أو

الدخول بواسطة حسابك بمواقع التواصل



عدلات

> منتديات عامه وثقافيه

> المنتدي الادبي

> قصص - حكايات - روايات

[قصص مرعبة] ممر الموت,قصة رعب ممر الموت

إضافة رد  أضف للمفضلة
https://adlat.net/showthread.php?t=229997
7624 9
#1

جديد ممر الموت,قصة رعب ممر الموت





اعرفكم بنفسي انا اسمى هدى خريجه تمريض بشتغل ممرضه فى مستشفى خاصه طبعا طبيعه عملى بتخلينى اسهر بره كتير. دايما بنتجمع انا واصحابى قدام المستشفى ونمشي ممر كبير الممر ده على طول ضلمه مفيهوش نور خالص سمعت من ممرضات زمايلنا ان الممر ده ماتت فيه تمرجيه اسمها عديله كانت بتمسح أرضيه الممر ده وكان فيه سلك كهرباء مرمي على الارض وماتت متكهربه.
بس الاقاويل على الممر ده كتير اوى فيه منهم بيقولوا ان روح عديله بتظهر للناس اللى بتمشي فى الممر ده وتنتقم منهم وناس تانى بتقول ان روح عديله شريره بطبعها وبتقتل وخلاص والروايات كتير قوي وكل واحد بيحكيها على مزاجه.
كنا كل يوم الساعه 11 بنتجمع كلنا ونمشي الممر لحد ما نتطلع على المستشفى طبعا مبيكونش فيه خوف اوى عشان كلنا مجموعه. بس المشكله جت فى يوم صحبتى رحاب اعرفكم بيها دى اعز اصحابى ومش صحبيتى وبس دى كمان جارتى المهم رحاب اتصلت بيا وقالتلى انتى فين يا هدى اتاخرتى اوى وكلنا اطرينا نطلع على المستشفى معلش والله بس انا قولتلهم نستناكى بس انتى اتاخرتى اوى.
وصلت ووقفت قدام الممر بصراحه كنت خايفه ادخله لوحدى بس قعدت اشجع نفسي واقول الممر مفيهوش حاجه تخوف وده كلام يعنى بيتقال والناس مبتصدق تقول اى حاجه ودخلت الممر.




مشيت ومفيش أى حاجه وصلت لنصه بس حصل حاجه غريبه سمعت صوت بينادى عليا انا قولت دول اكيد اصحابى وبيخوفونى مشيت وعملت نفسي مش واخده بالى عشان ميتريقوش عليا واول مطلعت وشوفتهم قولتلهم خلاص افتكرتوا كده ان انتوا خوفتونى لقيتهم بصوا لبعض واستغربوا كلامى قالولي هوا فيه ايه ؟؟ قولتلهم ايوا استعبطوا بقى وخدت الموضوع بضحك.
تانى يوم وصلت برضه متاخره يوووه بقى هو انا كل يوم كده هفضل ادخل الممر ده لوحدي المهم دخلت وسمعت نفس الصوت اتعصبت اوى وقعدت اقولهم بطلوا هزاركم البايخ ده خلاص انا خوفت حرام عليكم اسكتوا بقى وطلعت من الممر واول ما شوفت اصحابى قعدت ازعق فيهم بس هما كانتوا مستغربينى اوى ومفيش حد اهتم بكلامى والوحيده اللى اهتمت بكلامى رحاب وقالتلى ايه اللى حصل بالظبط ؟؟
حكيتلها اللى حصل معايا قالتلى بصي يا هدى نصيحه منى لو جيتى متاخره بعد كده تانى روحى على البيت بس اوعى تدخلى الممر ده لوحدك متعرفيش ايه اللى ممكن يحصل .
بصراحه مقتنعتش بكلامها وخلصت شغلي وروحت نمت محستش بنفسي غير على الساعه 11 الا ربع بليل وكان فاضلى ربع ساعه بالظبط لبست بسرعه بس حاسه ان فيه حاجه عاوزانى اروح متاخر ووصلت كالعاده متاخره طب اعمل ايه دلوقتى اتصلت برحاب قولتلها تنزل قالتلى لا انا اخاف اعدى تانى يا هدى روحى على البيت مش مهم النهارده بكره قولى انك كنتى تعبانه ومقدرتيش تيجى بلاش تدخلى الممر وقفلت
فضلت واقفه مش عارفه اعمل ايه طب اروح زى مارحاب قالتلى ولا ادخل وقررت انى ادخل
المرادى كانت حاجه غربيه اووى لانى لقيت نور فى نص الممر ايوا ده نور استغربت اوى هما دخلوا نور فى الممر مشيت وكان الخوف راح اول مشوفت النور ده
واول موصلت للنور سمعت صوت بيقولى الحقيينا الصوت كانه خايف من حاجه صوت حد مرعوب حاولت اخرج مش لاقيه المخرج اعمل ايه الحقووونى
ولقيت واحد ظهرلى شكله وحش اوى كانه محروق مين انت مين
قالى وطى صوتك لحسن تسمعنا متخافيش انا مش هاذيكى انا عاوزك تنقذينا
بصيتله وانا ميته من الرعب بقولوا انقذكوا انتوا كتير ؟؟؟
قالى انا هحكيلك الحكايه بس مش هعرف دوقتى لحسن هى خلاص على وشك تيجى بصى بكره تعالى بدرى وانا هحكيلك ومشي والنور اختفى وانا طلعت اجرى على بيتنا عدل
محستش بنفسي غير ماما بتصحينى بتقولى رحاب صحبتك على التليفون رديت عليها وسلمنا على بعض وقالتلى كويس انك سمعتى الكلام ومش جيتى
انا فضلت ساكته مش عارفه اقولها ولا لا كل اللى قولتهولها انى تعبانه ومش قادره اتكلم وقفلت معاها
فضلت اليوم كله بفكر فى اللى حصل مش عارفه اعمل ايه الساعه بقيت 9 دخلت لبست وانا بقرر انى لازم اعرف مين ده وصلت هناك الساعه 10 ودخلت الممر مشيت فى الممر ووصلت لنصه ووقفت وانا بقول جوايا انا اكيد اتجننت فى عقلى
ولقيت النور بيجى عليا والراجل الل انا شوفته امبارح جه وحكالى حكايته
قالى انه دكتور اسمه اشرف سعيد وكان بيشتغل هنا من حوالى سنتين ومات محروق بسبب عديله
عديله طلبت منه انه يحرق المستشفى لان مدفون فيها صندوق جوه الصندوق ده فيه سر محدش يعرفه كل اللى هو يعرفه ان فى الصندوق ده حاجه عديله لو عرفته هتستريح
قالى انه رفض يعمل كده وكانت نتيجه رفضه انه مات ومش هو لوحده ده قبله ناس كتير دكاتره وممرضين ماتوا بنفس موه بس عديله دلوقتى طالبه مننا ياما المستشفى ياما هتاذى اهلنا وولادنا كل دول هتاذيهم وياهما يا المستشفى ارجوكى نفذى طلبها اهلنا كلهم حياتهم بين اديكى ومش اهلنا ويس واروحنا كمان عديله بتستخدمنا فى اذى الناس متحكمه فينا عديله متحكمه فينا كلنا وهتحرق المستشفى قريب جدا بمساعدتك يا بمساعدتك غيرك بس انتى عرفتى يعنى لو وصلت لمساعدت غيرك انتى هتكونى موتى ارجوكى نصيحه منى واسمعيها كويس اوعى حد يعرف باللى قولتله لو حد عرف مقدرش اقوله ايه اللى ممكن عديله تعمله
بصيتله وانا ميته من الرعب من اللى بسمعه قوتله طب وليه اخترتنى انا
رد قالى انا مش انا اللى اخترتك انا سمعت عديله وهى بتجيب سيرتك عديله اللى اخترتك
قولتله سيرتى ؟؟ انا
قالى اه انتى
ولقيته اختفى
بقيت واقفه افكر فى اللى اتقالى مش عارفه اعمل ايه ومش عارفه اقول ايه كل اللى عملته انى رجعت البيت اتصلت برحاب قولتلها خدلى اجازه حاولت تعرف فيه ايه بس انا قفلت معاها بليل دخلت اوضتى وقعدت على لسرير وفجاه النور اتقطع ولقيت دكتور اشرف قدامى وبيقولى انا عارفه انك اخدتى اجازه عشان متجيش الممر بس ده مش حل لان لو احنا عاوزين نجيبلك سهل جدا نجيبك وقريب عديله هتجيبك ومشي
حسيت بصداع مش عارفه اعمل ايه دماغى واقفه مش عارفه افكر يارب ساعدنى انا تعبت اتصرف ازاى انا مبقيتش انام كل اللى يجى يكلمنى فى البيت ازعق فيه لغايه ما فى يوم دخلت اوضتى ونمت على سريرى ولقيت اللى بيسحبنى وبيشدنى محستش بحاجه غير انى بقيت فى الممر ازاى وصلتله ازاى انا جيت هنا ازاى ولقيت ارواح كتير واقفين بصين على مكان واحد ساكتين خايفين بس مركزين بصيت لقيتها عديله وبتقرب عليا همست فى ودنى وقالتلى طبعا انتى عارفه انا عاوزاكى فى ايه وعارفه انك مينفعش ترفضى لان مش حياتك اللى بقيت فى خطر ده اهلك كمان بصي انا هقولك اللى فيها المستشفى دى زى مانتى عرفتى فيها صندوق والصندوق فيه روح متحكمه وعشان الروح دى تتهزم لازم المستشفى تتحرق جوه الصندوق فيه لغز انا لو وصلتله هقدر اتحكم فى الارواح اللى جوه واللى بره بصيلها مستغربه اللى بره ؟
قالتلى انا روحى محسوبه جوه الممر ده ومش هعرف اخرج منه غير بامتلاك اكتر من الف روح تكون تحت سيطرتى ومسخره ليا حاولت اموت ناس واخد ارواحهم بس فيه ارواح مقدرتش عليها ومقدرتش اسخرهم وبالغز ده هقدر على اى روح مهما كانت قوتها فهمتينى ؟؟ يعنى لازم تجبيلى الصندوق ياما حياتك هى التمن ومحستش بنفسي غير انى بصحى على صوت ماما طلعت اجرى زى المجنونه اتصلت برحاب اقولها ساعدنى نحاول نتصل بالبوليس نعمل اي حاجه يمكن يقدروا يطلعوا الصندوق ده قالتلى اوعى تعملى حاجه استنى بكره اجى معاكى ندور عليه لوحدنا واتفقنا نتقابل هناك وروحت تانى يوم الممر فى المعاد اللى اتفقنا عليه ولقيت ارواح كتيره واقفين على يمينى وشمالى وكلهم بصيلى ولقيت دكتور اشرف واقف بيقولى انا اسف بس انا حذرتك انتى اللى مسمعتيش النصيحه وفجاه كل الارواح اختفت والمكان كله بقى نار وفى اخر النار خيال واقف ماسك بنزين وكبريت وقالتلي بصوت عالى انا اسفه بس حياه اهلى فى خطر وانا مش ممكن اضحى بيهم بصيت لاقيها رحاب وقولتلها متعمليش كده يا رحاب حرام عليكي انا معملتش ليكي اى حاجه وفجأه لاقيت النار مسكت فيها هي كمان وكانت بتصرخ وبتقولي مش هسيبك مش هسيبك واتحرقت تماما وانا واقفه مذهوله ولكن النار قلت واختفت وعم الهدوء كل المكان مش عارفه انا طلعت ازاى من المكان ده لكن محستش بنفسي إلا وأنا بجري على البيت من كتر الخوف والرعب اللي شوفته عشت بعدها فتره طويله وانا بحلم بكوابيس وبكل اللى حصل ولكن قررت انى مش هروح الشغل دا تاني أبداااااااااا واديني كتبت لكم حكاياتي ... تمت
[IMG]https://www.**- /story_images/img_horrorpath.jpg[/IMG]


إظهار التوقيع
توقيع : الملكة نفرتيتي
#2

افتراضي رد: ممر الموت,قصة رعب ممر الموت

تسلمى بجدتخوف اووووى
#3

افتراضي رد: ممر الموت,قصة رعب ممر الموت

لاحول ولا قوة الا بالله قصة مرحبة لكن انا لومنها من اول يوم سمعتهم بينادو عليا ما ارجع نهائيا على ذلك الممر لوحدي ولو اتقلبت الدنيا هي شجاعة لكن في الاخير اهي حية وبتحكي الحكاية ان احييها على شجعتها ونجاتها من الموت
انا اخاف اقرأ قصص لكن الحمدلله صرت من قراء الرعب بتاعك يا جوجو
يسلمووووو ايديك
إظهار التوقيع
توقيع : طُمُوحي الجنّة
#4

افتراضي رد: ممر الموت,قصة رعب ممر الموت

الحمد لله المرة دى ما خوفتش خالص
اصل الكلام موش مقنع خالص وواضح انها قصة من الخيال الرعبى
تسلمي يا احلى ملكة
إظهار التوقيع
توقيع : توتى 1
#5

افتراضي رد: ممر الموت,قصة رعب ممر الموت

قصه مرعبه فعلا
يسلمو يا قمر
إظهار التوقيع
توقيع : صفاء الحياة
#6

افتراضي رد: ممر الموت,قصة رعب ممر الموت

يسلمووووو
إظهار التوقيع
توقيع : حياه الروح 5
#7

افتراضي رد: ممر الموت,قصة رعب ممر الموت

يسلموووووووو على القصة يا ملكة
إظهار التوقيع
توقيع : محبه لله
#8

افتراضي رد: ممر الموت,قصة رعب ممر الموت

هي تقريبا قصة خيالية انا نزلتها بالنهار علشان ماتتعربوش
نورتوني

إظهار التوقيع
توقيع : الملكة نفرتيتي
#9

افتراضي رد: ممر الموت,قصة رعب ممر الموت

قصة رائعة الجمال انا قربت اعيط ماسكة فى اختى مش عايزة اسيبها
#10

افتراضي رد: ممر الموت,قصة رعب ممر الموت

[IMG]https://www.**- /vb/imgcache/2/12162alsh3er.gif[/IMG]
إظهار التوقيع
توقيع : ام طاطو


قد تكوني مهتمة بالمواضيع التالية ايضاً
الموضوع كاتب الموضوع المنتدى
الخوف من الموت,أعراض الخوف من الموت,علاج الخوف من الموت مايا علي العيادة النفسية والتنمية البشرية
الموت قادم اختى فى الله انتبهى.. مواعظ وحكم عن الموضوع اللهم ارحمنا برحمتك بياض الثلج المنتدي الاسلامي العام
الموت,نعم الموت,حكم عن الموت Nada Ndod حكم واقـوال
أهمية ذكر الموت في حياة المسلم اماني 2011 المنتدي الاسلامي العام
حكم وأقوال واقتباسات عن الموت اماني 2011 حكم واقـوال


الساعة الآن 01:22 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل