أو

الدخول بواسطة حسابك بمواقع التواصل

#1

حصرياً ربنا رزقني ببيت ببلاش من غير ولا مليم , وممكن أفرشه بأجمل فرش , تعالي أقولك إزاي

هأتكلم على طول كدة من غير ترتيب نقط الكلام


أنا طول عمري نفسي في شقة تكون بتاعتي
يعني ليا لوحدي


ولو حتى شقة أستوديو أو صغيرة خالص
مش مشكلة بس تبقى ملكي


و كنت بأحلم نفس أجيب فيها تلاجة كذا ولونها اللون الفلاني
و أنترية صغتوت و جنبه ترابيزة الكمبيوتر
و شكل أوضة النوم و الدولاب
ولون الحمام هيبقى إية و ترتيبه

حتى البلكونة و بتطل على شجرة خضرا


يعني كله كله
و الأحلام كلها متخزنة في قلبي
وعمالة برضو أدور في كتالوجات و صور الديكورات و كله



أنا معاييش تمن الشقة دي
ولا فلوس الأثاث ولا أي حاجة من الحاجات دي


بس طبعا مفيش حاجة بعيدة على ربنا
و عايشة على أمل أن ربنا يديهاني بنفس مواصفاتها




لحد من كام يوم ربنا رزقني ببيت
من غير ولا مليم
ببلاش


و بجد
وممكن يكون بأي سعة أنا اتمناها
و بأي خضرة و جنينة بأتمنى أن الشباك يطل عليها
و بشكل الأثاث اللي عاوزاه



أكتشفت أن أنا عندي بيت يا بنات , وممكن يبقى زي ما أنا عاوزة بالظبط , من غير أي تكاليف مادية
و لا قرش واحد


عارفين عرفت إزاي



كنت بأتفرج على فيديو







جنازة
و إدخال صاحب الجنازة إلى قبره

و دخل بيه أتنيين
دخلوه و خرجوا هما


والراجل اللي كان فاتح لهم المكان
قال بالنص " أهلاً و سهلاً شرفت بيتك "



نزلت في التعليقات
لقيت تعليق بيتكلم عن الجملة دي
وحد قايل خدتوا بالكم لما قال " شرفت بيتك "


فضلت الجملة دي معلقة معايا


بعدها بفترة
كانوا بيتكلموا عن الأمتحانات

و بتتحط ترابيزات صغيرة أو الديسكات في الممرات
علشان الطلبة تقعد عليها أثناء الامتحان


الترابيزات و الطلبة عندنا بيصوروها , و ينزلوا صورتها على الأنترنيت
و ساعات بضحك يتقال نصبوا الصوان كهزار طبعا


وقتها واحدة علقت على الصورة و قالت ما معناه
يا سلام لما تقعد على الكرسي ده وأنت مذاكر كويس
و جنبك الهوا لو الممر بيطل على بلكونة
و قاعد بتحل على الكرسي و أنت سعيد , و قالت ما معناه وقتها هتحس أنك أمير الكون
و شجعتني جدا بكلامها


مش عارفة ليه وقتها أفتكرت الصورة بتاعة الشخص وهو محمول وداخلين به القبر
و أفتكرت الكلام , أنه لو حد دخل المكان ده , وهو حالل كويس
و مذاكر كويس

و داخل بيته

و بيته ده مستنيه

هيبقى زي أمير الكون في لحظتها


و أفتكرت أني كمان نفسي في بيت و نفسي أثثه


طيب ما البيت موجود فعلاً
بس مقفول

و ربنا برحمته جعل لينا طريقة ممكن نأثث البيت ده بأجمل ما يمكن من أثاث و محتويات
ومن غير أي فلوس
بحاجات بسيطة نختار نعملها و حاجات بسيطة نختار نتركها



وكل واحد و شكل بيته اللي يتمنى يأثثه و يعيش فيه



أكتشفت يا بنات أني عندي بيت ملك بتاعي
بس يمكن مقفول دلوقتي
بس أقدر أبعت فيه الأثاث اللي نفسي فيه و أحلى كمان من اللي نفسي فيه


و الشجرة الخضرا و الجنينة اللي نفسي الشباك يطل عليها لما يتفتح في الصبحية
ممكن تبقى روضة كاملة من رياض الجنة
اللي ربنا قال عليها في الحديث القدسي " ما لا عين رأت ولا أذن سمعت ولا خطر على قلب بشر "



أديني قاعدة بأثث البيت من دلوقتي
بعد أكتشفت أني عندي بيت ملك مقفول
ومش أي بيت , دا بيت يبقى بتاعي للأبد
مفيش حاجة فيه هتفني ولا تتكسر ولا تبوظ
ولا أني هأقعد فيه شوية مهما طالت السنيين و أسيبه كدة كدة في النهاية , و يبقى لحد تاني


لا , دا بيت للأبد , خلود تام دائم
وممكن أبقى فيه بإذن الله من أجمل و أحلى من يمكن , بدون ما يتأثر الجمال ده أو يفني أو يتغير



وأنتوا كمان يا بنات عندكم بيت ملك
أثثوه من دلوقتي
أبعتوا فيه أجمل الأثاث و المحتويات
والحاجة تمنها معروف
من غير ولا أي تكاليف


حبيت أشارككم في إحساسي الجديد , من بعد ما أكتشفت أني من ذوي الأملاك وأنا مكنتش عارفة


#2

افتراضي رد: ربنا رزقني ببيت ببلاش من غير ولا مليم , وممكن أفرشه بأجمل فرش , تعالي أقولك إزاي

شكراااااااااااااا
#3

افتراضي رد: ربنا رزقني ببيت ببلاش من غير ولا مليم , وممكن أفرشه بأجمل فرش , تعالي أقولك إزاي

موضوع جميل يا قمر
بس بدو ترتيب شوي
#4

افتراضي رد: ربنا رزقني ببيت ببلاش من غير ولا مليم , وممكن أفرشه بأجمل فرش , تعالي أقولك إزاي

مبروك ياقمر
إظهار التوقيع
توقيع : حنين الروح123
#5

افتراضي تنبيه اداري

تم نقل الموضوع من قسم حوارات اجتماعية مفتوحة.
بواسطة : حنين الروح123


قد تكوني مهتمة بالمواضيع التالية ايضاً
الموضوع كاتب الموضوع المنتدى
كسوف حلقي للشمس الجمعة المقبله,اول كسوف حلقى لهذا العام,كسوف حلقى يشاهد فى الغ ريموووو اهم الاخبار - اخبار يومية
تيجي نبدأ صفحة جديدة مع ربنا ونحقق كل احلامنا نسمه الكون الحملات الدعوية
يا ترى انت بتحب ربنا بجد !!! ولا مجرد كلام !!؟؟ خديجة فى قلبى الحملات الدعوية
ذكر الله شويا تذكري وشويا تنسي وتكسلي؟؟ طب اقري دا نسمه الكون المنتدي الاسلامي العام
ادعية من القران ام نونا المنتدي الاسلامي العام


الساعة الآن 07:40 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل