أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

> سؤال وجواب

الحقوووووووووووووونى

إضافة رد  أضف للمفضلة
https://adlat.net/showthread.php?t=233993
3136 15
#1

افتراضي الحقوووووووووووووونى

الحقونى يابنانيت بكلم جوزى وبقولو عايزة بيض قالي يبقا هتعمليلي حاجة حلوة وانا مبعرفش اعمل حلويات

ياريت تقولولى طريقة اى كيكة تكون حلوة ومحشية مربى وياريت بالصور عشان انا فااااااشلة

ارجوكم ساعدونى


#2

افتراضي رد: الحقوووووووووووووونى

الكيكه سهله جدا حبيبتى
3 كوبيات دقيق وكوباية لبن ونص كبايه سمنه وفانيليا وبكينج بودر معلقه كبيره
واربع بيضات وكوباية سكر

الطريقه

بتجيبى البيض والسكر والفانيليا واللبن والسمنه
وتضربيهم كويس بالخلاط
وتفضيهم فى حاجه غويطه حله مثلا او طبق بلاستيك غويط

وتخلطى البيكنج بودر مع الدقيق لوحدهم
وتحطى حبه حبه على الخلطه اللى عملناها الاول وتقلبى
حبه كمان وقلبى
حتى تحصلى على قوام مظبوط مش خفيفه اوى ولا تقيله جدا يعنى تعرفى تصبيها من القالب اللى خلطى فيه الى الصينيه اللى هتعملى فيها
وقبل ما تنزليه فى الصينيه تكونى مبطنه الصينيه الاول ومسخنه الفرن الاول
تبطنى الصينيه بتدهنيها زيت كلها وبعد كدا بترشى الدقيق عليها
عشان الكيه ماتلزقش بالصينيه بعد ما تستوى
وتصبى الخليط وتدخليها الفرن
على نار متوسطه مش عاليه اوى او مائله للهادئه
وماتفتحيش الفرن لمدة نص ساعه وبعد كدا تابعيها ممكن تستوى او تاخد 5 دقايق كمان وطلعيها تسبيها تبرد خالص عشان تقدرى تطلعيها من الصينيه
ولو عاوزه تزينيها ممكن لو عندك كاكاو اعملى صوص شوكولاته
نص كوبايه كاكاو مع نص كوب لبن ونص كوب سكر ونص كوب سمنه
اضربيهم فى الخلاط او على النار مع بعض وممكن تضيفى فانليا للخليط
تقدرى تقطعى الكيكه وتحطى ع الوش الصوص
او اقطعيها نصفين واحشيها المربى اللى متوفره عندك
ولو عندك برتقال ممكن تعملى الكيكه بالبرتقال
بنفس الطريقه بس تبدلى كوب اللبن والفانيليا
بكوب عصير برتقال وتبشرى قشرها الاول بالمبشره وتضفيه ع الجينه بدل الفانيليا
يارب اكون افادتك
وعندك عدلات مليانا وصفات جميله فى قسم الحلويات
اسفه لانى مش متوفر عندى صور دلوقتى
إظهار التوقيع
توقيع : قصرالاحلام
#3

افتراضي رد: الحقوووووووووووووونى

[MENTION=84957]ملك..[/MENTION];
إظهار التوقيع
توقيع : قصرالاحلام
#4

افتراضي رد: الحقوووووووووووووونى


المشاركة الأصلية كتبت بواسطة قصرالاحلام
@ملك..;
تسلمى ياحبيبت قلبى هعمل كده واسفة انى تعبتك
#5

افتراضي رد: الحقوووووووووووووونى

طريقه الكيكه الدسمه حطى 3 معالق سمنه او ذبده وحطى عليهم نص كبايه سكر او اكتر حسب الذوق وافضلى اضربى فيهم لغايت ما السمنه تبيض شويه ووتبقى زى الكريمه حطى البيض بيضه بيضه واضربى كويس وحكى كوبايه ونص دقيق وكوبايه لبن او ميه واخلطى كويس وحطى البيكنج بودر والفانيليا وبشر لمون او برتقال وادهنى صنيه وبطنيها بالدقيق وحطيهم فيها وحطيها فى الفرن ومتفتحيش عليها قبل تلت ساعه وبالهنا

او ممكن تعملى الكيكه من غير سمنه هاتى 5 بيضات وهاتى المضرب والكهربائى وحطى على الخمس بيضات نص كوبايه سكر واضريبهم كويس لغايت ما البيض ينفش ويبيض لونه شويه لازم مضرب كهربائى وبعدين حطى الفانليا وكوبايه دقيق وبيكنج بودر وقلبى بمعلقه اوعى تقلبى بالمضرب بعد كده علشان ميهبطش وحطى بشر لمون او برتقال وحطيهم فى صنيه مدهونه وعلى الفرن ومتفتحيش قبل تلت ساعه وبالهنا والشفا وادعيلى
#6

افتراضي رد: الحقوووووووووووووونى

ممكن تعملى بلح الشام هاتى حله حطيها على النار حطى فيها كوبايه مايه و3 معالق سمنه او زيت وسبيهم لما يدوب حيغلو حطى عليهم كوبايه دقيق وقلبى بسرعه لغايت ما تلاقى الدقيق بقى حته واحده ومش بيلزق فى الحله ارفعيه من على النار
واستنى يبرد شويه وكسرى عليه تلت بيضات بيضه بيضه وقلبى هاتى القمع وحطى زيت عميق على النر بس متخلهوش يسخن نزلى بلح الشام وحمريه حلو وتكونى عامله شربات (مكوناته كوبايه سكر - كوبايه ميه - نص لمون )ويكون البلح بارد والشربات سخن او العكس ونزليهم فى الشربات وطلعيهم وذوقيهم بشويه جوز هند وبالهنا والشفا
#7

افتراضي رد: الحقوووووووووووووونى


المشاركة الأصلية كتبت بواسطة رضاك ياربى
ممكن تعملى بلح الشام هاتى حله حطيها على النار حطى فيها كوبايه مايه و3 معالق سمنه او زيت وسبيهم لما يدوب حيغلو حطى عليهم كوبايه دقيق وقلبى بسرعه لغايت ما تلاقى الدقيق بقى حته واحده ومش بيلزق فى الحله ارفعيه من على النار
واستنى يبرد شويه وكسرى عليه تلت بيضات بيضه بيضه وقلبى هاتى القمع وحطى زيت عميق على النر بس متخلهوش يسخن نزلى بلح الشام وحمريه حلو وتكونى عامله شربات (مكوناته كوبايه سكر - كوبايه ميه - نص لمون )ويكون البلح بارد والشربات سخن او العكس ونزليهم فى الشربات وطلعيهم وذوقيهم بشويه جوز هند وبالهنا والشفا
تسلميلى ياغالية واسفة تعبتك
#8

افتراضي رد: الحقوووووووووووووونى


المشاركة الأصلية كتبت بواسطة ملك..
تسلميلى ياغالية واسفة تعبتك
بتتاسفى ليه ياحبيبتى ولا تعب ولا حاجه وانا عملت ايه يعنى
#9

افتراضي تنبيه اداري

تم نقل الموضوع من قسم دردشة عدلات.
بواسطة : ريموووو
#10

افتراضي رد: الحقوووووووووووووونى

اعملي كيكه الهوهوز انا كاتبه الطريقه في قسم الحلويات وانا بعملها لما اتزنق واعوز حاجه سريعه هي سهله وهتعجبك خالص
#11

افتراضي رد: الحقوووووووووووووونى

البنات فادوكى اهو يا قمر
وابقى قولى لنا طلعت حلوة ولا لا
إظهار التوقيع
توقيع : فتاة بالحياء تجملت
#12

افتراضي رد: الحقوووووووووووووونى


المشاركة الأصلية كتبت بواسطة pretty girl2
البنات فادوكى اهو يا قمر
وابقى قولى لنا طلعت حلوة ولا لا
هههههههههه طنشتو عشان معرفتش
#13

افتراضي رد: الحقوووووووووووووونى

سيرش على كيكة الجلاش ممتازة عن تجربة
إظهار التوقيع
توقيع : بودرة
#14

افتراضي رد: الحقوووووووووووووونى

بصى يا قمر
مقادير الكيك العادي
أربع حبّات حجم كبير من البيض
كوب واحد من زيت الذّرة
رشّة ملح
ربع ملعقة بيكربونات الصّودا
كوبان من الدّقيق المخصّص للحلويات
ملعقة واحدة صغيرة فانيلا سائلة أو فانيليا باودر
ملعقة واحدة كبيرة بيكنغ باودر
كوبان من السكر ، ومن الممكن زيادة الكميّة أو تقليلها حسب الرّغبة.
كوب من عصير البرتقال أو كوب واحد من الحليب
كوب واحد من الماء المغلي



مقادير الكريمة لتزيين الكيك
كوب ونصف من السكّر النّاعم.
ملعقتان كبيرتان من الحليب.
قطرتان لتلوين الطّعام بالوان مختلفة فحسب الرغبة اختاري اللون المفضل لك

طريقة تحضير الكيكة العاديّة
لتحضير مخلوط الكيك قومي بتنخيل الدّقيق في وعاء عميق، ثم اضيفي البيكنج باودر، والملح، وبيكربونات الصّودا على الخليط واضيفي السكّر.
ثبّتي المضرب الشبكي، وشغّليه على سرعة بطيئة لعدّة ثواني.
قومي بإضافة الحليب، وزيت الذرّة، والبيض والفانيليا، ثمّ اخفقي هذه المكوّنات على سرعة متوسّطة لمدّة تصل إلى دقيقتان.
قومي بإضافة الماء المغلي، وقومي بخفقه لمدّة تصل إلى نصف دقيقة إلى أن تحصلي على خليط ناعم.
احضري قالب كيك ثمّ قومي بتدهينه بالسّمن النّباتي، والقليل من الدّقيق، وقومي بتحريكه في القلب ليغطّي كافّة جوانب القالب ثم تخلّصي من الدّقيق الزّائد.
قومي بسكب الخليط من الكيك في القالب.
قومي بتسخين الفرن إلى درجة حرارة 180 مئوي، ثمّ أدخلي الكيك إلى الفرن لمدّة تصل من 30 – 35 دقيقة.
يتم اختبار نضج الكيك بوضع عود خشبيّ صغيرٍ أو بوضع سكّينة أو شوكة، لكن يجب أن يخرج العود أو السّكين أو الشوكة نظيفاً فهذا دليل على نضج الكيك.
قومي بإخراج الكيك من الفرن ثم اتركيه على شبك من المعدن لعدّة دقائق، ثم أخرجيه من الصينيّة، واتركيه على الشّبك إلى أن يبرد تماماً وقومي بالتخلّص من ورق الزّبدة الذي قمت بوضعه مسبقاً، وضعي الكيك في طبق التّقديم.

طريقة تحضير الكريمة
قومي بتنخيل السكّر النّاعم في طبق عميق.
أضيفي الحليب بشكل متدرّج على السكّر النّاعم الّتي قمت بتنخيله مع التّحريك بالشّوكة أو المشبك إلى أن تحصلي على كريمة ناعمة بنفس قوام العسل.
ضعي الكريمة في طبق وثمّ قومي بإضافة الألوان الّتي تفضّلينها وحاولي تقليب هذه الألوان مع الكريمة.
قومي بتزيين الكيك بالفواكه المجفّفة مثل: قطع الفراولة والأناناس، لكن اتركي الكريمة تجفّ أوّلاً ثمّ قومي بتقديمه.

وانا تحت امرك فىاى سواااال
#15

افتراضي رد: الحقوووووووووووووونى

ربنا يعينك وتلحقي تعملي كيك
#16

افتراضي رد: الحقووونى

عملتي ايه في الآخر يا قمر



الساعة الآن 06:27 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل