حماتى : مش بتكلمنى زعلانه

السلام عليكم
ياعدولات انا هقولكم على مشكلتى
وارجو منكم المتابعة
وبعد كده التقيم للموضوع
نبدا الكلام
فعلا حماتى زعلانه منى مش بتكلمنى و اشتكتنى لجوزى ليه بقى

انا قاعده عند اهلى بقالى 15 يوم لانى تعبانه شويه خلال الايام دى حماتى
مكلمتنيش غير مره اول ما جيت عند اهلى سألت عليا و انا كلمتها بعد
ما كلمتنى بيومين وردت عليا بأسلوب وحش جدا ومكنتش عارفه ليه

بتكلمنى كده و فى نفس المكالمه سألتنى جوزك كلمك قولتلها لسه مكلمنيش
قالتلى ماشى تلاقيه مشغول و انتى جايه امتى قولتلها معرفش لسه الله اعلم
قالتلى اه ماشى و كملت كلام معاها وبتكلم بالعافيه وطريقه وحشه وقفلنا،

بالليل جوزى كلمنى بقوله طنط مالها بتكلم بالعافيه قالى عشان اتصلت




بيا 5مرات و كنسلت عليها(ملحوظه حماتى لما بتزعل من جوزى مبتطلمنيش
و لما تزعل منى متكلمهوش )قولتله ماهى عارفه ظروف شغلك قالى هى عايزه تتصل ارد
عليها لو حتى فايدى ايه،

جوزى كان نبطشى فالشغل و روح تانى يوم و دخل عند مامته لاقاهابتكلمه وحش
و بتقوله اكلم مراتك اسالها جايه امتى تقولى الله اعلم معرفش قالها وهى فيها ايه
الكلمه ماهى متعرفش حتيجى امتى لانى مقولتلهاش هروح اجيبها امتى فقالتله يعنى

ايه تقولى الله اعلم فبصلها و قالها انا طالع انام،من يومها مش بتكلمنى واهلى مستغربين
انها بتسألش عليا و انا تعبانه وفكرونى عامله مشكله معاهاقولتلهم محصلش
حاجه كل اللى حصل انى قولتلها الله اعلم و معجبهاش انى قولت كده

بابا قالى اتصلى انتى اسألى قولتله لو اتصلت مش حترد لان دى
عاده فيها لما تزعل متردش لحد ما تفضل تتحايل عليها وياردت يا مردتش
وانا مغلطتش فيها عشان تقطعنى كده و المفروض انا اللى تعبانه

و بروح لدكتور ومسافره هى اللى تسأل عليا دى حتى مبتسألش جوزى عليا
ملحوظه يابنات (لما بكون فالبيت وتعبانه و بتكون عارفه تتصل مره و 10لأ و مبتخليش
سلفتى تطلع تبص عليا ،كل ده عشان حياتى مستقله عنها)

ايه رايكم بقاه اعمل ايه مع حماتى
ياكل العدولات