مشـآركه ، وبعديـن : ب : روح لي
#8

افتراضي رد: افكار حلوه & للناس الحلوه(41)& وحشتوني

بـآقي هــآي الاخير ه : ي : روح الروح :
#9

افتراضي رد: افكار حلوه & للناس الحلوه(41)& وحشتوني

افكار حلوه جزاكي الله خير
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
افكار حلوه لتزيين منزلك ، افكار بسيطه بتكلفه قليله من منزلك حياه الروح 5 اعمال يدويه لتزيين المنزل
افكار حلوه وجديده المعجنات ، التوست بطريقه شهيه ، الميل فاي بشكل جديد حياه الروح 5 اطباق سهلة وسريعة
بالصور قبل وبعد افكار تجميل قطع الاثاث في منزلك هـــدوء افكار وتجارب منزلية
افكار جديده لاستغلال كرتون مسحوق الغسيل ,افكار حلوه اللهم ارزقنى التقى افكار وتجارب منزلية
افكار مذهلة 2024 منة الله احمد افكار وتجارب منزلية


الساعة الآن 10:55 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل