أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

سمعت جماتى وسلفتى بيتكلموا عليا

إضافة رد  أضف للمفضلة
https://adlat.net/showthread.php?t=268196
3836 12
#1

افتراضي سمعت جماتى وسلفتى بيتكلموا عليا

انا سجلت فى المنتدى مخصوص عشان عاوزة رايكوا
الموضوع زى ما انا كاتباه كدة بالظبط
انا كان حصل مشكلة بينى وبين جوزى وغضبت عند اهلى وجوزى مارضيش يجى ياخدنى ومامته وسلفتى هما اللى جم خدونى وانا اهلى احتراما ليها قالولها مش هانرجعك كدة بس احنا زعلانين ومش هاندخل بيتكوا تانى حماتى قالت لا ازاى وهانيجى ونراضيكوا والكلام دة و مفيش حاجة من دى حصلت
وانا نازلة اعد عند حماتى شوية ابنى كان نايم فقفلت باب شقتى بالراحة اوى عشان مايصحاش




وانا نازلة على السلم سمعت حماتى و سلفتى المحترمة بيتكلموا عليا وعلى اهلى بطريقة زى الزفت حماتى بتحكى لسلفتى على موضوع كنت حكيته لحماتى وبتحكيه لسلفتى بالتفاصيل ومزودة شوية حاجات من عندها سلفتى ردت عليها قالتلها دول اهلها هايتجننوا هناك فى البيت هايتجننوا كدةانه مراحش خدها حماتى ردت عليها قالتلها وانا مالى يختى هو انا اللى عملت كدة دة هما اللى عملوا كدة فى بنتهم وصوتهم عالى وعادى جدا مش خايفين حتى ان حد يسمعهم
قمت جاية كاتمة غيظى منهم طلعت شقتى واعدت اعيط لما اتفطرت
لما جه جوزى حكيتله اللى حصل قالى دة رغى نسوان وانت اللى اديتى الفرصة للناس انهم يتكلموا علينا قلتله يعنى حاجة انا حكياها لمامتك عريس جاى لبنت اختى مامتك تروح تحكى لسلفتى ليه ويتكلموا على اهلى باستهزاء ليه ايه علاقة عريس بنت اختى بالمشكلة اللى حصلت بينا وبعدين هى مش دى نميمة وغيبة قلتله قدامك حاجة من 2 يا تروح تراضى اهلى وتتعاتب على اللى حصل وبسسبه الكلام بيتفتح عندكوا تانى يا اما هاضطر اقول لأهلى

قالى انزلى اتخانقى معاهم واطلعى شقتك تانى
دمى فاير اوى يا بنات وهاموت من غيظى ومش عارفة اعمل ايه الموضوع دة حصل اول امبارح استنيت انه حتى يعاتب مامته ولا هو هنا

اعصابى تعبانة اوى وعرفت اهلى قالولى استنى عليه لو مكلمهاش لحد يوم الجمعة يبقى لينا كلام تانى بس طبعا الكلام التانى هايفتح فى القديم والجديد وممكن تحصل مشكلة كبيرة وانا مش عارفة اعمل ايه شوروا عليا الله يخليكو


#2

افتراضي رد: سمعت جماتى وسلفتى بيتكلموا عليا

لا حول ولا قوة الا بالله
بصى يا قمر اولا جوزك ملوش ذنب باللى حصل من مامته ومتستنيش انه يغلط مامته قدامك لانه مش حيحصل دى مامته برده
انتى بقى بالمشكله صغيره ممكن تكبرى الموضوع ولا قدر الله يحصل مشاكل كبيره بصى خلاص اللى حصل حصل واعرفى اللى عند حماتك ومتحكيش لها حاجه عن اهلك تانى وخلصنا
وسلفتك تجنبيها عنى الكلام على قد الحاجه وبس
بصى يا حبيبتى بيت العيله مليان مشاكل وانتى عشان تمشى نفسك لازم تعدى حاجات كتير
وجوزك بقى قربى منه وبلاش تغضبى عند اهلك حلوا مشاكلكم بين بعض
إظهار التوقيع
توقيع : هبه شلبي
#3

افتراضي رد: سمعت جماتى وسلفتى بيتكلموا عليا

مش عارفة يارب حد يفيدك
إظهار التوقيع
توقيع : دوما لك الحمد
#4

افتراضي رد: سمعت جماتى وسلفتى بيتكلموا عليا

بصي حبيبتى جوزك لو عاتب مامته كده الموضوع هيكبر اكتر من اللزم وهيعرفوا انك سمعتيهم وكده لاقدرالله الموضوع يتعقداكتر انسي كل اللى سمعتيه وكان مافيش حاجه حصلت وتعاملى مع حماتك وسلفتك عادي خالص واديكى عرفتى حماتك وماتحكلهاش حاجه تخص اهلك تانى وبعدين ابقى روحي انتى وجوزك لاهلك وراضيهم وربنا يسعدك يارب وميجبش مشاكل بينك وبين جوزك تانى
إظهار التوقيع
توقيع : يويو يويو
#5

افتراضي رد: سمعت جماتى وسلفتى بيتكلموا عليا

شوفي يا لأختي بلاكي تخسري زوجك من مشكلة كي هاذي,
الزوج سند ليكي فالحياة الدنيا وجنة فالآخرة
وزوجك ما يقدرش ثاني يتكلم مع أمو ويعيط عليها وقادر هو ثاني يخسرها ولا خلي نقولو يخسر رضاها بلاكي هذا رضا الوالدين وهذي الأم لي وصانا عليها الرسول عليه الصلاة والسلام ثلاثا, نقولك حاجة صالحي حماتك وسلفتك وقابلي السيئة بالحسنة تربحي نتي فاللخر وعامليهم عااااااااادي برك تعلمي من أخطائك،أخبار أهلك يبقاو عندهم و أخبار بيتك يبقاو ثاني في بيتك أعرفي كيفاش تتصرفي.وصالحي زوجك بأهلك باش يبقى الإحترام بين أهلك وزوجك بطريقة ذكية مثلا كي تهدري مع أهلك أهدري غير الخير في زوجك باش يطمنو عليك وثاني نفس الشيء مع زوجك مثلا قوليلو راهم توحشوك وراهم يسلمو عليك....... و إن شاء الله تتحل هذه المشكلة بخير وتعيشي مع زوجك وأولادك في سعادة وحب
عذرا أختي مانعرفش نتكلم باللهجة المصرية نتمنى تفهمي واش قتلك
#6

افتراضي رد: سمعت جماتى وسلفتى بيتكلمو ا عليا

رد: سمعت جماتى وسلفتى بيتكلمو ا عليا
#7

افتراضي رد: سمعت جماتى وسلفتى بيتكلمو ا عليا

نصيحتى مش تهتمى واتعلمى من غلطك ومش تحكى حاجة خاصة بيكى تانى لاى حد غير جوزك ولو قعدتى مع حماتك او اى واحدة من اهل جوزك اسمعى اكتر ما تتكلمى ودخلى اكتر ما تخرجى وحرصى مش تغلطى فى واحدة من وراها حتى لو غلطت اللى بتتكلم معاكى فيها خلى دى طريقتك فى حياتك هترتاحى، مش تضايقى من اللى حصل يابخت من بات مظلوم ولا بات ظالم
إظهار التوقيع
توقيع : نجمة أم الزهراء
#8

افتراضي رد: سمعت جماتى وسلفتى بيتكلموا عليا

خليكي ذكية وما تنكديش على جوزك وخلي ليكي جنب حلو في البيت خصوصا جوزك لان فعلا زي ما قال رغي نسوان وانتي غلطتي لما قلتيله
اتجنبيهم ولا تعامليهم ولا بحلو ولا بوحش وخلص الموضوع
لما جوزك يلاقيكي كبيرة وهما الرغايين هيجيلك انتي
#9

افتراضي رد: سمعت جماتى وسلفتى بيتكلموا عليا

الله يفرجها عليكي حبيبتي عادي هاد اسمو حكي نسوان فعلا متل ما قلك جوزك وامو مستحيل يروح ويتخانق معها انتي كوني الاحسن وانسي الموضوع مشان تكبري بعين جوزك وما بتوثقي بحدا حتى بإمك والحكي يلي بصير بينك وبين جوزك اكبر غلط انو اهلك يعرفو في خلص انتي حلي مشاكلك لوحدك وانتي بس يلي بتحسني تقنعي جوزك يروح يراضي اهلك وطبعا هاد بالكلام الحلو مو بالتعصيب والغصب لانو الحياة كلها بدها مسايرة
#10

افتراضي رد: سمعت جماتى وسلفتى بيتكلموا عليا

بصي انتي متكلمهمش تاني وشليهم من تفكيرك وكانك مسمعتيش حاجة انا حماتي قالتلي في وشي انتي مش طيبة مع العلم بتعامل معاها احسن من ولادها ومقدرتش اني متغربة قلت لي جوزي راح عندها قالها متجيش عندها تاني ومتدخليش شقتها بيني وبينك احسن ارتحت بس قلبت وشي ولا كاني بعرفها.
#11

افتراضي رد: سمعت جماتى وسلفتى بيتكلموا عليا

يسر الله امرك
#12

افتراضي رد: سمعت جماتى وسلفتى بيتكلموا عليا

ياستي ولايهمك
طبع الحموات مركب الضراير سارت ومركب السلايف بارت
عايزاهم يموتو غيظ دلعي نفسك واهتمي بزوجك واصبري عليه ماتزعليش منه ولايزعل منك
وشوفي حترتاحي وتدعي لي
#13

افتراضي رد: سمعت جماتى وسلفتى بيتكلموا عليا

متكبريش الموضوع
انتى حتى حسنات من وراهم
كبرى دماغك اكتمى غيظك
عدى من وراء ظهرك


قد تكوني مهتمة بالمواضيع التالية ايضاً
الموضوع كاتب الموضوع المنتدى
اجازة الأولاد بدأت.. تعالوا لهذا الدرس الهاااااام أم أمة الله العناية بالطفل
انسانه مش سعيده نورهان عامر فضفضة وحل المشاكل
جمعـــاوى وحـب من تانى بسكوته بالشوكولا فرفشة عدلات
غدا يوم آخر ..........قصه بقلمى سوبر مامى أقلام عدلات الذهبية


الساعة الآن 07:14 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل