حفظ القران فى سن صغير(عاوزة ابنك يحفظ القران كلة من غير مايتعبك تعالى اقولك؟؟؟)
أنا عملت الموضوع دا عن تجربةيا عدولات ( انا الحمد لله ختمت فى عمر 9 سنين مع بعض النصائح دى مش كلها )
ليه لما بتشوفى واحدة معاها أطفال خاتمين القرآن فى ابتدائى بتقولى ماشاء الله عليهم اذكياء و بيحفظوا بسرعة؟؟
ليه مبتفكريش ان اولادك ممكن يكونوا زيهم .. مفيش طفل افضل من طفل
العقل البشرى يستحمل كتييييير بس احنا مش عارفين نستغله !!
أنا هقولك ازاى تستغلى عقل ابنك او بنتك و تنمى ذكائه بالطريقة الصح ..
متقوليش ابنى او بنتى صغيرين خااالص بعد اللى هقوله
طبعا كل اللى هقوله دا لو اتعمل بشكل ترفيهى هيبقا حلو خالص و اولادك هييجوا
يقولولك حفظينا
أول حاجة : اول ما تحملى شغلى قرآن كتير و اعرفى ان دا هيفيد طفلك
و اول ما يتولد تسمعيه قرآن كتير واعرفى انه دا ليه حكمة
ابنك من اول ما يعرف ينطق لو عنده اخوات بيحفظوا قعديه معاهم و هما بيحفظوا و صدقينى دا هيسهل عليكى جدا
تجربتى ( انا كنت صغيرة خالص وكنت بقعد مع اخواتى وهما بيحفظوا والله سورة البقرة كنت حاسة انى براجعها و ساعات بسمعها من غير ما ابص خالص فيها و سورة يوسف بصيت عليها مرة و سمعتها للشيخ لانها كانت متخزنة فى عقلى .وكان اخويا الصغير سنتين لو اختى اللى عندها 5 سنين غلطت ف آخر الآية هو كان بيصلحلها و بيكمل الآية و بسم الله ماشاء الله حافظ سور من جزء عم لمجرد انه كان بيقعد مع اخته و هى بتحفظ . واكيد فى تجارب ليكم ؟؟)
ثانى حاجة : احكيله الاحاديث بشكل قصة و بعدين كرريها معاه و مرة على مرة هيحفظها ^^
ثالث حاجة : سمعيه اسماء الله الحسنى اللى بتيجى على شكل اغنيه كدا وياريت على موبايل او كمبيوتر او كدا لان الحاجات دى بتشجع ( حفظتها و عمرى سنتين و كنت بتحايل على بابا يشغلهالى وممكن اصحيه من النوم مخصوص )
رابع حاجة : فى الدراسة تابعيه فى الروضة وبعدين حاولى تخليه يعتمد على نفسه فى ابتدائى اول ما يعرف يقرأ و يكتب تمام و فى الروضة ممكن مرة تقولي افتح كتاب ***- و حل الواجب بتاعك مرة على مرة هيتعود
خامس حاجة : احكيله معنى الآيات و بعدين شغليها و خليه يكرر وراها و يبقا فاهم معناها عشان ميبقاش بغبغان
طبعا فى تجربة حصلت كدا من غير قصدى ولا حاجة
اختى اللى قلت عندها بنت 4 سنين صعبة فى الحفظ لان ماما كانت مدلعاها على الآخر و كل اما نيجى نحفظها تقول لأ لسا صغيرة و دلوقت لو سابتها اسبوعين هتكون نسيت اللى حفظته و لازم تراجع علطول حتى انها مبتحسش بالاجازة
بينما اخويا السنتين عشان كان بيحفظ معاها من وهو صغير بيحفظ بسرعة ماشاء الله من غير ما نقوله احفظ و بيروح يدى المصحف لماما ويقولها سمعيلى
لاحظى الفرق بين اولادك و هتعرفى ان كلامى صح
ارجو اكون افدتكم ربنا يصلح حالنا وحلكم فى حفظ القران وهو شفيع لنا يارب اكتبهلنا هذه الشفاعة
رد: حفظ القران فى سن صغير(عاوزة ابنك يحفظ القران كلة من غير مايتعبك تعالى اقولك؟؟؟)
إظهار التوقيع
توقيع : طُمُوحي الجنّة
التوقيع لا يظهر للزوار ..
رد: حفظ القران فى سن صغير(عاوزة ابنك يحفظ القران كلة من غير مايتعبك تعالى اقولك؟؟؟)
المشاركة الأصلية كتبت بواسطة طُمُوحي الجنّة
سبحان الله
طرق سهلة جدا
جزاك الله خيرا
طرق سهلة جدا
جزاك الله خيرا
شكرا لحضورك وتشريفك لموضوعى بارك الله فيكى
رد: حفظ القران فى سن صغير(عاوزة ابنك يحفظ القران كلة من غير مايتعبك تعالى اقولك؟؟؟)
رد: حفظ القران فى سن صغير(عاوزة ابنك يحفظ القران كلة من غير مايتعبك تعالى اقولك؟؟؟)
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| أسئلة وأجوبة عن القرآن الكريم ... ومعلومات #!# | للجنة اسعى❤ | القرآن الكريم | ||
| معلومات هامة وجميلة عن القرآن الكريم | ايفين | القرآن الكريم | ||
| هل تعلم كم ذكرت هذه في القران | حياه الروح 5 | القرآن الكريم | ||
| معجزة القران الكريم فى البلاغة،،Miracle of the Quran in the Rhetoric | نسيم آڸدکَريآت | القرآن الكريم | ||
| القران الكريم وسائل الاعانه على حفظ القران الكريم | هبه شلبي | القرآن الكريم | ||
الساعة الآن 03:56 PM
جميع المشاركات تمثل وجهة نظر كاتبها وليس بالضرورة وجهة نظر الموقع