أو

الدخول بواسطة حسابك بمواقع التواصل

#1

حصرياً نصائح,نصائح للعنايه بلبيبي,نصائح العنايه2024,معلومات مهمة للعنايه بطفلك

السلام عليكم ورحمه الله وبركاته

اولا لو ابنك عنده اسهال ومحتاسة في الحل
الحل سهل وهو النشا بالليمون رهيب للاسهال
اعملى عصير ليمونتين وحطى عليهم نشا بحيث يكون شبه سائل
وكل ساعه خدى بسرنجه 5 سم علشان اسهل فى البلع وأدى البيبى
وياريت تدو معاه مطهر معوى او دوا للمغص لان الاسهال بيعمل مغص شديد



ثانيا لو ابنك جاله المره دى امساك
برضه الحل سهل خالص وهو زيت الزيتون
هتاخدى برضه بالسرنجه 3 سم كده وتديله 3 مرات فى اليوم
وهتلاقى الامساك انتهى
وبرضه ياريت تدى مطهر معوى او دوا للمغص علشان الامساك برضه
بيعمل مغص جامد جدا






ثالثا بقى الحراره العاليه ودى اصعب حاجه بتواجهيها
وليها حالين
الاول كمادات جاهزه من الصيدليه اللى هى الجل دى
روعه
وتانى حاجه البصل اه والله
وهى انك تقسمى بصله نصين وتحطى وش كل نص على بطن الرجل من تحت ولبسيه شراب
هتسحب الحراره من الجسم
وطبعا لازم تعرفى ايه سبب ارتفاع الحراره وتعالجيه


رابعا التهابات البامبرز
ودى حاجه علشان تتفادى المشكله اصلا
وهى انك والبيبى بيستحمى حطى معلقتين كربوناته فى ميه الحما بتاعته
لان الكربونات الصوديوم ملطف للبشره وبيحمى من حروق الشمس والالتهابات
وممكن كمان لو حصل التهاب تعجنى كربوناته مع ميه
بحيث تكون تقيله شويه وادهنى مكان الالتهاب وادعيلى


اتمنى اكون افدتكم عدولاتى

وياريت انتو كمان لو عندكو حاجه تقولو عليها علشان الكل يستفيد
دمتم بحفظ الله





جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل