طريقة عمل احلى مشروبات رمضانية على مائدة رمضان2024 من التمر , العرقسوس , التمر الهندى
طريقة عمل مشروبات رمضانية
اللبن بالتمر مليان فيتامينات
فيه طرق كتير لعمل مشروب اللبن بالتمر هنعرف منهم طريقتين النهارده...
المقادير ثابتة في الطريقتين:-
• كيلو لبن.
• 5 معالق سكر.
• ربع كيلو بلح منزوع النوى ومقشّر.
• 1/2 معلقة فانيليا.
• 1/2 معلقة قرفة "اختياري"
الطريقة الأولى:-
هننقع البلح لمدة خمس ساعات في مية بعد كده هنقشره ونحطه في الخلاط ونضيف إليه اللين والسكر ونضربهم مع بعض.. وبعد كده نحطه في كاسات العصير ونضيف إليه الفانيليا ولو كنا بنحب القرفة ممكن نحطها على الوش.
وبالهنا والشفا
الطريقة التانية:-
هننقع اللبن لمدة خمس ساعات في مية وبعد كده هنقشره ونحطه في كوب كبير ونضيف ليه باقي المقادير ونقلبهم مع بعض كويس وبعد كده نصبه في كاسات العصير..
وبالهنا والشفا
عصير قمر الدين أشهر ما يقدم في رمضان
من أشهر المشروبات التي تقدم في رمضان هو مشروب "قمر الدين" وأنا شخصيا بحبه قوي..
المقادير:-
• ربع لفة قمر الدين.
• 5 أكواب مية.
• 1/2 كوب سكر.
• 5 حبات مشمش مجفف.
الطريقة:-
هنجيب نص لفة قمر الدين ونقطعها إلى قطع صغيرة بعد كده نحطها في كوباية ونضيف إليها المية وحبات المشمش المجفف ونسيبيهم لمدة 3 ساعات بعد كده نحطهم في الخلاط ونضيف إليهم السكر ونضربهم مع بعض كويس في الخلاط...
بعد كده نحط العصير ده في التلاجة لمدة ساعة وبعد كده نخرجه ونحطه في كاسات العصير.
وبالهنا والشفا
التمر هندي مشروب لذيذ
من ألذ المشروبات الرمضانية التمر هندي..
المقادير:-
• 10 حبات تمر هندي مجفف.
• 4 أكواب مية.
• 2/3 كوب سكر.
• مكعبات ثلج.
الطريقة:-
هنغلي 4 أكواب مية وهنضيف ليهم حبات التمر هندي المجفف ونسبهم على نار هادية لمدة عشر دقائق مع التقليب المستمر...
بعد كده هنشيل التمر هندي من على النار وهنضيف ليه السكر ونقلبه كويس ونصبه في كوب العصير وندخله التلاجة لمدة 4 ساعات...
بعد كده نطلعه من التلاجة ونصفيه بمصفاة ونضيف ليه كوبين من المية الباردة ونقلبه كويس، ونصبه في كاسات العصير ونحط معاه قطع تلج.
وبالهنا والشفا
العرقسوس أحلى ما يقدم في رمضان
أحلى مشروب ممكن أننا نعمله في رمضان هو العرقسوس وعلى فكرة العرقسوس من أشهر المشروبات الرمضانية على مر العصور.
المقادير:-
• 1/2 كوب مسحوق العرقسوس.
• 1/2 ملعقة صغيرة من بيكربونات الصوديوم..." من عند العطار"
.
• 10 أكواب مية.
الطريقة:-
نحطّ مسحوق العرقسوس في طبق ونضيف ليه بيكربونات الصوديوم ونقلبهم مع بعض كويس ونضيف ليهم كوب من المية ونقلبهم مع بعض بحيث إن الخليط يبقى متجانس..
نجيب قطعة من القماش الشاش نحط فيها العرقسوس ونربطها ونحطها في كوباية فيها باقي المية ونحطها في التلاجة لمدة 5 ساعات وبعد كده نطلعها ونصب العرقسوس في الكوبايات.
وبالهنا والشفا
روّق دمك مع مشروب الكركديه
المقادير:-
• 4 أكواب كبيرة مية.
• كوب أوراق الكركديه.
• 1/2 كوب سكر.
• مكعبات ثلج.
الطريقة:-
حطي كوب من المية مع أوراق الكركديه على النار وسيبيهم علشان يغلوا كويس لمدة خمس دقائق..
بعد كده شيليه من على النار وسيبيه لغاية ما يبرد. بعد ما يبرد هاتي مصفاة وصفي الكركديه وضيفي للكركدية المتصفي السكر في الكمية المتبقية من المية وقلبيهم مع بعض...
هاتي كاسات العصير وصبي فيها المشروب وضيفي ليه مكعبات الثلج.
وبالهنا والشفا
خشاف رمضان أحلى حاجة ممكن نشربها
كوباية الخشاف من أشهر المشروبات الرمضانية وأنا شخصيا باحبها جدا لأنها مفيدة جدا للجسم.
المقادير:-
• 1/2 كوب لوز منقوع في مية ومقشر.
• 1/2 كوب فستق منقوع في مية ومقشر.
• 4 ملاعق صنوبر.
• 1/2 كوب زبيب
.
• 5 حبات تين مجفف مقطع إلى أربعة أجزاء.
• 5 حبات مشمش مجفف.
• 5 حبات قرصيا.
• 4 أكواب مية.
الطريقة:-هنخلط جميع المقادير مع بعضها في كوب كبير... ونحطها في التلاجة لمدة 4 ساعات وبعد كده نصبها في كاسات الخشاف ونقدمها.
وبالهنا والشفا
إظهار التوقيع
توقيع : الاميرة النائمه
التوقيع لا يظهر للزوار ..
رد: طريقة عمل احلى مشروبات رمضانية على مائدة رمضان2024 من التمر , العرقسوس , التمر ال
إظهار التوقيع
توقيع : رؤيا الجزائرية
التوقيع لا يظهر للزوار ..
رد: طريقة عمل احلى مشروبات رمضانية على مائدة رمضان2024 من التمر , العرقسوس , التمر ال
رد: طريقة عمل احلى مشروبات رمضانية على مائدة رمضان2024 من التمر , العرقسوس , التمر ال
إظهار التوقيع
توقيع : هبه شلبي
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| فوائد التمر | بنت الموصل ام مريم | الطب البديل | ||
| فوائد مشروب التمر الهندى 2024 - اهمية التمر الهندى 2024 | ربي رضاك والجنة | الطب البديل | ||
| فوائد اوراق التمر الهندي , معلومات عن اوراق التمر الهندى , أهمية ورق التمر الهندى | ربي رضاك والجنة | الطب البديل | ||
| التمر الهندى وفوائده الطبية | مايا علي | الطب البديل | ||
| التمر العلاج بالتمر معلومات عن التمر | هبه شلبي | الطب البديل | ||
الساعة الآن 03:43 PM
جميع المشاركات تمثل وجهة نظر كاتبها وليس بالضرورة وجهة نظر الموقع