أو

الدخول بواسطة حسابك بمواقع التواصل

#1

افتراضي اول ايام الجواز مواقف وطرائف .. تعالو شاركونا











..
‏‎ حوادث المتزوجين جديد هههههه...مواقف وطرائف
‏‎يلا كل واحدة تقولنا هى كمان مواقف حصلت معاها لما كانت عروسة جديد

مواقف لبعض البنات في أول أيام الزواج



عملت عصير ايس تشوكليت وحطيت كل حاجه وجيت وحطيت السكر ونسيت المعلقه جوه الخلاط
وقفلت وشغلت لقيت صوووووت رهيييب وغطا الخلاط طار والعصير كله طرطش في المطبخ وعلي سقف المطبخ والخلاط اتكسر
وطبعا مش عايزة احكيلكوا مسحت اثار الجريمه بسرعه قبل ما جوزي يخرج من الحمام ولما طلع قالي كان في صوت غريب قوي قلتله لا ماتقلقش دي الناس اللي جنبنا كانوا مشغالين الشنيور



انا نفسى هفتنى اكل فشار قومت عملت ومحطتش غطا ماكنتش اعرف انه بيتغطا قعد يضرب فالسقف وفي كل حته ونا خايفة اجى جنبه وعايزة اقفل النار ومش عارفه اوصل للبوتجاز مالخوف حاسه ان المطبخ بيشتى فشار فسبته لحد ماكله طلع بره الحلة والحلة بقت فحمة وروحت طفيت النار وقعدت ألم الفشار بقا قبل مايرجع مالشغل...
لميت من الارض ومن عالبوتجاز ومن فوق التلاجة ومن على دولاب المطبخ وفوقه ياااانى كان يووم



‫#‏عملت‬ لحمة ع الفحم مكنتش اعرف انها ليها لحمة معينة قعدت اسوى فيها ع الفحم ماستوتش
بعد مااتحرقت طبعا جبت مايه وسلقتها تانى لاقيت الشوربة سودة
طلعتها وشوتها تانى ع الفحم
وجه جوزى ياكل بيقولى ايه ده قلتله لحمة ع الفحم قالى ايوه ده الفحم فين اللحمة



انا كان زوجي طلب مني عصير ليمون فجبت شوال الليمون كله عصرته ف الكوباية لحد ما نص الكباية اتملت
فدخل علي زوجي المطبخ بعد ساعة من تحضير عصير الليمون
فقلت له بعتذر الليمون خلص ومعرفتش املا الكوباية
الراجل لطم وفطس من الضحك يا عيني





انا بقي كنت بغسل اللحمة المفرومة كنت بحطها في مصفي واغسلها و نصها يقع في الحوض و اقول انا لازم اجيب مصفي اضيق شوية



كنت بسلق بيض ونسيته والله ماهتصدقوا سمعت صوت انفجار جامد في المطبخ طبعا روحت علي باب الشقة الاول وبعد لما اطمنت ان مفيش اصوات انفجارات تانية رحت ببطء شديد للمطبخ وبصيت من بعيد علي الاجهزة الكهربائية لقتها بخير والحمد لله ولقيت الكسرولة اللي كنت بسلق فيها البيض متفحمة والبيض اشلاء في المطبخ كله معرف نيوتن مقلش ليه ان البيض بينفجر عند زياده درجة الحرارة بيستهبل ده






‫#‏انا‬ اول لما اتجوزت عملت ملوخية وجوزي قالي طول عمري اعرف ان الملوخية بتسقط لتحت لكن انتي سقطيها لفوق ازاي ..
ازاي خليتي الملوخية فوق و الشوربة تحت...



#انا حبيت اعمل نفسي زي الشيفات الكبار وجيت اقلب الاكل فالهوا هو الي حصل انا لاقيت خير اللهم اجعله خير نار مولعه فالبوتجاز كله والاجراء المحيطه
ومن بعدها جوزي شاف المنظر قالي ياريت لما تحبي تحرقي البيت تاني اكون هنا عشان انقذ ما يمكن انقاذه
بس الحمد لله مفيش خسائر بشرية وانا اتعلمت اني متفرجش علي برامج اكل في التليفزيون تاني ابدااااااااا



انا طلب مني اعمله كشري علشان بيحبه دخلت وطلعت 100 مرة من المطبخ وبعد تلات ساعات سالني عملتي الكشري عيطت وقلتله مبعرفش اعمل اكل اصلا




غسلت الخلاط كلة بالموتور تحت المية وجيت اشغلة فرقع ف وشى ههه






‫#‏يوم‬ الفرح بليل هو حلف ليعمل فيها رومانسى ودخل المطبخ يحضر العشا لسه بقوله حبيبي اخرج انت لقينا البوتجاز هب من العيون كلها جرينا وبعديها اقوله قوم انت وهو يقولى لا قومى انتى وفى الاخر كلنا الاكل ساقع







#عملت محشى فلفل لوحدة مكنتش اعرف ان لازم كوسة وبتنجان معاه واخترت اكبر اربع فلفلات فى السوق معرفش انها لازم تكون صغيرة طبعا قالى ايه القنابل الذرية اللى عملاها دى






# كنت لسه متجوزة جديد وغسلت شعرى فكان شكله حلو وهو مبلول وجوزى قالى الله شعرك جميل كدة سيبيه متربطهوش قولتله بلاش ماسمعش الكلام المهم كنا في حجرة الكمبيوتر بنتفرج على فيلم ونمنا وصحيت بصحيه
وبقوله قوم ننام في حجرتنا
فضل يصوت ويقول اعوذ بالله من الشيطان الرجيم فانا اتخضيت وبقولة مالك وهو يبعد عنى ويصوت واقوله الله يسامحك
المهم النيش كان فية مراية وبالصدفة ببص فضلت اصوت انا كمان الكحل مع المسكرة مع الروج مع شعرى وهو ناشف ولونة كان اورانج علشان كنت لسة صبغاها معرفش ان الون وهو مبلول مش زى وهو ناشف بصراحة كنت تحفة




عملت عدس طلع لونة اخضر. محدش يسألني ازاي انا شخصيا لحد دلوقتي ماعرفش







إظهار التوقيع
توقيع : عمر ابانا وعائشه امنا
#2

افتراضي رد: اول ايام الجواز مواقف وطرائف .. تعالو شاركونا

‫#‏عملت‬ لحمة ع الفحم مكنتش اعرف انها ليها لحمة معينة قعدت اسوى فيها ع الفحم ماستوتش
بعد مااتحرقت طبعا جبت مايه وسلقتها تانى لاقيت الشوربة سودة
طلعتها وشوتها تانى ع الفحم
وجه جوزى ياكل بيقولى ايه ده قلتله لحمة ع الفحم قالى ايوه ده الفحم فين اللحمة





# كنت لسه متجوزة جديد وغسلت شعرى فكان شكله حلو وهو مبلول وجوزى قالى الله شعرك جميل كدة سيبيه متربطهوش قولتله بلاش ماسمعش الكلام المهم كنا في حجرة الكمبيوتر بنتفرج على فيلم ونمنا وصحيت بصحيه
وبقوله قوم ننام في حجرتنا
فضل يصوت ويقول اعوذ بالله من الشيطان الرجيم فانا اتخضيت وبقولة مالك وهو يبعد عنى ويصوت واقوله الله يسامحك
المهم النيش كان فية مراية وبالصدفة ببص فضلت اصوت انا كمان الكحل مع المسكرة مع الروج مع شعرى وهو ناشف ولونة كان اورانج علشان كنت لسة صبغاها معرفش ان الون وهو مبلول مش زى وهو ناشف بصراحة كنت تحفة





ههههههههه مواقف مضحكة جدا فصلت ضحك هههههههههه

إظهار التوقيع
توقيع : كيوت متل التوت
#3

افتراضي رد: اول ايام الجواز مواقف وطرائف .. تعالو شاركونا

شكرااااااااااااااااااااا
#4

افتراضي رد: اول ايام الجواز مواقف وطرائف .. تعالو شاركونا

رد: اول ايام الجواز مواقف وطرائف .. تعالو شاركونا

إظهار التوقيع
توقيع : عمر ابانا وعائشه امنا
#5

افتراضي رد: اول ايام الجواز مواقف وطرائف .. تعالو شاركونا

ههههههههههههه حلوة ي قلبي
واحلى تقييم هههههه
بس انا متجوزتش هههههه

إظهار التوقيع
توقيع : وِجَـعَ ـ قَلَبّـ..❤
#6

افتراضي رد: اول ايام الجواز مواقف وطرائف .. تعالو شاركونا

[IMG]https://forum.**- /imgcache/2/322741women.gif[/IMG]

إظهار التوقيع
توقيع : عمر ابانا وعائشه امنا
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
موعد اول يوم رمضان 2024_ متى اول يوم رمضان 2024 متى هلال اول ايام شهر رمضان 1445 ♥ احبك ربى ♥ عدلات في رمضان
صور امساكيه شهر رمضان 2024/1445 كل البلاد العربية اول ايام ... ♥ احبك ربى ♥ صور x صور
لمعرفة ايام التبويض وانتظام الدورة ادخلي هنا.. ريموووو مرحلة الحمل والولاده
مواقف مضحكة من الفيس بوك الملكة نفرتيتي فرفشة عدلات
هتعملى اية فى اول الجواز....هتلبسى اية؟... ازاى؟. امتى. تعالى اقولك مع ام جنى وبس الثقافة والتوجيهات الزوجية


الساعة الآن 10:37 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل