لقاء بعد فراق

هو : بحبك وحشتيني
هي : واحشتني اكتر
هو : انا عندي ليكي مفاجأه هايله
هي : ؟؟؟؟؟؟؟؟
هو : انا جاي اتقدم لك النهارده بليل
هي : طارت من الفرحه وقالت : انا مش مصدقه نفسي اخيرا انا وانت هايجمعنا بيت واحد
هو : ان شاء الله هيحصل

وبعدما راح اتقدم لها ابوها ما وافقش بسبب ظروفه الماديه
ودي كانت اول صدمة في حياته لانه كان بيحبها بجنون

لكن باباها جوزها واحد تاني اغني منه وظروفه الماديه كويسه جدا
وحبيبها اول ما عرف انها اتجوزت تعب جدا جدا وقرر انه يهاجر ويسيب لها البلد
وفعلا هاجر وعاش حياته برا وكون نفسه لحد ما بقي مهندس كبير مشهور واتجوز وخلف
ولكن ربنا يريد ان مراته تموت
ويرجع تاني بلده هو وابنه ويكمل باقي عمره فيها
وبعد فتره كبيره من الزمن ابنه الوحيد يقرر يتجوز
وكانت المفاجأه عندما حكى الابن لابوه عن العروس وحالتها الاجتماعيه
الابن : هي يا بابا كويسه ومؤدبه وباباها ميت وعايشه مع مامتها لوحديهم
الاب : احنا نروح نشوفها الاول


ومن هنا ابتدت المفاجأه لما الاب راح يشوف عروس ابنه

وشاف هناك حب عمره من ايام الجامعه ووافق علي زواج ابنه بسرعه
ولكن هي قلبها دق لما شافت اكتر انسان حبته في حياتها
وهي كمان وافقت ان بنتها تتجوز ابنه
ولكن الاب عرض عليها الجواز
والفرحين اتعملوا في وقت واحد
الام والاب والابن والابنه