أو

الدخول بواسطة حسابك بمواقع التواصل

#1

حصرياً طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى

طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى




لو عايزه تعملى محشى ومحتاره تعالى هقولك على طريقه سهله وبسيطه عشان تعملى احلى محشى
تابعينى




طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى

المقادير

بذنجان وكوسه وفلفل رومى او كرنب او ورق عنب حسب ما تحبى

1 ك رز مصرى


2 حبة فلفل رومى

4 حزم خضره مشكله (شبت -بقدونس-كزبره)

2 بصله كبيره

كيلو ونص طماطم

ملح - فلفل-بهارات-كمون

معلقتين صلصه كبيره

معلقه صغيره نعناع مجفف




الطريقه

اول خطوه هتسلقى الكرنبه فى ميه بتغلى عالنار فيها معلقة ملح ومعلقة كمون خشن

لو ورق عنب هتحطيه فى الميه المغليه ثوانى وتطلعيه على طول مش بياخد وقت

ولو بدنجان وكوسه وفلفل يبقى هنضفهم من جوه (نقورهم) ونغسلهم ونصفيهم فى مصفاه

تانى حاجه هتقطعى البصل او تفرميه وعالنار تحطى زيت كتير شويه وتفضلى تقلبى فى البصل لحد ما يصفر معاكى شويتين يعنى وسط متحرقيهوش

بعد كده هتضربى الطماطم فى الخلاط وتحطيها على البصله وتسيبيها تغلى وبمجرد ما تغلى تحطى الملح والفلفل والبهارات واهم حاااااااااااجه هو الكمون تحطى منه زياده حبتين وبعد كده تحطى الصلصه وتقلبى واول ما تتسبك كويس تحطى معلقة النعناع و تكونى غسلتى الرز وصفتيه فى المصفاه

تحطيه عالخلطه وتقلبيه كويس جدا لحد ما يسخن و يتشرب من الخلطه بعدها هتطفى النار تكونى مقطعه الخضره هتحطيها وتقلبيها(فى ناس بتحط الخضره عالصلصه وهيا بتتسبك بس الطريقه اللى بقولك عليها بتحافظ على طعم الخضره ولونها)

فى خطوه شفت حماتى بتعملها وعملتها زيها ولاقيتها طعمها حلو فعلا

بعد ما تخلصى الخلطه وقبل الحشو هتقطعى بصله متوسطه عليها وتقلبيها كويس

نيجى للتسويه


هتجيبى الحله اللى هتحشى فيها وهتحطى فيها من تحت طماطم وبصل متقطعين حلقات لو مش حابه بلاش بس الخطوه دى بتدى طعم حلو للمحشى

بعد كده هتقطعى ورق الكرنب مستطيلات او مربعات بالمقاس اللى تحبيه وتبتدى تحشى وترصيه فى الحله

بالنسبه لورق العنب بفضل اجيب الصغير عشان يتحشى معايا بسهوله

بعد الحشو

هتكونى محضره عندك شوربه سخننننننننه تسقى بيها المحشى وطبعا تكونى حاطه فيها البهارات والملح والفلفل والحبهان وبصل مبشور وطماطم وجزر مبشورين ومعلقة صلصه وممكن مكعب مرقه لو بتحبيها (انا بفضل احط بدالها توابل الفراخ اضمن )

هتسقى المحشى لحد ما توصلى لاول صف فى الحله يعنى الشوربه تغطى المحشى زى الرز كده بس حاجه بسيطه مش قوى

وتسيبيه يغلى على نار عاليه لحد ما تلاقى الشوربه نقصت هتهدى النار خالص وتسيبيه لحد ما يستوى براحته


ودى صورة محشى الكرنب بتاعى



طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى



طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى







ودى صور من النت لباقي المحاشى



طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى



طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى



طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى



اتمنى يكون الموضوع عجبكم
لو عجبك الموضوع انشريه لاصدقائك عشان يشوفوه عالفيس بوك او تويتر او جوجل بلاس

الموضوع حصرى وغير منقول




#2

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

واااو انا بعشق المحشي بكل انواعه تسلم ايدك وتستاهلي احلى تكريم
إظهار التوقيع
توقيع : الملكة نفرتيتي
#3

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م


المشاركة الأصلية كتبت بواسطة الملكة نفرتيتي
واااو انا بعشق المحشي بكل انواعه تسلم ايدك وتستاهلي احلى تكريم

كنت الاول بشيل همك والله وانتى مسافره بره ومكنتيش بتعرفى تعمليه
انما دلوقتى اتطمنت الحمد لله انك فى بلد المحشى
تسلمى ياقلبى عالتكريم

#4

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م


المشاركة الأصلية كتبت بواسطة سوبر مامى
كنت الاول بشيل همك والله وانتى مسافره بره ومكنتيش بتعرفى تعمليه
انما دلوقتى اتطمنت الحمد لله انك فى بلد المحشى
تسلمى ياقلبى عالتكريم
ايوة صح انتي لسه فاكرة هههههههههههه مافيش احلى من بلد المحاشي كلها

إظهار التوقيع
توقيع : الملكة نفرتيتي
#5

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م


المشاركة الأصلية كتبت بواسطة الملكة نفرتيتي
ايوة صح انتي لسه فاكرة هههههههههههه مافيش احلى من بلد المحاشي كلها
اه والله لسه فاكره شفتى بقى

#6

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

جميل جدا ايه الشطاره ديه
#7

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

يسلمو حببتي الله يخليك
يا رب
انا بحب الفلفل المحشي

#8

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

وهعملو على طرقتك انت ان شاء الله
#9

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

ايووووه

هو ده

ابعتى شوى بقى حله ولا اتنين

ابعتيهم دلفرى يا سوسوووو

إظهار التوقيع
توقيع : ريموووو
#10

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

شهيتني والله
من زمان وأنا بدور على وصفة مجربة للمحشي وانتي عملتيها حبيبتي
ان شاء الله أجربها
يسلمووو إديكي يا غالية

#11

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

تحفة تسلم ايدك
#12

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

منوريييييين حبيباتى
#13

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

ماشا الله شكله بيشهى
#14

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

نورتى ياقمر بالف هنا
#15

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

تسلم دياتك حبيبتي راااائع
انا كمان بعملة كده وياسلام بئه لو رشيته شوية زنجبيل بتدي طعم خرافة

إظهار التوقيع
توقيع : مامت سومه وميرو
#16

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م


المشاركة الأصلية كتبت بواسطة مامت سومه وميرو
تسلم دياتك حبيبتي راااائع
انا كمان بعملة كده وياسلام بئه لو رشيته شوية زنجبيل بتدي طعم خرافة
ممممممممم اجرب
نورتى ياروحى

#17

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

تسلم ايدك يا حبيبتى -انا جديده معاكم واول مرة اشارك
#18

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

ممتازة
#19

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

ما شاء الله جوعتينى روعة
#20

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من م

نورتى حبيبتى
#21

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى

ممتااااااااااااااااااااز
#22

افتراضي رد: طريقة عمل المحشى بأنواعه طريقتى فى عمل المحشى اسهل طريقه لعمل المحشى بأنواعه من مطبخى

روووووووووووووووووووووووووعة
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
تجميع مواضيع العضوات متجدد دائما (حلويات شرقيه وغربيه) سيسو زيزو من مطبخي
اسهل اكله محشى واحلى طريقه طريقتى ومن مطبخى fatma7072 من مطبخي
من مطبخى طريقه عمل الملبن فى المنزل , اسهل طريقه لعمل الملبن بالصور, اسرع طريقه للملب ام طاطو من مطبخي
من مطبخى اسهل طريقه لعمل اللديده , لديده الجوز هند , لديده المولد النبوى ,بالخطوات ال ام طاطو من مطبخي
تجميع مواضيع العضوات متجدد دائما (مقبلات ومعجنات ) سيسو زيزو من مطبخي


الساعة الآن 04:06 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل