أو

الدخول بواسطة حسابك بمواقع التواصل



https://adlat.net/showthread.php?t=275559
966 7
#1

جديد تعالى يا عدولة نحضن بعض

السلام عليكم
ازيكم ياعدولات
انا حابه النهارده اتكلم معاكو فى موضووع معظم الناس بيعانو منه
ساعات كتير بيكون نفسنا نحضن أبونا او أمنا أو اخونا مثلا عشان احنا محتاجين للإحساس ده محتاجين نوصّله ليهم ويوصلّهم مننا .. بس مش بنقدر ..
مش بنقدر لأننا متعودناش على كده وبنتكسف نعمل ده
وبعض الأسر كمان بتعتبر ان ده كلام فاضي وقلة أدب .. الحضن عندهم ف المناسبات وبسسسسسس
تعبنا ..نجحنا .. اتخطبنا .. كتبنا الكتاب .. هنتجوز .. واحنا صغيرين .. كنا هنتخطف ورجعنا بالسلامة كده يعنى , لكن احضان كده من غير سبب .. مفيش طبعا هي حصلت .؟!




لدرجة ان كتير مننا بيبقى عارف عدد الاحضان اللى اتحضنها ف حياته من أمه وأبوه وفاكرهم بالمواقف كمان ..
عشان كده دلوقتى أى اتنين لما بيتجوزوا تلاقيهم بيحضنوا ولادهم من غير سبب .. وبيحضونهم حضن بجد , مش حضن واجب ولا عشان عايزين منهم حاجة .. بس عشان هما اتحرموا من الاحساس ده فمش عايزين يحرموا ولادهم منه
وعشان كده مقولة فاقد الشيء لا يعطيه خاطئة تماما ف المبادئ الإنسانية ..
سيبكم من ان الحضن هو اللى بيدي احساس الدفء والأمان وهو اللى بيحسسك قد ايه فيه حد جنبك وبيحبك , بيحسسك انك ليك سند ومش لوحدك ..
لا الحضن معناه أعمق من كده بكتيررررر
الحضن علاج للتوتر والقلق والخوف وبيزيد من الثقة بالنفس .. بيقرب المسافات والعلاقات , بيقرب الإبن أكتر من أبوه .. بيكسّر بينهم أي حواجز وبيسد أي فجوات , بيحقق الترابط والاستقرار ف الأسرة .. يخلى الأخ يقدر أخته وقيمة المرأة ف حياته, فيعرف ازاى فيما بعد يتعامل مع مراته , ويتفهمها
وعشان أكتر حاجة تعبر عن الكلام مينفعش يتقال ولا يتشرح هو ‫الحضن الاسري‬ بالتحديد
عشان محدش بس يحول الكلام هههههباضحكباضحك
عشان كده الحضن علاج سحرى لحل أغلبية المشاكل الأسرية بالذات, اللى بسبب غيابه بنات كتير اترمت ف احضان الناس الغلط , وشباب كتير دخلوا ف علاقات رجعوا ندموا عليها بعدين وأهالي اتحرمت من أحلى احساس ف حياتها , ولادها قدام عنيها اه .. لكن فعليا بعيد عنّــها
انا مش بقول الكلام ده عشان أقلب بيه المواجع ولا كل واحد فينا يراجع شريط حياته فيفتكر اللى قعد سنين يمثل انه اتنسى , انا بقول الكلام ده عشان لو احنا عايشين بيه فأكيد مجربين إحساسه وعارفين قيمته فــ هنقدر نديه لأولادنا من غير شروط , ولو احنا معشناهوش ف حياتنا اللى فاتت نعيشه مع أسرتنا الجديدة .. ونحاول نقتحم احنا أهالينا .. نهزر معاهم .. نبوس ايديهم .. نفكك الحواجز اللى اتبنت مع الزمن
لأننا مهما نهرب منها ف النهاية مفيش غير حقيقة واحدة وبسسسسس
إنهم محتاجيين لينا زى ماحنا محتاجين ليهم بالظبط ويمكن أكتر بس المشكلة ان كل طرف فينا مستني التاني هو اللى يبدأ ....
احضنوا ولادكم .. إخواتكم .. قربوا من بعض هتحسوا أكتر ببعض وهتعرفوا قيمة كل حد فيكم
الاحساس نعمة ربنا علينا فــ بلاش نبخل بيه على أقرب حد مننا
الحضن علاااج ل 90% من المشاكل النفسية ..
احضنو بابا وماما واخواتكم .. متتكسفوش .. هما كمان محتاجين لحضنكو ده اوووى ..
ابدئو يا عدولات كلنا محتاجين نحس بالحنان الاسري



#2

افتراضي رد: تعالى يا عدولة نحضن بعض

شكرااااااااااااااااااااا
إظهار التوقيع
توقيع : العدولة هيام
#3

افتراضي رد: تعالى يا عدولة نحضن بعض

تسلمى

إظهار التوقيع
توقيع : فتاة بالحياء تجملت
#4

افتراضي رد: تعالى يا عدولة نحضن بعض

بارك الله فيكي
#5

افتراضي رد: تعالى يا عدولة نحضن بعض

يسلموووووووووووو,,,
#6

افتراضي رد: تعالى يا عدولة نحضن بعض

كلام جميل
#7

افتراضي رد: تعالى يا عدولة نحضن بعض

جميييييل يسلموو
#8

افتراضي رد: تعالى يا عدولة نحضن بعض

كلام صحيح فعلا
وانا ضد مقولة فاقد الشيء لا يعطيه

إظهار التوقيع
توقيع : صفاء الحياة
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
عدولة فرفوشة من هى؟؟ بنوتة عسولة 654 فرفشة عدلات
اجدد الالش من تصميمي . الش جديد . تعالي اضحكي معايا يا عدولة τнє τɪмє σf sυиsєτ فرفشة عدلات
تعالى يا عدولة منك ليها - شوية فرفشة اخر جمال - هتضحكى يعنى هتضحكى mycat فرفشة عدلات
ادوات مطبخية , ادوات لمطبخك يا عدولة تسهل عليكى الطبخ محبه لله ادوات واجهزة منزلية
ارقى غرف منوعة لفرش بيتك , تشكيلة غرف لفرش شقتك يا عدولة محبه لله ستائر ومفروشات 2022


الساعة الآن 05:50 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل