أو

الدخول بواسطة حسابك بمواقع التواصل

#1

افتراضي اهتمي بنفسك بسرعة ادخلووو يلا

عدولاااااااتي وحشتوووني اوووووووي والله عااملين ايه؟؟
اخباار الصيام ايه بقي

احم ندخل بقي في الموضوع


اكيد هنا فيه بنانيت و عدولات عندهم افراح في العيد او بعد العيد وانا منهم بردو

عندي فرح خالي و خصوصا ان اللي هيتجووز ده اكتر واحد بحبو في خلاني كلهم

يعني فرحتي هتبقي كبيرة اوووووووووووي عقبالكو يا عدوولات و يا بناات

و كنت محتااارة اوووي بصراحة في اللبس و المكياج و الشوز و الكوافير و الشعر و البشرة و حجااات كتير اوي

و اكييد اللي عندهم فرح في العيد او بعدو زيي كدا بالظبط مش عارفين يبدئو منين


انا بقي بصراحة كدا من اول رمضان انشغلت و كسلت صيام و صلاة و قراءة قرأن و مساعدة ماما في المطبخ

فمكنتش لاقية وقت لنفسي خااااااااالص


و اكيد انتو زيي


فانا بقي ايه !! كنت قاعدة مع نفسيتي بنفكر سوا و قولت هفضل مكسلة كدا و وقت ما نيجي نمسح الشقة هتزنق و مش هعرف اعمل حاجة

فجااتلي فكرة و قولت هطبقها النهاردة و لو نفعت لازم اقوول لعدولااتي علي طول و اهي نفعت معايا


و هقولكو عليها
.

. زهقتوا مني صح


خلاص خلاص من غير ضرب هبدأ اهو







الاول هبدأ ب العناية بكل شبر في جسمك












الشعر ده تااج البنت و خصووووصا لو طويل هتبقي هي كدا ملكة

لازم تبقي مسرحاه حتي لو انتي في البيت عشان لو فتحتي باب وانتي مش محجبة يعني او بصيتي من البلكونة حد رخم جالكو علي غفلة متبقيش منكوشة

و لنفسك كمان عشان تحسي بنفسك انك حسة براحة وانتي قاعدة مسرحة شعرك

و لازم تعرفي نوع شعرك قبل ما تجيبي اي شامبو او حمام كريم او زيت عشان من بنت للتانية بيختلف في نوعو نعوومتو طولو

انواع الشعر جاف دهني تالف و مختلط

الجاف اللي مهما تستخدميلو زيت او كريم بتحسي بجفافو و انو ناشف حتي بعد الشاور ده تستخدميلة حمام كريم فاتيكا باللوز ده رهيب

الدهني اللي وانتي خارجة من الدش بيبقي بيلمع وانتي مش حاطة زيت او كريم ده يستحسن بلاش استعمال زيوت ممكن تستعملي فازلين مينك اللي بيبقي في الاعلانات هحاول اجيبلك صورتو

التالف ده بسبب المية الكتير لما تاخدي دش لفشي شعرك ب بونيه عشان المية متوصلوش و يتلف اكتر اغسليه مرة كل يومين بلاش كل يوم يا ست النضيفة ممكن تاخدي دش لجسمك كل يوم من غير شعرك عادي و انتي لفة شعرك في البونيه

و المختلط ده اللي هو بيبقي داف شوية و تالف و متقفص من تحت و دهني شوية و ده اي حاجة بتمشي عليه

و المشترك في كل انوااع الشعر هو مينك كريم بزيت المينك بيبقي لونو ازرق او اصفر احمر اخضر مش كريم بيبقي فااازلين ده بقي تحفة بجد و كمان بلاش نعمل الشعر كحكة لجميع انواع الشعر لانو بيقصف الشعر بطريقة فظيعة اووي

نعومة الشعر

في اللي هو بيبقي ناااااعم اوووووي و بيبقي ناعم و فيه موجة في النص زيي انا ناعم و فيه موجة في النص واحدة و كمان فيه ناعم و فيه اكتر من موجة و فيه بيتسرح بسهولة بس كلو مموج و فيه اول درجة في الخشن و فيه خشن اووي

النااعم اوووي ده الكريم بتاعو حسب نوع الشعر مفيهوش مشكلة

الناعم و فيه موجة ده بردو كويييييييس اوووووووي و عشان الموج دي تمشي يتلف طقية و بردو الكريمات بتاعتو حسب نوع الشعر


و الناعم و فيه اكتر من موجة ده زيو زي اول اتنين بردو كريماتو حسب النوع و يتلف طقية

و اللي كلو مموج ده و عايز يتفرد شوية اطوول وقت ممكن لازم يتلف طقية لانها معروفة بفرد الشعر زي الاستشوار و استخدام شامبو سباركل لنعومة الشعر

و الخشن بكل انواعو لازم لازم استخدام حمام كريم بالثوم و النخااع ممتستغربوش ايوة بالنخااع ده بينعم الشعر اوي و ريحتو بتبقي حلوة مش وحشة

الطول بقي

اللي شعرها طويييييل اوووي زيي انا بردو

ده كويس اوي و مفيهوش حاجة عشان يطول بس اهتمشي بيه بقص الاطراف عشان يطول اكتر

الطويل عادي نستخدم حمام كريم فاتيكا بالثوم ده عشان يطوول الشعر و ريحتوو جميلة

و اللي لحد نص ضهرها بردو استخدمي فاتيكا بالثوم

و الاقصر بقي من كدا زيت فاتيكا بالصبار و تاااكل جرجير كتير لانو معرووووف بانو خطير في تطويل الشعر

و مشكلة الهيشان كلها ب فازلين مينك ده بيمنع الهيشان تماما

و ابعدو عن بانتين عشان قليل اووي اللي بيمشو عليه الشامبو كويس لكل انواع الشعر بس بديل الزيت بيعمل الشعر كيرلي بغباااء



البشرة بقي

غسل الوش مش بمية و السلام كدا يا مزة لا غسل الوش ده ليه ترتيب خاص عشان تبقي بشرتك منوورة بصي يا عسل


الصابونة بتاعتك حسب بشرتك يعني لو بشرتك بين الحساسة و الجافة يبقي نستخدم صابونة عادية دوف او لوكس اللي بتستخدميه بس لو كااانت حساااسة اوووي او جااافة اوووي يبقي نستخدم صابونة طبية او ديتول و لايف بوي و دول بيبقوا في كل الصيدليات و اسعارهم حلوة و لو بشرتك دهنية يبقي بردو صابونة طبية عشان الحبوووب و الرؤوس السوداء و لو كانت مختلطة جافة و دهنية او حساسة و دهنية زيي حالتي كدا انا بين الحساسة و الدهنية يبقي تستخمي الصابونة العادية اللي هيا لوكس دوف اي حاجة و الصابونة دي تاخديها و تجيبي علبة صغننة من ماما في المطبخ و تشيليها ليكي انتي خاصة بيكي انتي و تحطيها في دولابك في التسريحة المكان اللي بتحطي فيه حاجتك





و فيه حاجة كمان ازاي تعرفي نوع بشرتك

و دي بسيطة اوووي هو انك هتجيبي منديل عادي و تحطيه علي وشك و تستني شوية من 10 ل 20 دقيقة كدا لو لقيتي المنديل كلوو فيه مية كدا تبقي دي دهنية اوي و نستخدملها صابونة طبية و ماسك لقفل المسام و لو لقيتي دهون من الانف و الجبهة (القورة يعني ) تبقي بشرتك مختلطة دهنية و جافة و نستخدملها صابونة عادية و لو لقيتي حكة في وشك و مفيش اي مية في المنديل تبقي مختلطة حساسة و جافة و تبقي صابونة عادية و لو التلاتة سوا يبقي في الحالة دي اي صابونة من الاتنين هتنعك و مش هضرك ابدا

هنغسلها ازاي بقي بصي عادي جدا هتبلي وشك بالمية عادي و تجيبي صابونتك و تحطي عليها معجون سنان بكمية قليلة اووي و الله مش بهزر و تغسلي الوش بيها هتحسي بالهوا علي وشك و بانتعاش و تفوقي و النوم يطير في ثواني من عنيكي و تشطفي الوش عادي و تنشفي براحة و تغسلي ايدك و رجليك و الرقبة و تحت الابط و تنشفي كويس و تتوضي بقي و تصلي الضهر و كل ده مش هياخد ربع ساعة تلت ساعة و تخرجي تصلي و تخرجي تحطي ماسك طبيعي او جااهز لمدة من 10 ل 20 دقيقة و ممكن وانتي حطاه تروقي اودتك و الصالة تملي الازايز تعملي اللي عايزاها بعدها تغسلي وشك من الماسك او تاخدي دش اللي تحبيه و تمشي علي وشك تلج مية ورد و دي انك هتجيبي مية الورد من العطار و تحطيها في قالب مكعبات التلج و تحطيه في الفريزر عادي و تاخديها و تمشيها علي وشك بعد الماسك و تحطي الكريم بتاعك و لو مش عايزة تحطي براحتك كدا كدا هتلاقي نتيجة هااايلة وشك منوور و ابيض و خدودك ناعمة و بشرة زي الاطفال بتبرق و الله عن تجربة و بصي انتي هتعملي كدا كل يوم بس مش كل يوم هتحطي ماسك الماسك كل اسبووع و علي فكرة لو ماسك طبيعي و قعد من 20 لاكتر عادي مش هيضرك بالعكس بس لو ماسك جاهز اقصي حاجة 30 دقيقة و ده بالنسبة للوش الخدود بقي عشان تبقي حمرا و منورة كدا مية الورد علي الخدود بتخليها لونها احمر و ورديه و حلوة اووي لازم قبل ما تنامي و اول ما تصحي تمشي بقطنة او بتلج مية ورد علي خدودك هتبقي منورة و تشيل اثار الحبوب و البكتيريا اللي بتسبب الحبووب

و الشفاايف ابعدي عن الفازلين لانو بيسمرها لو اتعرضت للشمس حطي زبدة كاكاو عادية من اي صيدلية و لاسمرار حولين الشفايف استخدمي بانثينول او معلقة زبادي كبيرة مع معلقة عسل صغيرة و خطيهم علي الفم و حولين الفم اللي لونو اسمر و كل يوم تعمليها و هتلاقيها فتحت و بقت كويسة

الاسنان

غسل الاسنان بعد كل وجبة و حطي علي المعجون بيكاربوناتو عشان معروووف عن الكربوووناتو انوووو خطييييييييير و رااااااااااائع في تفتيييييح اي حاااجة في الجسم هتحطيه علي المعجون طعمو هيبقي حاامض بس بمجرد غسل الفم هيبقي الطعم راح و هتلاقي سنان بيضة و ريحة فم حلوووة اووي و ضحكتك تبقي منووورة

الاذن

لازم الاهتمام بخرم الاذن عشان ميلتهبش لو لابسة حلو اكسسوار او ميتقفلش لو مش لابسة حلق خالص و تنضيفة دايما بأي حاجة سنها رفيه و تسليكالاذن من الشمع جوا عشان تسمعي كويس و ميسببش انسداد للودن

الرقبة بقي

هتبقي مع البشرة و هي بتبقي حسب نوع البشرة و اللي عندها اسمرار في الرقبة هتجيبي طبق صغير و تحطي نص لمونة و نص معلقة كاربوناتو لونو ابيض كدا و هتلاقيه بتعمل زي فوران او صودا ده عادي تسيبيها تهدا و تاخدي قطنة و تمشيها علي رقبتك هتلسعك بس هتتعودي لان بشرتك هتفتح و تبقي زي الفل و تقدري تحطي ماسك البشرة علي الرقبة بردو او تحطي كريم تفتيح

تحت الابط بقي

مهم جدا جدا جدا لان احنا في صيف و حر فلاازم ازالة الشعر لااازم و لو بشرتك حساسة متحطيش مزيل عرق غير للضرووورة لو انتي نازلة مشوار طويل او رايحة مناسبة لاكن وانتي في البيت محتاجة تحطي ما انتي ممكن كل ما تحسي بعرق تاخدي الصابونة و تدخلي الحمام و تغسلي بالصابونة و ممكن تجيبي نس اللمونة و تمشيها تحت الابط دي بتمنع البكتيريا اللي بتسبب ريحة العرق و كمان بتساعد علي تفتيح الابط من الاسمرااار و اياكي ثم اياكي ثم اياكي تحطي مزيل عرق وانتي عرقاانة ده هيسبب اسمرااار كبيير اووي و عشان اسمرار الابط اعملي زي الرقبة كاربوناتو و لمونة و بقطنة تمسحي او نص اللمونة تمشيها تحت الابط هتعمل تفتيح و تزيل البكتيريا عشان الحمضيات اللي فيها

الدراع من تحت لفوق

الايد للبنت معروووف عنها انها لازم تبقي ناعمة لانها سر جمالها و ده اللي بيبان منها لو هي محجبة

هتهمي بيها ازاي بصي تغسليها بصااابونة كويس اووي اول ما تصحي و كمان بعد كل وجبة و لما تغسلي مواعين حااولي متعرضيهاش للمية كتير هتبقي مش ناعمة و بشعة او البسي جوانتي طبي زي بتاع الدكتوور او حتي كيس كدة هتحافظي عليها كويس اوووي

بعد ما تغسليها

حطي كريم بتاعك عادي جدا و لازم الكريم يجي للضوافر عشان تتغذي و لو خارجة حطي حماية للشمس عشان مش تسمر و مفيد الجلسرين للايد مفيد جدا من الصيدليات جلسرين و حطيه علي ايديك كأنك بتعمليلها مسااج قبل النوم و تلبسي جوانتي و تناامي هتصحي الصبح تلاقيها ناعمة و مفيش اي تشققاات فيها و حطي عليها زبدة كاكاو غير بتاعت الشفاشف مع الكريم بردو و الجوانتي و ناامي هتبقي نتيجة رهيبة تتعمل مرة كل اسبوع

الدراع بقي للي مش محجبات او للمحجبات في البيت ازاالة الشعر منو و الاهتمام بغسلو وانتي بتاخدي الدش بالليفة المغربية بتبقي نااشفة كدا عشان تعمل تقشير للجلد الميت و اللون اللي فوق يتشال و اللي تحت يبقي افتح بتقشر الجلد و تشيل الشعر تحت الجلد من غير ما تحسي و للشاور جيل لجسمك كلو البشرة و كلو جونسون للاطفاال خطير عشان مش فيه مواد كيميائيه و بيخلي ايدك و جسمك كلوو زي الاطفاال


اظافر الايد

عشان تقوي الاظاافر لازم الاكل يبقي صحي و معظمووه لازم خضروات و كريم ايديكي لازم يوصل للضوافر

و زيت الزيتون تاخدي شوية صغننة اوي علي ايديك و تعملي مساج لضوافرك و اللمون و الثوم تفركي ايديكي بيهم قبل الدش عشان يطولو بسرعة و لازم يتبردو كل شهر

الضوافر زي الشعر بالظبط لو الطروف متقصتش مش بيطول عشان كدا لازم تبردي الضوافر كل شهر عشان تبقي اقوي و تجنبي القرقضة و انك تاكليهم بسنانك ده بيضعفهم اووي و هتندمي زي ما انا ندمت و من اول ما طولتهم بقيت بحاافظ عليهم اكتر من موبايلي نفسو

و عشان تتجنبي تاكليهم حطي عليهم برفان عشان كل ما تحطيهم في فمك (بوقك) طعمهم يبقي مر و تشيليهم متاكليهمش


و الكوع عشان يفتح و ميبقاش اسمر اللمون و الكربوناتو دول لاي حاجة عايزة تفتحيها في جسمك و دايما تجيبي السويت نحيتهم عشان الجلد الميت يتشال و يبقي ناعم و كمان وانتي بتاخدي دش ادعكيهم كويس اووي عشان يتعملهم تقشير


الساق من تحت لفوق

القدم لازم تبقي منورة و مفيهاش اي حاجة مش حلوة خصوصا لو لابسة صندل او جزمة

كريم ايديكي يتحط للقدم بردو و لازم كل شهر رجلك تحطيها في مية سخنها لحد ما تستحملي و يبقي فيها ملح خشن او ملح عادي لمدة نص ساعة و تشيليها و بمبرد الحديد و عند الكعب تبردي لحد ما تحسي مفيش اي تشققات و القرم لازم بردو تجيبي السويت نحيتها حتي لو مفيهاش شعر بس عشان الجلد الميت يتشال و تبقي ناعمة

و الكعب عشان يبقي ناعم تدهني كريم التشققات و تحطي زبدة الكاكاو و تلبسي شراب بردو و تنامي او تخرجي لو لابسة كوتشي و هتبقي نفس النتيجة

اظافر القدم

هي السبب الرئيسي لرائحة القدم اللي مش محبوبة و بين صوابع القدم كمان

لازم الضوافر تتبرد كويس و تحطيلها زيت زيتون و اثناء الدش بتاعك بالليفة و بين الاصابع تغسلي كويس بالصابون كمان كل ما تدخلي الحمام تغسلي رجليكي هتلاقي ريحتها جميلةو الضوافر ناعمة و متسواية و رجليكي منورة و حلوة و شعر الاصاابع اللي مستفز اووي ده بردو تشيليه عشان ل هتلبسي صندل او كدا


الساق لازم ازالة الشعر منو و كمان بعدها تجيبي اي حاجة خشنو و تمشي بعكس الاتجاه عشان تزيلي الجلد الميت و الشعر تحت الجلد و تدهني رجلك اي زيت طبيعي او كريم جليسرين اي حاجة

الركبة بردو تعمليلها السويت عشان تبقي بيضة و ناعمة


المنطقة الحساسة

عشان متصابيش بأي امراض لا قدر الله اهتمي برائحتها دايما و تغير ملابسك مرتين في اليوم عشان البكتيريا و اثناء ال... تهتمي بنفسك كويس اووي و سيبك من اي حد يقولك غلط انك تستحمي في الوقت ده و افضل وقت لازالة الشعر للجسم كلو هو بعدها بيومين عشان المسام تبقي مفتوحة و متحسيش بألم

و لتقليل الألم مشي التلج علي المكان اللي هتزيلي منو و زيلي الشعر و مش هتحسي بألم

ده كل حاجة تخصك في جسمك كلوووووووووو

الجزء اللي جاي هيبقي روتين يومي لرمضان

ارجوكوا بجد انا تعبت في كتابة الموضوع ده قيموا بقي و شجعووني عشان فيه حجات كتير لسة هقولها ده اول دزء لسة فيه كذا جزء بلاش تشوفو من غير ما تردوا بليز تعبت وانا بكتب الموضوع

يلا واي سؤال انا موجودة :*



#2

افتراضي رد: اهتمي بنفسك بسرعة ادخلووو يلا

واااااااو ايه الجمال ده
يسلمووو ياقمرى

إظهار التوقيع
توقيع : فتاة بالحياء تجملت
#3

افتراضي رد: اهتمي بنفسك بسرعة ادخلووو يلا


المشاركة الأصلية كتبت بواسطة فرفوشة منكوشة
واااااااو ايه الجمال ده
يسلمووو ياقمرى

بجد عجبك الموضوع انا بكملو نااااو

هخخلص و اعملك اقتبااس علي طوول يا مزة

#4

افتراضي رد: اهتمي بنفسك بسرعة ادخلووو يلا


المشاركة الأصلية كتبت بواسطة اهلاوية مصرية
بجد عجبك الموضوع انا بكملو نااااو

هخخلص و اعملك اقتبااس علي طوول يا مزة
اوكى ياعسليه انتى

إظهار التوقيع
توقيع : فتاة بالحياء تجملت
#5

افتراضي رد: اهتمي بنفسك بسرعة ادخلووو يلا

اتمني تكونوا استفدتو من الجزء الاول

الجزء التاني بقي بيتكلم عن روتين يومي لرمضان


انا بصحي علي 12 او 1 كدا يعني
علي صوت ماما و هي بتقولي اصحي كفاية نوم بقي :d

اكيد مش انا لوحدي

هنصحي مش شايفين قدامنا و عايزين نفوق

انتي هتاخدي فوطتك و تدخلي الحمام

و غسل الوش يا قطة مش هترمي مية و تطلعي سعيدة غسلت وشي و الابتسامة مالية وشك كدا :d

لا ده ليه اصول بصي

زي ما قولت في الجزء اللي فوق الصابونة الخاصة بيكي و ب بشرتك

هتدخلي تغسلي عنيكي بمية بس و تغسلي سنانك و تجيبي الصابونة و تحطي عليه شوية صغيرة معجوون سنان و الله مش بهزر هتلاقي الهوا علي وشك و تفوقي و مش هتحسي بنوووم نهااائي و تبقي نشيطة

و تشطفي الوش عادي و تغسلي الرقبة و تحت الابط و الايد و الرجل و السنان و تتوضي و تخرجي تصلي الضهر و تقري صفحة اتنين من الكتاب الكريم القرأن

و لو عندك ماسك جااهز حطيه علي بشرتك عادي من 10 ل 20 دقيقة لو معندكيش هتعملي كده طبق و تحطي 1 م كبيرة نشا و لبن علي اد ما يبقي عجيبنة نص كوباية صغيرة مية ورد و تحطيهم علي بعض لحد ما يبقوا عجيبنو ماسكة نفسها بس مش كلها نشا ولا كلها لبن و تفرديها علي وشك لمدة 30 دقيقة و علي فكرة لو الماسك طبيعي مفيش ضرر من انو يفضل فترة كبيرة لساعة مثلا بس لو جااهز اقصي مدة يبقي 30 دقيقة تروقي بقي اوضتك تعملي اللي عايزاه بعدها بنص ساعة كدا يا هتغسلي وشك او تاخدي دش اللي تحبيه و هتخرجي لو العصر مأذنش هتجيبي تلج او قطنة ميو ورد و تمشيها علي وشك و
تشوفي الكريم اللي بتحطيه و هتتفاجئي بنتيجة رهيبة

و تسرحي شعرك و تحطي الكريم بقي و تلفيه طقية و كريم ايديكي و زيت زتون لضوافرك العصر بيأذن اخش اتوضي بقي و اصلي و اقرأ قرأن بردو و ادخل لماما المطبخ اساعدها و افطر و تعيشي حياتك عادي خاالص و مش هتحسي بأي تعب صدقيني والله و قبل ما تنامي كريم ايدك و وشك و تنامي و اهم حاجة غسل الاسنان بعد السحور و الفطار و الحلويات


و بكدة ده روتينك الاساسي و الماسك مرة كل اسبووع لاكن غسل الوش و الايد و كدا كل يوم و تقدري تغيري فيه زي ما انتي عايزة بشرط الاساسي هو غسيل الوش عشان يبقي وشك منور و الصلاة و القرأن دول البركة

اسفة الجزء قصير

الجزء اللي جاي بيتكلم عن ازاي تنقي لبس العيد بتاعك متناسق لو اشتريتي

و ازاي تحطي مكيااج رقيق خفيف

مش بلياتشو :d و هيبقي فيه نصاايح عن اللبس


انتظروو الجزء التاااالت

شجعوووني بقي ناااقص جزئين اساسي

و جزء نصايح اول يوم العيد او لو انتي في فرح


يلا ردو بقي يا عدولات

#6

افتراضي رد: اهتمي بنفسك بسرعة ادخلووو يلا

بجد موضوعك جميل
تسلمى ياقمر

إظهار التوقيع
توقيع : لينا العسوله
#7

افتراضي رد: اهتمي بنفسك بسرعة ادخلووو يلا


المشاركة الأصلية كتبت بواسطة فرفوشة منكوشة
اوكى ياعسليه انتى

يلا يا مزة الجزء نزل اهووو

#8

افتراضي رد: اهتمي بنفسك بسرعة ادخلووو يلا

تسلمي موضوع رااائع
#9

افتراضي رد: اهتمي بنفسك بسرعة ادخلووو يلا

جميل يامزة الجزى
مستنيه الجزء الجديد

إظهار التوقيع
توقيع : فتاة بالحياء تجملت
#10

افتراضي رد: اهتمي بنفسك بسرعة ادخلووو يلا

موضوع جميل تسلم ايدكى
إظهار التوقيع
توقيع : سألت الله فأعطانى
#11

افتراضي رد: اهتمي بنفسك بسرعة ادخلووو يلا

اتمني تكونوا استفدتو من اللي فات


ده بقي بيتكلم عن تنسيق الوان الملابس و المكياج للعيد



عشان الشخصياات اللي بنشوفها دي


اولا هبدا باللي بشعرهم عشان دول اهون شوية

طب ينفع تبقي مزة كدا و تروحي تجيبي بنطلون اخضر علي تشيرت احمر

فين تناسق الالوان

طب ينفع يبقي التيشيرت شبه فستان السواريه و لابسة عقد بيلمع بردو

لما تيجي تشتري اللبس تنسقي الالوان ازاي بصي

يعني نفترض جبتي بنطلون جينز الجينز بيليق علي اي حاجة مختلفناش بس مش يبقي البنطلووون سادة و جاايبة بلوووزة سااادة هتبقي كئيبة اووي خصوصا لو اللون غامق


يعني مثلا بنطلون سادة بلوزة يبقي عليها شغل بسيط و العكس بنطلون فيه شغل البلوزة عليها رسمة بسيطة مع سلسلة و خاتم هتبقي عسل اووي

مثلا بردو جبتي بنطلون احمر او فوشيا هل ينفع تجيبيلهم بلوزات زرقا اكيد لا

ولا حتي تجيبي للاحمر بلوزة حمرا ده ازاي بردو ممكن بلوزة بيضا مثلا رمادي كدا يعني

و الفوشيا اللي بينور ده لو جبتي بلوزة فوشيا بردو هتنوري في الضلمة

ممكن بلوزة سودا بيضا بينك في ابيض

و الاكسسوارات اللي بحس ان فيه حنطوور جمبي وانا ماشية

ليه يا بنتي كدا

ممكن عقد علي بلوزة رقيقة مفيهاش شغل خاتم صغير حلق حلو مش اد الغويشة

و المكياج بقي المصيبة الكبري


حد يحط الصبح و هو رايح الجامعة ولا الشغل مكياج بمبة ولا ازرق يا مفتريه

ليه كدا طب حطي كريم اساس كأنك حطة بودرة و روج جليتر كدا و بلاش ايشادو عشان منتعميش

و تعالي علي نفسك و متحطيش ماسكرا ولا اي لاينار كفاية عليكي كحل و افهمي يا حبيبتي الكحل بيبقي جوا الجفون مش تحت العين

الحواجب بحس انها مرسومة بقلم سبورة متعرضيهاش خليها رفيعة او شقريها بس بلاش كدة بحس فيه ساطور اسود فوق عنيكي او واحدة دوريتوس محروقة

المحجبة بقي

تعالي يا عين ماما انتي


الاوصة المضروبة اوكسجين و بااظت من كتر الاستشواار عرفنا انك شقرة و ان شعرك ناعم

و احترمي الطرحة اللي علي دمااغك

مقولتش تلبسي نقاب ولا جيب ولا حاجة

البسي علي الموضة زي ما تحبي

بس متجيش للموضة بتاعت اللي مش محجبات لان ستايل المحجباات احلي بكتير و فيه بنطلوناات بردو بس يليق بمقام الطرحة اللي علي دماغك

و نصيحة للاتنين



بلاش مكيااااج الصبح احمر و اخضر

بنتعمي كدا

وبلاش هيلز 9 سم ده مع الاكسسورات بحس حنطوور ما شاء الله


كدا المعلومة ثبتت في دماغكوا لما اي بنت تنقي لبسها

استفدتوو ولا ايه

#12

افتراضي رد: اهتمي بنفسك بسرعة ادخلووو يلا


المشاركة الأصلية كتبت بواسطة سألت الله فأعطانى
موضوع جميل تسلم ايدكى

تسلميلي يا عسل

#13

افتراضي رد: اهتمي بنفسك بسرعة ادخلووو يلا

شكراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
إظهار التوقيع
توقيع : لمعة الالماس
#14

افتراضي رد: اهتمي بنفسك بسرعة ادخلووو يلا

تسلم ياقمر
إظهار التوقيع
توقيع : زاهرة الياياسمين
#15

افتراضي رد: اهتمي بنفسك بسرعة ادخلووو يلا

العفو يا قمرات الباقي بكرا
#16

افتراضي رد: اهتمي بنفسك بسرعة ادخلووو يلا

منتظرينك ياقمر
إظهار التوقيع
توقيع : فتاة بالحياء تجملت
#17

افتراضي رد: اهتمي بنفسك بسرعة ادخلووو يلا

موضوع حلو اوى اوى اوى اوى اوى اوى اوى
ععالمفضلة على طول
واحلى تقييم لعيون حبيبتى خمس نجوم طبعا
منتظرة باقى الاجزاء وياريت تبقى تبعتيهوملى

إظهار التوقيع
توقيع : Mariam Wahid
#18

افتراضي رد: اهتمي بنفسك بسرعة ادخلووو يلا

موضوعك تحففففففففه بجد
كل شويه اقرؤه مش بزهق منه

إظهار التوقيع
توقيع : لينا العسوله
#19

افتراضي رد: اهتمي بنفسك بسرعة ادخلووو يلا

احلى موضوع شوفتو من ساعت مدخلت المنتدى
تسسلم ايدك

إظهار التوقيع
توقيع : لينا العسوله
#20

افتراضي رد: اهتمي بنفسك بسرعة ادخلووو يلا


المشاركة الأصلية كتبت بواسطة mariamwahid
موضوع حلو اوى اوى اوى اوى اوى اوى اوى
ععالمفضلة على طول
واحلى تقييم لعيون حبيبتى خمس نجوم طبعا
منتظرة باقى الاجزاء وياريت تبقى تبعتيهوملى
ده من زوقك يا مزة
من عنيا يا قمر انا بكتب الجزء الرابع اهو و كمان اي حاجة تحبيها راسليني خاص او اسأللي هنا وانا هرد عليكي علي طوول
و الجزء اللي جاي بيتكلم عن اخر اسبوع في رمضان و ازاي تنسقي وقتك بين تنضيف البيت للعيد و اهتمامك بنفسك

و هعملك اقباس او ابعتلك الموضوع اول ما ينزل علي طوول

شرفتيني يا قمرة

#21

افتراضي رد: اهتمي بنفسك بسرعة ادخلووو يلا


المشاركة الأصلية كتبت بواسطة لينا العسوله
احلى موضوع شوفتو من ساعت مدخلت المنتدى
تسسلم ايدك

من زوقك يا قمرة

تسلميلي انتي يا عسل وانا بكتب في الجزء الرابع اهوو و هعملك اقتباس علي طوول

#22

افتراضي رد: اهتمي بنفسك بسرعة ادخلووو يلا

وصل وصل وصل


الجزء الرااابع اهووووو بيتكلم عن اخر اسبوع في رمضان و تنسيق الوقت ما بين 3 حجات هما

1_تنضيف الشقة للعيد

2_ الصلاة و قراية القرأن

3_ وقتك لنفسك

اخر اسبووووع ده بيبقي بجد اكتر اسبووع كلنا بنتعب فيه

ما بين عبادة و تنضيف و وقتك لنفسك و صياام بقي


بس من دلووقتي هيبقي اسهل اسبوووع علينا كلنااا

الاسبوع الاخير ده بعدو العيد كل سنة وانتو طيبيين بس بدري شوية

هنعمل ايه بقي يا مزززززززززززز


بصي مساعدة ماما في البيت ضرووري بجد

حتي و لو بسيطة نشيل عنها شوية بتتعب عشانا كتير اوي

ف احنا هنرد شوية من تعبها


اول يوم في الاسبوع الاخير

فيه ناس بيحبة يمسحة قبل الوقفة بيوم بيومين

يس بقي ساعتها هتبقي محتاسة خصوصا لو شقتك كبيرة و مفيش حد بيساعدك

بصي احنا نبدأ من اول الاسبوع عشان قبل الوقفة بيوم ده يبقي بتاعك انتي لوحدك و كمان عمل الكحك و البسكويت بياخد وقت بردو

هتصحي من النوم تعملي اللي قولت عليه لبشرتك و غسيلها و كدا

و تدخلي اودتك تشيلي ملايات السرير و السجاجيد و تفتحي الشبابيك و البلكونات و تروحي رايحة تفتحي الدولاب طبعا هياخك بالحضن

هتنزلي هدومك و الشماعات و كلو

و تبتدي تطبقي بس مش نطبق عشوائي لا بتنظيم

لو دولابك فيه درج يبقي ده لملابسك الداخلية عشان ميبقوش في الدولاب باينين و يسببوا احراج وكدا

تحطي لبس البيت و الشورتات في صف لوحدهم و دمبهم مثلا البيجامات او لبس ينفع تلبسيه عند قرايبك مش في بيتك

و لو دولابك مفيهوش شماعات يبقي نطبق لبس الخروج و كل طقم مع بعض و لو فيه شماعات الشماعة علجاد البنطلون و البلوزة و تظمي بطريقتك انتي و لو دولابك فيه مساحة من تحت الشماعات يبقي ليه منحطش الشوزات بتاعتنا نروح الجذامة ناخد حاجتنا و نروح عند الدولاب و نحطهم تحت طب و شنط الايد ممكن دي تتعلء علي شماعات او بيبقي فيه شماعات لورا الباب تعلقي عليهم و كدا الدولاب خلص لو انتي عندك مكتب ممكن تحطي مكياجك و اكسسواراك
و تغسلي الشباك و تلمعي اي خشب في الاوضة و تخرجي الصالة تلمي السجاجيد و سجاجايد الشقة كلها و تغسليها و الستاير تتغسل و تسيبيهم ينشفو و لو حسة انك هتتعبي ممكن تلمعي بس و تسيبي المسح و الغسل لبعد الفطار و ممكن تقسمي كل غرفة يوم عشان ميبقوش كتير

يعني اعملي اوضة اوضة عشن كلو ميتكومش و مش هتعرفي تبدأي منين و كلها يومين تلات ايام و هتخلصي بدون تعب

و مننساش الصلاة و القرأن و الصيام

و ممكن يومين المسح مفيش وقت اصلا عشان تهتمي بنفسك بس عادي مش مهم هتعوضيهم لو خلصتي الشقة بدصل وصل وصل


الجزء الرااابع اهووووو بيتكلم عن اخر اسبوع في رمضان و تنسيق الوقت ما بين 3 حجات هما

1_تنضيف الشقة للعيد

2_ الصلاة و قراية القرأن

3_ وقتك لنفسك

اخر اسبووووع ده بيبقي بجد اكتر اسبووع كلنا بنتعب فيه

ما بين عبادة و تنضيف و وقتك لنفسك و صياام بقي


بس من دلووقتي هيبقي اسهل اسبوووع علينا كلنااا

الاسبوع الاخير ده بعدو العيد كل سنة وانتو طيبيين بس بدري شوية

هنعمل ايه بقي يا مزززززززززززز


بصي مساعدة ماما في البيت ضرووري بجد

حتي و لو بسيطة نشيل عنها شوية بتتعب عشانا كتير اوي

ف احنا هنرد شوية من تعبها


اول يوم في الاسبوع الاخير

فيه ناس بيحبة يمسحة قبل الوقفة بيوم بيومين

يس بقي ساعتها هتبقي محتاسة خصوصا لو شقتك كبيرة و مفيش حد بيساعدك

بصي احنا نبدأ من اول الاسبوع عشان قبل الوقفة بيوم ده يبقي بتاعك انتي لوحدك و كمان عمل الكحك و البسكويت بياخد وقت بردو

هتصحي من النوم تعملي اللي قولت عليه لبشرتك و غسيلها و كدا

و تدخلي اودتك تشيلي ملايات السرير و السجاجيد و تفتحي الشبابيك و البلكونات و تروحي رايحة تفتحي الدولاب طبعا هياخك بالحضن

هتنزلي هدومك و الشماعات و كلو

و تبتدي تطبقي بس مش نطبق عشوائي لا بتنظيم

لو دولابك فيه درج يبقي ده لملابسك الداخلية عشان ميبقوش في الدولاب باينين و يسببوا احراج وكدا

تحطي لبس البيت و الشورتات في صف لوحدهم و دمبهم مثلا البيجامات او لبس ينفع تلبسيه عند قرايبك مش في بيتك

و لو دولابك مفيهوش شماعات يبقي نطبق لبس الخروج و كل طقم مع بعض و لو فيه شماعات الشماعة علجاد البنطلون و البلوزة و تظمي بطريقتك انتي و لو دولابك فيه مساحة من تحت الشماعات يبقي ليه منحطش الشوزات بتاعتنا نروح الجذامة ناخد حاجتنا و نروح عند الدولاب و نحطهم تحت طب و شنط الايد ممكن دي تتعلء علي شماعات او بيبقي فيه شماعات لورا الباب تعلقي عليهم و كدا الدولاب خلص لو انتي عندك مكتب ممكن تحطي مكياجك و اكسسواراك
و تغسلي الشباك و تلمعي اي خشب في الاوضة و تخرجي الصالة تلمي السجاجيد و سجاجايد الشقة كلها و تغسليها و الستاير تتغسل و تسيبيهم ينشفو و لو حسة انك هتتعبي ممكن تلمعي بس و تسيبي المسح و الغسل لبعد الفطار و ممكن تقسمي كل غرفة يوم عشان ميبقوش كتير

يعني اعملي اوضة اوضة عشن كلو ميتكومش و مش هتعرفي تبدأي منين

و اهم حاجة قرأن صلاة صيام

و طبعا مفيش مجال عشان تهتمي بنفسك متقلقيش هتعوضيهم لو خلصتي بدري لان قب يوم الوقفة و يوم الوقفة هيبقوا بتوعك لوحدك


اسفة الجزء صغير اووووي

استنو الجزء اللي جاي بعد الفطااار


اي سوال تحت امركو يا مزززززززززززز

#23

افتراضي رد: اهتمي بنفسك بسرعة ادخلووو يلا

تسلمي يا قمر موضوعك رائع
واعملي جزء 3-4-5-6،براحتك يا عسل

إظهار التوقيع
توقيع : مامى 2
#24

افتراضي رد: اهتمي بنفسك بسرعة ادخلووو يلا

الجزء جامد جدا
إظهار التوقيع
توقيع : فتاة بالحياء تجملت
#25

افتراضي رد: اهتمي بنفسك بسرعة ادخلووو يلا

جميل جداًًً
إظهار التوقيع
توقيع : لينا العسوله
#26

افتراضي رد: اهتمي بنفسك بسرعة ادخلووو يلا

ممتاز جداً
إظهار التوقيع
توقيع : IRewan
#27

افتراضي رد: اهتمي بنفسك بسرعة ادخلووو يلا

موضوع جامد بجد اهنيكي عليه بس انا نفسي يكون عندي القدرة علي الاهتمام بنفسي مش عارفة الزاي حتي لو دواء مش بهتم اني اخدة وممكن لبس اقعد البسة 3 ايام متتالية ومااهتمش وكرر الاسبوع اللي بعدة عادي مع اني فيه خيارات اخري لو عنك نصيحة لية يارريت تشاركيني بيها وموضوعك حقيقي حلو اوي
#28

افتراضي رد: اهتمي بنفسك بسرعة ادخلووو يلا


يسلمو الموضوع حلو

#29

افتراضي رد: اهتمي بنفسك بسرعة ادخلووو يلا

جميل
#30

افتراضي رد: اهتمي بنفسك بسرعة ادخلووو يلا

روعه
#31

افتراضي رد: اهتمي بنفسك بسرعة ادخلووو يلا

مري علي المعلومات
#32

افتراضي رد: اهتمي بنفسك بسرعة ادخلووو يلا

روووووووعه وانتي ارووووع
Thank you

#33

افتراضي رد: اهتمي بنفسك بسرعة ادخلووو يلا

great
إظهار التوقيع
توقيع : afrag mohamed
#34

افتراضي رد: اهتمي بنفسك بسرعة ادخلووو يلا

جميله جدا
#35

افتراضي رد: اهتمي بنفسك بسرعة ادخلووو يلا

رد: اهتمي بنفسك بسرعة ادخلووو يلا
إظهار التوقيع
توقيع : حياه الروح 5
#36

افتراضي رد: اهتمي بنفسك بسرعة ادخلووو يلا

مشكورة علي الموضوع الجميل
#37

افتراضي رد: اهتمي بنفسك بسرعة ادخلووو يلا

شكرا
إظهار التوقيع
توقيع : كريمة الجزائرية
#38

افتراضي تنبيه اداري

تم نقل الموضوع من قسم العناية والجمال.
بواسطة : لحظه شروق

#39

افتراضي رد: اهتمي بنفسك بسرعة ادخلووو يلا

واااااااو ايه الجمال ده
يسلمووو ي سكر

إظهار التوقيع
توقيع : اسف انا
#40

افتراضي رد: اهتمي بنفسك بسرعة ادخلووو يلا

تشكرى ياعدوله
#41

افتراضي رد: اهتمي بنفسك بسرعة ادخلووو يلا

تسلمي
#42

افتراضي رد: اهتمي بنفسك بسرعة ادخلووو يلا

بجد الموضوع فظيييع
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
عزيزتي الزوجة [ اهتمي بنفسك ] لحياة زوجية رائعة ومستمرة بدون مشاكل او عوائق جنا حبيبة ماما نصائح وترتيبات
يلا يلا يلا يلا يلا *بقلمى 2024 بنوتة عسولة 654 أقلام عدلات الذهبية
كيفية شراء فساتين من النت وشراء ملابس اون لاين - يلا سوق ليلى وليد سوق عدلات النسائي العام
موسوعة اصنعى بنفسك للعدولاااااااااات بس happy 5o5a افكار وتجارب منزلية


الساعة الآن 04:12 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل