لولى بوب كيك طريقة كيك على شكل مصاص للأطفال لولى بوب تشوكليت كيك بالصور Lollipop cak

لولى بوب كيك طريقة جميلة جدا لتقديم الكيك للأطفال ثقى انهم ها يفرحوا اوى بيها ..
جربتها لأولادى وعجبتهم جدا .. ممكن نتفنن فى تشكيلها وتلوينها زى ما احنا عايزين ..
دى تجربتى الاولى فيها علشان كدة عملت شكل واحد ..



كل اللى ها نحتاجة اى كيكة شيكولاتة ممكن تعمليها فى البيت او تكون جاهزة ..
حليب مكثف ..قشطة (ممكن الاستغناء عنها )
عيدان شيش طاووق او ممكن شاليمو




شيكولاتة خام مذابة .. فارمسية للتزيين

بايدينا ها نفتت الكيك ..



ونضيف لها لحليب المكثف والقشطة ..



ونمزجهم جيدا لغاية ما تصير كالعجينة بندخلها الثلاجة سا عة لتكون متامسكة ..
ونطلعها ونعملها كور صغيرة ..



نغمس العيدان فى الشيكولاتة المذابة ثم نضعها بكورة الكيك هكذا ..



بنرجعها الثلاجة تانى والافضل الفريزر لتكون اكثر تماسكاً ..
نطلعها ونغمس كل كورة فى الشيكولاتة السايحة ثم نرش عليها الفارمسية ..



ممكن نغلفها بورق فويل او سوليفان ..



وممكن زى ما قلت نتفنن بتلوينها وتزيينها .. نستبدل الشيكولاتة الخام الداكنة بشيكولاتة خام بيضاء وبعد تذويبها نضيف لها اى لون طعام صحى لتكون بالون مختلفة كالاحمر او الاصفر او الوردى ..
اسعدوا اولادكم بيها وماتنسونيش من دعواتكم الطيبة ..

وبالف هنا ..