أو

الدخول بواسطة حسابك بمواقع التواصل



عدلات

> مطبخ عدلات

> اكلات عدلات

> استشارات ونصائح مطبخية

افكار منزليه رووووووووووووووعه

إضافة رد  أضف للمفضلة
https://adlat.net/showthread.php?t=19117
9123 25
#1

Dp14 افكار منزليه رووووووووووووووعه

السلام عليكم ورحمة الله وبركاته

افكار منزليه روووووعه عجبتني حبيت انقلها لكم ان شاءالله تعجبكم


أولا :

القصدير

بعد ما اخلص تنظيف المطبخ وامسح فوق الثلاجه وفوق الدواليب كل اسبوع
واسبوع بعد اسبوع كنت اتعب من تراكم الغبار فوق الارفف والاماكن العاليه فوق دواليب المطبخ
استخدمت القصدير لتغطية هذه الاماكن وفعلا ارتحت صرت انظف الاماكن العاليه اسبوعين مره وحده
ازيل القصدير المغبر والي عالقه عليه تراكمات الدهون واحط قصدير جديد وافتكيت من الدعك ورش الصابون
المفاجأه بأستخدامي للقصدير على الاماكن المرتفعه اني لاحظت ان مطبخي صار فيه اضاءه اضافيه
بسبب انعكاس ضوء الانوار بالقصدير وعن جد صار المكان منور حتى بالنهار
::

ثانيا::

الكل كان بالفتره الاخيره يتكلم عن تعطير البيت وقت التنظيف بداوني او كمفورت
انا عن نفسي لما تتصل فيني جارتي الي ماتبعد عن بيتي الا خطوات وتقول ابي زروك
فما بيكون عندي وقت اني ابخر او اعطر البيت فطريقتي اني اخذ فوطه مبلله واحط فيها من داوني الازرق
وادخله جزء منه في المكيف علشان يتعلق واشغل المكيف وريحة البيت كلها تصير وااااااااو
وما قدرت تمسك نفسها سئلتني شنو هالريحه الحلوه ؟؟؟
أما دواليب الملابس لأطفالي ولي لزوجي اخذ دفاتر قديمه عندي بعد ما اتأكد ان ما فيه اسم الله
وانقعهم في طشت فيه ماء ودوني الين ما ينشفط كل الماي بأوراق الدفاتر
وعلى طول احطهم بالدواليب وكل ما افتح الدواليب والله الريحه تكون ماليه الثياب كأني توني مغسلتهم
من اليوم ورايح لا تقطون الدفاتر القديمه

ثالثا ::

نعناع
جبتي حزم من النعناع ومو عارفه شنو تسوين فيهم بعد ما كان عندك عزومه وضفتيه
لشاي ضيوفك والباقي لسه منه كثير
غسليه واقطفي الاوراق وخليه ينشف في صحن نظيف بالمطبخ لمدة 24 ساعه
وصدقيني ان زوجك راح يسئلك ريحة المطبخ منعشه
بعد ما ينشف شوفيه اذا صار يتكسر اقصد يقرمش معناته ان خلاص تقدرين تحفظينه بكيس نظيف او بعلب بلاستيكيه ....

انا عن نفسي لما اسوي على العشاء دجاج مقلي اسوي معه روب بالخيار واخذ اشوي من النعناع واقرمشه بيدي
على الروب بالخيار واخلطه بعدين مع بعض وشوفي كيف راح يكون الطعم عن جد روعه
حتى السلطه للغداء قرمشي اشوي على السلطه واخلطي عن جد محد راح يعرف سر هالطعم الحلو لأن ما بيكون باين
النعناع بالخلطه ....

رابعا :

أكياس السندويشات

عن جد ما اقدر استغني عنهم مو بس لأطفالي للمدارس
صرت احب التخزين بسبب هالاكياس الي ممكن تتسكر بالضغط وما يدخل فيها هواء


وعندي خلطه حلوه اسويها
اجيب كارتون كامل من الطمام وكيس كامل من الثوم وثلاث قطع من الزنجبيل الطازج وكم حبه على حسب الرغبه فلفل اخضر حار

وكلهم افرمهم مع بعض واعبي الاكياس واضغط عليه الين ما يطلع كل الهواء واسكر الكيس بمجرد اني اضغط على الحواف واصفطهم كيس فوق كيس في الفريزر مع البصل وبكذا خلطتي للكبسه او الصالونه او المعكرونه جاهزه وما
علي الا اني اسخن الزيت واحطه فيه وكل شي جاهز عندي وما عدت اضيع وقتي بالطبخ ...

خامسا:
أكياس القمامه السوداء
لما يكون عندي ثياب للتخزين او مفارش للسرير ابي اخزنهم احطهم بالكيس
لكن كان عندي مشكله انهم كانو ياخذون حيز كبير بالدواليب وبالمخزن
وبكذا كنت استخدم المكنسه بعد ما ألم فتحه الكيس بأيدي احط فوهة المكنسه فيه
وشفط كل الهواء ويتقلص حجمه لدرجه ما تتخيلونه
وبعد ما انتهي انتبه لفتحة الكيس اني اسكره بالاستيك على طول قبل ما يدخل فيه الهواء مره ثانيه وبكذا قدرت اني اوفر مكان بالدواليب .
وقت الصيف نسافر انا واطفالي وزوجي اسوي نفس الشي لثيابنا قبل ما اخليها بالشنطه
وايضا اوفر حيز كبير لباقي الاغراض الي باخذهم معي
لكن كانت المشكله ان بعد ما نبي نرجع اكيد ما بنحصل على مكنسه بالفندق علشان نشفط
بس ما عليكم شفت الحل اني مسكت الكيس من نهايته وقعدت اضغط عليه والفه مثل الورق عنب وآخر شي
اخلي احد من عيالي يقعد عليه علشان تعبي ما يضيع واسكر الكيس ويعطيني نفس نتيجة الانكماش
ولاحظة ان الملابس لما اكويها للسفر بعد ما شفطت الهواء ما تتكرفس وتبقى مرتبه ...


سادسا :

تبين تصيرين مثل القشطه
ما يبي لها ذكاء استخدمي قناع القشطه احيانا يبقى اشوي بالعلبه وقت ما نبي نسوي الحلويات او وقت الطبخ ما في مانع انك تمسحين على وجهك
تمتعي حبيبتي وخلي وجهك مثل القشطه
نعومه وبياض والي لاحظته ان القشطه فيها شي غريب عن باقي الاقنعه للوجه
انها قناع مبيض وبنفس الوقت مرطب يعني ما يحتاج تستخدمين كريم لوجهك بعد القناع والسبب الدسم الموجود به هو المرطب الطبيعي لوجهك




سابعا :

عندي طريقه احب اني ابهر فيها ضيوفي واحيانا يقلبون استكانة الشاي ويبحلقون فيها يمين شمال يبون يعرفون شسالفه
السالفه وما فيها اني اسوي الشاي طبقتين يعني الشاي فوق والماي تحت
والطريقه سهله سوي شاي عادي بس يكون ثقيل يعني قللي الماي المستخدم للشاي
وصبيه بالاستكانه الي عندك وبعدين هاتي ماي مغلي وصبيه بالملعقه بكل نعومه وبكذا بيكون عندك
طبقتين طبقه شاي وطبقه ماي وبعد ما تقدمين السكر لضيوفك راح يحركونه بالشاي ويصير كأنه الشاي العادي
ان شاء الله تجربونه ويضبط معكم وتبهرون ضيوفك بالحركه هذي ...

ثامنا :

آآآآآآآآآآآآآآآه من الخواتم
كثير منا ما يعرف كيف يحتفظ بخواتمه من غير ما يطيح منه فص او ينخدش مع باقي
الاكسسوارات ...
طريقتي اني جبت كل العلب الي كنت احتفظ فيهم وقت ما اشتري الخاتم مثل الصوره اطلع الحشوه الي فيها الي فيها مكان لتثبيت الخاتم ..وقصيته بشكل مربعات ...
وخذيت مسدس الصمغ ولصقتهم مع بعض علشان يصيرون كلهم مع بعض
وجبت العلب الفاضيه للهدايا او علبة الاحذيه ممكن تستخدمينها بعد ما تزينيها
وثبتها فيه ...
وبكذا صار عندي علبة الخواتم وكل خاتم مكانه ثابت ولا راح اخاف عليهم ولا اقعد ادور بين العلب عن خاتم يناسب فستاني ...

تاسعا ::
حبيباتي كثير منا عنده اكياس الخاليه من مشترياتنا ومسويه حوسه بالمطبخ
انا دائما اذا ابي اغير شنطتي على طول اشحنها بالكيس قبل ما ارجعها للدولاب
علشان تظل شكلها جديده ومليانه دائما ما فيها تجاعيد
نرجع للأكياس الي مسويه حوسه بالادراج وكثير منا يبي يطلع له كيس يطلع معاه العشرات ههههه





انا طريقتي اني اصفطهم مثل السنبوسه مثلا اسوي سنبوسه بحجم كبير بعدين اسويه متوسط وبعدين صغير الين ما الفه بشكل حلو ..

وبكذا دائما درج الاكياس مرتب وحلو ولما امد يدي ابي اطلع كيس ما راح الاقي الاكياس الباقيه طالعه وشكلها وووو


عاشرا ::

لاحظت ان الجزر لما تقشرينه وتحتفظين فيه بالثلاجه كالعاده ما يذبل ....
كثير منا عائلته صغيره ويفضل الجزر عندنا مدة اسبوع ولما نحتاج له نشوفه لين وما يسوى حتى نسويه بالسلطه ,,
جربو وقولو لي رايكم ...

احدى عشر ::
واخيرا لازم بموضوعي يكون فيه نصيب للأطفال على الاقل في الاسبوع مره وحده افرش لهم بالحديقه ونلون المحار ونطبع اوراق النباتات على الورق ونستمتع مع بعض
جربو مع اطفالكم واكيد بتقضون وقت ممتع مع بعض
او اشغليهم بهذا النشاط وقت انشغالك بتنظيف البيت ...

اذا الموضوع اعجبكم اسعدوني بردودكم


منقووووووول لعيونكم

اللي يعجبها الموضوع تدعيلي ربي يرزقني باللي اتمناه في الدنيا والاخره


إظهار التوقيع
توقيع : الرزان
#2

افتراضي رد: افكار منزليه رووووووووووووووعه

مشاء الله افكار جميله ربنا يكرمك وينولك الي في بالك دنيا واخره حبيبتي
#3

افتراضي رد: افكار منزليه رووووووووووووووعه

تسلمى يا الرازان تم التقيم عشان نورتى المنتدى
وموضوعك الجميل
إظهار التوقيع
توقيع : أميرة القصر
#4

افتراضي رد: افكار منزليه رووووووووووووووعه

تسلم اديكي أفكار هايلة
إظهار التوقيع
توقيع : لؤلؤة الايمان
#5

افتراضي رد: افكار منزليه رووووووووووووووعه

مشكوووووووووورة الرزان على الموضوع المفيد

يعطيكي العافية و ربنا يرزقك الي بتتمنيه
#6

افتراضي رد: افكار منزليه رووووووووووووووعه

تسلم ايدكي والله ينولك يلي ببالك
إظهار التوقيع
توقيع : نور سقيرق
#7

افتراضي رد: افكار منزليه رووووووووووووووعه

رد: افكار منزليه رووووووووووووووعه
إظهار التوقيع
توقيع : سوسو الامورة
#8

افتراضي رد: افكار منزليه رووووووووووووووعه

رد: افكار منزليه رووووووووووووووعه
إظهار التوقيع
توقيع : همس الوجود
#9

افتراضي رد: افكار منزليه رووووووووووووووعه

افكار جميلة تسلمى
إظهار التوقيع
توقيع : عاشقة اولادى
#10

افتراضي رد: افكار منزليه رووووووووووووووعه

تسلمى يا قمر على المجهود الهائل دة
إظهار التوقيع
توقيع : mamanona
#11

افتراضي رد: افكار منزليه رووووووووووووووعه

ما شالله عليك افكار رائعة تسلم
#12

افتراضي رد: افكار منزليه رووووووووووووووعه

رد: افكار منزليه رووووووووووووووعه
إظهار التوقيع
توقيع : الرزان
#13

افتراضي رد: افكار منزليه رووووووووووووووعه

ماشاء الله عليكى
تسلمى على هذا الموضوع الرائع
إظهار التوقيع
توقيع : بسبوسه بالقشطه
#14

افتراضي رد: افكار منزليه رووووووووووووووعه

افكار جميلة ومجهود كبير تسلمي يا قمر
#15

افتراضي رد: افكار منزليه رووووووووووووووعه

ماشاء الله عليكى يارزان هايله يعطيكى العافيه يارب وينوللك الى تتمنيه دنيا واخره
#16

افتراضي رد: افكار منزليه رووووووووووووووعه

ربنا يديك العافيه هايله وست بيت من الطراز الاول
#17

افتراضي رد: افكار منزليه رووووووووووووووعه

جزاكى الله خيرا يا قمر على هذه المعلومات والنصائح القيمه
#18

افتراضي رد: افكار منزليه رووووووووووووووعه

مشكورة
#19

افتراضي رد: افكار منزليه رووووووووووووووعه

شكرا ليكى
إظهار التوقيع
توقيع : زاد ابراهيم
#20

افتراضي رد: افكار منزليه رووووووووووووووعه

تسلمى ياقمر
#21

افتراضي رد: افكار منزليه رووووووووووووووعه

تسلمى على المعلومات الرائعه وجزاكى الله خيرا ونتتظر المذيد من المعلومات
#22

افتراضي رد: افكار منزليه رووووووووووووووعه

رد: افكار منزليه رووووووووووووووعه
إظهار التوقيع
توقيع : ريموووو
#23

افتراضي رد: افكار منزليه رووووووووووووووعه

رد: افكار منزليه رووووووووووووووعه
إظهار التوقيع
توقيع : نجمة منورة
#24

افتراضي رد: افكار منزليه رووووووووووووووعه

تسلم ايديك عزيزتي
أفكار جديده وحلوه
#25

افتراضي رد: افكار منزليه رووووووووووووووعه

موضوع رااااائع
تسلمي حبيبتي
إظهار التوقيع
توقيع : ام هنا
#26

افتراضي رد: افكار منزليه رووووووووووووووعه

افكار نيرة مثل صاحبتها والله استفدت منها كثير ....تسلمين ياعيل


قد تكوني مهتمة بالمواضيع التالية ايضاً
الموضوع كاتب الموضوع المنتدى
افكار منزليه جميلة , افكار مميزة للمنزل , افكار حصريه وجديده 2024 مريم ملوكة افكار وتجارب منزلية
أفكار وتجارب منزليه من تصميمي,افكار وتجارب منزليه للفيس من تصميمي,اجمل افكار منوعه لل جنا حبيبة ماما افكار وتجارب منزلية
افكار وحلول منزليه جميله,افكار وتجارب منزليه لكل ست بيت,حلول منزليه وتجارب وافكار2024 مريم ملوكة افكار وتجارب منزلية
بالصور افكار منزليه جميله افكار منزليه بسيطه جويريه اعمال يدويه لتزيين المنزل
افكار للمنزل / افكار منزليه رووعة لاتفوتك / تجارب منزلية جامدة للعدولات اللهم ارزقنى التقى اعمال يدويه لتزيين المنزل


الساعة الآن 05:30 PM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل