أو

الدخول بواسطة حسابك بمواقع التواصل

#1

منقول نشرة أخبار المتجوزين للكاتبة هبة نور

نشرة أخبار المتجوزين للكاتبة  هبة نور
سيداتي وستاتي اللي قاعدين قدام شاشتنا العامرة
يجعل بيوتكم عامرة
يجعل البط والوز والديوك الرومي ماتفارق سفرتكم ابدا
ويبعد عن بيوتكم الفقر والنحس الدكر
ويجعل رجالتكو خواتم في صوابعكو الصغننة قولوا آمين
معاكم حشرية الرخمة من قناة مكسورين الجناح
هقولكو موجز الاخبار وهروح اشرب كوباية شاي واجيلكو بالتفاصيل
خناقة بين عواطف وحسين عشان طلبت زيادة في المصروف عشان مرتبه زاد
يادي الغلب ياولاد
أحمد ضرب منى عشان حرقتله البنطلون




تستاهل البعيدة عامية القلب والنظر
حماة كاميليا جت تزورها راحت كاميليا مكهربة جرس باب الشقة
فكرة مش وحشة برضو
وأخيرا وليس آخرا جوز مايسة جه من السفر لقاها أجرت الشقة مفروش وراحت قعدت عند امها
بعد شوية هنجيبلكو التفاصيل أوعوا تروحوا كدة ولا كدة لاكلكو باسناني
ايوة انا شرانية وانتوا ماتعرفونيش

منقول
[IMG]https://www.***- /photo/ToP/FWASEL/3ANDNA_FWASEL02.gif[/IMG]



إظهار التوقيع
توقيع : حنين الروح123
#2

افتراضي رد: نشرة أخبار المتجوزين

[IMG]https://www.***- /photo/ToP/FWASEL/3ANDNA_FWASEL04.gif[/IMG]

معاكو حشرية الرخمة أنا روحت شربت الشاي وحبست بسندوتشين كفتة وجيت أهو

تعالوا نشوف الاخبار بالتفصيل

جيران عواطف وحسين صحيوا على خناقتهم وصوتهم العالي وبهدلة متبادلة من الطرفين

ال عشان الست عواطف شايفة جوزها مرتبه زاد وهي عايزة زيادة في مصروف البيت

معانا على الهاتف مراسلتنا الحاجة أم محمد من قدام شقة عواطف وحسين

ايوة يا ام محمد

ام محمد انتي سمعاني يختي

الصوت بعديد يا ست حشرية

الصوت بعيد ولا انتي اللي انطرشتي

علي صوتك يا ست حشرية اصلهم يختي بيتخانقوا بصوت عالي وانا مش عارفة اسمعك كويس

هما لسة بيتخانقوا يا ام محمد

اه يختي لسة بيتخانقوا والجيران ملمومة

طب خلينا نكلم حد من الجيران نسألهم

استني لما استنضفلك حد

تعالي ياست

ياحلاوة انتوا هتطلعوني في التليفزيون

ايوة يختي . كلمي الست حشرية الرخمة

ايوة ياست حشرية معاكي خالتك أم ودان

أهلا يا خالتي ام ودان احكيلنا سمعتي ايه بودانك

بصراحة احنا زهقنا من الست دي ومن عمايلها المطينة

ازاي ازاي احكيلي

كل شوية طلبات طلبات مش بتبطل

وجوزها مش ملاحق على طلباتها

الراجل طلبت منه تدخل العيال مدارس لغات قالها حاضر

اعملنا اشتراك في النادي بدل لعب العيال في الشارع زي المتشردين قالها حاضر

ركبلي تكيف عشان الدنيا حر نار قالها حاضر

غير الطلبات اليومية وكل يوم والتاني تجرجره على الهايبرات وتجيب شنط فيها شيئ وشويات

وبعد ده كله عايزة زيادة في مصروفها كمان

لأ لأ لأ دي كدة ست مفترية ومش تمام إديني أم محمد يا أم ودان

ايوة ياست حشرية كانت معكم ام محمد من قلب الأحداث

شكرا يا ام محمد مانجلكيش في حاجة وحشة يختي

[IMG]https://www.***- /photo/ToP/FWASEL/3ANDNA_FWASEL04.gif[/IMG]

إظهار التوقيع
توقيع : حنين الروح123
#3

افتراضي رد: نشرة أخبار المتجوزين

[IMG]https://www.***- /photo/ToP/FWASEL/3ANDNA_FWASEL14.gif[/IMG]


سيداتي وستاتي رجعنالكم بعد الفاصل عشان نشوف حكاية مقصوفة الرقبة منى اللي حرقت بنطلون أحمد الغلبان

معانا على الهاتف منى شخصيا

ايوة يامنى

اهئ اهئ اهئ

ايوة يامنى

اهئ اهئ اهئ

يختي ردي علية وبعدين كملي عياط براحتك

ايوة ياست حشرية

احكيلنا يختي على ملابسات حادث حرق البنطلون

ابدا ياست حشرية أحمد قالي لو سمحتي يامنى ياروح قلبي اكويلي البنطلون عشان نازل بسرعة

قولتله حاضر ياأحمد ياحياتي

وبعدين يختي كملي

ابدا ياست حشرية لسة يادوب ابتديت في كوي البنطلون وجاتلي رسالة كلمني شكرا من ماما

ليه هي امك مامعهاش رصيد

لأ معاها بس هي مش بتحب تكلف نفسها

ناصحة زي امي كملي وبعدين

اتصلت بماما ونسيت المكوى على البنطلون والبنطلون اتحرق يا مامييييييييييييييييييي اهئ اهئئئئئئئئئئئئئئئئئئئئ

عيطي يختي عيطي يمكن الدموع تكفر عن خطاياكي في حق الراجل المسكين .اقفلي السكة يابت



فاصل ونواصل النشرة المقندلة دي


[IMG]https://www.***- /photo/ToP/FWASEL/3ANDNA_FWASEL14.gif[/IMG]

إظهار التوقيع
توقيع : حنين الروح123
#4

افتراضي رد: نشرة أخبار المتجوزين

[IMG]https://www.***- /photo/ToP/FWASEL/3ANDNA_FWASEL19.gif[/IMG]


نواصل مع حضراتكو نشرة الاخبار

بس الاول نقرا التعليقات اللي جت على ايميل البرنامج

تعليق من الحاجة حواء أم المحروسة وردة بتقول انها خايفة لاكلها

واحب اقولها لأ يا حبيبتي مش هاكلك طول مانتي ست شاطرة وبتابعي النشرة باستمرار

تعليق من ام جومانا وجنى بتقول انها متابعانا

وانا بقولها تسلمي وتعيشي عقبال مانجاملك في الفرح يارب

تعليق من المشاهدة المشاغبة سماء الفردوس فهمت منه انها بتشاور عقلها تقلد كاميليا

وانا بقولها ماتكبريهاش في دماغي انا كمان يختي

تعليق من سندسة ام مريم بتقول انها متابعانا

وانا بقولها يعلي مراتبك ويجبر بخاطرك قادر ياكريم

تعليق من ماريا بتقول انها هي كمان حشرية زي حالاتي

بقولها ماجمع الا اما وفق ودا حال كل الستات الحمدلله

تعليق من سارة محمد بتقول ان كلمة زمن اغبر لاتجوز

بقولها معلش ياضنايا زلة لسان غير مقصودة بس هي دعابة مش سب زمن والله

تعليق من همتي صلاح امتي بتقول ان دمي زي العسل

انا بقولها انتي اللي دمك زي الشربات ياشربات انت

تعليق من المشاهدة درة بنقابي بتتهمني اني راجل

كدة برضو بقى انا راجل يا انسة حنفي هههههه

وبقولها والله مش تحيز للرجالة ضد الستات ولا حاجة بس بحب اننا نحط ايدينا على اخطاءنا ونحلها عشان نحافظ على الرجالة ههههههههههه

تعليق من اتمنى رضاه بتقول انها مبسوطة من النشرة

وانا بقولها انتي لسة شوفتي حاجة ههه

تعليق من ام رقية بتقول ادي النشرة ولا بلاش

وانا بقولها ادي الستات العسل ولا بلاش

تعليق من المشاهدة سجودة بتقولي بتجيبي اسامي الستات دي منين

وانا بقولها اكيد معجبة بالأسامي ونفسك اختارلك اسم للنونو اللي جاي يا عفريتة ههههههه


[IMG]https://www.***- /photo/ToP/FWASEL/3ANDNA_FWASEL19.gif[/IMG][/I][/B][/CENTER][/SIZE][/COLOR]

إظهار التوقيع
توقيع : حنين الروح123
#5

افتراضي رد: نشرة أخبار المتجوزين

[IMG]https://www.***- /photo/ToP/FWASEL/3ANDNA_FWASEL27.gif[/IMG]

سيداتي وستاتي جينالكو بعد الفاصل

اللي في ايديها حاجة تسيبها واقعدوا عشان نكمل ياست انتي وهي


بنواصل الخبر بتاع الست كاميليا اللي لعبت في سلوك الجرس عشان تكهرب حماتها

اليكم الانباء بالتفصيل

نظرا للنكد الأزلي اللي كاميليا شايفاه من حماتها قررت تكهربلها صباعها

واول ماحماتها حطت صباعها ع الجرس راحت مصرخة وكاميليا المهبولة بدل ماتسكت قعدت تعيط واعترفت على نفسها

بس جوزها عمل نفسه مسامحها واول ما عرف ان امها جاية راح حط قشرة موز ع السلم وزحلق امها

وقالها اللي يكهرب لامي صباع اكسر لامه رجل



يلا أهم كدة بقوا خالصين المفروض يفتحوا صفحة جديدة احنا ولاد النهاردة وبلاش فيلم غرام وانتقام ده



فاصل ونواصل موضوع مايسة


[IMG]https://www.***- /photo/ToP/FWASEL/3ANDNA_FWASEL27.gif[/IMG]

إظهار التوقيع
توقيع : حنين الروح123
#6

افتراضي تنبيه اداري

تم نقل الموضوع من قسم حوارات اجتماعية مفتوحة.
بواسطة : حسناء

#7

افتراضي رد: نشرة أخبار المتجوزين

[IMG]https://www.***- /photo/ToP/FWASEL/3ANDNA_FWASEL32.gif[/IMG]


سيداتي وستاتي جالنا خبر عاجل

المعلم أبو سريع راح يسأل شيخ الجامع عن يمين الطلاق الأخير اللي رماه على الغلبانة مراته

وأكد شهود عيان ان الراجل ده عمال يرمي ايمان طلاق على الفاضية والمليانة

وبصراحة الاشكال اللي زيه كتير ربنا يهديهم ويبطلوا استهبال


ومعانا المعلم أبو سريع ع الهاتف

الو

ايوة يا معلم ابو سريع سامعني

ايوة سامعك يا ابلة المذيعة

يامعلم ابو سريع سامعني ياخويا

سامعك يا ابلة المذيعة

انت يا معلم ابو سريع سامعني

علية الطلاق سامعك ياست

اهلا يا معلم ابو سريع

اهلا بيكي ياابلة

قولي ياخويا الشيخ قالك ايه

قالي الطلاق بالنية وانا ماكانش في نيتي الطلاق عدم الامؤاخذة

امال كان نيتك ايه

انا هحكيلك يا ابلة واحكمي انتي

قول ياخويا احكي احكي

انا كنت عازم المعلم أبو الروس على فتة كوارع امبارح

الله انتو كالتو كوارع امبارح دانا نفسي فيها اوي . هي بكام اليومين دول يا معلم

دافع فيها من لحمي الحي سبعين لحلوح

لالالا دي غالية اوي بلاش منها كمل يا معلم

المعلم ابو الروس خلص اكل وقايم وانا اقوله كمل أكلك يا معلم يقولي شبعت بلا أفية

أقوله ياراجل زود الخير كتير

يقولي شبعت روحت قايله علية الطلاق لو ماكلت الحتة دي لكون مطلق مراتي وبرضو مارضيش ياكل

ياخويا أن شالله ما طفح داهية تاخدك وتاخده . ايه يعني ماكلش بقيت الكوارع . تقوم انتي برضو ترمي يمين على الغلبانة من غير سبب . دا كلام برضو يامعلم

علية الطلاق ما كان قصدي يا ابلة المذيعة

ياراجل انت بتحلف بالطلاق تاني

علية الطلاق مااقصد احلف بالطلاق أنا بس عايزك تصدقيني

تصدق بالله ياراجل انت

لا اله الا الله

أنا لو مكان مراتك لكنت خلعتك

علية الطلاق انتي مذيعة فاشلة واللي طلعك في التلافزيون راجل كروديا مابيفهمش في الستات

اقفل السكة يا راجل ياابو لسان زي العقربة انت


الراجل نكد علية الله ينكد عليه .بعد الفاصل هننتقل بالأقمار الصناعية نصور محمود وهو واخد اهله ورايح يصالح مراته ربنا يستر


[IMG]https://www.***- /photo/ToP/FWASEL/3ANDNA_FWASEL32.gif[/IMG]

إظهار التوقيع
توقيع : حنين الروح123
#8

افتراضي رد: نشرة أخبار المتجوزين

رد: نشرة أخبار المتجوزين

إظهار التوقيع
توقيع : حسناء
#9

افتراضي رد: نشرة أخبار المتجوزين

جميل يا عدوله هههههههههه
تسلم ايدك

إظهار التوقيع
توقيع : Frawla
#10

افتراضي رد: نشرة أخبار المتجوزين

انتي عسل اوي وهية دية النشرة ولا بلاش
إظهار التوقيع
توقيع : Ana Miro
#11

افتراضي رد: نشرة أخبار المتجوزين

انا بحبك اوي بيني وبينك ياختي انا حشرية
إظهار التوقيع
توقيع : Ana Miro
#12

افتراضي رد: نشرة أخبار المتجوزين

هههههه ايه يا بنتي كل ده ههه

إظهار التوقيع
توقيع : رحيق
#13

افتراضي رد: نشرة أخبار المتجوزين

تثبحون علي شير اقصد خير يادي النيلة الواحد خرف علي اخر الزمن
إظهار التوقيع
توقيع : Ana Miro
#14

افتراضي رد: نشرة أخبار المتجوزين

هههه

إظهار التوقيع
توقيع : ام طاطو
#15

افتراضي رد: نشرة أخبار المتجوزين

هههههههههه نشره دسمه جدا تسلمى
إظهار التوقيع
توقيع : zozoweza
#16

افتراضي رد: نشرة أخبار المتجوزين

هههههههههههه
تحفه عجبتنى قوى هههههههههههههههه

#17

افتراضي رد: نشرة أخبار المتجوزين

مبروك التثبيت يا قمر

#18

افتراضي رد: نشرة أخبار المتجوزين

نورتووووووووووووونى كلكم وجاااااااااااارى تنزيل موجز اليلية هههههههه
إظهار التوقيع
توقيع : حنين الروح123
#19

افتراضي رد: نشرة أخبار المتجوزين

والله كنت مخنوقة ضحكتيني ربنا يفرحك
#20

افتراضي رد: نشرة أخبار المتجوزين

انتي فين ما قلوتيش الي اجرت الشقة
إظهار التوقيع
توقيع : Ana Miro
#21

افتراضي رد: نشرة أخبار المتجوزين



ههههههههههههههههههه
حـــــــــــــــــلوه اوىىىىى

إظهار التوقيع
توقيع : بسكوته بالشوكولا
#22

افتراضي رد: نشرة أخبار المتجوزين

حلوووووووووو جداااااااااا بس الصبح هقرا الموضوع براحتي بقي
إظهار التوقيع
توقيع : حياه الروح 5
#23

افتراضي رد: نشرة أخبار المتجوزين

هههههههههههه كثير جميلة النقاشات تسلمي ياعسسسل
#24

افتراضي رد: نشرة أخبار المتجوزين

سيداتي وستاتي نواصل اخبارنا مجددا

معاكو حشرية الرخمة من قناة مكسورين الجناح

نرجع للخبر بتاع الحاجة حفيظة اللي اتخانقت على ورك فرخة مع جوزها الحاجة اسماعيل

وجالنا فيديو مصور بالأحداث اتفضلوا شاهدوا الفيديو ولنا عودة ان شاء الله





ايه اللي مخبيه ورا ضهرك ده يا اسماعيل

مافيش حاجة يا حفيظة

وريني يا اسماعيل مخبي ايه عشان كدة كدة هعرف

يا ست سبيني في حالي بقى وروحي شوفي مصالح بيتك

طب وريني ايدك . ايه ده . مش ده ورك الفرخة بتاعي يا اسماعيل

لأ مش هو . يخلق من الشبه اربعين

سيب ورك الفرخة يا اسماعيل

ابعدي ايدك عن ورك الفرخة لاكسرهالك

بس ده بتاعي يا اسماعيل انت كلت بتاعك امبارح

وهاكل ده انهاردة . انتي شريكتي يا ست ولا ايه

طب يا اسماعيل والله ما مسمحاك في ورك الفرخة اطفحه بالسم الهاري







طبعا شوفنا الفيديو اللي بيعبر عن التضحية والإيثار بين الزوجين وان الواحد مايهونش عليه ياكل اللقمة من غير التاني

حقيقي مستوى مشرف وراقي وحاجة تسر العين



لينا عودة مع باقي الاخبار والبلاوي

هنروح بالأقمار الصناعية نصور مباشر صلح محمود على مراته ده إذا اصطلحوا اصلا

اخبار تجيب ضغط بعيد عن السامعين

إظهار التوقيع
توقيع : حنين الروح123
#25

افتراضي رد: نشرة أخبار المتجوزين

سيداتي وستاتي الحلوين اللي عملوا شغل البيت وخلصوا طبيخ واستحموا وقاعدين يشاهدونا نحييكم

اللي ما خلصتش شغل البيت وسايبة الاطباق والكوبايات ع الحوض تروح تقضي مصالحها الاول وبعدين تيجي بلا كسل ستات فاضي

معاكم حشرية الرخمة من قناة مكسورين الجناح اهلا بكم ومرحبا

سوف ننتقل بالأقمار الصناعية لننقل لحضراتكم مراسم صلح الاستاذ محمود ومراته

معانا مراسلتنا أم فتحي الغلسة من قدام العمارة

ايوا يا ام فتحي يا غلسة

ايوة يا ست حشرية يا رخمة

اوصفيلنا الاجواء المحيطة يا ام فتحي

عربيات الامن المركزي مالية الشارع يا ست حشرية يا رخمة عشان يأمنوا جلسة الصلح ومانعين دخول الحموات عشان دول مسجلين خطر وهيعملوا فتن وهيساعدوا على إثارة الشغب الزوجي

احسن برضو خير ما فعلوا خلي الصلح يتم على خير . والاستاذ محمود جه ولا لسة

أهو لسة نازل من الميكروباص وشايل بطيخة

هو الراجل ده بيستهبل ولا ايه يا ام فتحي . في حد في الدنيا يصالح مراته ببطيخة . ولا يكون ناوي يخبطها بيها على دماغها ويودي نفسه في داهية

كله هيبان يا ست حشرية يا رخمة . انا طالعة وراه اما اشوف ايه اللي هيحصل خليكو مشغلين القمر

خدي معاكي خوذة يا أم فتحي واقفي بعيد عن الهدف احنا مش مستغنين عنك يختي

انا عاملة حسابي ماتخافيش يا ست حشرية



السلام عليكم

وعليكم السلام

ازيك يا عمي

اهلا يامحمود يا ابني اتفضل

اتفضل البطيخة يا عمي

ومكلف نفسك ليه

زي بعضه ان شالله ماحد حوش . فين نبيلة


لسة فاكر تسأل على نبيلة دلوقتي

يا عمي هي اللي سابت البيت من نفسها أنا ما قولتلهاش تسيب البيت

هي يعني سابت البيت ليه مش من عمايلك اللي زي وشك

ليه بس ياعمي الغلط ده

هو انت لسة شوفت غلط يا استاذ . انا تقول لبنتي غوري من وشي

يا عمي هي اللي نرفذتني وخلتني اقولها اللفظ الجارح ده

داانت ربنا بيحبك ان الامن المركزي مانع امها من حضور الجلسة .

الحمدلله . مش قادر اوصفلك سعادتي اد ايه انها مش موجودة واترحمنا من وشها اللي يقطع الخميرة من البيت . لو سمحت اندهلي مراتي حبيبتي عشان اصالحها


تعالي يا نبيلة كلمي جوزك

ازيك يا نبيلة

والله كويس انك لسة فاكر اسمي

انا عمري ما انسا اسمك ابدا عشان ده اسم الدادة اللي كانت عندنا وانا صغير . وحشتيني يا بلبلة

وانت كمان وحشتني اوي اوي يامحمود . بس انا زعلانة منك عشان زعقتلي وقولتلي غوري من وشي

اسف حبيبتي مش هعمل كدة تاني حقك علية . يلا بقى هاتي هدومك ويلا عشان تنوري بيتك اللي ضلم من ساعة ماسبتيه

حاضر يا حبيبي

تن تن تن تننننننن دب دب دبببببببب

يا حفيظ يارب مين اللي بيخبط جامد كدة


الحقوا يا جماعة الست ام نبيلة والست ام محمود عمالين يحدفوا بعض بالحجارة وازايز الملوتوف ومش عايزين الصلح يتم


الو الو ايوة يا ام فتحي الارسال راح فين يا جماعة الموضوع حمي اوي والضرب شغال من الحموات مثيري الشغب

ايوة يا ست حشرية

ايوة يا ام فتحي طمنيني على الاوضاع

الاوضاع متدهورة ومتنيلة بنيلة يختي . ام محمود وام نبيلة راحوا جمعوا الحموات اللي زيهوم وعمالين يحدفوا ازايز ملوتوف على رجال الامن الشرفاء وعايزين يقتحموا العمارة ويبوظو الجلسة

ربنا ينتقم منهم البوعدا . طب وبعدين

خلاص الامن هيأمن خروج آمن لمحمود ومراته من الباب الخلفي للعمارة وربنا يستر

خليكي بعيد يا ام فتحي عشان القنابل المسيلة للدموع يختي

ربنا يتوب علية من الشغل في قناتكو المهببة دي يا ست حشرية






ايوة يا ام فتحي . انتي بخير

الحمدلله ربنا ستر

وافينا بأخر الانباء

تم صلح الاستاذ محمود ومراته واعتقال الحموات مثيري الشغب بتهمة اشعال الفتن الزوجية والسعي وراء انتشار الفوضى في البيوت

مجرباهم يختي مجرباهم ربنا ينجينا من عمايلهم المطينة

كانت معكم ام فتحي بالقمر الصناعي

نشكرك ام فتحي ونواصل نشرتنا من قناة مكسورين الجناح

إظهار التوقيع
توقيع : حنين الروح123
#26

افتراضي رد: نشرة أخبار المتجوزين

فى انتظار تعليقاتكم على اميل البرنامج جناح المكسوووووووورين دوت كوم

إظهار التوقيع
توقيع : حنين الروح123
#27

افتراضي رد: نشرة أخبار المتجوزين

السلام عليكم كانت معكم مراسلة نادر سيف الديت في بيوتت التعارة لولولولولوي هههههههع
إظهار التوقيع
توقيع : Ana Miro
#28

افتراضي رد: نشرة أخبار المتجوزين

هههههههههههه هههههههههههه ههههههههه
عسل حبيبتي
شكرااااااااا

#29

افتراضي رد: نشرة أخبار المتجوزين

عسسسسسسل اوووووووووي كملي احنا معاكي
#30

افتراضي رد: نشرة أخبار المتجوزين

انا مسخسخه م الضحك عايزه اقولك انتي حته سكر بجد انا وقفت عند احمد ومني اللي سابت البنطلون وراحت تكلم امها :d :d بس حبيت اشكرك علي الموضوع العسل زيك وهروح اكمل باقي الموضوع
#31

افتراضي رد: نشرة أخبار المتجوزين

هههههههههههه تحفه وضحكت اوي في الحته دي

انا عمري ما انسا اسمك ابدا عشان ده اسم الدادة اللي كانت عندنا وانا صغير . وحشتيني يا بلبلة

#32

افتراضي رد: نشرة أخبار المتجوزين



نشرة اخبار المتجوزين من قناة مكسورين الجناح نحييكم سيداتي وستاتي

نكمل باقي تفاصيل الانباء

بالنسبة للخبر بتاع الست نوال اللي خلت جوزها يغيرلها العربية عشان اصحابها شافوها بيها الاسبوع اللي فات كتير كتير

هاتولي الست دي ع التليفون عشان انا مرارتي مفقوعة منها

الو ايوة يا نوال معاكي حشرية الرخمة

هاي مدام حشرية هاورايو

مالكيش دعوة انا كنت عايزة اتأكد من صحة الخبر

خبر ايه

هو جوزك غيرلك العربية زي ماطلبتي منه

طبعا طبعا طبعا هو عمره ماقالي لأ على اي طلب

يا سلام يختي ياسلام ليه ان شاء الله ما احنا بيتقالنا لأ خمسين مرة في اليوم . هو انتي احسن مننا في ايه يختي زايدة ايد ولا رجل يعني

هو انتي وباقي الستات هتشبهوا نفسكو بيا ولا ايه يا حقوديات انتو . انا جوزي بيموت في التراب اللي بمشي عليه وحفي على مارضيت اتجوزه

جاز عليكي الهم يا شيخة . هو انتي عايزة تفرسيني

طب اقولك جود باي يا حشرية بقى عشان بحضر الشنط عشان مسافرين باريس نتفسح والطيارة كمان ساعتين

وهتتفسحي في باريس كمان . عيني عليا وعلى بختي . اقفلي السكة يا ست انتي واخفي من القناة . يارب سواق الطيارة بدل ما يوديكو باريس يوديكو الصومال وتنشفي زيهوم

ال جوزها مابيقولهاش لأ ال وهيغيرلها العربية . وانا جوزي بيديني حق تذكرة المترو بعد ما بيطلع عيني

فاصل ونكمل باقي الاخبار اياك تتحركو من قدام شاشتنا المدمرة . اتفرجو ع الكرتون على مااجي

إظهار التوقيع
توقيع : حنين الروح123
#33

افتراضي رد: نشرة أخبار المتجوزين


المشاركة الأصلية كتبت بواسطة الكاتبة هبةنور
السلام عليكم ورحمة الله وبركاته
كل عام وانتِ بخير يا عسولة
موضوع لطيف حقيقي بشهادة كل اللي قرؤوه في كل المنتديات وصفحات الفيس المختلفة
بس يا ترى ده بتاعك ؟؟؟؟؟؟؟
مرسى ليكى

فى منه حقيقى وفى منه منقول وفى منه باسلوبى ونورتينى يا قمر

إظهار التوقيع
توقيع : حنين الروح123
#34

افتراضي رد: نشرة أخبار المتجوزين

ههههههههه دمك عسل ياطنط جيجى
إظهار التوقيع
توقيع : فتاة بالحياء تجملت
#35

افتراضي رد: نشرة أخبار المتجوزين

ماشاء الله .. ايه الحلاوة دي؟ ... عمل رااااائع .. ممكن تقوليلي باقي كتاباتك علشان أقرأها ؟؟ .. وياريت تكملي
#36

افتراضي رد: نشرة أخبار المتجوزين

عسل عسل عسل هههههههههه
بجد تحفة ربنا يبارك فيكى

#37

افتراضي رد: نشرة أخبار المتجوزين

والله العظيم انتى حتة سكرة وموضوعك جناااااااااان واحلى تقييم لعيونك ياقمر
#38

افتراضي رد: نشرة أخبار المتجوزين


المشاركة الأصلية كتبت بواسطة زهرة المنتدى
ماشاء الله .. ايه الحلاوة دي؟ ... عمل رااااائع .. ممكن تقوليلي باقي كتاباتك علشان أقرأها ؟؟ .. وياريت تكملي

ماردتيش عليا ليييييييه؟

#39

افتراضي رد: نشرة أخبار المتجوزين


المشاركة الأصلية كتبت بواسطة زهرة المنتدى
ماردتيش عليا ليييييييه؟

طبعا مش هتردي لأنه مالكيش كتابات أصلا ولا دا مجهودك دا انتي حتى واخدة كوبي وبيست من منتدى أخوات طريق الاسلام اللي الكاتبة هبة نور بتنزل فيه اعمالها حتى التعليقات باسم العضوات نقلتيه زي ماهوا هههههههههههههه

ليه يا حبيبتي كدا بتكذبي؟ ... هيا ماما مش قالت لك ان الكذب حرام؟؟ .. طيب دا حتى احنا في رمضان ... ليه يا حبيبتي تسرقي مجهود كاتبتنا الرائعة هبة نور وتنسبيه لنفسك ؟ .. استفدتي ايه بقى؟ .... كلنا بندعي عليكي وبنحسبن عليكي لأن ربنا وحده اللي يعلم هيا أد ايه تعبت فيه وفي الآخر تيجي انتي بكل بساطة وتنسبيه لنفسك ؟!!!!!!!


بس في الآخر أشكر الملكة نفرتيتي اللي عدلت اسم الموضوع وردت العمل ونسبته لصاحبته .... اوعي تحذفي تعليقي زي ماعملتي مع الكاتبة وأي واحدة تواجهك بالحقيقة ياقمرة او تعمليلي حظر وماعنتيش تكذبي تاني يا شاطرة ههههههه

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
روايتي الثانيه ...( في خطوتك .. سكتي) عندما تعشق الشوكولاته أقلام عدلات الذهبية
محمد نور - شخصية محمد نور - شخصيات رياضية - شخصية رياضيه ربي رضاك والجنة شخصيات وأحداث تاريخية
نور الدين زنكي وحراسة بلاد الإسلام اماني 2011 شخصيات وأحداث تاريخية
شاليه للبيع الساحل الشمالي قرية التجارين shshsh بيع عقارات , استثمار
رواية نور القمر كاملة وبدون تقطيع ، رواية نو القمر بقلم الساجدة الى الله على عدلات كيوت متل التوت أقلام عدلات الذهبية


الساعة الآن 06:56 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل