تعالي واعرفي سر البطاطس المحمرة اللذيذة .

ازيك يا موزة منك ليها .... وحشتوني جدا طبعا يارب تكونوا مبسوطين كدة وحلوين ومنشكحين وبق كل واحدة فيكم من اليمين للشمال كدة بالظبط المهم مطولش عليكم بقي عشان انتوا حبايبي مش عارفة ليه برغي كتير النهاردة خلاص خلاص هقول أهو جوزي حبيبي سأل مرة شيف عن سر البطاطس المحمرة المقرمشة اللذيذة دي قاله حاجة بسيطة خالص وهي انك يا قمر يا وزووزة منك ليها تجيبي البطاطس اللي انتي هتحمريها وتقشريها كالمعتاد وتقطعيها صوابع وتغسليها طبعا وبعدين تجيبي حلة وتحطي فيها البطاطس وتحطي عليها مايه تغطيها ..




وعلي البوتاجاز عدل ولعي عليها ومتسيبيهاش تغلي لتتسلق واحنا مش عاوزينها مسلوقة خليكي جنبها لقرب ما تبدأ خلاص هتغلي تروحي طافية النار بسرعة وتصفيها في مصفاة وتكوني في الوقت ده ولعتي علي الطاسة اللي هتقلي فيها والزيت سخن وتروحي منزلة البطاطس في الزيت وحمريها وطلعيها رشي عليها شوية ملح وبألف هنا وشفا هتلاقيها مقرمشة من برة ولونها ذهبي وجميلة وطرية ولذيذة من جوه ومش بتاخد وقت في التحمير زي البطاطس العادية التانية وبس كدة انا جربتها وفعلا طلعت حلوووووووووة جدا وسهلة مش محتاجة وقت جربوها وان شاء الله هتحبوها .. هي وصفة سهلة وقولت افيدكم بيها طبعا ما انا مقدرش اعرف حاجة مفيدة واسكت شششش
يلا بقي منك ليها عاوزة احلي ردود وتقييم .