أو

الدخول بواسطة حسابك بمواقع التواصل

#1

افتراضي اجمل ما قرأت عن النجاح

السلام عليكم ورحمه الله وبركاته ازيكوا يا عدولات عاملين ايه . بما إن لسه شويه لموعد العام الجديد إن شاء الله وعارفه ان في البعض بيقول لسه بدري علي المدارس. احنا هنوجع دماغنا من دلوقتي ليه؟! انتي غاويه هم. هههههه بس اللي مخليني انزل الفتره دي وخصوصا ان الموضوع ده وموضوع ( معني عامل الناس بأخلاقك وليس بأخلاقهم) هيبقوا اخر موضوعين ليا في المنتدي السنه ديه إن شاء الله عشان انا هبدا دروس بإذن الله بعد بكره يعني دي اخر ساعات اجازتي فعشان كده حبيت انزل المواضيع ديه لعل وعسي اقدر افدكوا وارفع من روحكوا المعنويه قبل الدراسة انا نزلت نصايح لبدايه العام الجديد في المنتدي وتكلمت عن التشجيع والتحفيز والتفاؤل والثقه في الله ثم الثقة في قدراتك وكتبت عن الصور والعبارات اللي بحملها من النت عشان تحمسني . وانا هكتب في الموضوع ده بإذن الله بعض العبارات ديه مع شرح ليها . انا مش هطلب منك انك تكتبيلي تعليق وتعدي تجاملي فيا بس عايزه كلمه واحده لو وحده فعلا استفادت تكتبلي انا استفدت عشان احس ان تعبي في منوا فايده واني فعلا قدرت اني افيد غيري لان ده اللي يهمني اللي عندو نصيحه يكتبها في التعليقات ويخلي غيرو يستفيد بيها . سامحوني طولت عليكم في الكلام كالعاده
يلا قبل منبتدي نصلي كلنا علي رسولنا الكريم اللي هيشفع لينا يوم القيامة إن شاء الله ( اللهم صل وسلم على نبينا محمد وعلى آله وصحبه أجمعين)



اولا حابه أبدا بمقولتين قرأتهم وعجبوني جدا الاولي
( حياتك من صنع افكارك، فانظر الي الجانب المشرق من حياتك وكن متفائلا وليكن لك هدف معين تكرس فيه جهدك وليكن توكلك علي الله)
اما الثانيه / لا تستهن بقدراتك وتذكر انك لم تخلق في هذه الحياة عبثا.

لازم كل واحده فينا يكون عندها اهداف واحلام . لان الشخص اللي بيقضي حياته من غير ميحط احلام واهداف وميكنش عنده طموحات عايز يوصلها. يبقي الشخص ده كأنه مش عايش. ليه؟ لان ربنا سبحانه وتعالي خلق كل شئ لحكمه معينه وكل كائن عنده وظيفه معينه مكلف انه يأديها ، يبقي انتي مخلوقه ليه؟؟؟؟ الهدف والسعي لتحقيق الاحلام حاجه جميلة جدا ومشوارها طويل ومرهق بس حلوته بتحسيها مع كل هدف بتوصليلوا وتقدري تحققيه.

من ضمن الحجات الجميله اللي قراتها '' '''' كوني مع الله يكن الله معك '' ''''''





نروح عند نقطه مهمه بقي وهي الانسان اللي يجي يقلك انا مهما اعمل مفيش فايده وعمري مهنجح والكلام الغريب ده. والفكره ديه للاسف معظم الناس بتتشكل عندهم من الناس المحيطه بيهم. ازاي؟؟؟؟ الشخص اللي يكون في مكان وكل اللي حواليه واللي هما قريبين منه بيقولولوا ده اخرك وده مستواك انت عمرك مهتعله اكتر من كده دا رينجك هو لما يسمع كل الكلام ده بصوره مستمره ازاي ميصدقش. مهو ساعتها هيدخل في نفسه العدو الاول للنجاح وهو الاحباط ويبدأ مخه يصدق فعلا انه ميقدرش يعملها ومن هنا يضيع كل حاجه. انا قريت قبل كده مقوله بتقول.'''(كل التطورات الايجابيه التي تحدث في حياتك '' '' تبدأ '' ' اولا بتحسين الصوره الموجوده بداخل عقلك 'فكما تري نفسك داخليا ستكون خارجيا'. )
اما الناس اللي تيجي تقولك خلاص الوقت عده ومبقاش ينفع انا بقولهم طالما انتوا عايشين يبقي لسه في امل
(''''لا يستطيع احد العوده الي الماضي والبدأ من جديد لكن تستطيعي ان تبدئي من الان وتصنعي نهايه جديده.).

''''''''وخليكي فكره دايما إن الله لا يغير ما بقوم حتى يغيروا ما بأنفسهم '' ''''


طيب نروح عند نقطه تانيه. انا عايزه اغير من نفسي اعمل ايه '' ***- اول حاجه هتعمليها انك هتتسلحي بالثقه *الثقه بالله والثقة بنفسك وبقدراتك '' '* وهتتوكلي علي الله.

تاني حاجه هتفكري دايما بالنجاح
من احد المقولات اللي اعجبتني وهي /""تصرفي كما لو انه من المستحيل أن تفشلي *
( التفكير بالنجاح يؤدي إلى النجاح)

(انتظار النجاح بدون "العمل الشاق " لتحقيقه يعادل انتظار الحصاد بدون بذور) اخادتوا بالكوا من كلمه العمل الشاق ديه الجمله ديه بتحمل نصيحتين الاولي كلنا عارفنها وهي بالمختصر ازرع تحصد اما التانيه ديه معناها في كلمه العمل الشاق . يعني عايزه تنجحي وتحققي احلامك يبقي لازم تعملي علي حلمك ومش اي عمل دا عمل شاق. اومال انتي فكره ايه مهو الناس اللي التاريخ فكرها باعمالها لغايه دلوقتي . تعبوا جدا عشان يقدروا يوصلوا للهما وصلولو ده

نروح عند نقطه مهمه جدا وهي "" " التفاؤل "" ""
انا مش هشرح ايه هو التفاؤل لاني لو اعدت اكتب ممكن اعد لبكره الصبح لجماله واثره ، انا بس هكتبلكوا انا قرأت ايه عن التفاؤل
اولا ( التفاؤل يمنحك النجاح قبل اكتماله_- والتشاؤم يذيقك مراره الفشل قبل حدوثه هي امور نفسية انت من يحسمها)

وأيضا قول الله تعالي "" انا عند ظن عبدي بي "
وكمان قول ربنا الكريم " تفائلوا بالخير تجدوه “
يبقي ازاي متتفائليش خير ورسولنا الكريم قالنا لا يموتن احدكم الا وهو يحسن الظن بالله. وايضا قول رسولنا الكريم (اني ادعوا الله حتي كأني اري بجميل الظن ما الله صانع "
وايضا (ادعوا الله وانتم موقنون بالاجابه) يبقي ازاي تيأسي.


من النقاط المهمه انك دايما انتي اللي تشجعي نفسك ومتستنيش حد يشجعك انا قريت مقوله بتقول ( No one can motivate you until you can motivate yourself
دايما حفز نفسك ومتنتظرش تحفيز الاخرين لان محدش يقدر يحفزك. انتي بس اللي تقدري تحفزي نفسك.
نقطه تانيه /
احلمي واتخيلي وخططي لمستقبلك في خيالك بس اوعي تنسي انه لا تأتي الأمور علي قدر حلمك إنما علي قدر "سعيك اليها"


انا قرات ابل كده عن وصفه الانجاز الناجح اللي متكونه من اربع مكونات وهما 1/ اختاري مهنه بتحبيها
2/ امنحيها افضل ما لديكي
3/ اغتنمي الفرص اللتي تلوح لكي
4/ كوني احد افراد الفريق

قرأت قبل كده ل
م/ عصام شقير ( هناك من يبحث عن طريق النجاح فقد يجده او لا يجدهر!!
لكنني احفر طريق النجاح بيدي لكي يجدني امامه حيث اكون)
.

وهختم ببعض المقولات الرائعه التي أردت أن اتركها للنهاية لجمالها وعمق معناها "
اولا *الحياه مليئه بالحجاره فلا تتعثر بها اجمعها وابن بها سلما تصعد به نحو النجاح (مارتن لوثر) *
وايضا /
*هناك من يحلم بالنجاح وهناك من يستيقظ باكرا لتحقيقه*
واخيرا/
*لكي تنجح عليك أن تقع في غرام عملك، إن لم تحب عملك فلا تنتظر النجاح *

وخلي دايما في بالك ان من غير تعب مفيش نجاح
(No pain no gain)


إذا كنتي تريدي النجاح

لا تقفي وتتأملي الدرج

اسرعي وابدأي في الصعود

قد تتعثري أحياناً

وتسقطي احيانا اخري

انهضي وواصلي الطريق

لكي تصلي لاهدافك

في النهايه سوف تصلي


*الي القمه*

اتمني اني اكون افدتكوا ورفعت من روحكوا المعنويه يا قمرات بس بالله عليكم متنسوني في الدعاء عشان اقدر احقق حلمي واقدر اساعد غيري. ادعوا الله الكريم ان يوفقنا جميعا لما في الخير وان يغفر لنا اخطائنا ويهدينا لطريق الحق والهدايه. اسال الله ان يوفق كل بنوته في المنتدي وان يسعد كل ام بأبنائها. وان يحفظ لنا ابائنا وامهاتنا وان يجعلهم ممن تقول لهم الجنه اقبلوا فقد اشتقت اليكم قبل ان اراكم . وان يجمعنا واياكم في جنه الفردوس اجمعين. وكالعاده اختم بالحمد لله رب العالمين.



#2

افتراضي رد: اجمل ما قرأت عن النجاح

تنفعي دكتورة والله ^^
تسلمي ياقلبي


إظهار التوقيع
توقيع : LOLO_LOLY
#3

افتراضي رد: اجمل ما قرأت عن النجاح

موضوع جميل ومفيد
إظهار التوقيع
توقيع : ana soso
#4

افتراضي رد: اجمل ما قرأت عن النجاح


المشاركة الأصلية كتبت بواسطة lolo_loly
تنفعي دكتورة والله ^^
تسلمي ياقلبي

شكرا يا لولو ردك شجعني جدا.

#5

افتراضي رد: اجمل ما قرأت عن النجاح


المشاركة الأصلية كتبت بواسطة ana soso
موضوع جميل ومفيد
تسلمي يا سوسو. بتسعديني بردودك

#6

افتراضي رد: اجمل ما قرأت عن النجاح

ميرسى كتيرر اووووى
#7

افتراضي رد: اجمل ما قرأت عن النجاح


المشاركة الأصلية كتبت بواسطة مارينا عادل 3
ميرسى كتيرر اووووى
تسلمي يا قمر

#8

افتراضي رد: اجمل ما قرأت عن النجاح

السلام عليكم ورحمة الله تعالى وبركاته
ما شاء الله نصائح وعبارت جميلة ومحفزة اوي
بارك الله فيك وحقق حلمك
مشكوورة


إظهار التوقيع
توقيع : رحيق العفة
#9

افتراضي رد: اجمل ما قرأت عن النجاح


المشاركة الأصلية كتبت بواسطة رحيق العفة
السلام عليكم ورحمة الله تعالى وبركاته
ما شاء الله نصائح وعبارت جميلة ومحفزة اوي
بارك الله فيك وحقق حلمك
مشكوورة

تسلمي يا جميل. سعيده اني قدرت افيدكوا. ربنا يوفقنا جميعا

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
النجاح والفشل الشاكرة منوعات x منوعات - مواضيع مختلفة
ساعدوني من فضلكم MONA5 سؤال وجواب
نصائح لاجتياز شهادة البكلوريا بسلام فلةفلفولة المرحلة الثانوية
طريقة عمل الترمس , طريقة عمل الترمس للعيد العدولة هدير سلطات ومقبلات
روشته النجاح في اوريفيلام وعضويه مجانيه drsaragoo مشاريع وافكار تجاريه


الساعة الآن 03:51 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل