أو

الدخول بواسطة حسابك بمواقع التواصل



https://adlat.net/showthread.php?t=285830
7196 15
#1

افتراضي مدونتي ~إبتساامه~

دي قصه .. هحكي فيها عن 4 بنات .. الحياه .. المشاكل . الاخطار .. أول قصه اكتبها و اوريها لحد .. و عندي شغف كبير بيها .. يا رب تعجبكم .. و يا ريت تقولوا رأيكم فيها بصرااحه .. شكرا



الصفحه الاولى






بسمه .. ده إسمي .. مش مقتنعه خالص بحكاايه اني اكتب مذكرات و الجو ده بس اصحابي اقنعوني انها بتريح .. و انا فعلا محتاجه الراحه ..
بصي يا مذكرتي العزيزه .. انا حكايتي طويله بشكل غرييب . بس عليكي أنك تستحمليني .. و انا بقول نبدأ على طول .. من غير مقدمات .
انا عندي 4 بنات من صغرنا مع بعض .. صحاب و جيران
1) منى .. صاحبتي العزيزه .. نعرف بعض من فتره طويله فعلا .. مجنوونه .. بس بحبها اوى
2) رحمه .. أنتيمتي .. اكتر واحده عاقله فينا .. بنعتبرها العقل المدبر .. مبتبطلش تفكير ابدا
3) ياسميين .. الكئيبه .. الواحد مش عارف هي ليه كئيبه اغلب الوقت .. و كلنا اول ما نلاقيها مبسووطه في يوم نعرف ان في مصيبه هتحصل هههههههه
اما انا .. فأبقى رقم 4 .. قد إيه بكره الرقم ده .. شهر 4 اكتر شهر بطئ في السنه .. يوم 4 من كل شهر لازم تحصلي مشكله
بصي يا ستي
انا وحيده و معنديش اخوات .. و ال 3 بنات دول بالنسبالي هم اخواتي .. مقدرش استغنى عنهم .. كنا منغلقين على بعض اوي
ماعدا منى كانت بتحب تهزر مع الولاد كانت دايما تقول دول اخواتنا و مفيش منهم ضرر
كانت غلطاانه
مرحله الثانوي دي مرحله غريبه اوي .. ليه بيبقى نفسنا نجرب فيها كل حااجه .. بنحس اننا خلاص كبرنا
انا عمرى ما حسيت اني كبرت .. دايما بقول اني لسه صغيره و مينفعش اعمل حاجه انا لسه صغيره ..
عارفه .. انا مجربتش الحب قبل كده .. زي ما قلتلك كنت منغلقه على نفسي و اصحابي و بس ..
منى كانت اول واحده تحب فينا .. ايوه كانت كل يوم بتحلوا عن اليوم الي قبله و لما نسألها انتي حلوه كده ليه .. تقول اصلي بحب
كان اسمه احمد .. قد ايه كنت بكرهه .. شايف نفسه و متكبر بجد معرفش على ايه
و معرفش ازاي هي حبته .. مع انها بتكره الصفات دي اوي .. و لما اسألها ازاي تحبي الكائن الغريب ده .. تقولي الحب بيلغي كل الصفات الوحشه
أحمد كان في نفس سننا .. مراهق .. بس بردو حبته من كل قلبها ..
لما بتيجي سيرته بينا بالغلط بتبقى هتتجنن .. بتغير عليه حتى مننا ... انا فاكره اننا مره اتخانقنا بسببه و قعدنا اسبوع كامل منتكلمش ..
لازم كل يوم خميس نتجمع في بيت واحده مننا .. ده غير اننا بنشوف بعض كل يوم في المدرسه .. و غير الخروجاات و السهر
بس مش سهر اوي يعني .. الميزه الوحيده اننا كنا ساكنين في نفس الشارع ... الي كان بيفصل كل واحده فينا عن التانيه شويه بيوت جمبنا ..
منكرش ان كلام منى عن الحب و عن احمد و الكلام الي كان بيقولهولها .. قد ايه كان بيحسسني بأن الحب حاجه جمييله .. و ان خوفي منه ملوش معنى
بس كل ده بيتحوول بعد اول شهريين .. متلبسيش كدا متتكلميش كدا بتهزرى مع الولد ده ليه .. كل الحاجات دي كانت بتخنق منى اوي .. خصوصا انها عفويه و مبتحبش ان حد يفرض سيطرته عليها
كان ممكن يكسبها لو كلمها بشويش .. بس انا استغربت ضعفها و قبولها بطلباته كلها .. قد ايه عاتبتها يومها .. زعلت من كلامي ..
بس انا كان عندي حق .. انا معجبه اوي بقوتها و كانت مثلي الاعلى و كان نفسي اكون قويه زيها
عاتبتها على ضعفها .. من كتر عصبيتي قلتلها انه بعد كده هيمتلكك : (منى احمد هيخليكي زي الأمه هتعمليله الي هو عايزه و هيخليكي تعملي حاجات انتي تكرهيها و هتعمليها و هتضعفي قداامه و هتقولي مش عايزه ابعد عنه و هتبقى ضعيفه وقفيه عند حده من دلوقتي ) و كان ردها بارد اوي و مستفز : (ده شيئ يخصني متدخليش فيه )
أعتقد انه شيئ طبيعي انه بعد الرد ده اني اسيبها و امشي .. و مكلمتهاش خااالص من يومها لغايه ما جت اعتذرتلي .. بس بردو
عمرى ما ارتحت للي اسمه احمد ده .. ولا حسيت انه ناوى على خير ..
ياسمين بردو حذرتها منه .. خصوصا انها دايما بتقول انها تعرف عنه بلاوي و مبترضاش تقولنا هي ايه .. و بسبب سكوت ياسمين كانت بتحكم عليها منى بانها غيراانه منها و مش حابه انها تشوفها مبسوووطه .. اما بالنسبه لرحمه فكانت قاعده بتتفرج .. و اما بتكلم منى بتكلمها و تعاتبها على خفيف و اول ما ننزل تقول خلينا نتفرج في النهايه هيحصل ايه .. بس كانت متفقه معايا في الرأي .. ان احمد ميجيش من وراه خير ابدا ..
تعرفي ..
من العشره الطويله الي بينا بيبقى سهل جدا اننا نعرف اذا كانت الي قدامنا زعلانه او لا . ده احنا حافظين بعض بردو ..
فمن السهل اننا نعرف ان منى و احمد متخانقين و خناقه كبيره كمان ..
في الاول مكانتش بترضي تحكي خاااااااالص و كانت بتقول ان ده موضوع شخصي محدش ليه الحق انه يتدخل فيه ..
قد ايه منى بيبقى كلامها قاسي .. بس طبعا من غير قصد .. هي كانت مكسووفه تقول ان كلامنا كلنا عن احمد بيطلع صح خطوه بخطوه
و قد ايه كل مره بتتأكد اننا صح و انه مش الملاك الي هي شايفااه .. خصوصا بعد موضوع ساندي
و ساندي دي حكااايه لوحدها .. بنت من بنات اليومين دول .. يعني شباب و سهر و الكلام ده كله الي احنا عارفيينه يعني
و علشان احمد مغرور فكانت قاتلاه اوي حتت ان بنت تقوله لا .. و خصوصا لو واحده زي ساندي .. قد ايه كانت حارقاه
و ناقحه عليه رجوولته ازاي انا بنت تقولي لا ..
انا و ساندي معرفه قدييمه من المدرسه بردو كانت زميلتي زماان في مدرسه بعيده عن مكان ماحنا ساكنين .. ايام الطفووله بقى
بس كانت بنت شاطره و مؤدبه .. كنت بحبها اوي و كنا دايما بنقعد جمب بعض
بس من ساعه ما طلعت من المدرسه و انا علاقتي بيها تتلخص في كلمتين عالفيس .. ( هاي - ازيك- انا تمام - وحشتيني - لازم نشوف بعض قريب - سلام )
اول ما منى حكت موضوع ساندي .. مكانش حد يعرف اني اعرفها .. و اول ما عرفوا .. مش قادره اوصفلكم الي حصل . كانوا هياكلوني .. في الاول عتاب على اني ازاي اعرف بنت زي دي .. بس لما عرفوا انها معرفه من و احنا عيال هديوا شوفيه .. في نفس الوقت منى طلبت مني اني اتطقس على موضوع احمد معاها و ده الي شجعني على فكره في دماغي
ان انا و هي نتفق اتفاق .. لو احمد طلع زي ماحنا بنقول لمنى .. هتسييبه .. و هي وافقت
طبعا الموضوع مش هيجي بالساهل اني اروح و اكلمها و اقولها (هاي ساندي انتي تعرفي احمد) .. هتبقى مفقووسه اوي يعني
فالموضوع اخد اسبوع كلام و ضحك و هزار و نفتكر ذكرايات عشان تتطمنلي .. خصوصا اننا صحاب قدام ..
و اول ما سألتها عن احمد .. الموضوع اختلف 180 درجه
.... استنوا الصفحه التانيه
يا رب تكون عجبتكم .. يا ريت رأيكم .. عشان اقدر اتشجع و انزل بقيت الصفحات الي جايه .. انا بحب اسم صفحه اكتر من حلقه .. اعذروني بقى
يا رب تعجبكم .. رأيكم يهمني

البارت الثاني

مممممم .. قد ايه المره دي الموضوع مختلف .. انا فعلا حاسه اني بستريح لما بكتب مذكراتي .. بحس اني بفضفض ..
الحكايه اختلفت 180 درجه اول ما اتكلمت مع ساندي ..
الكلام كان متوقع درجه متتوصفش .. كل الي تخيلناه عن احمد طلع فيه .. المشكله انه مش بتاع بنات و بس .. لا ده الموضوع طلع اكبر من كده بكتيير ..
الي الواحد كان بيفكر فيه ساعتها .. انه يقول الحمد لله انها جت على قد ايه .. ده الي كنا فاكريينه .. بس للاسف .. المواقع كان مختلف
-( ساندي .. هو انتي تعرفي واحد اسمه احمد .. ؟ )
-(احمد بتاع البنات .. ههههه .. طبعا عارفاه .. يا حبيبتي ده سمعته سابقاه بكتيير .. خصوصا ان في طار قديم بيني و بينه .. )
-( طاار .. يااه للدرجه دي ؟)
-( صدقيني و اكتر يا بنتي .. انتي متعرفيش هو عمل ايه .. ومشكلتك يا بسمه انك على نياتك .. لسه زي مانتي من و احنا عيال )
-( انتي اثرتي فضوولي .. احكيلي )
-( بصي يا ستي .. الموضوع بدأ من اول سنه في الثانوي .. طبعا انتي عارفه ان ليا اخت اسمها مريم .. بس محدش كان يعرف غيرك بده .. حبته .. و انا بصراحه مكنتش اعرف عنه حااجه فطبيعي لما جت تحكيلي عنه ... قلتلها الله على الحب الجميل ... ده ملاك .. ههههه مكنتش اعرف اصل الحكاايه .. و الي كان ناويله )
-( يا بت شوقتيني انا مبحبش المقدماات )
-( هههههه حاااضر يا ستي ... مريم زي الهبله اندلقت على بوزها .. و ابتدى مره مره يخنقها و يكتفها ووقت ما يحب انه يديها شويه من حريتها .. كان بيطلب منها انها تبعتله صور ليها .. من باب انه بيحبها و هيتقدملها و الجو الي انا و انتي عارفيينه ده )
-( و بعديين !! )
-( و بعدين يا ستي لعب بيها لغاااايه ما اتعلقت بييه و مبقتش تقدر تستغنى عنه .. و ساعتها بقى .. اداها البومبه )
-( بومبه !!! بومبه ايه !! سابها يعني ؟؟ )
-( ههه .. مش بقوولك هبله و على نيااتك .. اه يا حبيبتي سابها بس بعد ما فضحها و خلى سيرتها على كل لساان )
-( ازاي ؟ )
-( اتقدم لواحده صاحبتها عريس و هي وافقت و فيوم خطووبه صاحبتها عرض صور مريم على كل الي قاعدييين و طبعا الصور مش صور عاديه لا .. دي صور من غير الحجااب و صور بدلع و كده .. يعني بالنسبه للناس انها بنت مش محترمه انها تعمل كده .. و طبعا ده غلط انا مبقولش انها مش غلطاانه .. بس نرجع و نقول انها كانت مأمنااله .. بس يا ستى طبعا بعدما فضحها سابها و قالها انه ميشرفنيش اني ابقى مكمل حياتي مع واحده مفضووحه زيك .. طبعا مريم اتصدمت و انهاارت .. بس بعد كده اكتشفنا انها مش الضحيه الاولى .. للاسف كان في غير ها كتيير )
-( ياااااه ... هو في بشر كده ؟ )
-( ههههههه طبعا و اوحش من كده )
-( طب و بعديين ؟؟ )
-( ابدا .. من اسبوعيين كده .. جه يقولي انه بيحبني و عايزني .. و بصرااحه انا انتهزت الفرصه .. عايزه انتقم منه بسبب الي عمله في مريم .. النوع ده من الولاد بيحب الي تعذبه و متجيش بسهووله .. و دي اسهل حاجه عندي )
-( طب و مش خايفه )
-( لا مش خايفه .. و حتى و خايفه .. نظره الحسره الي في عيون اختي الي موجوده لغايه دلوقتي بعد ما الموضوع عدى عليه اكتر من 6 شهوور .. تخليني انسي اي خووف في الدنيا )
....
حافظه كلامها بالحرف ... الصدمه الي اتصدمتها .. بالنسبه لواحده كانت صفحه بيضه .. تعتبر كبييره
الصدمه الاكبر بقى ان منى عملت زي ما عملت مريم .. بالحرف .. مع انها العاقله .. الكبيره .. الي عارفه الولاد و عارفه حركاتهم ..
بس معلش ميقعش الا الشاطر ..
كان صعب نلحق الموضوع كان شبه مستحييل .. ازاي هناخد الصور بتاعتها من على تليفوونه .. للاسف هي دي المغامره
مكانش قدامي غير ساندي ..
بصراحه حكيتلها كل حااجه .. و هي فهمت قد ايه انا بحاول اساعد منى .. ووعدتني انها هتساعدني في ان الصور بتاعت منى تتلغي من على تليفون احمد .. و فعلا صدقت .. واحده زي ساندي ليها الف طريقه و طريقه عشان تعمل حاجه سهله زي دي ..
و بصرااحه بعد الموقف ده علاقتنا احنا الاربعه اتطورت مع ساندي .. بعد ما عرفتهم عليها طبعا .. و بقى مفيش حاجه تشغل بالنا غير اننا ننتقم منه ..
منكرش ان الايام بعد الي حصل كانت صعبه بالنسبه لمنى .. بس بعد اسبووع واحد بس .. اتبدل الحب ده كله لكره و انتقام و غضب كبير نحيه احمد ..
انا ممكن اقوولك ان الايام الي عدت بعد كده كانت مليااانه سعااده خصوصا اننا كلنا اتخضينا لما عرفنا ان ياسمين متقدملها عريس و انها وافقت .. و الي حكتهولنا بعد كده انها كانت بتحبه بس مكانتش بتبينله ..
اسمه حسيين .. مهندس مدني .. جارهم .. و احنا عارفيينه كويس .. ابن شارعنا
ولد محترم و متربي و متدين .. و اهله حتت سكره .. و حددوا معاد الخطووبه و اتخطبوا ..
قد ايه كنا مبسوطيين بياسمين .. بأحلى عروووسه ..
يمكن مكناش فرحانين من قلبنا قد ما كنا محتاجيين اننا نفرح نفسنا بأي شكل
انا ممكن اقول ان الحب مش وحش كده .. بس بيضعف صاحبه .. و الحزن بيولد الكره .. بس بردو .. كلنا بنحلم بالحب الي في افلام ديزني .. و ممكن نلاقيه !! الله اعلم .. بس اكييد ..
عشان احنا في الدنيا .. فمينفعش نفضل على حالنا كتيير
بس المره دي انا حالي اتشقلب من يوم ما صحيت على صوت ماما و هي بتقول ان اهل الحسيني اخيرا رجعوا من السفر
و كانت مفاجأه كبييره اوي .. أول ما شفت (خلووود )
..

البارت الثالث

خلووود .. بنت عم مصطفى الحسيني .. بنت جميله في منتصف العشريناات ..
عم مصطفى الحسيني جارنا من زماان .. من يوم ما اتولدت و عيلته و عيلتنا نقدر نقول انهم كانوا عيله واحده
كان البيتين جنب بعض و مفتوحين على بعض ..
خلوود .. بنته الكبيره .. لما كان عندي 5 سنين كان هي عندها 12 سنه . بس كانت بتحب تقعد معايا اوي
كنت بستغرب ازاي بنت كبيره عايزه تقعد معايا انا الصغيره .. بس كنت بحبها .. كانت دايما بتقولي انتي حلوه و انا بحبك زي اختي الصغيره
بحكم ان انا مليش اخوات خالص ..
بس كانت احلى حاجه في بيت الحسيني .. هي عبدالله ..
أبنه الي بعد خلود على طوول .. أكبر مني بخمس سنين بس .. كنا انا و خلود و عبدالله نطلع عالسطووح و نقعد نلعب كتيير اوييييي
بس لما بقى عندي 10 سنين .. عمو الحسيني سافر الكويت .. زي اي مدرس بيجيله عقد عمل هناك
و اخيرا رجعوا ..
الطبيعي انهم اول ما يرجعوا من السفر يدخلوا بيتهم يرتاحوا .. بس هم معملووش كده .. جم على طول عندنا عالبيت .. اول ما ماما صحتني و طلعت من اوضتي .. لقيت خلوود .. قد ايه كبرت .. كانت واحشاني اوي ..
و بردو اول ما شافتني .. حضنتني زي حضن زمااان .. قد ايه وحشني الحضن ده ..
و بعديها وقعت عيني على عبدالله . مصدقتش عيوني .. زماان كنت مسمياه الشحات .. بسب التشرد الي كنا فيه زماان .. بس لا دلوقتي بقى شاب وسيم اويييي .. و خجوول .. و خجله ببان على خدووده ..
اتكسف اوي اول ما شافني و خدوده بقت زي الطماااطم ... بس كل الخجل ده راح اول ما قلتله ..
-( معقووله انت الشحاات ؟؟ )
-( لسه لمضه زي مانتي مش هتتغيري ابدا )
كانت مفاجأه حلوه اوي .. مكنتش متوقعاها خااالص
و المفاجأه التانيه انهم مش هيسافروا تاني .. و ده شيئ فرحني اوى .. اني اخيرا انا و خلوود هترجع صداقتنا قويه زي زماان
طبعا و زي اي بيت عادي .. اول ما بيجي ضيووف بيطلع الاكل الي شايلينه في الفريزر كله عشانهم .. فعرفت ان الواحد هيملى كرشه النهرده
قعدنا انا و ماما و خلود و مامتها في المطبخ .. كنا انا و خلوود بنتكلم و نحكي البعض عن حياتنا الي فاتت و هي بعيده عني و عن حياتها هناك في الكويت .. و ازاي انهم كانوا في الاول متدايقين و زعلانين و بعدين اتعودوا على البلد .
-( تعرفي انا مصدقتش بابا لما قال اننا هننزل مصر تاني .. انتي اول شخص جه على بالي )
-( صدقيني انتي متعرفيش قد ايه انا مبسووطه اني شايفاكم تاني .. بس الشحات اتغير خااالص .. مبقااش شحاات .. بقيت انا الي شحاااته )
كان فعلا جو جمييل ..
خلود ااتخرجت من كليه صيدله .. اما بالنسبه للشحات فبيدرس في كليه هندسه قسم مدني ..
و طبعا اليوم كملناه زي اي يوم فيه ضيووف اتغدوا و قعدوا طول الليل و بعدين راحوا على شقتهم عشان يرتاحوا ..
طبعا لما حكيت للبنات قالوا انهم ناس معندهمش دم هههههههههههه .. بس بصرااحه انا مش شايفاها كده خاالص .. انا شايفاها مفاجأه حلوه
-( و هو عبدالله ابن عم حسيين عامل ازاي .. احنا بقالنا سنين مشفناهمش من ساعه ما سافروا )
-( لا مقولكيش يا رحمه ده بقى مز مز اوي يعني مش اي كلام )
-( يا بت اتنيلي ده كان جربووع )
-( لا لا يا منى ده كان زماان دلوقتي حاجه تانيه خاالص made in kewait يا ماما )
الطبيعي اني افكر في خلوود لانها تعتبر اخت مجابتهاش امي ..بس الغريب اني قعدت افكر في عبدالله .. فعلا الاختلاف الي حصله لفت نظرى .. خصوصا خجله .. كان شكلي حلو اوي و هو خجوول .. انا قلت انه زي اي ولد في السن ده .. هيسلم على جارته و مش هنشوف وشه بعد كده
بس العكس هو الي حصل ..
-( بسمه قومي يا بت )
-( ايه يا ماما هو انا معرفش انام ابدا في البيت ده )
-( وطي صوتك يا بت خلود و عبدالله برا و عايزينك )
-( مين عبدالله ؟؟؟ )
-( يا سلام و مسكتي في الاسم اوي كده ليه ؟؟ )
-( لا بس متوقعتش .. بس بقى يا ماما عييب كده انتي عارفه اني مش بتاعت الكلام ده .. و يلا عشان هم قاعدين برا لوحدهم انا هلبس و اطلعلهم اهو )
اول ما طلعت طلبوا مني انهم عايزين يتفسحوا و حابيين اني انزل معاهم ..
انا بصرااحه لقيتها فرصه .. و فسحتهم كتييير في البلد الي هم غايبين عنها بقالهم سنين و سنين
و طول الخرووجه انا و خلود بنتكلم و عبدالله بيسمع و بس
اول مره يتكلم لما عزمتهم على عصير
-( أنتي بتعملي ايه ؟ )
-( هدفع الحساب انا عازماكم )
-( بس يا بت ايه مش انا وااقف ؟)
-( ايوه بس انا الي عازماكم )
-( معلش اعزمينا مره تانيه و يلا امشي من هنا روحي لخلوود بدل ما اضربك يلا .. )
طبعا لعشره قدييمه .. فده الطبيعي من الشحاات .. بجد وحشتني بجاحته
مقدرش اقول ان ايامي اختلفت بعد ما هم جم .. خصوصا ان خطت ساندي ماشيه تمام التمام .. خصوصا انها المره دي لما احمد قالها بحبك قالتله اديني فرصه افكر ..
الموضوع مش حكاايه انها بتتقل لا .. ده تعذييب .. أفكر دي هتخليه لا على حامي ولا على باارد ... بس هي عندها حق .. الولد الي من النوع ده ميجيش الا بالطريقه دي .. و كان لازم ساندي تخليه يحبها بجد .. عشان يقع على بووزه
و جت ايام الامتحانات .. و ما ادراك ما هي ايام الامتحانات
كان اسبوع عصبي و خرباان و الواحد مكانش بينام
كانت خلوود بتقعد معايا تزاكرلي هي و عبدالله .. كتر خيرهم بصراحه مسابونيش .. ووعدوني انه لو جبت مجمووع عالي زي كل سنه هتبقى في مفاجأه انا متوقعهاش .. انا قلت انهم هياخدوني معاهم الكويت مثلا .. بس فعلا الهديه شدت انتباهي و خلتني اركز كويس في مزاكرتي و حلي في الامتحاان .. كان عندي فضوول غريب في اني اعرف هي ايه الهديه ..
اخر يوم في الامتحانات خرجنا كلنا مع بعض العيلتين خرجوا مع بعض .. و بالصدفه لقينا ياسمين و خطيبها في نفس المكان الي كنا قاعدين فيه .. و قعدت معانا .. و فاجأتنا انهم حددوا معاد الفرح بعد النتيجه بأسبووع
انا فرحتلها اوي .. بس حسيت انها بتظلم نفسها .. ازاي تتجوز بدرى اوي كده .. بس محبتش اني اكلمها .. انا ما صدقت انها مبسووطه
مقدرش انكر ان طول الفتره دي كان في انجذاب نحيه عبدالله .. بس كنت ببقى خايفه و مرعووبه .. معرفش ليه الي حصل مع منى كان بيطاردني .. كان عندي خووف كبير انه يحصل معايا .. انا عارفه ان عبدالله غير احمد .. بس بردو معرفش ليه كنت خايفه
.. بعد شهر من محايله احمد على ساندي انها توافق .. اخيرا وافقت .. و الموضوع اتنقل من المرحله الاولى .. للمرحله التانيه ..
ساندي كان لازم في المرحله دي انها هي الي تفرض سيطرتها على احمد .. هي الي تبقى الراجل .. هي الي تقوله اعمل كذا و متعملش كذا .. بس الخوف في المرحله دي ان احمد ميوافقش .. و نبقى خسرنا كل الي خططناله بعد كده
لكن هو كان بيستجيب بس واحده واحده.. مره يقول لا انا اعمل الي انا عايزه .. و مره تانيه يقول الي تشوفيه يا حبيبتي هعملهوولك ..
و ده كان في صالحنا .. ان كده الخطه ماشيه زي ماحنا عاوزين .. و مفيش اي غلطه
الجو تمام و الامور جمييله و يوم مشرق جديد من ايام الاجاازه السعيده .. و كنت خارجه من البيت و رايحه اقابل البنات عشان نروح لساندي و نعرف ايه الاخبار .. بس و انا نازله عالسلم .. حصلت حاجه غريبه اوي ... لقيت .....


البارت الرابع

انا بطبعي بخااف كتيير .. و بضعف اوي قدام الحاجات البسيطه بتاعت البنات دي ..
فطبيعي اني لما اكون نازله عالسلم و فجأه الاقي ورده .. استغرب طبعا .. لا و الي يخووف ان مكتووب عليها اسمي .. ( بسمه )
الغريبه اني نزلت لباب العمااره و طلعت للسطوح على امل اني الاقي الي ساب الورده عالسلم .. بس طبعا مفيش فايده .
لما اتقابلت انا و البنات وريتهم الورده .. طبعا كلهم استغربوا .. خصوصا ان الشخص الي ساب الورده دي .. خطه جمييل ..
اول ما وصلنا عند ساندي .. لقيناها طايره من الفرحه .
-( ايه يا بت مالك فرحاانه كده ليه ؟؟ )
-( مش هتتصوروا ايه الي حصل يا بنات .. انا طلبت من احمد انه يلبس جيبه و يتصورلي فاكريين ؟؟ )
-( اه و احنا قلناالك انه من رابع المستحيلات ان ده يحصل )
-( طب و الي يقولك يا رحمه انه هيحصل ؟؟ )
-( ازاي يا فالحه .. ده انا الي اسمي منى الي مدوبه شباب المنطقه كلهم و مقدرتش )
-( عشان انتي هبله )
-( طب ازاي يا فالحه )
-( انا طلب منه انه يعممل كده طبعا في الاول قال لا و مش لا و الجو ده )
-( اه تمام )
-( بعدين قلتله انه لو معملش كده ينسي انه يعرف واحده اسمها ساندي .. و طبعا ميقدرش يسيبني و هيتصوور بس مقالييش امتى بالظبط )
-( يخربييت عقلك ... انتي ايه يا بت شيطااان ؟؟ )
-( اكتر يا ياسميينه يا جمييله )
كنا مبسوطيين اوي ان الخطه بتتطور بسرعه كده .. لاكن رحمه كان باين عليها القلق )
-( مالك يا رحمه قلقانه كده ليه ؟؟)
-( انتي مش شايفه انها غريبه يا بسمه انه يوافق على حاجه زي دي ؟)
-( ازاي مش فاهمه ؟؟ )
-( واحد زي احمد حتى لو حب ساندي .. مش هيوافق على حاجه زي دي بسهووله و خصوصا انها من غير مقابل )
-( قصدك انه ممكن مينفذش طلبها ؟ )
-( لا .. مش شرط .. ممكن يقولها هعملك الصور بشرط انك تتصوري مثلا .. او بأي مقابل تاني بس على نفس الخطووره .. انتي متخيله ان واحد زيه هيعمل كده بسهووله .. يا قلبي مستحييل .. انا مش مرتااحه ابدا .. حاسه اني في حته ناقصاني .. في لغز ورا الخضووع و الرضا ده كله)
-( يمكن كلامك صح .. بس احنا مع بعض اهو في ظهر بعض و هنحمي بعض )
-( اكييد .. بس مقلتيليش .. هتعملي ايه مع الشخص المجهوول الي بعتلك الورده ؟؟ )
-( مش عارفه .. بس لو بعت ورد تاني .. ساعتها هفكر بقى اعرفه ازاي .. لاني مش حاطه الموضوع في دماغي اوي يعني )
قد ايه كنت كداابه .. لان مكنتش ببطل تفكيير في الي بعتلي الورده .. اول مره حد يعمل معايا كده ..
لما روحت حكيت لخلود على موضوع الورده .. و قالتلي متحطيش في دمااغك .. متشغليش بالك بيها .. تلاقيه حد بيعاكس
و كلامها كان منطقي خصوصا اني مش من نوعيه البنات الي بيصاحبوا او كده
و عدى اول اسبووع .. و فاضل عالنتيجه اسبوع .. قد ايه كنت ملهووفه للهديه دي
صحابي بجد عمرهم ما خبطوا عليا و لقوني صاحيه ابدا .. النوم عندي شيئ مقدس .. فكان طبيعي ان اول ما ماما تفتح تقولهم روحوا صحوا الميته الي جوا هههههههه
-( بسمه أصحى يا خم نووم انتي أصحي البيت بيقع )
-( ايه بيقع فيين ده ؟؟ )
-(ه مبتجيش الا بالطريقه دي )
-( أخص عليكي يا منى حد يقومم حد من النوم بالطريقه دي ؟)
-( هو انتي بتقومي اصلا يا بوومه .. اصحي في حاجه مهمه )
-( خير يا ست هاانم ايه المهم ؟)
-( احمد بعت الصور لساندي )
-( ايه ؟؟ بجد ؟ )
-( اه والله .. اصحي البسي بسرعه خلينا نروحلها و نتفرج )
-( هي رحمه فين ؟؟ )
-( سبقتنا على هناك .. ساندي كلمتك كذا مره و لما لقتك مبترديش على تليفوونك قامت مكلماني و قالتلي صحيها .. حتى البت المسكيينه فقدت الامل في انك تصحي ههههههههه )
-( طب اطلعي برا عشان اغير هدوومي )
و روحنا لساندي .. و كانت الصور مسخره .. تخيلوا لو صور زي دي اتنشرت عالفيسبوك .. هتبقى فضيييحه جامده اوى ..
-( ساندي متنشريش الصور دي دلوقتي )
-( ليه يا رحمه ؟)
-( اسمعي الكلام .. ده بيختبرك .. اسمعى كلامي امشي معاه عادي و كأن الصور مش موجووده .. في الحالتين هتبقى انتي الكسباانه .. اول حاجه هتكسبي ثقته .. و تاني حاجه هتكسبي منه وقت انك تكسريه بطرق مختلفه )
-( صح عندك حق .. انا ازاي مفكرتش فكده )
و رحمه كان عندها حق .. لان تاني يوم احمد سألها عملتي ايه بالصور و كان رد هايدي انها مسحتهم عشان اهلها .. و فعلا احمد كسب ثقتها .. خصوصا انه وعدها انه هيتصور بلبس بنات تاني و هيبعتلها
الموضوع كان ماشي زي الفل .. و صاحب الورده المجهوول مبعتش ورد تاني .
قبل ما النتيجه تطلع بيوم .. لقيت عبدالله بيخبط على بيتنا و بيقولي انه عايزني اطلع السطووح عشان في حاجه مهمه لازم اشوفها
و طلعت ..
-( أيه ده يا عبدالله ؟؟)
-( أيه عجبتك ؟)
-( دي حلوه اوي .. اول مره اعرف انك بتعرف ترسم حلو اوي كده )
-( دي اقل حاجه عشاانك )
-( بس مقلتلييش .. انت رسمتني ليه ؟؟)
-( فضا بعيد عنك )
-( متهزرش .. بجد .. رسسمتني ليه ؟؟ )
-( انتي مش نتيجتك بكره ؟؟)
-( أه )
-( خلاص .. انا متأكد ان مجمووعك هيكون عالي .. فحبيت اوريلك هديتك من دلوقتي )
-( هي بصرااحه هديه تحفه اوى )
-( بسمه !)
-( نعم ؟ )
-( أبتسامتك حلوه اوى .. اوعى تخفيها .. اوعي في يوم الزعل ينسيكي ابتسامتك .. واجهي كل حاجه و اي حاجه بأبتساامه .. خصوصا زي دلوقتي اهو خدودك هتحمر بقى و هتعملي فيها البت المكسووفه و انتي جربووعه اصلا )
-( تصدق انك الشحات .. هتعيش الشحات و تموت الشحاات .. مفيش جمله تكملها لأخرها و هي عدله .. لازم ترمي دبش )
-( أنتي إبتسامتى .. من هنا و رايح .. عمرك ما تني حااجه وحده .. ألابتساامه .. )
-( ها ؟؟ )
-( والله قلت متسوله محدش صدقني ... امشي يا بت من هنا بدل ما احدفك من السطووح امشي .. جربووعه صحيح )
على قد ما كنت مبسوووطه اوى .. على قد ما الخوف اللعين ده جالي اني ... انا حاسه بحاجه نحيته .. و حاسه انه بيبادلني نفس الاحسااس .. بس خايفه .. طول الوقت خاايفه .. دايما حاسه انه لو فعلا ده حصل .. النهاايه مش هتبقى تمام .
و طلعت النتييجه .. و طلعت التانيه عالمدرسه و طبعا رحمه الاولى كالعااده .. كانت فرحتي متتوصفش و فرحه خلوود و عبدالله بردو كبييره و متتوصفش ..
-( اديني نجحت اهو و جبت مجمووع عالي .. ايه المفاجأه بقى ؟؟؟؟ )
-( يا بت اهدي هي هتطيير .. المفاجأه النهرده بليل ان شاء الله )
-( ايه هنتفسح مه بعض ولا ايه ...... خلووووووووود انتي عارفاني مبحبش اللف و الدوران ده )
-( ه يا بت اهدي بقى ... ايوه خروووجه بس صدقييني خرووجه مش هتنسيها في حياااتك ابدا)
مبحبش المفاجأت بقلق منها اوي .. و كلام خلود قلقني .. بس بردو قلت هتكون ايه يعني مش مهم .. و اتشجعت و خرجنا كلنا مع بعض .
في جنيينه جميييله قعد العيلتين مع بعض .... ليله جميييله منن الضحك و الهزاار .. بس فجأه حصلت حااجه مكانتش تخطر على بالي خااالص
..

البارت الخامس

انا بعشق عمرو ديااب .. فكان بالنسبالي صدمه قلبيه ان خلود و عبدالله يجبولي عمر دياب يغنيلي
انا فاكره اني كنت هموووت و اخدهم بالحضن و فعلا حضنتهم ..
قد ايه عبداالله وشه احمر و اتكسف اوي لما حضنته .. انا كمان اتكسفت خااالص .. مخدتش بالي اني بحضنه اصلا .. من فرحتي مركزتش .
اقدر اقول انه اجمل يوم عشته في حياتي كلها .. فعلا كان يوم ميتنسيش
روحت على طوول للبنات كلمتهم و اتقابلنا عالسطووح
-( يا بناات النهرده كان اجمل يوم في حياتي .. عايزه اطييييير )
-( ايه عبدالله باسك ؟؟)
-( بس يا منى الكلب انتي هتبطلي قله ادب امتى ؟؟؟ انا الي حضنته انتي عبييطه ولا ايه ههههههههههه )
-( نعم ياختي ؟)
-( اصل انتي متعرفييش الي حصل .. ده هو وخلود جابولي عمرو دياب يغنيلي هيح ... انتوا متخيليين ؟؟)
-(يا بت يا محظوووووظه .. عمرو دياب مره واحده ؟؟)
-( شوفتي يا رحمه .. بجد مكنتش مصدقه نفسي انا كان ناقص اقوم احضن عمرو دياب شخصيا .. بس اتكسفت )
-( ههه أتكسفتي تحضنى عمرو دياب و متكسفتيش تحضني عبدالله .. يا بت يا لئيييمه )
-( ياسمين يا فاهماني انتي يا كاسفاني اسكوتي بقى )
ياسميين عندها حق .. يمكن انا حضنته قصد .. مش مجرد فرحه .. لا انا كنت قاصده اعمل كده .
...
-( بسمه بسمه اصحى ا بت كفاايه نوم قومي )
-( يا ماما والله اروح اأجر شقه يعني عشان انام فيها براحتي يعني ولا اعمل ايه انا ؟؟؟ عايزه ايه يا ماما ؟؟ )
-( عمك مصطفى و عياله برا )
-( طب ما ده العادي يعني هم من امتى بيقعدوا في بيتهم .. خلود قوليلها تستناني لما اصحى هي مش غرييبه )
-( يا بنت الناس الكويسين قومي في مفاجأه بره )
-( عمرو دياب معاهم ؟؟؟؟؟)
-( انتي جايبه الغباء ده كله منين .. بصي يا حبيبتي قومي كده و البسي حاجه حلوه كده و حطي شويه مكياج بس على خفيف ها .. انا مش مصدقه نفسي يا بنتي .. كبرتي يا حبيبتي كبرتي يا جربووعه )
-( لا حول ولا قوه الا بالله .. هو انتي اتهبلتي يا ماما .. يا حبيبتي يا ماما .. و البس عدل ايه و بتاع ايه انا هطلعلهم كده بالبجاامه يا دول هلبس طرحتي .. دول 24 ساعه عندنا في البيت .. يلا بقى يا ماما )
-( اما انك بنت قليله الذوق صحيح .. فعلا انا معرفتش اربي .. )
الغريب بقى اني لما طلعت لقيتهم كلهم لابسين شيك و عمي مصطفى و ابويا و عبدالله لابسيين بدل .. و امي و ام خلود و خلود لابسيين فساتين .. و انا طالعه بالبجاامه هههههه
طبعا لو اي حد تخيل المنظر هيكون منظر قذر اوي بصرااحه
لا و المصييبه اني قعدت عادي و امي تبصلي و تبرقلي و انا ولا الهوا ولا كأن في اي حااجه
-( انا بقول بما ان بسمه بنتي طالعه بالبجاامه يبقى ندخل في الموضوع على طوول )
-( بص يا عادل يا اخويا .. انت عارف انا و انت عشره عمر من ايام الاعداديه و عارف اننا لما اتجوزنا جينا سكنا جنب بعض في العمااره دي )
-( اكييد يا مصطفى ده احنا اكتر من الاخواات )
-( احنا ان شاء الله كده جايين نطلب ايد بنتك بسمه .. لابني عبدالله .. و يبقى زيتنا في دقيقنا )
-( و انا معنديش مانع .. نقرا الفاتحه )
_( ايه يا بابا ايه يا عمي مصطفى ما تصلوا عالنبي كده فاتحه ايه بس اهدوا كده اهدوا )
-( ايه هو انتي مش موافقه عليا ؟؟)
-( لا مقصدش بس .. من باب البرستييج انكم تاخدوا رأيي مش كيس جواافه انا هنا )
-( و يا ترى موافقه انك تبقى خطيبتي يا جربووعه )
معرفش ليه لساني اتشل ساعتها .. اه كنت مبسوووطه و هطييير من الفرحه .. بس في نفس الوقت الخوف قاتلني.. انا ليه خايفه اوي كده .. و قررت اني مخفش و اني اوافق .
-( باابا .. عمي مصطفى ... انا عندي جمله واحده هقولهالكم و يا ريت تحترموا رأيي )
-( ايه هي يا بنتي ؟؟)
-( اتفضلوا اقرأوا الفاتحه .. انتوا ازاي اصلا تقفوا كده و تسمعوني انا اصلا انسانه مش موجووده في الوجوود يلا بسرعه متضيعووش وقت بسم الله الرحمن الرحييم )
طبعا الضحك و الزغارييت ملت البيت .. لا و سبحاان الله البنات دخلوا البيت و قعدوا يزغرتوا وسط الزغارييت و طلعوا عارفيين الكلاب و مظبطيين مع خلوود .. اصدقااء سوء بصحيح ولا واحده فيهم عبرتني ..
بس في وسط الزغارييت كلهم ماتوا على نفسهم من الضحك لما شافوني بالبجاامه ههههههه اول عرووسه تتخطب بالبجاامه اه والله ..
كان موقف وحش اوي .. بس كانت ليله حلوه اوي
-( ها بقى نحدد معاد الخطووبه )
-( الخميس الجاي و ده اخر كلام عندي )
-( يا بسمه بس ....)
-( مفيش بس .. خلاص بسمه قالت الخميس الجاي ولا ايه رأيك يا بابا ؟؟)
-( والله انا معنديش مانع .. ايه رأيك يا مصطفى ؟؟)
-( و انا مالي العريس الي يقول رأيه )
-( انا معنديش مانع .. بس عندى شرط واحد )
-( اتفضل حضرتك )
-( متقوليليش هاتلي عمرو دياب في الخطووبه )
-( ههههههههه .. خلاص خليها شعبان عبد الرحييم )
بجد كان يوم جمييل .. فرحه متتوصفش .. و خوف مبيرحمش
...
-( بت يا ساندي )
-( ايه يا منووش .. تعاليلي البيت حالا انتي و البنات )
-( في حاجه ولا ايه ؟؟)
-( ده في مصييبه يلا بسرعه )
ساندي كان عندها حق .. في مصييبه فعلا .. احمد طلع اتقدم لساندي .. اول مره يتقدم لبنت .. بس مع سانندي اتقدملها
-( ايه يا رحمه .. انتي الوحيده الي دماغها عبقريه )
-( بصي هو ده ليه معنيين .. اول واحد انه فعلا بيحبك و بيمووت فيكي لدرجه انه عايز يستقر معاكي .. و تاني حاجه انه ناوى على نيه شر )
-( انا عن نفسي مع الاحتمال الاول .. الي يبعت لواحده صور زي دي .. اكييد مأمنلها )
-( لا يا ياسميين مش شرط .. ممكن يكون بيختبرها مش أكتر )
-( يختبر ايه يا رحمه كل ده بيختبرها .. هو انسان مش محترم .. انا مع انه ناوي على نيه شر)
-( يا جمااعه صلو عالنبي .. دلوقتي انا اعمل ايه ؟؟ اوافق ولا ارفض ولا ايه ؟؟ بسمه ايه رأيك ؟)
-( وافقي )
-( و انتي يا رحمه ؟)
-( وافقي بس خلي بالك كويس اوى )
-( و انتي يا منى ؟)
-( متوافقيش و كفايه لحد كده انا خايفه عليكي )
-( و انتي يا ياسميين ؟)
-( وافقي )
-( متخافيش يا منى .. انتوا في ظهرى .. و انا هخلي بالي كويس اوى زي ما قالت رحمه )
ووافقت .. المهم بقى ان ياسمين كانت خطووبتها يوم الثلاثاء و انا خطوبتي الخمييس كان اسبووع جاامد و كله فرحه .. و اتخطبت ياسميين .. و اتخطبت انا .. و كنا في قمه السعااده .. بجد كنا فرحانيين اوى
و طبعا بما اننا مخطوبين جداد .. فلازم نخرج مع بعض .. و دي كانت اول خرووجه
-( عبدالله .. هو انت خطبتني ليه ؟؟)
-( انا كنت مستني سؤال زي ده .. إبتسامتى ... انا بحبك )
-( طب منا عارفه خش عالي بعده )
-( اه يا بنت ال .. يعني انا بقولك إبتسامتي و بدلع فيكي و بقولك بحبك و انتي تقزليلي انا عارفه خش عالي بعده و بعدين عارفه منين يا روح ماما )
-( خلوود حبيبيه قلبي )
-( مبيتبلش في بؤها فوله بنت الناس الكويسيين ... ماشي يا خلوود )
-( عبدالله )
-( ها هتطلعيلي مطوه و تقوليلي هات الي في جيبك ريحي نفسك انا معايا 5 جنيه هجيبلك بيهم ترمس )
-( انا بحبك )
اول ما قلتله كده وشه احمر خاالص و قام حضني الواطي .. و انا طبعا لاني بنت مؤدبه و مليش في الكلام ده صوت و لميت عليه الناس ..
-( الله يحررقك هتفضحيني مكانش حضن يعني )
-( اوعى تعمل كده تاني والله افضحك )
-( خلاص مش هحضنك تاني .. فضحتيني الناس بتبصل علينا يلا امشي خلينا اروحك و اخلص منك )
بجد كسفته عالاخر .. حسيت اني الي عملته غلط .. بس لا صح هو يحضني لييه يعني فاكر نفسه عمرو ديااب .. اول ما روحت لقييت في مصييبه مستنياني في البيت و بتعييط
.. استنوا البارت السادس.. هنزلها النهرده بردو ان شاء الله



#2

افتراضي رد: إبتساامه

يسلمووووووو ي قمر
إظهار التوقيع
توقيع : وِجَـعَ ـ قَلَبّـ..❤
#3

خاطرة إبتساامه .. الصفحه الثانيه

الخوف بيموت حاجات كتير جوا الانسان ..
ممكن الخوف يخلي الواحد أنطوائي ووحيد .. الخوف بيقتل صاحبه .. سواء نفسيا او عصبيا او حتى جثمانيا
او يدمر الخلايا العصبييه .. حاجات كتيير بتحصل بسبب الخووف
بس لما روحت البيت و سمعت من ماما الي حصل .. حسيت فعلا بكلمه همووت من اخوف ..
ساندي عملت حادثه كبيره بالعربيه هي و ابوها
و روحتلها عالمستشفى بسرعه لقيت البنات كلهم هناك .. الحمد لله ساندي بخير و باباها بردو بخير .. هم الاتنين عندهم شوويه كدماات بس ساندي كان عندها ضلع واحد مكسوور .. غير كده كانت زي القرده
-( ايه الي حصلك يا ساندي بس ؟؟)
-( أسكوتي يا منى .. البهاايم الي بيسوقوا عربيات و مش محترمين الناس التانيه دول قذريين اوي .. انا و بابا ماشيين في امان الله و الاشاره كانت خضرا و في حيواان بعربيه كبيره كده طلع بيجرى في الاحمر .. خبط فينا و قلبلنا العربيه .. هقوول ايه بس .. حماار )
-( الف سلامه عليكي يا سوني .. مانتي زي القرده اهو )
-( قرده في عينه يا بسمه الكلب )
و فجأه حصل الي مخطرش على بال ولا واحده فينا
فجأه احمد دخل الاوضه .. و اتخضينا كلنا لما لقينااه .. و هو كمان اتخض اول ما شاف منى .. بس ساندي لحقت الموقف
-( أحمد حبيبي انت جييت .. تعالى يا روحي ادخل اعرفك على صاحبه عمرى بسمه .. و دول اصحابها اول مره اتقابل معاها بس بجد حلوييين اوي .. اعرفكم يا جمااعه بأحمد خطيبي )
أول ما ساندي قالت كده .. أحمد وشه قلب الواان و كانت بيتكلم بلهجه تردد ..
بصرااحه .. مقدرتش اخبي ضحكتي .. قد ايه كان موقف سخييف
اول مره اشوف احمد خايف اوي كده .. و اول ما طلع من الاوضه .. منى قالت اما اخد فرصتي في تخوييفه شويه .. لاحسن شكله هيعملها على رووحه
كلنا ضحكنا و هي طلعت ورااه
-( أحمد باشا )
-( منى انتي لازم تعرفي ان ا...... )
-( لالالالالالا متكملش بس كلامك و اسكت .. انا جايه اقوولك الف مبرووك يا خطييبها .. و كنت جايه اقوولك كمان ان حقي اني ادخل و اقولها الي عملته فيا و الحق المسكيينه الي جوه لتبقى الضحيه الجديده .. بس معلش .. ملحووقه .. عموما الف مبرووك تاني يا باشا .. و خلى بالك منها .. لتعرف الي عملته فيا ولا حااجه )
و دخلت منى تاني الاوضه .. قد ايه كان مكسب لينا من غير تخطيط ولا تعب ولا حتى تفكير بسيط .. حدثه ساندي سجلت هدف كبيييير في الخطه .. بس بعد الشر عنها اكييد .. و روحنا و سبناها ترتااح
كان انتصاار كبييييييييير اوي لينا و كنت مروحه مبسووطه اويييييييي ..
-( بسمه !)
-( بسم الله الرحمن الرحييم .. حد يخض حد بالطرييقه دي .. ايه يا عبدالله هزار البوابين ده ؟؟ )
-( تعالي امي عايزاكي ؟؟)
-( عايزاني .. هو انت قلتلها اني لميت عليك الناس في الشارع ؟ اه يا فتاان )
-( ههه انتي هبله اوي .. مقلتلهاش حاجه متقلقييش بس مش ناسييلك الفضييحه الي عملتيهالي والله لاوريكي يا إبتسامتي )
-( طنت شوفتي يا طنت ابنك عايز يضربن )
-( تنقطع ايده .. سيبك منه يا بت .. تعالى عايزاكي )
-( خير يا طنت ؟)
-( انتي عارفه انا بحبك قد ايه صح ؟؟)
-( صح )
-( خلود متقدملها عرييس و هي رافضااه من غير حتى اي اسباب .. حتى مش راضيه تقول لعبدالله .. انا بطلب منك تعرفي مالها و مش مهم العريس في داهيه انا بس عايزه اعرف مالها )
-( انا عارفه لييه .. مش بردو الي اتقدملها ده ابن عمها ؟؟)
-( أيوه .. هي حكتلك ؟؟)
-( أه و قالتلي كمان قد ايه عمي مصطفى ملهووف عالجواازه دي .. هي مش حابه انها تتجوزه لانه مش عاوز يتجوزها عشانها لا ده عايز يتجوزها عشان يرضي ابووه و بس .. و ده هيبقى ظلم ليها .. و هي و ابن عمها العريس ده اتفقوا انها ترفض و من غير ما تقول اسباب بس . يا ريت حضرتك خلود متعرفش اني قلتلك ولا عمي مصطفى يعرف ايه السبب .. يا ريت يعني )
-( شكرا يا بسمه .. بس قوليلي صحيح .. أيه موضوع إبتساامه ده ؟؟ .. عبدالله قارفنا و كل شويه يقول إبتساامه إبتساامه )
-( ههههه ده موضوع طوييل اوي .. اسمحيلي اروح انام دلوقتي و اول ما اصحى هحكيهوولك احسن انا تعباانه اوي )
-( تنامي .. اه طبعا .. متبقيش بسمه لو منمتييش .. هقوول ايه عادتك ولا هتشتريها )
و نمت .. نمت و حلمت بحااجه غرييبه اوي .. حلمت ان قاعده في المقاابر . على قبر .. و عمااله اعيط و اكلمه كأنه موجزد معايا .. و لما قمت من عليه .. لقيت مكتوب اسم عبدالله مصطفى الحسيني .. قمت مفزووعه .. بس قلت حلمت بكده من كتر خوفي لاكرر تجربه منى تاني .. و نسيت الحلم و مهتمتش بييه ..
-( صباح الخير يا ماما )
-( صباح النور با بيسو .. )
-( بيسو تاني .. ماشي يا حجا مقبووله منك ..)
-( عبدالله سابلك العلبه دي و مشي الصبح راح الشغل )
-( العلبه دي يا ترى فيها ايه ؟؟ )
-( فيل يا روح ماما )
-( انا اروح افتحها في اوضتي .. )
اول ما فتحتها .. حيطت بطرييقه غبيه .. اجمل هديه جتلي في حياتي .. لوحه خشب صغنوونه منحووته على اسم (( إبتساامه )) و سلسله ذهب بردو محطوط فيها دلايه منحووته بأسم (( إبتساامه ))
-( يا حبيبي يا عبدالله .. قد ايه انت رقيق هح ..)
-( فعلا رقيق اوي هييح )
-( ايه ده منى .. انتي هنا من امتى ؟؟ )
-( من ساعه ما هاخدها في اوضتي و افتحها ههههههه )
-( يا كلبه .. بس شفتي .. رقيق ازاي )
-( هو ايه ابتساامه دي ؟؟)
-( هو بيحب ابتسامتي اوي .. مسميني إبتسامتي .. أبتساامه دي تبقى انا .. انا ابتساامته .. و انا الي هفضل طول عمرى ابتسم علشانه ..)
-( يا محنوو يا كوهنوو )
-( بس يا بت يا قليله الادب .. و بعدين هو انتي جايالي ليه ؟؟)
-( ساندي كلمتي و قالتلي انها خرجت و راحت البيت و بتقولي انها عازمانا عالفطاار .. يلا البسي بسرعه )
و لبست هدومي و لبست السلسله الي جابهالي .. و انا طالعه من باب الشقه كانت مامته عندنا .. و شافت السلسله و فهمت طبعا ان ابتساامه دي .. هي انا .
أول ما وصلنا .. لقينا ساندي فعلا زي القرده .. و باباها كمان كانت صحته كويسه ..
و طبعا زي عادات البنات اللعينه .ز اول ما شافوا السلسله و ايوا يا عم و جو البنات ده .. و قعدت احكيلهم عنه و قد ايه هو خجوول .
و قعدنا عندها لغاايه بليل .. بس مش بليل اوي يعني .. لقيت عبدالله كلمني عالموبايل و كان صوطه مخنووق .
-( بسمه )
-( مالك يا عبدالله انت كويس ؟؟ )
-( اه انتي فين انا قلقان عليكي ؟)
-( انا عند ساندي مانت عارف )
-( هتتأخرى عن كده ؟؟ )
-( لا متقلقش شويه و هننزل و هي بيتها مش بعيد اوي قريب )
-( تحبي اجيلك ؟ )
-( لا يا حبيبي متتعبش نفسك انا معايا البنات )
..
كان صوته مش مظبووط .. و الموضوع مكانش انه خايف عليا او قلقان .ز كان في حاجه و كنت حااسه .
لما روحت البيت .. كان عندي احساس غريب اني لازم اطلع السطووح معرفش ليه .. و فعلا طلعت ..
لقيت عبدالله قاعد ..
-( انت هنا .. مالك بقى ؟)
-( مضغووط اوي .. حاسس ان كل حاجه بتتهد .. الشغل ضاغط عليا اوي .. و بابا و ماما .. غير اني خايف انك تضيعي من ايدي )
-( متقولش كده .. ضغط الشغل و ده طبيعي فتره و هتروح لحالي .. عمي مصطفى طول عمره بيضغط عليكوا ايه الجديد يعني فتره بردو و هتخلص .. اما بالنسبه ليا انا بقى )
-( ايه .. ؟؟)
-( أنا ابتساامتك .. عمرى ما اضيع من ايدك .. انا بحبك يا شحاات فاهم ولا مش فاهم .. قاعده على قلبك و مربعه )
-( ممكن تحضنيني ؟؟ )
-( مممم .. المره دي بس عشان انت مخنووق لاكن تتعود على كده والله بالشبشب )
-( يخربيت لساانك .. هضربك ا بت )
و حضنته .. كنت حابه احتويه .. خصوصا في ديقته .. بس الكارثه مش هنا .. الكارثه انه و احنا في نص الحضن سمعنا
-( انتوا بتعملوا ايه هنا )

#4

افتراضي رد: إبتساامه .. الصفحه الثانيه

اوك يا عمرى بس يا ريت بسرعه
شويه

إظهار التوقيع
توقيع : Nada Ndod
#5

افتراضي رد: إبتساامه .. الصفحه الثانيه

اها مستنين الصفحة الثالثة باذن الله
نعست وانا بقرأ ههههه

إظهار التوقيع
توقيع : ♥.. ابتســامة أآمــل ..♥
#6

افتراضي رد: إبتساامه .. الصفحه الثانيه

جميل كملي

إظهار التوقيع
توقيع : نَقاء الرُّوح
#7

خاطرة إبتسامه .. الصفحه الثالثه


#8

افتراضي رد: إبتسامه .. الصفحه الثالثه

ياترى اية لي حصل و هي نازلة ع السلم ؟

متطوليش علينا ياقمر

إظهار التوقيع
توقيع : نَقاء الرُّوح
#9

افتراضي رد: إبتسامه .. الصفحه الثالثه

جميل كملي انا مستنيا الصفحة الرابعة
إظهار التوقيع
توقيع : اماسلام
#10

افتراضي رد: إبتساامه .. الصفحه الثانيه

جميله كملى
إظهار التوقيع
توقيع : بياض الثلج
#11

افتراضي رد: إبتساامه .. الصفحه الثانيه

هااايل وطريقة رائعة
يعطيك الصحة حبيبتي

إظهار التوقيع
توقيع : عاشقة الصلاه
#12

افتراضي رد: مدونتي ~إبتساامه~

تسلمي وكملي حبيبتي

إظهار التوقيع
توقيع : فتاة أنيقة
#13

افتراضي رد: مدونتي ~إبتساامه~

روووعه كملي البارت السادس شو صار فيه
#14

افتراضي رد: مدونتي ~إبتساامه~

موضوع حلو اووى مبدعه وفنانه
#15

افتراضي رد: مدونتي ~إبتساامه~

الاسم لوحده يشرح القلب.
ممكن تكتبيلنا جزء ثاني؟

#16

افتراضي رد: مدونتي ~إبتساامه~

موضوع جميل ورائع
مشكوره حبيبتي

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
مدونتي.................من ايفين ايفين مدونآت الاعضآء!
{قوانين قسم مدونتي} فتاة أنيقة مدونآت الاعضآء!
|~ مدونتي للشهر الفضيل نفحات رمضانية ~| رحيق العفة مدونآت الاعضآء!
***مدونتي لشهر رمضان المعظم***اللهم ارزقنا رحمته ومغفرته وعتقه من النار جنا حبيبة ماما مدونآت الاعضآء!
مدونتي عن حب مصر من تأليفى بقلمي ~الذهبي2024~ ♥مبدهـ♥ مدونآت الاعضآء!


الساعة الآن 09:48 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل