أو

الدخول بواسطة حسابك بمواقع التواصل

#1

حوار يارب يخلي الصيدله

[COLOR="DeepPink"][/COLOR
سيدة تبيع شبت وبقدونس على ظهر قفص مقلوب على اﻷرض.. وجهها به منحنيات من آثار تعرضها للشمس.. كنت انتظر صديقتي في السيارة بجوارها وسمعت هذا الحوار بينها وبين بائعة أخرى.
-الواد سابلي البيت وهج.. عايز حنفية فلوس.. عشان قلتله يابني بقالي 4 شهور ماجبتش الدواء.. عايزة اجيبه مرة قبل ما اتكوم جنبك ونجوع إحنا اﻷثنين.. شوح فيا ومشي ومدخلش البيت بقاله 3 أيام..
-يا لهوي ياختي الواحد يربي ويكبر وفي الاخر يترمي.. ربنا معاكي يام عبده إن شاء الله بجيلك هيروح فين يعني..
المهم قررت انزل اشتري منها اي حاجة.. وأدردش.. سألتها: مش محتاجة حاجة يا أمي؟
قالتلي تسلم مستورة.. ورفضت تاخد أكتر من ثمن البقدونس.. اهو مافيش حاجة توجع قد واحد فقير وعفيف.. بس قلت هاحاول بردو..
قلتلها طيب يا حاجة أنا سمعتك وأنت بتتكلمي عن الدوا بصراحة وعايز اجيبهولك.. ممكن اسمه؟ بصت في اﻷرض.. مزيج من العفة والإحتياج والفرحة والحياء.. ست عظيمة الحقيقة..
قالتلي والنبي يا بنتي ماعرف اسمه هو دواء السكر ب22.5 وحبوبه صفراء كده..
قلت خلاص هاحاول اوصله.. رحت الصيدلية وسألت الدكتور هل في كذا كذا قالي يعني اسمه ايه؟ قلتله هو لست غالبا مابتعرفش تقرا فمتعرفش اسمه.. الدكتور فضل يدور على الكمبيوتر ووصله في الاخر.. وبدل علبتين لقيته مديلي شنطة فيها الدواء.. سألته كام؟
قاللي ده هدية مني ليها.. وقول لها أول مايخلص هتاخده عندي ببلاش.. ربنا يكرمك.. وكاتبلي كارت في ظهره يصرف لحامل هذا الكارت الدواء كذا بالمجان .





الست كانت بتبكي وهي ماسكة الدواء ابو 22.5!! والكارت!
هو ده المعنى الحقيقي لﻹحسان عارف لما تكون مش عارف تفرح بأم مكافحة ولا ست قنوعة وراضية ولا دكتور طيب جميل ولا بربك الكريم؟.. الخير موجود في البلد دي مهما كنا مش قادرين نشوف فيها غير الوحش
تفاءلوا واحسنوا
وتحية للصيادلة الصالحين
‫#‏الراحمون_يرحمهم_الله‬



#2

افتراضي رد: يارب يخلي الصيدله

فين الردود يا عدولات
#3

افتراضي رد: يارب يخلي الصيدله

يسلمووو
قصه جميله بجد

إظهار التوقيع
توقيع : فتاة بالحياء تجملت
#4

افتراضي رد: يارب يخلي الصيدله

قصة جميلة ياقمر
يسلموو

إظهار التوقيع
توقيع : ربي رضاك والجنة
#5

افتراضي رد: يارب يخلي الصيدله

شكرا عدولات
#6

افتراضي تنبيه اداري

تم نقل الموضوع من قسم مقبلات ومعجنات.
بواسطة : princess weaam

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
علاج يخلي الواحدة تحمل بنفس الشهر...باذن الله جزائرية تركية الطب البديل
في شي يخلي الكرش يقول باي sara paxton الرجيم والرشاقة
مقشر طبيعي روعه يخلي الجسم حرير Mariam Wahid العناية بالجسم
عنوان يخلي الكل يدخل موضوعك لبى قلبكـ فرفشة عدلات


الساعة الآن 04:38 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل