أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

قلبي خلاص تعب !

إضافة رد  أضف للمفضلة
https://adlat.net/showthread.php?t=235158
3810 22
#1

افتراضي قلبي خلاص تعب !

انا قرفت من الدنيا والناس سلايفي هيموتوني ناقصه عمر مش عارفه اعمل فيهم ايه اديلي 9 سنين متحمله قرفهم وطول لسانهم وضغطهم عليا وخصوصا انهم قرايب حماتي وانا كنت قاعده في بيت العيله فكانو بيستغلو دا ويقرفوني واتحملت لغايه مانقلت وهما مش سايبيني في حالي دلوقت صديقت عمري اجت اجازه ولما اتلميت عليها وقربت منها في الاجازه بتاعتها ادايقو وكل شويه يطلعو فكره اني بعملها صحبتي دي اقترحت فسحه جماعيه قبل ماتسافر وحصلت ظروف واتلغت الفسحه كل اللي في دماغهم اني اللي عملت كده ولغيت الفسحه علشان ميرحوش معانا ودلوقتي اتفقو عليا ومش بيتكلمو معايا الل للضروره ومن غير نفس المشكله اني كل ما اروح لحماتي بشوفهم لانهم ساكنين جمبها وهما بيقصدو يدايقوني المشكله الاكبر ان سلفي هيجوز وانا متطره اكون هناك طول الوقت فمش عارفه اعمل ايه بيتجمعو ويتجاهلوني ويدايقوني ومحدش يقولي اساليهم مالهم لانهم نفسهم في دا علشان يزلوني اكتر بس انا عاوزه حد قوي في التعاملات دي مع الاشكال دي ويقولي اخد حقي وا دايقهم ازاي وابعد عنهم بدون مايمسكو عليا غلطه انا اسفه طولت عليكم بس والله تعبانه اديلي شهر في القرف ده


#2

افتراضي رد: قلبي خلاص تعب !

حلك الوحيد حبيبتي انك تتجاهليهم وطنشيهم واعملي نفسك ولا انتي شايفاهم ولو سمعتيهم بيتكلمو عليكي او بيتغمزو عليكي اضحكي كانك مش هامك افرسيهم انتي وافضلي مبتسمة علي طول اوعي تكلميهم ومتعبريهمش ولا حتي تفكري تصالحيهم ده الحل الوحيد الي ينفع مع الاشكال دي خلي دايما حد من عيالك معاكي في ايديك علشان تتكلمي معاه تضحكي تهزري معاه وربنا معاكي وهدي اعصابك
إظهار التوقيع
توقيع : لولو حبيب روحي
#3

افتراضي رد: قلبي خلاص تعب !

انا حاسه بيكي لان في طاقه للتحمل عند كل انسان
لكن زي مقلتلك لولو حبيب روحي
اساسا بس تطنشيهم هاتستفزيهم لانك بتتجاهليهم
سبحان الله التجاهل ببعض الحالات شو بيعطي نتيجي
اهدي انتي وافرحي وسيبك من قرفهم
إظهار التوقيع
توقيع : صفاء الحياة
#4

افتراضي رد: قلبي خلاص تعب !

انا لو مكانك هعمل زى ماقالت لولو حبيب روحى
إظهار التوقيع
توقيع : العدولة هدير
#5

افتراضي رد: قلبي خلاص تعب !

والله انا رايى خليكى انت احسن منهم واعملى اللى يرضى ربنا معاهم وكل حاجة لها نهاية
#6

افتراضي رد: قلبي خلاص تعب !

شوفى حبيبتى التجاهل هو الحل امثل مع اناس دول لانهم عايزين يستفزوكى عشان تغلطى وهو ده اللى عايزينه انتى ولا كانك شيفاهم وروحى لحماتك وعادى جدا خليكى فى حالك والله يا بنتى حتموتيهم من تجاهلك ليهم اكتر ما تضايقيهم او تردى عليهم
إظهار التوقيع
توقيع : هبه شلبي
#7

افتراضي رد: قلبي خلاص تعب !

وانتى تحرقى دمك ليه اصلا شكلك بتاخدى الامور على اعصابك خليكى باردة ياماما وزى ماهما بيكلموكى انتى كمان اتكلمى للضرورة ده حتى خير الكلام ما قل ودل واشترى دماغك ياحبيبتى ولما تشوفيهم عيشى الحياة عادى كأنهم مش موجودين ف حياتك اصلا
إظهار التوقيع
توقيع : semsemahasan
#8

افتراضي رد: قلبي خلاص تعب !

وانا مع البنات طبعا

تجاهليهم هم اصلا غيرانين منك

فخليكى انتى اقوى منهم

بالتوفيق لك
إظهار التوقيع
توقيع : ريموووو
#9

افتراضي رد: قلبي خلاص تعب !

تجاهليهم يا طنط
إظهار التوقيع
توقيع : فتاة بالحياء تجملت
#10

افتراضي رد: قلبي خلاص تعب !

انا مش عارفه اقولكم ايه بس انا مبدخلش اديلي يومين ولسه شايفه تعليقاتكم اقسم بلله دموعي نزله من احساسي بانكم حاسين بيا وبتحبوني كلامكم دا هعمل بيه وربنا اكيد هيعيني عليهم ادامت فيه قلوب زيكم بتدعيلي رغم اننا لا اتقابلنا ولا نعرف بعض الله يكرمكم جميعا ويجعلنا دايما سند لبعض
#11

افتراضي رد: قلبي خلاص تعب !


المشاركة الأصلية كتبت بواسطة omaima1020
والله انا رايى خليكى انت احسن منهم واعملى اللى يرضى ربنا معاهم وكل حاجة لها نهاية
بصي يا اختي رايك دا كان رايي لمده 9 سنين وانا متحمله ظلم واهانه واقول خليني انا الاحسن خليني اقابل الاساءه بلاحسان بس للاسف هما اخدو دا ضعف وقلت حيله وبيستغلوه طول الوقت انا دخلت مرحلت اكتئاب مزمن مكنتش هخف بسببهم وفضلت مع دكتور نفسي فتره ومش مستعده اوصل لكده تاني لان دا ميرضيش ربنا ابدا لازم ارد عليهم المومن القوي افضل من المومن الضعيف
#12

افتراضي رد: قلبي خلاص تعب !

كبرى دماغك منهم واتعاملى مع حماتك بس
#13

افتراضي رد: قلبي خلاص تعب !


المشاركة الأصلية كتبت بواسطة ام سمسم السكر
بصي يا اختي رايك دا كان رايي لمده 9 سنين وانا متحمله ظلم واهانه واقول خليني انا الاحسن خليني اقابل الاساءه بلاحسان بس للاسف هما اخدو دا ضعف وقلت حيله وبيستغلوه طول الوقت انا دخلت مرحلت اكتئاب مزمن مكنتش هخف بسببهم وفضلت مع دكتور نفسي فتره ومش مستعده اوصل لكده تاني لان دا ميرضيش ربنا ابدا لازم ارد عليهم المومن القوي افضل من المومن الضعيف


ياحبيبة قلبى انت مش ضعيفة انا حاسة بيكى لانى عشت واحد وعشرين سنة بنفس الطريقة ونفس المشكلة لكن والله العظيم كنت صابرة وفعلا اعصابى تعبت بس علشان جوزى كويس معايا كنت دايما اقول يارب انا بعاملك انت واتحملت كتير والله دلوقتى ربنا كارمنا والحمدلله وجوزى دايما يقولى ربنا كارمنا ومبارك لنا علشان انت بتراعى ربنا والحمد لله والله يا اختى اللى يصبر ربنا بيعوض صبره خيروالقوة ليست بالرد ولكن القوى الذى يملك نفسه عند الغضب
#14

افتراضي رد: قلبي خلاص تعب !

انا عارفه والله ومش عاوزه ارد عاوزه قلبي يقسي علشان متهزش واتدمر من افعالهم بس انا زعلانه من نفسي علشان ضعفي قصاد ظلمهم
#15

افتراضي رد: قلبي خلاص تعب !

اتجاهليهم هذا افضل حل
ولما تروحى تزوريهم خدي معاكى اسامة العسل واقعدى اضحكى معاه ولا كأنهم موجودين
صدقيني كدة هيموتو من الغيظ وبلفعل هيحاولو ينرفزوكى ولا كأنك سمعاهم
ولا اشتكو منك ماتقوليش بقى لا ماعملتش وماقلتش وما...وما وما..... لاانتى تقولى سبب حتى لو ماعتملتيش التهمة الموجهة اليكي
يعني مثلا هيقولو كانت بتتجاهلنا واحنا بنكلمها تردي انتى ماتقوليش بقى لا ماتجهلتهمش دول كدابين لا تردى وتقولى اصلي كنت بكلم اسامة والولد كان بيعيط ومسمعتهمش هما هيتجننو بقى.
والله انا بقرأ موضوعك وزعلانة جدا عليكي ماهما الغلابانين هما اكثر ناس بيواجهو مشاكل
وحسبي الله ونعم الوكيل فيهم وفي كل اللي يزعل القمر @ام سمسم السكر;

معلومة :هذا مش ضعف منك هذه طيبة منك واحترام منك ولاسف في كثير بيحاولو يستغلو طيبتك

وعلى رأى المثل :مركب الضرايرساير ومركب السلايف حاير

ربنا معاكى حبيبتي
إظهار التوقيع
توقيع : بنوتة عسولة 654
#16

افتراضي رد: قلبي خلاص تعب !


المشاركة الأصلية كتبت بواسطة ام سمسم السكر
انا عارفه والله ومش عاوزه ارد عاوزه قلبي يقسي علشان متهزش واتدمر من افعالهم بس انا زعلانه من نفسي علشان ضعفي قصاد ظلمهم
صدقينى انا كنت زيك بس دلوقتى انا بقيت اقرب واحدة لهم وكلهم بيحيونى لاننى لم ارد طول عمرى على غلطهم والحمد لله زى ماقلتلك كل شىء له نهاية
#17

افتراضي رد: قلبي خلاص تعب !

شكرا ليكم انا تعبتكم معايا بس محتاجه دعواتكم تقويني وتثبرني
#18

افتراضي رد: قلبي خلاص تعب !

حبيبتي جيتي ع الجرح انا زيك وما لا لقيت حل
إظهار التوقيع
توقيع : ميرو المؤمنة
#19

افتراضي رد: قلبي خلاص تعب !

غير انى ضعفي قواهم عليا اكتر وفهمونى وجالى كل انواع الاكتئاب
إظهار التوقيع
توقيع : ميرو المؤمنة
#20

افتراضي رد: قلبي خلاص تعب !

يارب حد يفيدك ويفيدنى معاكي
إظهار التوقيع
توقيع : ميرو المؤمنة
#21

افتراضي رد: قلبي خلاص تعب !

هههههههه شكلك تعبانه اكتر مني ربنا يفك كربك وينتقملك من اللي يظلمك
#22

افتراضي رد: قلبي خلاص تعب !

قربى لحماتك ومتعيبيش فى واحده فيهم واضحكى معاها وغيظيهم اتكلمى معاها فى
اى كلام ولو واحده قربت اسكتى كانك بتتكلمى عليها وروحى ضحكه ضحكه صفرا وخليكى دايما مبتسمه
اللهم ردكيدهم فى نحرهم0
وابقى طمنينا عملتى ايه
إظهار التوقيع
توقيع : omelbanat
#23

افتراضي رد: قلبي خلاص تعب !

شكرا ليكم حبيباتي بس انا قررت ابعد عنهم خالص واتجنب وريتهم قدر الامكان علشان ميحرقوش اعصابي


قد تكوني مهتمة بالمواضيع التالية ايضاً
الموضوع كاتب الموضوع المنتدى
رسائل فراق , رسائل حزينة جدا جدا عن الفراق , مسجات فراق الحبيب حزينه مصرية Marwa El-shazly رسائل وتوبيكات
كلمات حساسة جداا من قلبي لقساوة الحب من طرف واحد / كلمات فى الحب جروح لن تشفى حكم واقـوال
اكبر مجموعه من الرسائل , رسائل فى غايه الروعه Marwa El-shazly رسائل وتوبيكات
ღ♥ღهذا نصيبك يا قلبي فلا تحزنღ♥ღ قوت القلوب 2 المنتدي الادبي
كان لكـ قلبي مدينه ولآحظ إني قلت : ((كآن)) ....... همسات المنتدي الادبي


الساعة الآن 05:05 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل