سالخير عليكم يا عدووووووولاتى احلوين ومنورين السهرة انهاردة
انا بجد زهقت من عرض الاياء الى الواحدة فينا بتكون فيه لما الامور يدخل بيتهم
ياختى البنية من دول لما تسمح ان فى عفركووش متقدم البيت كله يقف على رجل واحدة تقولوش عندنا مهرجان
المووهم البنية تعمل فى نفسها البدع وتلبس الى على الحبل وكانها ياختى رايحة مقابلة شغل والبيت ايه بيلمع وهيسة
المووووهم يا عدولة ياختى البيه قرب يجى والبنية كانها فى مستشفا الولادة ههههههههه
رايحة جاية تكلم نفسها
والباشا يجى ويقعد وياخد واجبه والبنية من ننا يعنى تبقا زى القطة مفيش صوت خالث وعملية الرسم شغاله يخربيت كده
وبعد الفحص والتمحيص يحصل المراد
لوووووووووووولى
المشكلة بقا الى عاوزة اكلم فيها
اشمعنا جواز الصالونات بقا اغلب الناس بيفضلوه
وهل ممكن نعتبرها حل بديل لتاخر سن الجواز للطرفين
طب لو حل بديل
ايه هى مقومات نجاح النوع ده من الجواز
وقبل ما اسيبكم خدو الكام قصة دول
وقولو رايكم فيهم
الوصلة الاولى:
يرن التيلفون عاده بين سبعه وتسعه(معرفش ليه) شويه وتلاقيهم يندهوا بسعاده غامره كده (برضه معرفش ليه) وتعرف ان طنط من الطناطيت جايبه احد معارفها المحترمين كعريس واحيانا ما بتكونش تعرفه !!! اه والله ما بتكونش تعرفه تلاقي واحده من معارفها تعرف واحده من معارفه وفي قعده نميمه في النادي ولا شات روم على النت جابوا في سير الناس ومنهم سيادتك وسيادته قوم ايه قررورا يوفقوا راسين في الحلال!!!
الوصلة التانية:
وبعد ما سيادتك تحددي المعاد (من باب الاخذ بالاسباب مش اكتر لانك مش مقتنعه بالطريقه العجيبه دي) تلبسي وتتشيكي اهي فرجه ببلاش !!! والسيد الوالد يضرب البدله التمام والست الوالده تديها الذهب والمجوهرات وتنزلي في مكان المقابله ( ما بحبش ادخل حد بيتنا يتفرج عليه) ويا سلام بقه لو الواسطه ققرت فجاه يبقى عندها ذوق وتنسحب (قال يعني اصل دي خصوصيات !!! ) فتبقي فعلا رايحه ( blind date) على اصوله مش عارفه شكل المحروس ايه (مش بقولكم ايام سودا)
الوصلة الثالثة:
في بقه اللي يقعد يسبلك ويقولك دي عنيكي ولا عدسات ( لا مؤاخذه اتنيل انت تعرفني منين عشان تسبلي !!!) , وفي اللي يسالك عن الطبيخ وبتعرفي تعملي ايه (فتستحضري نور الدمرداش في صغيره على الحب) , وفي اللي يسالك لما نتجوز عايزه كام عيل (هو سيادتك دخلت بيتنا اشاساسا عشان تتكلم في الامور دي!!!!! ايه الفصلان ده ؟؟؟ ) وفي اللي من رحم ربي يسالك عن شغلك او سفرك او كليتك او يحاول يوجد مساحه مشتركه قدر الامكان او اي موضوع عام اهه مبلوع شويه, وفي اللي بيتكلم في السياسه ويقول كل حاجه وعكسها فتكتشفي انه ضايع وفي وفي وفي اشكال والوان يا ما ورد على الواحد المهم حبقى اعملكم حلقه مخصوص عنهم تغلب عايزه بلوج اتجوز !!!! المهم تخلص القعده و تروحوا ويا دار ما خلك شر
عيشوووووووووو بقا وانطلقو