أو

الدخول بواسطة حسابك بمواقع التواصل

#1

افتراضي تفسير رؤية قلع سن متخلخلة و سقوط الاسنان متكسرة تفسير تزيين الحاجبين في المنام

بعد إذنك انا كان عندي حلمين لو ينفع تفسيرهم

الحلم الأول لاختي:




حلمت ان فيه سنّه ليها متلخلخة و هيّ شالتها بإيديها .. و بعدين حلمت ان كل اسنانها وقعت و كانت شرايح شرايح !!

اختي مخطوبة و فيه مشاكل حالية مع خطيبها بقالها اسبوعين و اكتر .. و الحلم من اسبوع تقريباً

و الحلم التاني ليّا:
اللي فاكراه من الحلم اني كنت لابسه تونيك بني طويل على بنطلون و قلعت البنطلون لسببٍ ما مش عارفة ليه و لبست جيبه .. و بقى التونيك طويل جداااا عالجيبة و ده مش استايلي في اللبس عادة !

و بعدين جه مشهد تاني اني كان عندي العذر الشرعي و دخلت الحمام عشان اغير الألويز و كإن الحمام مكنش ليه أبواب !
و كنت تقريباً حاطه اتنين فوق بعض فشلتهم و كنت هحط اتنين تانيين فوق بعض بدالهم و حطيت واحدة و كنت لسه هحط التانية و انا مستغربة هيبقى ايه لازمتها اصلا وبعدين لقيت ناس حوالين حدود الحمام اللي من غير أبواب ده فـ معرفتش احط التانية فـ قلت هروح لحمام تاني.
و فعلا طلعت و قابلت صاحبتي "رشا" و قالتلي تعالي نصلّي و شدتني و اخدتني معاها لحد ما وصلنا باب المسجد و قلعت جزمتي و مسكتها في إيدي و كان في ايدي التانية كيس فيه فُستان سوارية لونه بين البمبي و البنفسجي.
و رشا سألتني هتصلّي فقولتلها لا عندي عذر شرعي و راحت تصلّي هيّ و انا دخلت حمام لقيت ستارته لما بقفلها بيبان برده اللي جوّه و كان فيه شاب واقف وراها فطلعت ادوّر على غيرها و لقيت رشا كانت عايزة تعمل عمل خير بس مش لاقيه حد تستعين بيه فقولتلها انا ممكن اساعدك (مش فاكرة ايه العمل ده) و دخلت حمام تاني و لقيت الشاب برده جاي ورايا و ستارة الحمام برده مش مزبوطة بس لبست الفستان المرادي و الشاب برّه مبسوط اني محتاسة كدة و هوّ بيرخّم عليا و بعدين اعدت احط ميكياج .. حطيت ايشادو بلون الفستان و اعدت اتقّل حواجبي بالماسكرا معرفش ازاي ! و كان لون صبغة الماسكرا بني ! لحد ما شكله بقى واضح انه مصبوغ اوي و كان طويل برده بعرض الجفن و انا مستغربة ليه عملته كدة ! بس مكنتش مقروفة منه و كنت حاسه ان ده عادي ! (مع ان شكلها دلوقتي لما بفتكره في دماغي كان مُنفّر جدا) و كان فيه جزء على اد عقلتين تقريباً من الصابع كانو خُفاف جداااً و رفيعين في وسط الحاجب الشمال و كإن متحطش عليهم صبغة اصلاً فـ استغربت هوّ ليه كدة و اعدت اعيد و ازيد عالجزء ده عشان يبقى كله زي بعضه.
شكل الحواجب مُنفّر بالصبغة اللي كانت عليه و طوله .. بس انا في الحلم كنت مستغربة همّا ليه كدة بس كنت شايفاهم عادي و اعدة ازوّد و مكنتش بحاول ازبطتهم او كدة.
و كانت رشا صحبتي لبست فستانها برده و كان الشاب ده كإنه المسؤول عن حاجة هتحصل و قالها تشوف حد يحط المكياج معاها و انا كنت مستنية اخلّص عشان اوريها اللي عملته و اساعدها في المكياج اللي محتاجة تعمله للناس .. بس صحيت

أنا: آنسة + 27 سنة + بصلي و بشتغل
رشا: آنسة + 28 سنة + ملتزمة بلبس و صلاة و نوافل (صلاة و صيام) و مش بتشتغل و مش بتحط ميكياج ولا ليها في الحاجات دي خالص
الشاب: معرفوش و لا فاكرة ملامح حتى ليه



#2

افتراضي رد: اسنان متخلخلة + حمام وميكياج و فستان

يا رب خير ان شاء الله تلاقي تفسير عند استشاريات القسم

إظهار التوقيع
توقيع : ام الاء وبيان2
#3

افتراضي رد: اسنان متخلخلة + حمام وميكياج و فستان


المشاركة الأصلية كتبت بواسطة ام الاء وبيان
يا رب خير ان شاء الله تلاقي تفسير عند استشاريات القسم

شُكراً ربنا يكرمك و يسعد قلبك

#4

افتراضي رد: اسنان متخلخلة + حمام وميكياج و فستان

لا إله إلا الله
#5

افتراضي رد: تفسير رؤية قلع سن متخلخلة و سقوط الاسنان متكسرة تفسير تزيين الحاجبين في المنام

خيرا تلقيانه انت و اختك و شرا تتوقياته
بالنسبة لاختك فيبدو انها قد تقوم بفض الخطبة او تقاطع شخصا من المقربين و ستقوم ايضا بمشيئة الرحمن بقضاء كل ديون عليها اما بالنسبة لك فيبدو بانك تقومين باداء النوافل لسد ما فاتك سابقا من الفرائض لكن ليس بشكل صحيح كما انك عرضة لوسوسة الشيطان من حين لاخر . لديك اعداء كثيرون فاحذريهم . و الله اعلم

إظهار التوقيع
توقيع : nanouna7
#6

افتراضي رد: تفسير رؤية قلع سن متخلخلة و سقوط الاسنان متكسرة تفسير تزيين الحاجبين في المنام

رد: تفسير رؤية قلع سن متخلخلة و سقوط الاسنان متكسرة تفسير تزيين الحاجبين في المنام
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
تفسير رؤية الألوان في المنام و الحلم لابن سيرين والنابلسي زاهرة الياياسمين منتدى تفسير الاحلام
تفسير رؤية سقوط الثلج فى المنام : طلب تفسير حلم اذا ممكن jana dalou3a احلام ورؤى تم تفسيرها
تفسير رؤية ركوب السياره مع شخص متوفي فى المنام المحبه للأمان احلام ورؤى تم تفسيرها
تفسير رؤية ارسول صلي الله عليه وسلم فى المنام / رؤية الرسول فى المنام / رؤية نبي جنان الورد طلبات تفسير الاحلام
تفسير الجنازه في المنام تفسير رؤية رجل ميت محمول على خشبة في المنام ابنة عائشه احلام ورؤى تم تفسيرها


الساعة الآن 09:01 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل