أو

الدخول بواسطة حسابك بمواقع التواصل



https://adlat.net/showthread.php?t=146909
12542 64
#1

افتراضي عوزة اتجوز

دي سلسلة حكايات ساخرة منقولة عن العرسان والعروسة مخبوطة يا رب تعجبكم
الحلقة الأولى

جائني يا قراء يا كرام .. نوادر وحكايات وكلام
عن بنت ثلاثينية .. غارقة في الظلام
وعرسان مقشفين .. غرقانين في الاوهام
وعن امهات العرسان المفترية..اللي بتاكل اللحمة نية
وبتشرب عصير زلط في الصبحية
تعبوا البنية وشلفطوها ..وبجهلهم خبطوها
احكي يا بت يا مخبوطة عن النكسة
والعرسان اللي جابتلك الوكسة

اول عريس.........
جائني يا قراء ياكرام ... أنه وفي احدى الأيام
كانت البت مخبوطة .. لسة صغننة ومبسوطة
لحد ما جه اليوم التعيس .. اللي اتقدملها فيه عريس ..
بيقولوا دكتور ومتعلم .. وابن ناس ومتهندم
فندهلها ابوها وسألها ..
وخدلها موعد عشان العريس يقابلها
بابا- شوفي يا بنتي ..
مخبوطة- ايوة يا بابا
بابا- الشاب كويس .. دكتور وبيحضر ماجستير .. وحالته المادية ماشاء الله واخلاق عالية ومهذب اوي لا عمره كلم بنت ولا عمره مشي مع بنت ... وسنه مناسب لسنك عنده 26 يعني اكبر منك بـ3 سنين ... قلتي ايه ؟
مخبوطة- ؟؟؟؟؟؟
بابا- اقوله ييجي بكرة ؟؟
مخبوطة- اللي تشوفه يا بابا
هيييييييه هتجوز

ماما : انتي هتخرجي للعريس كده ؟
مخبوطة- ماله كده يا ماما ...
ماما- حطي حاجة على وشك ... شوية كحل شوية روج !
مخبوطة- حطيت يا ماما بس مش كتير .. يقول عليه ايه ما صدقت !
ماما- طب يلا ادخلي ..
مخبوطة طبعا مكسوفة
مش قادرة .. وقفت على باب الصالون ... مش قادرة بجد .. موقف وحش اوي
اختي : ادخلي بقى .....
ايد زقتني من ورا ... لقيت نفسي في الصالون .. تحت الأمر الواقع
فاضطريت اكمل : أأ ... السلام عليكم ...
العريس وقف : وعليكم السلام ورحمة الله ... بسم الله ماشاء الله
مخبوطةبتكلم نفسهاوعمالة تقرب .. هو ده ! .. هو في حد وحش كده !!
طب هو كده واقف كله ؟ كامل يعني ؟ ... قصير اوي ..!
يلا معلش مش مشكلة الطول
طب هو اقرع ولا انا بيتهيألي ؟
قربت اكتر ....
آه اقرع يا مخبوطة ... اقرع وبالثلث ..
يلا معلش مش مهم القرعة
بتحصل كتير
انما ايه اللي هو لابسه ده ؟ ..
كرافتة كاروهات ! .. قميص كاروهات ! .. بدلة مقلمة !
ايه تضارب الالوان ده ! .. كنت هصرخ في وسط الصالون بصوت مجلجل واقول :
جتنا نيلة في حظنا الهباب
لا يا مخبوطة ..اعقلي .. الراجل مش بشكله ولا لبسه ..
الراجل بأخلاقه .. يلا معلش ... بكره هعلمةازاي يلبس .. المهم يكون طيب .. ولا ايه ؟
ايوة صحيح .. المهم يكون طيب .. هحاول ابلع منظره
قعدت على الكرسي بعد ما خيبة الأمل تغلغلت جوايا ...
العريس : ازيك يا انسة مخبوطة ؟
انا بصوت مبحوح من كتر الاحراج : الحمدلله
العريس : ايه مالك زعلانة ليه ؟
مخبوطةفى نفسها( هو باين عليا اوي كده ! .. انما هكون زعلانة من ايه ! .. من وسامتك المفرطة )
بابا : اصلها كانت تعبانة النهاردة شوية ... ها ها ها
مخبوطة( انا كنت تعبانة ؟ امتى ده )
بعد السلام والتحية وشوية المجاملات ...
العريس : قوليلي يا آنسة مخبوطة .. حضرتك ليه اخترتي كلية الاقتصاد والعلوم السياسية ؟
مخبوطة- انا كنت اتمنى ادخل صيدلة بس مجموعي في الثانوية العامة كان ....
بابا قاطعني : احم .. هي اختارت الكلية دي عشان كانت شايفة انها مناسبة لشخصيتها اكتر ...
العريس : برضو مافهمتش انتي اخترتيها ليه يعني ؟
مخبوطة : .... عشان .. شفت انها ملائمة ليا
العريس بيتساءل بحيرة : .......... يعني اخترتيها ليه ؟
مخبوطةفى نفسها(.. سلامة الفهم ! )
بابا : ... آآآآ .... على فكرة يا دكتور .. مخبوطة بترسم ...
العريس : اووووه بجد ! طب يا ريت نشوف شوية من رسوماتك يا آنسة مخبوطة ...
مخبوطة : طب عن اذنكوا .. ثواني ..
مشيت وعيون العريس عمالة تخبط فيا زي الرصاص
جبت الرسومات بتاعتي واديتهم للعريس .. راح مسكهم من غير ما يبص فيهم وحطهم جمبه على التربيزة ...
مخبوطةفى نفسها(ايه قلة الذوق دي ..
مش عايز تشوفهم اومال قومتني اجيبهم ليه طيب ! .. آآآآآآآآه ... ده كان عايز يتفرج على جمال خطوتي بقى !!
هاهاها .. انت عريس خلبوص صحيح
العريس : صحيح كنتي بتدرسي ازاي وسط القصف واللي بيحصل ده ..
انا : والله حاولت اتأقلم عشان ..




قام مقاطعني ومدور وشه لبابا : شارون ده بجد ياعمي لا يمكن يكون معاه مفاوضات ...
مخبوطةفى نفسها(( ايه يا ابني انت مش قاعدة بكلمك ! )
العريس : عايز اسألك سؤال يا آنسة مخبوطة بس محرج شوية ..
بابا : اتفضل يا ابني خد راحتك ...
العريس : هو انتي لما كنتي في الجامعة .. كنتي بتخرجي القصة بتاعتك برا الايشارب زي ما البنات بيعملوا ؟
مخبوطة- هاه ؟ لا ...
العريس : طب كنتي بتقعدي مع شبان ؟
( ده انت زودتها اوي )
بابا : يا ابني احنا بناتنا مش بتوع الكلام ده ! انت هتزعلني منك ولا ايه ؟
العريس : انا آسف يا عمي والله مش قصدي اللي فهمته ارجوك ما تكونش زعلت مني ...
بابا : هففففففف ... خلاص حصل خير
العريس : معلش هتعبك معايا ممكن بس مناديل كلينكس اذا تكرمتي ..
مخبوطةفى نفسها(( انت كل شوية هتقومني .. ما تحترم نفسك ياد انت ! )
اوكي .. ثواني
و لسوء الحظ ( او يمكن لحسن الحظ ) كان عندنا قبلها بيوم عزومة وكل الكلينكس اللي عندنا خلص بدور مالقيتش .. لقيت في اوضتي علبة كلينكس حجم كبير .. بس مافيهاش الا 3 ورقات في آخرها ... اعمل ايه ! ..

اختي قالتلي خديهم في ايدك واديهم له ..عيب تاخدي العلبة الكبيرة دي وهي فاضية كده ... رحت طويتهم في ايدي كده زي الشطار ورحت للعريس مديتله ايدي :
مخبوطة- اتفضل ..
بصلي من فوق لتحت وقال : لا متشكر .. معايا
مخبوطةفى نفسها(( لا لا لا .. انت الظاهر كده عندك انفصام في الشخصية ! ... )
استغربت من تصرفه ده .. وحطيت الكلينكس على التربيزة بعصبية وقعدت .. نقول ايه .. لو بينفع نشتري الذوق كنا اشتريناه
العريس بمنتهى الحداقة : ما سألتينيش يعني يا آنسة مخبوطة ... خليتك تيجيبي الكلينكس ليه مع ان معايا كلينكس
مخبوطةفى نفسها(( يا واد يافتك !!! )
اصل انا عندي ذوق وما بحبش احرج حد
بابا : ايه يا ابني مالك كده في ايه ؟؟؟
العريس : مش قصدي حاجة يا عمي بس كان قصدي اوجهها واقولها غلط الطريقة اللي قدمتلي فيها الكلينكس دي !
مخبوطةفى نفسها(( ده انت نهارك مش فايت النهاردة !! )
بابا : خشي انتي جوة يا مخبوطة
ماكدبتش خبر وجريت على اوضتي .. ايه الخيبة القوية ديو انا اللي فرحت ان جالي عريس

اختي : هاه ايه الاخبار ..

انا : لا مستحيل اتجوزه ... انا عمري ما شفت حد قليل ذوق بالشكل ده ! ... ده مريض نفسي !
- يعني خلاص ! .... جت الحزينة تفرح !
- لقت واحد عفش في المطرح

بعد شوية جه بابا : الراجل روح .. ايه رأيك فيه ؟ هو غبي بس يعني لو ...
مخبوطة : لا يا بابا انا مش موافقة ...لا يمكن
بابا : طب اصبري انا كلمته وفهمته ان ده غلط واعتذر لأنه كان مرتبك وقعد ساعة يتأسف ...
انا : لا لا .... دي حركات مقصودة ...
بابا : عموما .. هو قال هيتصل بعدين .. وانتي حرة
انا : لا مستحيــــــل !!
في المساء : ترررن تررررن
- آلو .. أهلا يا ابني مساء النور ... اه الحمدلله ... آه .. ممممم
انت شاب محترم يا ابني وكل حاجة بس .. البنت مش موافقة .... مصممة ايوة ..... ايوة ممكن تكلمها .... يا مخبوطة ... مخبووووطة .... تعالي الدكتور عايز يتكلم معاكي ...
اداني بابا السماعة وهو بيشاورلي اخلص بسرعة
- آلو .. مساء النور
- ايه يا آنسة مخبوطة زعلانة ليه
- مش زعلانة .. بس كل شيئ قسمة ونصيب
- وليه قررتي بالسرعة دي ان مفيش نصيب ؟
مخبوطةفى نفسها(( يادي الاحراج ! بتدققوا في السؤال ليه ؟ لازم نقولها في وشكوا يعني .. اننا ما بنتجوزش مجانين ! )
- اصل بصراحة حسيت ان مفيش بينا تقارب او تفاهم و ...
العريس- ليه مفيش بينا تقارب .. هو انا بصلي الصبح ركعتين وانتي بتصليه خمس ركعات !
- ايه دخل الصلاة في الموضوع ! كل المسلمين بيصلوا زي بعض !
- يبقى مفيش اختلاف في الأمور الجوهرية .. انا مسلم وانتي مسلمة
مخبوطة- يا سلام ! ... شوف يا دكتور بصراحة انا آسفة اوي و
العريس مقطع مخبوطة وقال- شوفي يا آنسة مخبوطة .. انا لما كنت بدرس كنت بحفظ العملية الجراحية من اول مرة يعملها الجراح قدامي .. وكنت بحب اوضة العمليات اوي .. لدرجة اني كنت ببات فيها .. ومرة واحدة ست كانت بتولد قيصري و ...
مخبوطة- حضرتك بتقولي الكلام ده ليه دلوقت دخله ليه في موضوعنا ؟
العريس- اصل انتي شايفة ان مفيش بينا تقارب في الشخصية عشان انا دارس طب وانتي اقتصاد بس احب اقولك بالعكس ده شيئ تكميلي مش محل خلاف و ...
قاطعتة مخبوطة- حضرتك ايه دخل الدراسة انا مش قصدي كده !
العريس- اومال ايه ؟
مخبوطةفى نفسها(( اقوله ايه ده !!! )
- انا فكرت كويس وخدت قراري وكل شيئ قسمة ونصيب
العريس- ازاي يعني قررتي .. اذا كنت انا موافق وابوكي وامك موافقين يعني احنا كده تلاتة موافقين يعني الاغلبية
مخبوطةفى نفسها(( اغلبية ايه ياد هي انتخابات ؟ )
- انا اللي هتجوز مش بابا ولا ماما ...
مخبوطةفى نفسها(- وانا !؟؟؟
مخبوطة- انت انسان كويس بس الجواز قسمة و نصيب .. ممكن بعد اذنك عشان عايزة انام ؟
- آنسة مخبوطة ممكن اسألك بصراحة ...
مخبوطةفى نفسها(( اللهم طولك يا روح )
- اتفضل اسأل ..
العريس- انتي بتحبي حد تاني مش كده ؟
مخبوطة- تصبح على خير ...
و قفلت مخبوطة سماعة التليفون
في وش هذا العريس المجنون ...
للأسف ما بقتش تنفع الشهادة ... اللي مش محسنة لصاحبها عادة
هو فاكر نفسه جاي يخطب بنت ناس
ولا يشتري سجادة !
وحطت مخبوطة ايدها على خدها .. بتفكر في الاشكال اللي بتتقدملها
داعية ربها يريحها من هذه النوعية
اللي كانت السبب .. في خيبتنا العربية القوية
واستنوا مخبوطة مع خيبة جديدة



إظهار التوقيع
توقيع : مانوlove
#2

افتراضي رد: عوزة اتجوز

يسلموووووووووو هو فعلا قليل الذوق
#3

افتراضي رد: عوزة اتجوز

هههههههههههههههه جميلة اوووى فى انتظار تكملها يا قمر ده انسان عندو انفصام فى الشخصية

إظهار التوقيع
توقيع : عہآزفہه علے آوتہآر آلنہسہيآن
#4

افتراضي رد: عوزة اتجوز

ههههه
يا عينى على حظك يا مخبوطه

إظهار التوقيع
توقيع : قصرالاحلام
#5

افتراضي رد: عوزة اتجوز


المشاركة الأصلية كتبت بواسطة فريحه
يسلموووووووووو هو فعلا قليل الذوق
يسلموووووووووو

إظهار التوقيع
توقيع : مانوlove
#6

افتراضي رد: عوزة اتجوز


المشاركة الأصلية كتبت بواسطة قصرالاحلام
ههههه
يا عينى على حظك يا مخبوطه
نورتى ياقمر

إظهار التوقيع
توقيع : مانوlove
#7

افتراضي رد: عوزة اتجوز


المشاركة الأصلية كتبت بواسطة عہآزفہه علے آوتہآر آلنہسہيآن
هههههههههههههههه جميلة اوووى فى انتظار تكملها يا قمر ده انسان عندو انفصام فى الشخصية
غدا ان شاء الله التكملة

إظهار التوقيع
توقيع : مانوlove
#8

افتراضي رد: عوزة اتجوز

يسلموووووو
إظهار التوقيع
توقيع : جويريه
#9

افتراضي رد: عوزة اتجوز


المشاركة الأصلية كتبت بواسطة حلم عابر
يسلموووووو
رد: عوزة اتجوز

إظهار التوقيع
توقيع : مانوlove
#10

افتراضي رد: عوزة اتجوز

جتلكم بالعريس التانى
جائني يا قراء يا كرام ... أنه وفي احدى الأيام ..
البت مخبوطة اتخطبت .. واتقرت فاتحها
وبكلمة آآآمين اتختمت


- شوفي يا بنتي ..
- ايوة يا بابا
- الشاب ممتاز جدا انا سألت عليه وكل الناس شكرت فيه .. دكتور اسنان بيحضر ماجستير في امراض اللثة .. وحالته المادية ماشاء الله ... بيشتغل في مؤسسة للأسنان ده غير العيادة بتاعته .. وعنده 30 سنة يعني اكبر منك بـ 5 سنين ... ايه رأيك ؟
- ....
- اقوله ييجي بكرة ؟
- اللي تشوفه يا بابا


هييييييه هتجوز



- انتي هتخرجي للعريس كده ؟ وبعدين معاكي ؟
- ماله كده يا ماما ...
- حطي حاجة على وشك ... مش كل يوم هيجي عريس كويس كده !
- حطيت يا ماما .. عايزاني ابقى اراجوز عشان اعجبه !
- طب يلا ادخلي ..
مش قادرة .. وقفت على باب الصالون . يارب المرة دي تكون اخر مرة اشوف فيها الموقف الوحش ده
اهئ اهئ

اخويا : ادخلي يا بنتي يلا ..
- انت شفته ؟
- ايوة .. راجل ماشاء الله مالي مركزه
- بجد ؟
- لا مش بجد هو شبه الزبالين .. يابت بطلي عبط وادخلي ده لو عجبتيه احمدي ربنا

وانا داخلة : أأ .. السلام عليكم ...
العريس وقف : وعليكم السلام ورحمة الله ... بسم الله ماشاء الله

هو ده ! .. هو مش حلو اوي ..
بس شكله احسن من الدكتور العبيط اللي كان قبله بكتير ... ولابس كويس .. فاضل ايه ؟
فاضل التأكد من سلامة قواه العقلية

العريس : ايه يا آنسة مخبوطة مين مزعلك ؟
( انتوا كلكوا كده ولا ايه ! )

بابا : اصلها كانت تعبانة النهاردة شوية ... ها ها ها
( ايه يا بابا ده ! مش كل مرة ! )
العريس : لا سلامتك ألف سلامة
انا بصوت مبحوح من الكسوف : .. الله يسلمك
العريس : باباكي قالي انك ناوية تكملي ماجستير صحيح ؟
انا : ان شاء الله ربنا يسهل
بابا : مخبوطة بنت طموحة ...
العريس : ماشاء الله والله يا آنسة مخبوطة انا اعجبت بحضرتك من قبل ما اشوفك .. انا احترم الفتاة اللي بتهتم انها تكمل تعليمها وانا هشجعك ان شاء الله للنهاية

انا : ... ربنا يخليك

( الحمدلله .. لحد دلوقتي مفيش اعراض شيزوفيرنيا )
العريس : آنسة مخبوطة ... ممكن اسأل سؤال ؟
( ربنا يستر )
انا : ايوة اتفضل
العريس : انتي ليه درستي اقتصاد وعلوم سياسية مش شايفة انه مجال ينفع للرجالة اكتر ؟
انا : لا شايفة انه ينفع للكل ...
العريس : طب اخترتيها ليه طموحك تبقي وزيرة مثلا ؟
( ابتدينا في العبط بقى ! )

انا : لا طبعا مش شرط بس ... يعني ... اصل ...
بابا : .. أأأأ .... هي درستها لأنها كلية مهمة وبتدي الطالب ثقافة عالية وبعدين يا سيدي انت بعد كده حر عايزها تبقى وزيرة عايزها تقعد في البيت ده شيئ يخصك .. ها ها ها
العريس : هاهاها ياعمي مش قصدي والله بس انا يعني حبيت اعرف طبيعتها لتكون بتحب السياسة والمشاكل وكده يعني ...
بابا : لا يا ابني .. بنتي ما بتمارسش اي نشاط هي بتدرس بس
العريس : ماشاء الله يا عمي ربنا يبارك فيكو ... آنسة مخبوطة ممكن سؤال ؟
( هااه ... اتحفني ... )
انا : ايوة اتفضل
العريس : انتي موافقة ؟
انا : على ايه ؟
العريس : عليه !
( من اولها كده ... ! )
بابا : ان شاء الله خير يا ابني انت قلقان ولا ايه ؟ ها ها ها
العريس : والله يا عمي ما هيجيلي نوم الا لما اعرف رأيها ... اذا سمحتلي يعني ...
بابا : مبدئيا يا مخبوطة ايه رأيك في الموضوع ؟
( هو انا اعرفك يا راجل انت عشان اقول رأيي من دلوقتي ! )
انا : ... مبدئيا ... يعني ... ان شاء الله خير
العريس : يعني موافقة ؟
بابا : ......... قولي ما تتكسفيش ... اتكلمي عادي ..
( ايه يا بابا خايف على العريس اللقطة ليطير اوي كده )
انا : ان شاء الله ..
العريس : الحمدلله ...
بابا : اخيرا وافقتي ! ... اخيرا !! .. ده انتي طلعتي عيني
( يادي الفضايح .. يا بابا مش قدام الراجل .. )
بابا : مخبوطة روحي قولي لماما تعملنا قهوة ...


جريت على اوضتي ..
اختي : هاه ايه الأخبار ؟
انا : والله مش عارفة ... محتارة شوية
- يا ستي وافقي وخلاص ...
- مش عارفة هو اهبل شوية ولا انا بتهيألي ؟
- بصي العريس في اول قعدة بيكون مرتبك ويعك في الكلام انتي لازم تعذريه ... وصدقيني الرجالة دول مش هتلاقي فيهم الكامل اوي يعني ... الا ما يطلع فيه علة ... بس عموما لازم الحياة تمشي ... كلنا بنشتكي من جوازنا اهه مين مرتاح !
- على رأيك

بعد شوية جه بابا : الراجل روح .. ايه رأيك فيه ؟ بقولك ايه ... ما تطلعليش القطط الفطسانة فيه.. الراجل كويس واحسن من كل اللي قبله ... احمدي ربنا بقى ومش عايز كلام كتير ... قلتي ايه ؟
انا : اللي تشوفه يا بابا ...


وقرينا الفاتحة ..
لولولولولولولولولولوي



صاحبتي : ايوة يا عم مين قدك .. هتعملي ايه يا مخبوطة في كل المهر ده ! ...
( بتقروا علينا ولا ايه )
انا : مش لما نكتب الكتاب واخد المهر الأول
- يا ستي ادينا بندردش ...
- مش عارفة بفكر اشتري عربية .. ايه رأيك ؟
- فكرة هايلة ... والدهب جيبيه كله من داماس .. اعرف وحدة خياطة يا مخبوطة تهبل ... وكوافير شاطرة اوي .. لما يرجع خطيبك من السفر انا هعملك كل حاجة ... نفسي اشوف شكله اوي .. على فكرة انا شفت امبارح دكتور سألني عنك
- مين ده معرفوش
- انما ايه زي القمر .. قلت يا خسارة لو كنا عرفناك قبل ما مخبوطة تتخطب ... يمكن كنت انت من نصيبها .. انا متأكدة انه احلى من خطيبك ... خسارة اصله امور اوي
- ...... انا عارفة بقى كل شيئ قسمة ونصيب

ومرت الايام ....

خطيبي : آلو .. ايوة يا مخبوطة ازيك ..
انا : هترجع امتى كل مرة تقولي بعد اسبوع وبعدين تأجل ..
- معلش بقى ظروف .. عايزة حاجة اجيبهالك معايا ؟
- لا سلامتك .. المهم ترجع بالسلامة

( انا قلبي مش متطمن وحاسة كده ان الخطوبة دي مش هتتم )


بابا : خطيبك ماقالش راجع امتى ؟
انا : لا يا بابا ..

ترررررررررن تررررررررررن

خطيبي : ايوة يا مخبوطة ... انا عندي مشكلة
انا : مشكلة ايه ؟
- ماما ...
- مالها ؟
- عايزاني اخطب بنت خالتي .. وبصراحة مش مخلياني اسافر عشان اتمم الموضوع ..
- يا سلام ! .. تخطبها وانت خاطبني ازاي يعني ؟؟
- مخبوطة هي مش عايزة تجوزني من غير ما تشوف العروسة ..
- طب اعمل ايه اسافر لها ؟ !!
- انتي عارفة مخ الستات الكبار ... عايزة تشوفك كويس لأنها شايفة ان الصور مش كفاية .. مستعد ادفعلك تمن التذكرة بس تعالي ..
- لا طبعا مش جاية .. هو انا فرجة !!
- انا مش عارف اعمل ايه
- براحتك ... عايز تخطب بنت خالتك انت حر
- لا مش عايز والا كنت خطبتها من الأول .. بس ماما ..
- لو مش قادر تقرر سيب ماما هي اللي تقرر ..





وطرااااااااااخ قفلت مخبوطة السماعة في وش خطيبها اللي ماعندوش شخصية

اتصل خطيبها في أبوها وحاول يقنعه يخلي مخبوطة تسافر عشان مامته تتفرج عليها وتقرر اذا يتجوزها ولا لا ...
ابوها مارضيش


وقال


فرررررررركشششششش


صاحبتي : بجد !... فسختوا الخطوبة ؟!

( هي مالها فرحانة كده ليه ! )
انا : ايوة فسختها ..
- انتي زعلانة ليه مش انتي ماكنتيش بتحبيه ؟
- ايوة بس يعني الموقف مش حلو ..
- انتي لسة صغيرة وبكرة ييجي اللي احسن منه .. فاكرة الدكتور الامور اللي قلتلك عليه ؟
- ماله ؟
- مش طلع خاطب !!!!

انا : هاه ...






وبعد ما جت الطوبة في المعطوبة ... وانتهت لمخبوطة اول خطوبة ..
بسبب ان العريس دلوع امه
اللي كانت مسيطرة على دماغه وفهمه
وقالتله لازم اشوفها واتفحصها ... واقطعها وادوقها وابلعها

وكأن البت مخبوطة بطيخة
ولا يمكن حتة فسيخة
عايزة تقرب عليها وتشمها .. وتشد شعرها وتلمها
عشان مش واثقة
في ذوق المحروس ابنها
والخايب بدل ما يقولها عيب ... قعد يعيط لمخبوطة بنحيب
شباب الزمان ده
بجد شباب عجيب
وحطت مخبوطة ايدها على خدها .. بتفكر في الاشكال اللي بتتقدملها
داعية ربها يريحها من هذه النوعية
اللي كانت السبب في خيبتنا القوية

إظهار التوقيع
توقيع : مانوlove
#11

افتراضي رد: عوزة اتجوز

ياقلبي على مخبوطة اللي مالو حظ ﻻ يتعب وﻻ يشقى ههههههه

تسلم ايدك كتير حلوة الحلقات بانتظار العريس الجديد

إظهار التوقيع
توقيع : JİLO
#12

افتراضي رد: عوزة اتجوز

ايه الحظ ده يا مخبوطة؟.

إظهار التوقيع
توقيع : alaa ilham
#13

افتراضي رد: عوزة اتجوز

تسلم ايدكـ يـ قمرايه
جميلة جدا جدا

إظهار التوقيع
توقيع : بحبكm
#14

افتراضي رد: عوزة اتجوز


المشاركة الأصلية كتبت بواسطة JİLO
ياقلبي على مخبوطة اللي مالو حظ ﻻ يتعب وﻻ يشقى ههههههه


تسلم ايدك كتير حلوة الحلقات بانتظار العريس الجديد
شكرا ياقمر

إظهار التوقيع
توقيع : مانوlove
#15

افتراضي رد: عوزة اتجوز

جميل جدا حبيبتي
في انتظار التكملة

إظهار التوقيع
توقيع : mahee
#16

افتراضي رد: عوزة اتجوز


المشاركة الأصلية كتبت بواسطة JİLO
ياقلبي على مخبوطة اللي مالو حظ ﻻ يتعب وﻻ يشقى ههههههه

تسلم ايدك كتير حلوة الحلقات بانتظار العريس الجديد
نورتى موضوعى

إظهار التوقيع
توقيع : مانوlove
#17

افتراضي رد: عوزة اتجوز


المشاركة الأصلية كتبت بواسطة alaa ilham
ايه الحظ ده يا مخبوطة؟.
وحدة نحس نعمل اية هههههههه

إظهار التوقيع
توقيع : مانوlove
#18

افتراضي رد: عوزة اتجوز


المشاركة الأصلية كتبت بواسطة بحبكm
تسلم ايدكـ يـ قمرايه
جميلة جدا جدا
مرسى

إظهار التوقيع
توقيع : مانوlove
#19

افتراضي رد: عوزة اتجوز

رد: عوزة اتجوز
إظهار التوقيع
توقيع : Frawla
#20

افتراضي رد: عوزة اتجوز

رد: عوزة اتجوز
إظهار التوقيع
توقيع : الملكة نفرتيتي
#21

افتراضي رد: عوزة اتجوز

يعطيك الصحة حلوة
إظهار التوقيع
توقيع : نجمةk
#22

افتراضي رد: عوزة اتجوز

جتلكم بالعريس الجديد
جاءني يا قراء يا كرام .. انه وفي احد الايام
اتقدم لمخبوطة عمو الدكتور
اللي كان بيصلح لمخبوطة ضرسها المحفور
ايام ماكانت مخبوطة الشقية
لسة نونو في الثانوية
اما عمو الدكتور ..
فكان اكبر منها بعشرين سنة ميلادية



مخبوطة : صباح الخير يا عمو
الدكتور : صباح النور يا انسة مخبوطة ... ايه عمو دي انتي عايزة تكبريني ؟ هاهاها

( مخبوطة اتكسفت ومعرفتش ترد .. عشان كانت صغيرة اوي .. يعني قبل ما تتعلم ازاي تحط صباعها في عين الغراب اللي قدامها )

الدكتور : مخبوطة .. العصفورة قالتلي انك بتاكلي شوكولاتة وايس كريم .. مش احنا اتفقنا ما تاكليش الحاجات دي ؟؟
( هو عرف منين ! .. معقولة الدكتور مهتم بيا كده ... ياي )
- اصل صحباتي هما اللي عزموني
- هاهاهاهاهاها ... ما تسمعيش كلامهم طيب عشان سنانك مش مستحملة ... انتي في سنة كام يا مخبوطة ؟
- تانية ثانوي
- ماشاء الله ماشاء الله ...


بعد اسبوع .. كان الدكتور ده في زيارة عندنا بيطلب ايدي من بابا .. وطلع قفاه يقمر عيش ...

انا : ليه يا ماما بابا رفض العريس .. ده امور خالص
- مالكيش دعوة انتي بالحاجات دي ..
- ليه يا ماما ليه ليه ليه
- ده اكبر منك بعشرين سنة ! ... ما يروح يتجوز وحدة من سنه جايلنا احنا ليه .. انتي لسة صغيرة
- اهئ اهئ اهئ

وماكانتش مخبوطة اياميها فاهمة كلام مامتها .. وشايفة ان ابوها ديكتاتوري رفض العريس من غير ما ياخد رأيها .. وزعلت مخبوطة على العريس الامور

خسارة كنت هتخطب واغيظ صحباتي اللي معايا في الفصل
واغيظ الولاد اللي بيضحكوا عليا لما اعرفش اجاوب واوريهم اني لابسة في ايدي دبلة خلاص ما بقتش صغيرة .... آآآآآخ ليه كده بس يا بابا ... ليه

وفي احد الايام ... بعد ما مخبوطة كبرت واتخرجت من الكلية وكانت مسافرة عشان تحضر الماجستير ... قابلت الدكتور ده صدفة أثناء السفر ...

الدكتور : مخبوطة ! .. انتي مخبوطة صح ؟؟
انا .. ولسة مش عارفة مين ده : ايوة .. ؟
- انا الدكتور " فلان " فاكراني ؟
- ايوة ايوة .. اهلا يا دكتور ازاي حضرتك ؟
( بقى عنده قرعة وشكله كبير .. اتغير اوي )
- الحمد لله .. انتي اتجوزتي ؟
- لا لسة
- انا اتجوزت الحمد لله وعندي اولاد ..
( على فكرة اتجوز بنت عندها 15 سنة برضو ! )
- ربنا يخليهملك ..

وساعتها اتأخرت في العبور بسبب الاجراءات الامنية وكنت عايزة اكلم اهلي اطمنهم عليا ...
- انا لازم اكلم اهلي اطمنهم عليا .. بس مش عارفة اتصل منين !
- ... طبعا ضروري .. عن اذنك يا مخبوطة مضطر امشي ..
- اه اتفضل ...

وراح الدكتور وقعد بعيد .. وبعد فترة من الوقت .. مخبوطة بصت لقت الدكتور قاعد وبيطلع موبايل من جيبه وبيتصل ... واكتشفت انه هرب منها عشان ما تاخدش منه الموبايل تتصل بأهلها وتخسره رصيد ....
وبعد شوية عمل مشكلة مع الولد اللي في الكافتيريا عشان مبلغ هايف ... جاتك خيبة ده انت طلعت مقلب !
الحمد لله ان بابا رفضك !






وبعد ما مخبوطة كبرت .. واتعلمت واتنورت
فكرت بينها وبين نفسها
ليه الدكتور ده يتقدملها ..
مع ان كان في بنات كتير اياميها .. من اللي عايشين وساكنين حواليها
سنهم من سنه .. وقريبين جدا منه

مارضيش بيهم عشان هما في التلاتينات زيه

قال ابن التلاتين ..
مش بيرضى يتجوز وحدة فاتها القطر من سنين

وبيدور على عيلة صغيرة يتجوزها
عشان يربيها من اول وجديد ويشكلها
على كيفه وكيف عيلته من اولها

وهذه هي العادة في مجتمعاتنا الندلة ..
اللي بتطبق قوانين وتقاليد غير عادلة

وحطت مخبوطة ايدها على خدها .. بتفكر في شباب التلاتين اللي في وشها
داعية ربها بعين مدمعة .. يخلصها من الشخصيات المفرقعة
فرقعة كدابة ومن جواها عقول
مطرقعة

إظهار التوقيع
توقيع : مانوlove
#23

افتراضي رد: عوزة اتجوز

هههه


عسل

فى انتظارك

إظهار التوقيع
توقيع : ريموووو
#24

افتراضي رد: عوزة اتجوز

ينقل لقسم القصص والروايات
إظهار التوقيع
توقيع : ريموووو
#25

افتراضي رد: عوزة اتجوز


المشاركة الأصلية كتبت بواسطة Frawla
رد: عوزة اتجوز
نورتى يامرمورة

إظهار التوقيع
توقيع : مانوlove
#26

افتراضي رد: عوزة اتجوز


المشاركة الأصلية كتبت بواسطة ريموووو
هههه


عسل

فى انتظارك
شكرا ياجميل

إظهار التوقيع
توقيع : مانوlove
#27

افتراضي رد: عوزة اتجوز


المشاركة الأصلية كتبت بواسطة ♥الملكة نفرتيتي♥
رد: عوزة اتجوز
رد: عوزة اتجوز

إظهار التوقيع
توقيع : مانوlove
#28

افتراضي رد: عوزة اتجوز


المشاركة الأصلية كتبت بواسطة نجمةk
يعطيك الصحة حلوة
رد: عوزة اتجوز

إظهار التوقيع
توقيع : مانوlove
#29

افتراضي رد: عوزة اتجوز

[QUOTE=مانوlove;1268532]
دي سلسلة حكايات ساخرة منقولة عن العرسان والعروسة مخبوطة يا رب تعجبكم
الحلقة الأولى

جائني يا قراء يا كرام .. نوادر وحكايات وكلام
عن بنت ثلاثينية .. غارقة في الظلام
وعرسان مقشفين .. غرقانين في الاوهام
وعن امهات العرسان المفترية..اللي بتاكل اللحمة نية
وبتشرب عصير زلط في الصبحية
تعبوا البنية وشلفطوها ..وبجهلهم خبطوها
احكي يا بت يا مخبوطة عن النكسة
والعرسان اللي جابتلك الوكسة

اول عريس.........
جائني يا قراء ياكرام ... أنه وفي احدى الأيام
كانت البت مخبوطة .. لسة صغننة ومبسوطة
لحد ما جه اليوم التعيس .. اللي اتقدملها فيه عريس ..
بيقولوا دكتور ومتعلم .. وابن ناس ومتهندم
فندهلها ابوها وسألها ..
وخدلها موعد عشان العريس يقابلها
بابا- شوفي يا بنتي ..
مخبوطة- ايوة يا بابا
بابا- الشاب كويس .. دكتور وبيحضر ماجستير .. وحالته المادية ماشاء الله واخلاق عالية ومهذب اوي لا عمره كلم بنت ولا عمره مشي مع بنت ... وسنه مناسب لسنك عنده 26 يعني اكبر منك بـ3 سنين ... قلتي ايه ؟
مخبوطة- ؟؟؟؟؟؟
بابا- اقوله ييجي بكرة ؟؟
مخبوطة- اللي تشوفه يا بابا
هيييييييه هتجوز

ماما : انتي هتخرجي للعريس كده ؟
مخبوطة- ماله كده يا ماما ...
ماما- حطي حاجة على وشك ... شوية كحل شوية روج !
مخبوطة- حطيت يا ماما بس مش كتير .. يقول عليه ايه ما صدقت !
ماما- طب يلا ادخلي ..
مخبوطة طبعا مكسوفة
مش قادرة .. وقفت على باب الصالون ... مش قادرة بجد .. موقف وحش اوي
اختي : ادخلي بقى .....
ايد زقتني من ورا ... لقيت نفسي في الصالون .. تحت الأمر الواقع
فاضطريت اكمل : أأ ... السلام عليكم ...
العريس وقف : وعليكم السلام ورحمة الله ... بسم الله ماشاء الله
مخبوطةبتكلم نفسهاوعمالة تقرب .. هو ده ! .. هو في حد وحش كده !!
طب هو كده واقف كله ؟ كامل يعني ؟ ... قصير اوي ..!
يلا معلش مش مشكلة الطول
طب هو اقرع ولا انا بيتهيألي ؟
قربت اكتر ....
آه اقرع يا مخبوطة ... اقرع وبالثلث ..
يلا معلش مش مهم القرعة
بتحصل كتير
انما ايه اللي هو لابسه ده ؟ ..
كرافتة كاروهات ! .. قميص كاروهات ! .. بدلة مقلمة !
ايه تضارب الالوان ده ! .. كنت هصرخ في وسط الصالون بصوت مجلجل واقول :
جتنا نيلة في حظنا الهباب
لا يا مخبوطة ..اعقلي .. الراجل مش بشكله ولا لبسه ..
الراجل بأخلاقه .. يلا معلش ... بكره هعلمةازاي يلبس .. المهم يكون طيب .. ولا ايه ؟
ايوة صحيح .. المهم يكون طيب .. هحاول ابلع منظره
قعدت على الكرسي بعد ما خيبة الأمل تغلغلت جوايا ...
العريس : ازيك يا انسة مخبوطة ؟
انا بصوت مبحوح من كتر الاحراج : الحمدلله
العريس : ايه مالك زعلانة ليه ؟
مخبوطةفى نفسها( هو باين عليا اوي كده ! .. انما هكون زعلانة من ايه ! .. من وسامتك المفرطة )
بابا : اصلها كانت تعبانة النهاردة شوية ... ها ها ها
مخبوطة( انا كنت تعبانة ؟ امتى ده )
بعد السلام والتحية وشوية المجاملات ...
العريس : قوليلي يا آنسة مخبوطة .. حضرتك ليه اخترتي كلية الاقتصاد والعلوم السياسية ؟
مخبوطة- انا كنت اتمنى ادخل صيدلة بس مجموعي في الثانوية العامة كان ....
بابا قاطعني : احم .. هي اختارت الكلية دي عشان كانت شايفة انها مناسبة لشخصيتها اكتر ...
العريس : برضو مافهمتش انتي اخترتيها ليه يعني ؟
مخبوطة : .... عشان .. شفت انها ملائمة ليا
العريس بيتساءل بحيرة : .......... يعني اخترتيها ليه ؟
مخبوطةفى نفسها(.. سلامة الفهم ! )
بابا : ... آآآآ .... على فكرة يا دكتور .. مخبوطة بترسم ...
العريس : اووووه بجد ! طب يا ريت نشوف شوية من رسوماتك يا آنسة مخبوطة ...
مخبوطة : طب عن اذنكوا .. ثواني ..
مشيت وعيون العريس عمالة تخبط فيا زي الرصاص
جبت الرسومات بتاعتي واديتهم للعريس .. راح مسكهم من غير ما يبص فيهم وحطهم جمبه على التربيزة ...
مخبوطةفى نفسها(ايه قلة الذوق دي ..
مش عايز تشوفهم اومال قومتني اجيبهم ليه طيب ! .. آآآآآآآآه ... ده كان عايز يتفرج على جمال خطوتي بقى !!
هاهاها .. انت عريس خلبوص صحيح
العريس : صحيح كنتي بتدرسي ازاي وسط القصف واللي بيحصل ده ..
انا : والله حاولت اتأقلم عشان ..
قام مقاطعني ومدور وشه لبابا : شارون ده بجد ياعمي لا يمكن يكون معاه مفاوضات ...
مخبوطةفى نفسها(( ايه يا ابني انت مش قاعدة بكلمك ! )
العريس : عايز اسألك سؤال يا آنسة مخبوطة بس محرج شوية ..
بابا : اتفضل يا ابني خد راحتك ...
العريس : هو انتي لما كنتي في الجامعة .. كنتي بتخرجي القصة بتاعتك برا الايشارب زي ما البنات بيعملوا ؟
مخبوطة- هاه ؟ لا ...
العريس : طب كنتي بتقعدي مع شبان ؟
( ده انت زودتها اوي )
بابا : يا ابني احنا بناتنا مش بتوع الكلام ده ! انت هتزعلني منك ولا ايه ؟
العريس : انا آسف يا عمي والله مش قصدي اللي فهمته ارجوك ما تكونش زعلت مني ...
بابا : هففففففف ... خلاص حصل خير
العريس : معلش هتعبك معايا ممكن بس مناديل كلينكس اذا تكرمتي ..
مخبوطةفى نفسها(( انت كل شوية هتقومني .. ما تحترم نفسك ياد انت ! )
اوكي .. ثواني
و لسوء الحظ ( او يمكن لحسن الحظ ) كان عندنا قبلها بيوم عزومة وكل الكلينكس اللي عندنا خلص بدور مالقيتش .. لقيت في اوضتي علبة كلينكس حجم كبير .. بس مافيهاش الا 3 ورقات في آخرها ... اعمل ايه ! ..

اختي قالتلي خديهم في ايدك واديهم له ..عيب تاخدي العلبة الكبيرة دي وهي فاضية كده ... رحت طويتهم في ايدي كده زي الشطار ورحت للعريس مديتله ايدي :
مخبوطة- اتفضل ..
بصلي من فوق لتحت وقال : لا متشكر .. معايا
مخبوطةفى نفسها(( لا لا لا .. انت الظاهر كده عندك انفصام في الشخصية ! ... )
استغربت من تصرفه ده .. وحطيت الكلينكس على التربيزة بعصبية وقعدت .. نقول ايه .. لو بينفع نشتري الذوق كنا اشتريناه
العريس بمنتهى الحداقة : ما سألتينيش يعني يا آنسة مخبوطة ... خليتك تيجيبي الكلينكس ليه مع ان معايا كلينكس
مخبوطةفى نفسها(( يا واد يافتك !!! )
اصل انا عندي ذوق وما بحبش احرج حد
بابا : ايه يا ابني مالك كده في ايه ؟؟؟
العريس : مش قصدي حاجة يا عمي بس كان قصدي اوجهها واقولها غلط الطريقة اللي قدمتلي فيها الكلينكس دي !
مخبوطةفى نفسها(( ده انت نهارك مش فايت النهاردة !! )
بابا : خشي انتي جوة يا مخبوطة
ماكدبتش خبر وجريت على اوضتي .. ايه الخيبة القوية ديو انا اللي فرحت ان جالي عريس

اختي : هاه ايه الاخبار ..

انا : لا مستحيل اتجوزه ... انا عمري ما شفت حد قليل ذوق بالشكل ده ! ... ده مريض نفسي !
- يعني خلاص ! .... جت الحزينة تفرح !
- لقت واحد عفش في المطرح

بعد شوية جه بابا : الراجل روح .. ايه رأيك فيه ؟ هو غبي بس يعني لو ...
مخبوطة : لا يا بابا انا مش موافقة ...لا يمكن
بابا : طب اصبري انا كلمته وفهمته ان ده غلط واعتذر لأنه كان مرتبك وقعد ساعة يتأسف ...
انا : لا لا .... دي حركات مقصودة ...
بابا : عموما .. هو قال هيتصل بعدين .. وانتي حرة
انا : لا مستحيــــــل !!
في المساء : ترررن تررررن
- آلو .. أهلا يا ابني مساء النور ... اه الحمدلله ... آه .. ممممم
انت شاب محترم يا ابني وكل حاجة بس .. البنت مش موافقة .... مصممة ايوة ..... ايوة ممكن تكلمها .... يا مخبوطة ... مخبووووطة .... تعالي الدكتور عايز يتكلم معاكي ...
اداني بابا السماعة وهو بيشاورلي اخلص بسرعة
- آلو .. مساء النور
- ايه يا آنسة مخبوطة زعلانة ليه
- مش زعلانة .. بس كل شيئ قسمة ونصيب
- وليه قررتي بالسرعة دي ان مفيش نصيب ؟
مخبوطةفى نفسها(( يادي الاحراج ! بتدققوا في السؤال ليه ؟ لازم نقولها في وشكوا يعني .. اننا ما بنتجوزش مجانين ! )
- اصل بصراحة حسيت ان مفيش بينا تقارب او تفاهم و ...
العريس- ليه مفيش بينا تقارب .. هو انا بصلي الصبح ركعتين وانتي بتصليه خمس ركعات !
- ايه دخل الصلاة في الموضوع ! كل المسلمين بيصلوا زي بعض !
- يبقى مفيش اختلاف في الأمور الجوهرية .. انا مسلم وانتي مسلمة
مخبوطة- يا سلام ! ... شوف يا دكتور بصراحة انا آسفة اوي و
العريس مقطع مخبوطة وقال- شوفي يا آنسة مخبوطة .. انا لما كنت بدرس كنت بحفظ العملية الجراحية من اول مرة يعملها الجراح قدامي .. وكنت بحب اوضة العمليات اوي .. لدرجة اني كنت ببات فيها .. ومرة واحدة ست كانت بتولد قيصري و ...
مخبوطة- حضرتك بتقولي الكلام ده ليه دلوقت دخله ليه في موضوعنا ؟
العريس- اصل انتي شايفة ان مفيش بينا تقارب في الشخصية عشان انا دارس طب وانتي اقتصاد بس احب اقولك بالعكس ده شيئ تكميلي مش محل خلاف و ...
قاطعتة مخبوطة- حضرتك ايه دخل الدراسة انا مش قصدي كده !
العريس- اومال ايه ؟
مخبوطةفى نفسها(( اقوله ايه ده !!! )
- انا فكرت كويس وخدت قراري وكل شيئ قسمة ونصيب
العريس- ازاي يعني قررتي .. اذا كنت انا موافق وابوكي وامك موافقين يعني احنا كده تلاتة موافقين يعني الاغلبية
مخبوطةفى نفسها(( اغلبية ايه ياد هي انتخابات ؟ )
- انا اللي هتجوز مش بابا ولا ماما ...
مخبوطةفى نفسها(- وانا !؟؟؟
مخبوطة- انت انسان كويس بس الجواز قسمة و نصيب .. ممكن بعد اذنك عشان عايزة انام ؟
- آنسة مخبوطة ممكن اسألك بصراحة ...
مخبوطةفى نفسها(( اللهم طولك يا روح )
- اتفضل اسأل ..
العريس- انتي بتحبي حد تاني مش كده ؟
مخبوطة- تصبح على خير ...
و قفلت مخبوطة سماعة التليفون
في وش هذا العريس المجنون ...
للأسف ما بقتش تنفع الشهادة ... اللي مش محسنة لصاحبها عادة
هو فاكر نفسه جاي يخطب بنت ناس
ولا يشتري سجادة !
وحطت مخبوطة ايدها على خدها .. بتفكر في الاشكال اللي بتتقدملها
داعية ربها يريحها من هذه النوعية
اللي كانت السبب .. في خيبتنا العربية القوية
واستنوا مخبوطة مع خيبة جديده
اولا يا قمر (الروايه جميله جدا )
ثانيا يا عسل (هو فعلا قليل الذوق لان مينفعش انه يقومها ويوقفها ويعمل الحركات دي)
ثالثا يا سكر (هي غلطت لما قفلت السكه في وشه كان لازم تسمع كلامه للاخر)
رابعا يا عدوله (عيزه اطلب منك طلب تبعتيلي كل لما تنزلي بارت جديد علي الخاص )
والكلام ده مش معنا ان الروايه مش عجبتني لا دي جميله جدا وعجبتني جدا بس انا بكلم علي الي في خيالي هو ده بس بجد الي كنت اقصده شكرا يا قمر علي تعبك

#30

افتراضي رد: عوزة اتجوز


المشاركة الأصلية كتبت بواسطة مانوlove
جتلكم بالعريس الجديد
جاءني يا قراء يا كرام .. انه وفي احد الايام
اتقدم لمخبوطة عمو الدكتور
اللي كان بيصلح لمخبوطة ضرسها المحفور
ايام ماكانت مخبوطة الشقية
لسة نونو في الثانوية
اما عمو الدكتور ..
فكان اكبر منها بعشرين سنة ميلادية



مخبوطة : صباح الخير يا عمو
الدكتور : صباح النور يا انسة مخبوطة ... ايه عمو دي انتي عايزة تكبريني ؟ هاهاها

( مخبوطة اتكسفت ومعرفتش ترد .. عشان كانت صغيرة اوي .. يعني قبل ما تتعلم ازاي تحط صباعها في عين الغراب اللي قدامها )

الدكتور : مخبوطة .. العصفورة قالتلي انك بتاكلي شوكولاتة وايس كريم .. مش احنا اتفقنا ما تاكليش الحاجات دي ؟؟
( هو عرف منين ! .. معقولة الدكتور مهتم بيا كده ... ياي )
- اصل صحباتي هما اللي عزموني
- هاهاهاهاهاها ... ما تسمعيش كلامهم طيب عشان سنانك مش مستحملة ... انتي في سنة كام يا مخبوطة ؟
- تانية ثانوي
- ماشاء الله ماشاء الله ...


بعد اسبوع .. كان الدكتور ده في زيارة عندنا بيطلب ايدي من بابا .. وطلع قفاه يقمر عيش ...

انا : ليه يا ماما بابا رفض العريس .. ده امور خالص
- مالكيش دعوة انتي بالحاجات دي ..
- ليه يا ماما ليه ليه ليه
- ده اكبر منك بعشرين سنة ! ... ما يروح يتجوز وحدة من سنه جايلنا احنا ليه .. انتي لسة صغيرة
- اهئ اهئ اهئ

وماكانتش مخبوطة اياميها فاهمة كلام مامتها .. وشايفة ان ابوها ديكتاتوري رفض العريس من غير ما ياخد رأيها .. وزعلت مخبوطة على العريس الامور

خسارة كنت هتخطب واغيظ صحباتي اللي معايا في الفصل
واغيظ الولاد اللي بيضحكوا عليا لما اعرفش اجاوب واوريهم اني لابسة في ايدي دبلة خلاص ما بقتش صغيرة .... آآآآآخ ليه كده بس يا بابا ... ليه

وفي احد الايام ... بعد ما مخبوطة كبرت واتخرجت من الكلية وكانت مسافرة عشان تحضر الماجستير ... قابلت الدكتور ده صدفة أثناء السفر ...

الدكتور : مخبوطة ! .. انتي مخبوطة صح ؟؟
انا .. ولسة مش عارفة مين ده : ايوة .. ؟
- انا الدكتور " فلان " فاكراني ؟
- ايوة ايوة .. اهلا يا دكتور ازاي حضرتك ؟
( بقى عنده قرعة وشكله كبير .. اتغير اوي )
- الحمد لله .. انتي اتجوزتي ؟
- لا لسة
- انا اتجوزت الحمد لله وعندي اولاد ..
( على فكرة اتجوز بنت عندها 15 سنة برضو ! )
- ربنا يخليهملك ..

وساعتها اتأخرت في العبور بسبب الاجراءات الامنية وكنت عايزة اكلم اهلي اطمنهم عليا ...
- انا لازم اكلم اهلي اطمنهم عليا .. بس مش عارفة اتصل منين !
- ... طبعا ضروري .. عن اذنك يا مخبوطة مضطر امشي ..
- اه اتفضل ...

وراح الدكتور وقعد بعيد .. وبعد فترة من الوقت .. مخبوطة بصت لقت الدكتور قاعد وبيطلع موبايل من جيبه وبيتصل ... واكتشفت انه هرب منها عشان ما تاخدش منه الموبايل تتصل بأهلها وتخسره رصيد ....
وبعد شوية عمل مشكلة مع الولد اللي في الكافتيريا عشان مبلغ هايف ... جاتك خيبة ده انت طلعت مقلب !
الحمد لله ان بابا رفضك !






وبعد ما مخبوطة كبرت .. واتعلمت واتنورت
فكرت بينها وبين نفسها
ليه الدكتور ده يتقدملها ..
مع ان كان في بنات كتير اياميها .. من اللي عايشين وساكنين حواليها
سنهم من سنه .. وقريبين جدا منه

مارضيش بيهم عشان هما في التلاتينات زيه

قال ابن التلاتين ..
مش بيرضى يتجوز وحدة فاتها القطر من سنين

وبيدور على عيلة صغيرة يتجوزها
عشان يربيها من اول وجديد ويشكلها
على كيفه وكيف عيلته من اولها

وهذه هي العادة في مجتمعاتنا الندلة ..
اللي بتطبق قوانين وتقاليد غير عادلة

وحطت مخبوطة ايدها على خدها .. بتفكر في شباب التلاتين اللي في وشها
داعية ربها بعين مدمعة .. يخلصها من الشخصيات المفرقعة
فرقعة كدابة ومن جواها عقول
مطرقعة

اولا(الحلقه رائعه جدا جدا)

ثانيا ( السؤال الي قلته مخبوطه برضو محيرني لي كان عايز يتجوزها هي بذات)

ثالثا (علشان تعرف ان باباها علي طول علي حق مرداش يخليها تجوز واحد فرقعه)

رابعا( عجبتني الحلقه اوي مستنيا البارت الجديد )

#31

افتراضي رد: عوزة اتجوز


المشاركة الأصلية كتبت بواسطة remo yuones

اولا(الحلقه رائعه جدا جدا)
ثانيا ( السؤال الي قلته مخبوطه برضو محيرني لي كان عايز يتجوزها هي بذات)
ثالثا (علشان تعرف ان باباها علي طول علي حق مرداش يخليها تجوز واحد فرقعه)
رابعا( عجبتني الحلقه اوي مستنيا البارت الجديد )
الدكتور : مخبوطة ! .. انتي مخبوطة صح ؟؟
انا .. ولسة مش عارفة مين ده : ايوة .. ؟
- انا الدكتور " فلان " فاكراني ؟
- ايوة ايوة .. اهلا يا دكتور ازاي حضرتك ؟
( بقى عنده قرعة وشكله كبير .. اتغير اوي )
- الحمد لله .. انتي اتجوزتي ؟
- لا لسة
- انا اتجوزت الحمد لله وعندي اولاد ..
( على فكرة اتجوز بنت عندها 15 سنة برضو ! )
الفكرة ياجميل ان الراجل الكبير فى السن ولسة متزوجش بيدور على وحدة اصغر منة علشان يلاقى دلع واللى اتحرم منة قبل الزواج بس هى دى الفكرة
انتى قراتى العريسين الاولين ولا لسة

إظهار التوقيع
توقيع : مانوlove
#32

افتراضي رد: عوزة اتجوز

انا جيت بحلقة جديدة لمخبوطة بس الحلقة مميزة مخبوطة انكتب كتابها
جائني يا قراء يا كرام .. انه وبعد كتب الكتاب خطيب مخبوطة اتصل بيها عشان يفسحها ويغديهاوفي نفس الوقت .. يقرفها وينكد عليها
خطيبها : تحبي نخرج نروح فين ؟
مخبوطة
انا : اي مكان تختارى
- لا انا عايزك انتي تختاري - إمممم ... مخبوطة مش عارفة بجد مفيش مكان محدد في دماغي ..
-انتى بتفكر في مكان معين ؟
- مخبوطة سيبك مني ..
-انا عايز اعرف رأيك انتي نروح فين ؟
-طيب نروح المول وبعدها نروح السينما
مخبوطةالمول ؟ اشمعنى يعني ؟
- يعني .. اصله مسلي- لا ليه المول يعني انتي كنتي تروحيه مع مين
مخبوطة مع اخواتي او صاحباتي ! .. ليه في حاجة ؟
- لا مفيش , من رأيي بلاش المول انا اعرف مطعم سمك كويس نروح عليه نتغدا هناك وخلاص .
مخبوطة فى بلاها( يا سلام ! قاعد تزن عليا اختار مكان وفي الآخر تقولي لا نروح مكان تاني ... انت كل مرة تعمل فيا كده ياد انت !)
في المطعم:خطيبي : انا هطلب فيليه سمك .. وانتي ؟
مخبوطةاوكي وانا كما
نادينا للجرسون : اتنين فيليه سمك مع الرز والسلطات .. عندكو شوربة ؟الجرسون : ايوة يا افندم في شوربة خضار , في عدس في ...
خطيبي : اه عدس كويس .. تحبي تاخدي عدس يا مخبوطة ؟
مخبوطةانا : لا ميرسي خطيبي
بص للجرسون : طب اتنين عدس ليا وللآنسة....
مخبوطة فى بلاها وهطق( هو ايه ده ! )
- ليه مش عايزة عدس انتي ما بتحبيهوش
مخبوطة لا ما بحبوش
- بس انا بحبه .. يبقى انتي لازم تحبيه .. ولا ايه ؟
مخبوطة لازم ازاي يعني ؟
- طبعا.. لأن كل حاجة بينا لازم تكون مشتركة
مخبوطةايوة بس مش لدرجة الأكل .. الأكل ده حسب النفس ..
-وبعدين معاكي انتي هتزعليني منك ومش هتشربي من الشوربة ولا ايه ؟ .. طب لو طلبت منك تغصبي على نفسك وتشربيها هتشربيها عشاني ؟
مخبوطة( ماله ده ؟ .. طب اقوله لا واعملها مشكلة ؟ .. ولا اكبر دماغي في اليوم ده ! )بابتسامة مصطنعة : لا هشربها عشانك
فرح خطيب مخبوطة العبيط بكلامها ده ... ولما جه الأكل :
خطيبي : هتخلصي طبق العدس كله ماشي ؟
مخبوطة شوف انا هشرب منها عشان خاطرك انما اخلص الطبق الكبير ده صعبة شوية - طب تحبي تحطي عليها بصل ؟
مخبوطة فين في الشوربة ؟
*اقام ماسك حتة بصلة من المتقطعة في طبق السلطة وحطها في طبق الشوربة بتاعي وقال :- انا بحبها كده فيها بصل .......!
مخبوطة( ايه يا بني ده انت عكس عكاس ؟! .. بصيتله وانا مبرقة عينيا مش مصدقة حركات العيال اللي بيعملها دي )
- ما تبصيليش كده ... يلا بالهنا والشفا ...
كتمت مخبوطة غيظها .. وكبرت دماغها عشان ما تتخانقش في المطعم وسجلت في الميموري اللي في دماغها ملاحظاتها على شخصية زوج المستقبل حيث سيتم دراسة هذه الملاحظات في وقت لاحق
خطيبي : مخبوطة ... نفسي اسألك ... ايه نظرتك ليا ... يعني شايفاني فتى الأحلام اللي كنتي بتحلمي بيه
مخبوطة فتى الأحلام من ناحية ايه ؟
-شكلي مثلا وشخصيتي؟؟
مخبوطةشكلك ايه يا عم هو في وحدة فتى احلامها مسلوع واقرع كده ! ايه ما عندكوش مرايات في بيتكوا ؟! ) عشان اهرب من الاجابة قمت سألته :- طب انت دلوقتي شايفني فتاة احلامك ؟( توقعت يقولي لا )
- ايوة انتي فتاة احلامي وانافتى احلامك ؟
مخبوطة ورطت نفسي اكتر آه- ومالك بتقولها كده عشان باكل ولا انت مش عايزني اشرب العدس ؟
- لا اشربي بالهنا والشفا ..
بعد ما رجعنا البيت :ماما : اهلا اهلا يا دكتور .. انا عملتلك قطايف مخصوص عشانك
- تسلمي يا حماتي
بعد ما ماما مشيت :
خطيبي : على فكرة انا ما بحبش القطايف ومش باكلها الا لو كانت مزبوطة اوي - ماما بتعملها مزبوطة اوي اوي
ابتسم ابتسامة سخرية : هه هه .. انتوا فرحانين على شوية القطايف دي ؟اومال لو شفتي اللي بتعملها امي كنتي هتقولي ايه دي ولا حاجة جمبها !
وسجلت مخبوطة للمرة التانية في الميموري ملاحظات مهببة على شخصية زوج المستقبل
وفي يوم..
صاحبتي : ايه يا عم مابقيتيش تسألي علينا غرقانة في العسل مع خطيبك !!مخبوطة عسل ايه يا شيخة .. ده انا مخنوقة اوي
- معلش يا مخبوطة بكرة هتحبيه
مخبوطة مش حكاية حب .. طباعه خنيئة اوي
- بكرة تتعودي عليه ...
مخبوطة ما اعتقدش ان ممكن حد يتعود على القرف ده .. تصوري من يوم كتب الكتاب ماجابليش هدية .. ولا دخل وفي ايده كيس موز ! .. وكل يوم والتاني جاي من الصبح غدا وعشا وسهر للفجر .. حتى اهلي لاحظت انهم متدايقين منه ... مفيش عنده ذوق خالص !- معقولة ! .. ده باين عليه بخيل ودمه تقيل !- واضح انه كده
وفي يوم ..... الساعة 1 بالليل :- مالك يا مخبوطة انتي نعسانة ؟
مخبوطة( ياعم ما تقوم بقى حابسني جمبك من الصبح فلقتني !! )
-بصراحة آه- انا مش عارف ازاي يجيلك نوم وانتي قاعدة مع خطيبك
مخبوطةطب ما انتا اهو نعسان وعنيك حمرا ..- ايوة بس مش ممكن اقوم واسيبك
مخبوطة يعني ايه ؟... مش هتقوم ؟! .. مش هنام
مخبوطة لا انت باين عليك تعبان وعايز تنام .. لازم تقوم ..
ومن الساعة 1 لحد الساعة 3 لحد ما اقتنع انه لازم يرحم نفسه وينام لحد ما خرج كانت الساعة 4 .. !!!
تاني يوم الصبح الساعة 8
:ماما : مخبوطة .. مخبوطة .. اصحي
مخبوطةفي ايه ؟
- خطيبك جه وقاعد في الصالون
مخبوطة ايه هو لحق يروح ويرجع .. ايه اللي جابه ؟قوليله نايمة
- قلتله قالي صحيها
مخبوطة يوووووووه انا مش قادرة اقوم يومين مش بنام كويس منه
- معلش اغسلي وشك وفوقي .. انا عارفة ماله كده ربنا يهديه
وقامت مخبوطة وقفت قدام الحيطة ونفسها تخبط دماغها فيهاوراحت لخطيبها في الصالون :
مخبوطة: صباح الخير .. ( مع نظرة ايه اللي جابك دلوقتي !!
-خطيبي : يلا البسي وتعالي معايا ..- مخبوطةدلوقتي ؟ فين ؟
- انا عازمك عالغدا ...- غدا الساعة 8 الصبح !
- لا ماهو هقضي كم مشوار كده هيكون جه معاد الغدا
مخبوطة بكل رجاء : بصراحة انا نعسانة اوي .. ومش قادرة اخرج دلوقتي .. انت روح اقضي مشاويرك ولما تخلص تعالى خدني ونخرج نتغدا ..
- يا سلام يختي ! يلا بلاش كسل ولا عايزاني اروح لآخر الدنيا اقضي مشاويري وبعدين اخبط مشوار تاني ارجعلك اخدك وبعدين نرجع المطعم نروح نتغدا وبعدين ارجع اوصلك !ما تيجي معايا ونروح على المطعم على طول من هناك هنوفر 3 مشاوير مالهمش لازمة - مخبوطةهو احنا لازم نروح المطعم البعيد ده لما تيجي نروح اي حتة تانية قريبة - لا المطعم ده المدير بتاعه صاحبي وبيراعيني ...
مخبوطةآآآه هي مسألة فلوس ؟! وانا بقول كل مرة واخدني على نفس المطعم ليه !
ده انت بخيل بشكل !!
وسجلت مخبوطة ملاحظات مهمة عن شخصية زوج المستقبل في الميموري اللي بدأت تطلق انذارات مدوية واضواء حمراء ..بيانات الميموري :الملاحظة المسجلة : بخيل جلدة مستوى الخطر : عالي جداالاضرار المحتملة : هموت من الجوع معاه
ممم .. حاجة تخوف يا بت يا مخبوطة صراحة !!
واتباعا لسياسة الصبر وتفضيل الحلول السلميةسكتت مخبوطة وهي تضمر لخطيبها الشر والانتقام يوماً ما مما يفعله بها .. وراحت تلبس هدومها في صمت لحد ما تشوف اخرتها معاه .
خرجت مخبوطة مع خطيبها اللي دوخها السبع دوخات .. وأثناء ماهم قاعدين في صالة انتظار عمال يتكلم مع مخبوطة في كلام يفلق الصخر لحد ما يخلص اجراءاته اللي جاي عشانها ..
دخل واحد وقال : السلام عليكم ..رد عليه خطيبي : وعليكم السلام ..وردت مخبوطة في نفس الوقت تلقائياً بصوت واطي لا يكاد يسمع : وعليكم السلام الراجل سأل عن شخص معين خطيبها قاله انه مايعرفوش .. بعد ما الراجل خرج - انتي ازاي تردي على الراجل السلام ؟
مخبوطة فيها ايه يعني ؟
- هو انتي راجل عشان تردي على الرجالة السلام وانا قاعد !
مخبوطة انا رديت بشكل عفوي ! وصوتي كان واطي حتى هو ما سمعنيش
- بصي .. لازم تفهمي حاجة .. من هنا ورايح ما تتكلميش مع اي مخلوق الا معايا ومع اهلك وصاحباتك البنات
مخبوطةيا سلام!افرض اتحطيت في موقف اضطريت فيه اتكلم او ارد على حد !!
- ما ترديش تحت اي ظرف
مخبوطةاعيش خرسة يعني .. هو ربنا قال كده !
- انتي بتناقشيني كتير ليه ! ... انتي بنت يعني تقولي نعم وخلاص .
مخبوطةايه ! .. هم البنات ممنوع يتكلموا وممنوع يكون ليهم رأي ! انت جايب افكارك دي منين !
- انا اتربيت على كده وهو ده الصح - مخبوطةبس انا مش بنت صغيرة ! .. والحياة ما تمشيش بالطريقة بتاعتك دي !
- حياتك اللي فاتت ترميها ورا ضهرك .. من ساعة ما البنت تتخطب لازم تعيش زي ما خطيبها عايز .. وبعد الجواز تنفذ طلباته من غير نقاش ..
ولما جت البت مخبوطة المرة دي تسجل ملاحظاتها في الميموري اللي في دماغها .. ظهرتلها رسالة تحذيرية : لقد خزنتي يا بت يا مخبوطة ملاحظات سوداء عن شخصية زوج المستقبل زيادة عن اللزوم هنفجر من الملاحظات المنيلة بنيلة اللي بتسجليها .. افسخي الخطوبة دي وارحميني بقى
بعد ما رجعنا البيت :خطيبي : غيري هدومك بسرعة مش تقعدي ساعة تغيري وتصلي وتسيبيني ملطوع في الصالون !مخبوطة( ايه هو انت ناوي تكمل اليوم معايا هنا !! .. يعني مش هنام !! .. مش هرتاح من خلقتك شوية !! )
وفضل خطيب مخبوطة لازق عندها شوية يتناقروا .. وشوية تزعل ويصالحها .. وشوية يتناقشوا وتقلب بخناقة تانية ... لحد ما جه الليل ... وجابتله مخبوطة العشا وحاسة ان دماغها هتتفلق نصين :
خطيبي : ايه ده ؟ بيض وجبنة وفول ؟مخبوطة بعد نفاذ الصبر : ماله البيض والجبنة والفول ؟
- خطيبي وهو لاوي بوزه : لا مالوش ..
تاني يوم الصبح :الموبايل عمال يرن يرن يرن .. فتحت مخبوطة عنيها لقيت 26 مكالمة فائتة .. و3 مسجات .. خير اللهم اجعله خير ! ... يووووووووه ده هو ..
مخبوطةآلو .. صباح النور
- انتي نايمة لحد دلوقتي ؟
مخبوطة لسة الدنيا صبح
- طب مفيش مسج حلوة فيها كلمتين حلوين ... مفيش صباح الخير يا حبيبي .. اشمعنى انا برنلك وببعتلك كل عشر دقايق
مخبوطة هو انا بسيبك الا لما انام .. عايزني وانا نايمة ابعتلك يعني !
- طب دلوقتي اتأخرتي في الرد ليه .. عمال ارنلك من الصبح
مخبوطة منا كنت نايمة وتعبانة ! انا ليا اسبوع مش بنام كويس ..
- حتى لو كنتي في سابع نومة وارنلك تقومي من نومك على طول تردي
مخبوطةهو انا مش بني آدمة !
- انتي بتكلميني كده ليه ! ...
وقلبت بخناقة .. كالعادة في الآخر مخبوطة قعدت تعيط وخطيبها بعد ما يهبب الدنيا يقعد يصالح فيها ....
بالليل عزمها خطيبها على فسحة عشان يصالحها .. خرجت مخبوطة معاه وهي عاملة زي انبوبة البوتجاز اللي هتنفجر في اي لحظة ...وقفوا في الشارع ياخدوا تاكسي .. كل ما يمر تاكسي يتشرط خطيبها عليه انه مش هيدفع اكتر من مبلغ معين ... السواق ما يرضاش ويمشي .. واللي بعده واللي بعده .. ليا نص ساعة واقفة في الشارع .. ايه البخل ده !
انا : تعبت من الوقفة ادفعلهم اللي يطلبوه بقى !هو : هففففففف .. طيبو أثناء القعدة ..خطيبي : على فكرة .. في دكتورة زميلتي نفسها تتعرف عليكي وانا قلتلها اننا خارجين النهاردة انا وانتي .. اتصل بيها اقولها تيجي ؟
مخبوطة: خليها مرة تانية انا النهاردة متدايقة ومش عايزة اكون مكشرة في وشها تفتكر اني بعاملها وحش - مممم .. طيب مسك خطيبي موبايله وطلب رقم ... :- آلو .. ايوة يا دكتورة انا وخطيبتي مستنيينك .. ايوة في المكان الفلاني .. في انتظارك .. مع السلامة .
مخبوطة( بقى كدة !!! .... طيييييييب والله لوريك
وصلت الدكتورة ورسمت مخبوطة على وشها ابتسامة عريضة وهاتك يا رغي مع الدكتورة .. وتجاهلت خطيبها تماما ..
مخبوطة: صحيح يا دكتورة تاخدي ايه ؟الدكتورة : لا انا عازماكوا النهاردة .. انتوا تحبوا تتعشوا ايه ؟
مخبوطة لا ما يصحش عيب تدفعي الحساب والدكتور موجود ! .. احنا اللي عازمينك طبعا ..
الدكتورة اتكسفت وحاولت تخلي العزومة عليها بس انا اصريت ان احنا اللي نعزمها .... خطيب مخبوطة قاعد يبصلها وعنيه بتطق شرار عشان دبسته في عزومة العشا ..احسن عشان تحرم مرة تانية تعمل عليه الشويتين بتوعك
طبعا رجع خطيب مخبوطة معاها عشان يكمل السهرة والخناقة في البيت :
-ازاي تحطيني قدام الأمر الواقع وتخليني اعزمها
مخبوطة فيها ايه ؟ ... يرضيك الست تدفع وانت موجود ؟ طب تقول علينا ايه ؟!
- اذا كانت هي اللي عايزة تعزمنا انتي تحشري نفسك ليه ؟!!
واستمرت الخناقة اللي انتهت بعياط مخبوطة ومحاولات خطيبها انه يصالحها ...
تاني يوم الضهر
:ماما : مخبوطة .. خطيبك جه في الصالون
مخبوطة طبعا جاي يتغدا ... ماهو بيتنا بقى اوتيل لسيادته
ماما : طب نعمل ايه نطرده يعني !! .. روحي اتغدي معاه لحد ما باباكي يرجع ويتصرف معاه
اثناء الغدا :خطيبي : المحشي ده ناقص ملح ! ...
مخبوطة( مارديتش ولا كأني سمعت حاجة )- انتوا مش عاملين شوربة مع المحشي ليه ؟؟
ببرود مخبوطة عادي بقى
خطيب مخبوطة اتغاظ من برودها .. عمال يكلمها بترد عليه بالقطارة ... قام وقف وقال :- انا ماشي
مخبوطةبمنتهى البروداوكي
دخلت ماما : ايه يا دكتور على فين .. مش تشرب الشاي الأول ؟
ما صدق سمع كلمة ماما وقعد مخبوطة ولعت وكانت هتشد شعرها
خرجت من الصالون عشان تعمله الشاي .. بعد شوية ندهت على مامتها :
مخبوطة يا ماما فين السكر ؟جت ماما : .. شوفيه في الـ ..- انا ما بدورش على السكر .. انتي ليه تعزمي عليه يشرب شاي .. ماهو كان ماشي
-انا قلت اعمل معاه الواجب ..
مخبوطة تعبت منه وعايزاه يمشي نفسي انام يا عالم بقى .. نفسي ارتاح شوية منه .. لما يكون ماشي ياريت ما تقعديهوش
- انتي بتكرهيه للدرجة دي يا مخبوطة
مخبوطة !- ايوة بكرهه .. بكرهه .. بكرهه !
ابوها : انا هحاول اتكلم معاه .. ونصبر عليه للآخر .. بس اوعي تغلطي عليه بكلمة .. خليكي صبورة واتصرفي بحكمة , مش ناقصين يطلع يتكلم علينا بكلام مش كويس قدام الناس .. فهمتي ؟
امها : استغفري يا مخبوطة وصلي صلاة استخارة عشان ربنا يسهلك امورك ويقدرلك الخير ...
اختها : هم الرجالة في اول الارتباط بيكونوا كده غيورين ويلزقوا في الوحدة .. بعد الجواز هيتغير
اخوها : انا من رأيي ربنا يسهله .. هو احنا ناقصين قرف ! .. ما يهمكيش كلام الناس
صاحبتها : انتي تقبلي فكرة انك تكوني مطلقة ؟ ... الناس هتقول ايه ؟!
يقولوا اللي يقولوه .. هو انا هعمل حساب للمجتمع الندل كمان !
وفي يوم .. بصت مخبوطة في موبايلها ولقت 15مكالمة فائنة و4 رسائل .. يوووووووه وبعدين في القرف ده ...
مخبوطة آلو ...
-خطيبي : انتي فين كل ده
كنت بساعد ماما في المطبخ ومش سامعة الموبايل ؟ انا عاملاه سايلنت
- ليه بقى ان شاء الله ! ... عشان تخلصي مني مش كده !
مخبوطةلا مش كده .. بس انت بترن ليل ونهار واخواتي نايمين معايا في الأوضة عملته سايلنت ونسيت ارجعه تاني
-اه يعني اخواتك اهم من البيه خطيبك مش كده ؟؟؟؟؟؟؟؟
مخبوطة( اللهم طولك يا روح )

انت ليه تفكيرك كده !
- ماله تفكيري ؟ ... انا عارف انك ما بتحبينيش .. انتي اهلك غصبوكي عشان توافقي
مخبوطةمحدش غصبني على حاجة .. انت اللي طباعك غريبة !
- انا طباعي غريبة بقيت مش عاجبك بدل ما تحمدي ربنا اني خطبتك وانتي عندك 27 سنة كان مين هيبص في وشك ويعبرك !!
مخبوطة- طلقني
- ايه !!
مخبوطة طلقني!!
وحصلت مخبوطة على الطلاق .. وسابت خطيبها الذي لا يطاق بعد ما الناس انتقدوها .. وبظلم خطيبها اتهموها مش مصدقين انه واد ساقع اكمنه مربي دقن وبيصلي في الجامع
وحطت مخبوطة ايدها على خدها .. بتفكر في الاشكال اللي بتتخطبلهاياترى هي اللي بختها مايل ..؟ولا الشباب الوحشين .. بقم أكتر من الزبايل
ودعت ربها بعين مدمعة .. يريحها من الأشكال المرقعة
اللي كانت السبب
في خيبتنا العربية المبقعة

إظهار التوقيع
توقيع : مانوlove
#33

افتراضي رد: عوزة اتجوز

ههههههههههه جميلة جدا قريت كل الاجزاء حرف حرف و اندمجت معاها
بانتظار البقية مع سوء حظ المخبوطة المتطلقة

إظهار التوقيع
توقيع : nanouna7
#34

افتراضي رد: عوزة اتجوز

ههههههههه
عسل والله يا مانو

إظهار التوقيع
توقيع : Frawla
#35

افتراضي رد: عوزة اتجوز


المشاركة الأصلية كتبت بواسطة nanouna7
ههههههههههه جميلة جدا قريت كل الاجزاء حرف حرف و اندمجت معاها
بانتظار البقية مع سوء حظ المخبوطة المتطلقة
يسلموووووووو

إظهار التوقيع
توقيع : مانوlove
#36

افتراضي رد: عوزة اتجوز


المشاركة الأصلية كتبت بواسطة frawla
ههههههههه
عسل والله يا مانو
يالهوى انا اتكسفت هههههه وحشانى كتيييييييير يامرمر

إظهار التوقيع
توقيع : مانوlove
#37

افتراضي رد: عوزة اتجوز

رد: عوزة اتجوز يسلموووو ياعسل رد: عوزة اتجوز

إظهار التوقيع
توقيع : الملكة نفرتيتي
#38

افتراضي رد: عوزة اتجوز


المشاركة الأصلية كتبت بواسطة ♥الملكة نفرتيتي♥
رد: عوزة اتجوز يسلموووو ياعسل رد: عوزة اتجوز
يسلموووووووووو

إظهار التوقيع
توقيع : مانوlove
#39

افتراضي رد: عوزة اتجوز

بالتوفيق
إظهار التوقيع
توقيع : انا الانسه سوسو
#40

افتراضي رد: عوزة اتجوز


المشاركة الأصلية كتبت بواسطة انا الانسه سوسو
بالتوفيق
نورتى ياسوسو

إظهار التوقيع
توقيع : مانوlove
#41

افتراضي رد: عوزة اتجوز

وبعد ان غابت الاخت المخبوطة عدة سنواااااااااااااات عن الحياة عادت بذاكرة نضيفة هههههههه

جائني يا قراء يا كرام .. انه وفي احدى الايام ..
البت مخبوطة ومن بختها المعجباني ...
اتنيلت على عينها
واتخطبت تاني
لعريس طويل القامة ... مفلطح الهامة
شديد الشبه لباراك أوباما

بابا- شوفي يا بنتي ..
مخبوطة- ايوة يا بابا
بابا- الشاب كويس .. تاجر ناجح ومقتدر مادياً .. سألت صحابه عنه قالولي عنه كلام طيب وكويس ... وعنده 30 سنة يعني اكبر منك بخمس سنين .. سبحان الله اهه ربنا بعته بعد فسخ خطوبتك على طول شفتي ربنا كريم ازاي
انا- ودرس ايه ؟
بابا- هو لسة مسجل في الجامعة انتساب وبيدرس لغة عربية ..
انا- ايه يا بابا يعني مفيش معاه شهادة جامعة على الأقل ... ده انا بحضر ماجستير وكنت مخطوبة لدكتور !
بابا- بقولك ايه الراجل محترم وده اهم حاجة .. ومقتدر مادياً مش هيحوجك لحد .. وشهادة الجامعة اهو بيدرس يعني عنده طموح وهياخدها في الآخر .. سيبك من كلام الناس ......... هااااه قلتي ايه ؟؟؟
- .....
بابا- اقوله ييجي بكرة ؟؟
انا- اللي تشوفه يا بابا

هييييييييه هتجوز




ماما- انتي هتخرجي للعريس كده ؟
انا- ايوة يا ماما
ماما- طيب براحتك .. يلا ادخلي ..
( دخلت الصالون بدون تردد .. منا على وشك الحصول على الزمالة العربية في عرسان الصالونات .. )

وانا داخلة : السلام عليكم ...
العريس وقف : وعليكم السلام ورحمة الله ... بسم الله ماشاء الله

وعمالة اقرب .. هو ده ! ... يااااااااااه كل ده طول .. هيخبط في السقف ! .. ومال نص شعره ابيض كده ! ..
طب راعي شعوري واصبغ شعرك !!
مش كفاية مفيش شهادة

اعقلي يا بت يا مخبوطة .. الراجل مش بطوله ولا شعره .. الراجل بأخلاقه .. بلسانه .. بكرمه ..
هو صحيح ممكن يكون مقلب ومافيهوش ولا وحدة من الصفات الكريمة دي .. لكن برضو بلاش تظلميه
ويقعدوا يقولوا البنات هما اللي جابوا لنفسيهم الكافية
بيعنسواعشان بيدققوا في شهادات العريس ..
وايه يعني لو كان عصامي وبنى نفسه وبعد ما استقر ماديا اتعلم وخد شهادة ؟ ...


ويا ستي ما تزعليش ..
كل ما هنالك ان الحكاية اتعكست
بدل ما يتخرج من الجامعة ويسجل اسمه بعدها في احصائيات البطالة
ويبقى شبه مقيم في كل قهاوي البلد وحريف كوتشينة وطاولة ..


لا .. كده انتي قديمة يا مخبوطة
قصدك هيبقى مقيم في كل كافيهات النت اللي في البلد وحريف فيس بوك وهكر وقاعد طول النهار عمال يحضر ابحاث ودراسات عن كيفية سرقة ايميلات وصور البنات ..
وبعدين يلاقي وظيفة نص كم يحوش منها كل شهر نص جنيه
وبعد ربع قرن يروح متجوز ...
لا
العريس ده بقى ريحك ... اشتغل وكون نفسه الاول ...ولغى مرحلة التعارف على الفيس بوك وسرقة الايملات من حياته
لأنه هيدرس وهو مشغول في البزنس بتاعه
ومش هيلحق يتعلم الهكر
وجهة نظر برضو



وبعد ما بصيت على العريس بصعوبة بسبب النور الذي تعكسه الخصلات الشايبة في شعره ... اللي خلت عينيا تزغلل
حاولت اقنع نفسي باستماتة
ان سواد شعر العريس لا يعني بالضرورة اني هكون زوجة سعيدة
العريس حس ان عينيا بتغمض وبتفتح لوحدها
فالتفتلي وهو مبتسم ..

العريس : ازيك يا انسة مخبوطة ؟
انا بدون اي كسوف او احراج : الحمدلله
العريس : ايه مالك زعلانة ليه ؟
مخبوطة فى نفسها( وبعدين بقى ؟؟؟ )
بابا : اصلها كانت تعبانة النهاردة شوية ... ها ها ها
انا( ... لا تعليق !!!! )
العريس : قوليلي يا آنسة مخبوطة .. انتي بتعملي ايه دلوقتي ؟
انا- في الدبلومة
العريس- يعني خلصتي جامعة مش كده ؟
- .... هه .. ايوة خلصت .. ماهي الدبلومة للماجستير
هو- هاهاها .. اصلي بصراحة معرفش في الحاجات دي ماليش فيها
انا : .....؟؟
بابا : ... أأأأأ ... اخبار شغلك ايه كلمنا عنه شوية ؟
هو- والله يا عمي انا خلصت تشطيب في مكتب العربيات بتاعي .. وحالياً دخلت من الجمرك 10 عربيات .. كلفوني كتير ..
وابتسم وبصلي : وان شاء الله وحدة منهم هدية للآنسة مخبوطة

انا=( متشكرين يا خويا )
بابا : يا ابني احنا يهمنا الراجل مش العربيات ..
العريس : ده أقل حاجة ممكن اقدمها للآنسة مخبوطة يا عمي .. صحيح يا آنسة مخبوطة نوع موبايلك ايه ؟
انا : نوكيا 7250
العريس : لا لا لا .. ان شاء الله هجيبلك واحد محدش مسكه قبلك .. جبت لأختي واحد بألف دولار ..
انا فى بالى(قصدك ايه ياد ؟؟ مش عاجبك الموبايل بتاعي ؟؟؟! )
العريس : عارفة يا آنسة مخبوطة اختي دي فرحها كلفني 30 ألف دولار ... عقبالنا ان شاء الله
بابا : يا ابني مش مهم كل الكلام ده المهم الاحترام والمعاملة بما يرضي الله
العريس : طبعا طبعا يا عمي ربنا ما يجيب حاجة وحشة
بابا : قومي يا مخبوطة قولي لماما تعملنا قهوة ( وغمزلي )



وجريت على اوضتي .... وهاتك يا عياط


ماما : ايه مالك ؟
انا : يا ماما ده ما بيفهمش حاجة غير في الفلوس !!
- ..... وبعدين هنفضل كده ؟
- معرفش انا مش قابلاه وشكلنا كده مش نافعين لبعض


بعد شوية جه بابا : الراجل روح .. ايه رأيك فيه ؟
انا : يا بابا ده طول القعدة يتمنظر عليه بفلوسه ...
- انتي عايزة تعنسي ؟ لو عايزة تعنسي قولي ؟
- لا مش عايزة اعنس .. بس برضو مش عايزة اتجوز ده ..
- الراجل كويس وقلنالك هيكمل تعليمه .. هو صحيح طويل اوي .. بس الطول للراجل زينة !
( الطول زينة اه بس مش للدرجة دي 220 سم !! ... اكلمه ازاي ؟.. مفيش حل بقى الا اني كل ما هعوزه اتصل بيه .. ولا اديله رنة عشان ينخ على ركبه )

بابا : يا بنتي ... الراجل المقتدر هيريحك في حياتك .. والتعليم مسيره ياخده انتي زعلانة ليه ؟ ولو انتي شاطره شجعيه على المزاكرة
انا كان نفسي تتخطبي قوام بعد ما خطوبتك اتفسخت ... وربنا حققلنا امنيتنا
انا : ...... طيب زي ما انتوا عايزين

وقرينا الفاتحة ..
مش لولولولولولولولولولوي

وبعد قراية الفاتحة من غير نفس
مخبوطة بدأت تتعامل مع الموقف كأنه ما حصلش اصلا
اصل لو رفضت هيقعدوا يجروا ورايا من اوضة لاوضة
عشان يقنعوني اوافق عليه بكلام يفتح النفس
زي ...
لو رفضتيه هتعنسي .. والفرصة تأتي مرة واحدة
عمرك ما هيجيييييلك احسن منه ... ويفسروا في وشي
ومهما قلت انه مش مناسب ليا شخصيا
مفيش فايدة ...
اوافق عشان اثبتلهم بالتجربة العملية انه ما ينفعش ..
في ناس كده لازم يتلسعوا من النار عشان يقتنعوا انها بتحرق
فقررت مخبوطة تجاري الوضع ...
ومع الوقت
وشوية شوية ..
تحقق اللي هي عايزاه
بدون ما تتعرض للضر .. أأ .. قصدي يعني لخلافات اسرية

ماما : مخبوطة .. يا مخبوووطة ... خطيبك قاعد في الصالون البسي وروحي اقعدي معاه شوية
انا : ... طيب

لبست ورحتله في الصالون : السلام عليكم .. ازيك ؟
خطيبي : اهلا اهلا ... ازيك يا مخبوطة ايه بتعملي ايه ؟
انا- عندي بحث وكنت بزاكر .. منتا عارف الامتحانات قربت
كشر وقالي : آه .. يا ستي .. ربنا يوفقك ..
انا- وانت اخبار مزاكرتك ايه ؟
هو- مزاكرة ايه ؟ ... آه آه .. يا شيخة بلا مزاكرة بلا بتاع يعني هعمل بالشهادة ايه منا الحمدلله مش محتاجها
فى بالى( انا كنت حاسة من الاول !! )

انا - هو يعني ما بيتعلمش الا الفقرا عشان يشتغلوا بشهاداتهم ؟!
هو - التعليم ده للناس الخايبة ... المتعلمين بيتمنوا اشغلهم عندي !
فى قرارة نفى( دي عقد نفسية بقى !! )
انا- يا سلام ! .. انت مش ناوي تكمل ولا ايه ؟
هو- ومين قالك اني ابتديت اصلا .. انا سجلت كدة بس عايز الشهادة ديكور .. انا ما بحبش القراية بتخنق منها .. المهم .. شوفي جبتلك ايه .. ايه رأيك ؟
انا- حلوة تسلم ايديك
هو- عارفة قزازة الريحة دي تمنها 100 دولار ..
انا بغيظ- ... ميرسي
هو- وشوية الماكياج دول كلفوني يجي 150 دولار .. طبعا الغالي للغالي
ياربى ( انت كل حاجة تجيبها هتقولي تمنها ! .. بتعايرني ولا ايه )
- ... قلنا ميرسي

وفضلت مخبوطة بعد كده تحاول تطفش خطيبها ده ..
مرة بتكشيرة
مرة بتطنيش .. مراااات بردود باردة ..
او تبصله بقرف
لكن ....... مفيش فايدة
لاااااازق لااااااازق

انا : بقولك ايه انت لازم تخلصني من الراجل ده بأي شكل
اخويا : طب اعمل ايه ! ..
انا : مش عارفة انا نفسيتي تعبانة وامتحاناتي قربت ومش عارفة ازاكر ..
اخويا : بصي ما تفكريش في اي حاجة غير مزاكرتك .. واوعدك مش هتكملي مع الراجل ده .. بس لازم تعرفي يا مخبوطة ان مفيش حد كامل ...
نا- عارفة .. بس مش ده ... مش ده ... مش ده

وراح اخو مخبوطة لخطيبها

اخويا- شوف عايزك في كلام رجالة .. بصراحة البنت وافقت عشان ما تزعلش بابا .. وهي مش عايزة تتجوز ... هاه قلت ايه ؟
هو- لا مش ممكن
اخويا- معلش حاول تفركش انت من عندك عشان هي مش عارفة تفركش ..
هو- طب مش هفركش
اخويا- ذنبك على جمبك بقى ...

و فضل اخو مخبوطة وجوز اختها يقنعوا في ابوها ان الراجل ده مش هيكمل تعليمه وانه ما ينفعش
واستنتجوا ان مخبوطة لو اتجوزته هتعمله عاهة مستديمة باستخدام احد ادوات المطبخ
وتاخد فيه 6 شهور وتبقى سوابق ..
اوتقتله وتترحل على عشماوي وتكون هربت من لقب عانس لتفوز بلقب المرحومة
وفي احسن الظروف هتطلق وترجعلهم بعيل
ونقول يا ريت اللي جرا ما كان ... نفركش من دلوقتي احسن

بابا - شوفي يا مخبوطة ... الراجل ده شكله كده مش ناوي يكمل تعليمه .. وانتي شكلك كده مش هتعمري معاه ........
لو مش عايزاه قولي من دلوقتي نفركش .. بصراحة انا واخوكي وجوز اختك كمان بعد ما اتعاملنا معاه ما ارتحنالوش .. نفركش ؟
انا- فركش يا بابا فركش .. هيييييييه
( مش قلتلكوا .. مفيش احسن من الحلول السلمية .. ونجاري الوضع مؤقتا منعا لاراقة الدماء ... وخطوبة تفوت ولا حد يموت ... نياهاهاها )

وتخلصت مخبوطة من خطيبها المعقد ..
اللي كان عامل فيها مهند

بعد ما رجعتله كل هداياه الثمينة .. ومش عايزة منه برفان ولا زينة ..
وزاكرت مخبوط وجابت تقدير .. وجهزت نفسها لبحث الماجستير

داعية ربها يريحها من هذه النوعية
اللي كانت السبب ..
في الخيبة العربية القوية

إظهار التوقيع
توقيع : مانوlove
#42

افتراضي رد: عوزة اتجوز

روعه
ياريت تبعتيلى البارت الجديد

#43

افتراضي رد: عوزة اتجوز

تسلم ايدك
إظهار التوقيع
توقيع : المعتزة بخمارها
#44

افتراضي رد: عوزة اتجوز


المشاركة الأصلية كتبت بواسطة زهره الجنه
روعه
ياريت تبعتيلى البارت الجديد
رد: عوزة اتجوز

إظهار التوقيع
توقيع : مانوlove
#45

افتراضي رد: عوزة اتجوز


المشاركة الأصلية كتبت بواسطة المعتزة بخمارها
تسلم ايدك
رد: عوزة اتجوز

إظهار التوقيع
توقيع : مانوlove
#46

افتراضي رد: عوزة اتجوز

ايه الحظ دا
إظهار التوقيع
توقيع : توتة واحلى بنوتة
#47

افتراضي رد: عوزة اتجوز

دهـ بجد حظها وحش أويي
وياريت لما تكملي تبعتيلي البارت الجديد

إظهار التوقيع
توقيع : hadeel tarek
#48

افتراضي رد: عوزة اتجوز

ههههههه

جميله اوي

إظهار التوقيع
توقيع : بنوته رقيقه
#49

افتراضي رد: عوزة اتجوز

جميله الحلقه يا حبيبتي يا ريت لما تنزلي بارت جديد تبعتيلي علي الخاص
#50

افتراضي رد: عوزة اتجوز

نورتنى
المشاركة الأصلية كتبت بواسطة صمتى حكاية
ايه الحظ دا

إظهار التوقيع
توقيع : مانوlove
#51

افتراضي رد: عوزة اتجوز

بجد روعة
#52

افتراضي رد: عوزة اتجوز

روووعة
إظهار التوقيع
توقيع : Ana Miro
#53

افتراضي رد: عوزة اتجوز

(( البشمهندس محمد !)

جبتلكم حكايه بس على اربع حلقات
عوزه تجوز كمان وكمان احلى فى رمضان
جائني ياقراء يا كرام .. أنه وفي احدى الأيام
ولما البت مخبوطة تمت 28 سنة ..
وقاعدة في اوضتها بترسم .. ومتسلطنة
اتصلت بيها واحدة معرفة
وقلبت عليها المواجع المقرفة

انا : آلو .. اهلا يا طنط ازاي حضرتك ؟
هي : ازيك يا مخبوطة اخبارك ايه ؟
انا- الحمدلله ..
هى- هو يا مخبوطة مهندس .. عندو زي 32 او 33
( يووووه وده وقت عرسان !! ... كفاية بقى انا قرفت من السيرة دي

انا- ممم .. انتي تعرفيه شخصيا ؟
هى- ايوة طبعا .. شاب وسيم وعندو كاريزما كده ماشاء الله شبه الممثلين .. دمه خفيف وطيب
نا- والله يا طنط ما اكدبش عليكي انا ماعنديش اي استعداد اقابل عرسان في الفترة دي .. قرفانة
هى- ليه كده ما تقوليش الكلام ده يا حبيبتي ربنا ان شاء الله هيعوض صبرك خير والله البشمهندس محمد شاب تتمناه اي بنت ولو كان ده نصيبك تأكدي ان ربنا بيحبك
انا- انا فقدت الامل خلاص حكايات ألف خيبــــــــة و خيبــــــــة (( البشمهندس محمد !
هى- لا لا لا اوعي تقولي الكلام ده .. حسني نفسيتك وانا هتفق معاه ييجي يشوفك ايه رأيك ؟؟
انا- ما تأجليها شوية يا طنط
هى- انتي عايزة تطيري الراجل ولا ايه ؟
انا- ياطنط قعدة العرسان والصالون جابولي عقدة خلاص !
هى- استغفري ربك وروقي كده وادعي ربنا تكون دي اخر مرة ..
انا- استغفر الله العظيم ..
هى- هكلمه واخد منه موعد وابلغك ..
انا- طيب .. زي ما تحبي

وجاء اليوم المنتظر ..
استعديت على مضض للقاء العريس ..اهلي كلهم متفائلين
الا انا مش قادرة أتفائل ..
اصلي بقيت متخيلة المشهد قبل ما اشوفه .. هيسألني في ايه وهسأله في ايه .. النظرات والحركات

الله اعلم ايه الاحراج اللي مستنيني في الموقف ده كل مرة يحصلي مقلب (( البشمهندس محمد !
وبقيت حاسة كده ان في مصيبة هتحصل

وصل البشمهندس محمد ومعاه واحد صاحبه
اخويا وماما قاعدين ومعاهم الست اللي كانت وسيط في الموضوع
دخلت الصالون وحاسة بنفس احساس المصابين بالجدري
لا عايزة اشوف حد ولا حد يشوفني

انا : السلام عليكم
الكل بصوت واحد : وعليكم السلام ورحمة الله وبركاته
اخويا : ما قلتليش يا بشمهندس محمد .. الشركة اللي انت بتشتغل فيها مقاولات ؟
البشمهندس محمد : ايوة وصاحبها راجل رخم جدا ..

هو ده ؟ يا سعدك يا هناكي يا مخبوطة !!
ده امور اوي .. وباين عليه لطيف .. وابتسامته جذابة !
وبشرته كده بتلمع كأنه مستحمي حالا

العريس : بتشتغلي يا آنسة ؟
رديت عليه بكسوف : لا مش بشتغل
هو- ربنا بيحبك ... احسن ما يكونلك مدير تحلمي بيه كل ليلة كابوس هـهـهـهـه
انا- هـهـهـهـه
هو- ده مجنني ساعة ما يقولوا يا محمد المدير عايزك ببقى نفسي انط من الشباك .. بفكر اجر شوية صعايدة وينزلوا بالشوم على قرعته
انا- هـهـهـهـهـهـه

والكل ضحك .. فعلا وسيم وشخصيته جميلة .. ياي !
بالزبط زي ما قالت الست .. عنده حضور وكاريزما
هو اللي واخد كل القعدة !
التوتر اللي كنت حاسة بيه راح .. لأنه بيتكلم عادي معايا وبشكل تلقائي شال القلق اللي كنت حاسة بيه
أخييييرا يا مخبوطة
ده بجد فارس الاحلام

واندمجت جدا في القعدة ومش عايزة الوقت يمر
طلع عكس كل توقعاتي


اخويا كان قاعد بيقلب في القنوات ومن غير ما ياخد باله وقف على قناة روتانا وكانت هيفا بتغني

العريس : ايه ده ايه ده الظاهر حضرتك من معجبين هيفا ولا ايه
اخويا : هـهـهـهـه لا يا راجل اعوذ بالله دي جت كده صدفة
هو- يا راجل ! .. عليا انا !
انا- هـهـهـهـهـه
هو- انا مش بطيق الولية دي .. آه اسف يا انسة مخبوطة مش قصدي
انا : ليه ؟
هو- يعني لتكوني من معجبيها وانا عكيت في الكلام ..
انا- هـهـهـهـه لا خالص ..
هو- يعني اعك زي ما انا عايز ؟
انا- عادي خد راحتك في العك



انتظرونى فى باقى الفصول

إظهار التوقيع
توقيع : مانوlove
#54

افتراضي رد: عوزة اتجوز

يسلموووو
#55

افتراضي رد: عوزة اتجوز

الـــــــــــــــــــــــــــــــــروايـــــــــــــــــــه روووعــــــــــــــــــــــــــــــــه بجد ربنا يوفقك
#56

افتراضي رد: عوزة اتجوز

جامده جامده جامده هههههههههههههه
#57

افتراضي رد: عوزة اتجوز

هي نحس كدا ليه
#58

افتراضي رد: عوزة اتجوز

رد: عوزة اتجوز
#59

افتراضي رد: عوزة اتجوز

هههههههه تحفة جدا والله روعة
#60

افتراضي رد: عوزة اتجوز

رووووووووووعه هههههههه
#61

افتراضي رد: عوزة اتجوز

يسلمووووو
#62

افتراضي رد: عوزة اتجوز

thank you
#63

افتراضي رد: عوزة اتجوز

هههههههه
وأنا زيك حظى مهبب فى العرسان اللى بتتقدملى
ولما جه يبقى حلو رفضه بابا

#64

افتراضي رد: عوزة اتجوز


#65

افتراضي رد: عوزة اتجوز

موضوع حلو تسلم ايديكى فى انتظار جديدك
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
عوزة صورة لفستان انا بلبلة اناقة موضة ازياء وملابس
مرة واحد اتجوز واحدة حلوة rose23 فرفشة عدلات
هو حرام انى اتجوز !!!!!!!!!!!! نفسى اتجوز فضفضة وحل المشاكل
عوزة مساعدة من كل العدولات مانوlove الكمبيوتر والانترنت
عوزة شقة فى الاسكندربة ام يوسف 66 بيع عقارات , استثمار


الساعة الآن 10:45 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل