أو

الدخول بواسطة حسابك بمواقع التواصل

#1

جديد مواقف مضحكة من الفيس بوك

شوفوا يابنات ده كومنتات على بوستات في الفيس بوك عبارة عن مواقف ناس بتحكيها
انا نقلتهم لانهم عجبوني ويضحكوا جداااااااا



كنت راكب ميكرو باص و قاعد جنب السواق و قدامنا عربيه نص نقل مكتوب عليها جمله بخط مش واضح لاني كنت قالع النضاره المهم انا قعدت اعصر في عنيا عشان اشوفها مفيش فايده و السواق ميت من الضحك و انا مكسوف البس النضاره ليقول عليا اعمش و الا حاجه فقعدت ابحلق اوى برده معرفتش اقراها قولت مبدهاش بقى لبست النظاره و ببص لقيت مكتوب بتبحلق على ايه يا لوح دي جايه بطلوع الروح السواق من كتر الضحك ركن على جنب


كنت عامله نايمه بليل واخويا كان سهران ع النت بيتفرج ع فيلم رعب ف لقيته قام ودخل الحمام وكان فاكر البيت كله نايم كنا الساعه ٣ تقريبا ف انا قومت لبست طرحه كبيره سودا قعدت ع الارض قدام الحمام وحطتها عليا غطيت نفسي بيها تماما واول ماخرج من الحمام حركت راسي كدا علشان يشوفني وفضل يصوت يصوت ويتنطط كان بيطلع للسقف وينزل ويديني بالشلاليت وقعد نص ساعه لحد مااستوعب انى اخته وان دا مقلب


غيرت اسمى ع تليفون واحد صاحبي خليته etisalat وانا قاعد معاه رحت بعت له مسج " عميلنا العزيز ، سوف يتم خصم 20 ج مقابل خدمة وانا نازلة ادلع املي القلل لمزيد من المعلومات كلم خدمة العملاء والجحش كلمهم وانا كنت هموت من الضحك ، بس كلت علقة ، والله العظيم ياجدعان الواد لما كلم خدمة العملاء وشه احمر من الكسوف وبتاع خدمة العملاء مبقاش عارف يقوله ايه


ده موقف حصل لى من كام سنه النت كان قااطع عندى فاتصلت بالشركة TeDate فبكلم الراجل بقولة ان النت قاطع فبيقولى فى مك لمبة منور عندك فقلتله لمبة المطبخ والحمام راح قافل فى وشى طبعا انا كنت لسه صغير ومش عارف انهو قصده على الروتر ×-×


كنت بصلح كمبيوتر واحد وابنة الصغير كان واقف جنبى بعد ما صلحت الجهاز الطفل سألنى عمو هو الجهاز كان فية اية قولت له بعد كدة لما تيجى تشغل الجهاز ابقى اغسل ايديك .
بعد الكلام دة بحوالى ٨شهور قابلت ابو الطفل بالصدفة فى المترو وقالى ان ابنة لسة بيغسل ايدية قبل ما يشغل الكمبيوتر ولو مفتحش يروح يغسلها تانى


كان فاتح الفيس بتاعه من عندي ونسيه
فتحت وغيرت اسمه خليته جورج وكتبت بوسست ان (انا اعتنقت الدين المسيحي )الغريب اني اقنعته ان الي عمل كدا قراصنه النت
الي يفصلك ضحك الواد كلم امه بيقولها خلوني مسيحي ياما متصدقيش انا مسلم والله متصدقيش حاجه



ركبت المترو انا واختي وفجاه وقف تحت الارض بتسالني وقف ليه قولتلها في واحد ركب من غير تذكره فهينزلوه انخضت من المنظر وصدقت وفضلت ماسكة تذكرتها في ايدها لحد منزلنا


مرة واحدة صخبتى كانت ماشية مع صاحبها وقابلت ابوها بيسالها بيقولها مين ده . راحت قايلة للواد الشارع اللى بتسال عليه هو الشارع اللى جاى



كنت في امتحان الشفوي في الكلية .. والدكتور اول مشافني قالي مبتحضريش ليه مشفتكيش في ولا سيكشن ليه .. طبعا انا فاشلة في ااكدب روحت متقمصة شخصية ذكي رستم ةروحت قلتله انا جدي تعبان وولازم كل يوم حد انا الوحيدة الي ببقي ينفع اغيب من كليتي في اليوم دا عشان اعد اخد بالي منه .. وهو يقولي يعني مينفعش حد من اخواتك يعد غيرك قلتله لا لازم انا كلهم مشعولين يوم الاحد.. روحت لقيته بيبصلي كده ويقولي علي فكزة معاد مخاضرتي الاسبوعية اتغير من تاني اسبوع في الترم بقي يوم التلات.. الحمدلله خت مقبول ..



واحده صحبتي كانت سمره و مدايقه اوي من الموضوع دا قلتلها امسحي وشك بقطنه كل يوم بكلوركس
ماتوقعتش هاتصدقني و تعملها


من 9 سنين نزلت فيديوهات لشلة اصحاب اجانب وهما بيعملوا الكيك البشري (ترش دقيق وبعدين ميه على زميلك ) توكلنا على الله انا وتلاته صحابى واشترينا كيس دقيق 5 كيلو وفضناه فى جردل عشان يترش بسرعه ودقه وجهزنا جردلين ميه وقعدنا نفكر حنعملها فى مين احنا 4 واحد حيمسك جردل الدقيق و2 يمسكوا جرادل الميه والرابع معاه الكاميرا يصور قعدنا ندور على حد ملقيناش واحد مننا قال طيب يا جماعه فكروا انتوا وانا حطلع اشغل السخان قولتله رن على امك ولا اختك يشغلهولك راح قالى مفيش حد فى البيت عندى اصلاً كلهم راحوا عند عمتى قولتله طيب رن على ابوك قالى سافر النهارده الصبح قلتلوا انت عيل فقرى غور وتعالى بسرعه بس هو طلع من هنا والخطه اتغيرت من هنا بقت انا ماسك جردل الدقيق وصاحبى التانى جردل الميه والتالت الكاميرا والرابع هو الضحيه توكلنا على الله طلعنا وقفنا قدام باب شقته اول لما الباب اتفتح رميت الدقيق ودلقنا الميه وقعدنا نضحك بعد لما غبارة الدقيق راحت اتضح ان ابوه مسافرش وهو اللى اصبح الضحيه.
والحمد لله احنا الاربعه كنا بيتين عند خالة واحد صحابنا لمدة اسبوع



رحت ل جدو ف يوم وكانو بينضفو فيها الشقه وبيغسلو الحيطه ب الميه وفصلين الكهربا وانا عاوزه اشغل التلفزيون ف قلت لمرات خالي وصلي الكهربا وهاسعدك ف شغل الشقه قلتلى رحاب انا حامل واخاف اتكهرب قلتلها ماتخفيش انا معاكي قلتلي مهي دي المشكله انك معايا لم صممت خافت ازعل قلتلي حاضر يادوب بتشغل الكهربا وفجاه ملقتهاش قدامي تيار الكهربا نترها لورا حوالي 3 متر ولقتها وقفه مابتتحركش ولا بتصرخ حتي انا من الصدمه صوت جامد لقتها بتترعش وبتقولي مالك بتصوتي ليه ف ايه قلتلها انتي عايشه فكرتك موتي قلتلي بجد هو ايه حصل لحد مافتكرت لقتها بتصوووووووووت هي كمان وبتقول الحقوني انا اتكهربت وهاموووووووووووووووت



كنت مروح بليل متأخر جداا وكنت ساكن في حته بعد المغرب تخوف العفريت المهم كنت في فرح مروح منه الساعه واحده طبعا كلمه خايف دي شويه المهم بقي قولت اعمل ايه ومافيش نمله صاحيه جيت مصوت وقايل حريقه عند بيت فلان البيت ده بعد بتنا بحوالي 10 بيوت الناس صحيت وطلعت تجري ع الحريقه وانا جريت معاهم لحد ما وصلت بتنا وسبتهم يكملو لبيت الحريقه وطبعا مافيش حريقه مش عاوز اقولكم الناس كانت لابسه ايه وهيه طالعه تجري وكان في الصيف لكم أن تتخيلو ههههههههههه ههههههه



ف يوم ستى كانت قاعدة جنبى وانا بلعب لعبة اونلاين وبعدين سألتنى بتستفاد ايه من اللعب دى قلتلها انا بكسب فلوس ياحاجه قالتلى ازاى قلتلها كل اما اكسب فى اللعبة دى الكيسة بتطلعلى فلوس من المكان ده (CD ROM) وهى من ساعتها مصدقه



واحده بنت ناس اوى جتلنا واحنا فى الطوارىء معاها قطه دايخه وبتقولى ان القطه مهبطه من الصبح ومصره تعلقلها محلول ملح عشان ضغطها يعلى ..قلتلها احنا مستشفى اطفال حضرتك مش بنعالج القطط وانتى لازم توديها لدكتور بيطرى تخصص قطط وكلاب ...راحت قايلالى بليز اكشف عليها بالسماعه الاول وشوف حالتها خطيره ولا لا ...انا لما زهقت منها قلتلها اه حالتها خطيره اوى ولازم تعمل اشعه رنين مغناطيسى على مخها عشان شكلها كده اتزحلقت من ع السلم وهى بتجرى ورا الفيران ...بعد شويه لقيت تليفونى بيرن لقيته دكتور اشعه بيقولى انت بتتكلم بجد ولا بتهزر



مرة كنت صغيرة و اشتغلت ابن خالى اصغر منى و قولتلو ان مامتو بتتحول لدراكولا بعد المغرب اول ما تشرب ماية و فضل يا عينى خايف منها بتاع 4 شهور و مرة خلاها بتشرب ماية و راح قالها انتى ح تتحولى امتى جت قالت لمامتى و ماما قامت بالواجب بعدها



بعت عامل"زى اخويا الصغير وبينا هزار"بعته يجيبلى بيض ارانب مكنتش اعرف انه هيصدق
المهم راح وكل اللى فى السوبر ماركت بيضكو عليه وهو مش فاهم والاخر الراجل قاله خد الارنب وحاول تخليه يبيض عندك
تانى يوم ببعت واحد زميله بقوله هاتلى "منين" من الفرن وعلبة شاى أخضر
قالى هو فى شاى اخضر انا مش اهبل زيه انا مش بتاع الكلام ده ههههههههههه



بعد الثورة كل يوم ارجع من الشغل أقول لمراتي ..شفتي اللي حصل..تقولي ايه؟..اقولها ولاد ابو اسماعيل قاطعين الطريق وقتلوا 40 واحد..كل يوم كانت بتصدقني وتزعل عالناس اللي ولاد ابو اسماعيل بيقتلوهم







دى كدبه واحده صحبتى وقريبتى كان عيد ميلادها وباباها متشدد مش بيحب تتاخر بره قالتله انو فرحى وعملنا العيد ميلادوباقى التورته اخدتها قالتلهم العروسه حلفت تاكلوا منها وبعدها روحتلها البيت بعدها بيومين مش لابسه دبله مامتها سالتنى قولنالها انى سبت العريس علشان بخيل وكانت زعلانه اوى عليه وانا طبعا كنت متاثره النصيب ياحجه



زميلي في العمل ترك موبايله علي المكتب وخرج بره المكتب اخدت موبايله وعمل تعديل لاسمي عنده وحفظته بدل ما يكون اسم يبفي رقم والرقم اللي كتبته هو نفسه رقم تليفون زميلي واول ما دخل المكتب رنيت عليه وهو ابتدي يقلق ومسك التليفون وكلم خدمه عملاء موبنيل وقالهم (رقمي بيرن عليي ) الخناقه امتدت لحوالي 1/2 ساعه , والجميل في الموضوع ان اللي كانت بتكلمه من خدمه العملاء بنوته وكل شويه تسيبه علي الهولد لحد ما تخلص ضحك .... وباقي المكتب كل واحد يطلع بره يخلص ضحك ويرجع يسمع باقي المسرحيه وهو عمال يزعق بقولك رقمي بيرن عليي ... انتو نصابين ... انتم بعتوا الخط مرتين ...



مره كنت بلعب مع القط بتاعنا فرميت حاجه صغيره في ودانه ماكنتش عارفه انها مش هاترضي تطلع فضل يا عيني يهرش في ودانه وبارده مانزلتش المهم مافيش بعدها علي طول بنضف ودني بقطنة الودان لسه بدخلها خرجت البلاستكة من غير القطنه ماما خديتني علي الطوارئ في المستشفي الساعه ٢ بالليل والدكتور يحاول يطلعها مش راضيه فاماما تقوله ايه انا خايفه تسرح علي مخها وانا اقوله انا حاسه انها هاتنزل من مناخيري ياعيني الدكتور بصلنا كده بذهول وقالنا انتوا ايه اللي مصحيكوا لغاية دلوئتي



جوزي لما بيشتري حاجه جديده من الهدوم بيبقي كأنه اشتري قطعه اثار وتشتغل الوصايا العشر خلي بالك اغسلي الهدوم عل ضهرها انشريها علي ضهرها انقعيها علي ضهرها بﻻش الغساله عشان ضهرها المهم في يوم حطيت تﻻت تيشرتات جداد في طب الغسيل استعدادا لغسلهم علي ضهرهم وتلك هي النهايه دخل الكائن الفضائي العجيب ولدي الذي يبلغ من العمر سنتين ونص وحط ازازه الكلوركس اﻻبيض كلها علي التيشرتات وطبعا كانو الوان لكو ان تتخيلو الفن التجريدي اللي انبعث في التيشرتات وﻻ عزاء لضهرها وﻻ حتي وشها



قبل دخله اختي ب تلات ايام بهزر معاها هي وجوزها وبقولهم خبوني ومش هعمل صوت وبتاع قامو قفشو عليا قولت وربنا لافرجكوا
رحت جبتلها برشام صراصير وف الفرح جت لقضاها بتقولي يا ميرنا انا مصدعه اوي خلي ماما تجبلي برشام صداع.. قولتلها من عيني يا قلب ميرنا واديتها البرشامه اول ما روحت ودخلت لسه هوب لقيت جوزها بيتصل بيا وبيسبلي 100 مله xD
فيراااان يا ماماي فيراااااااان :$




مرة ايام الجامعة كنا بايتين نذاكر عند واحد صاحبنا فى شقة جده المتوفى والشقة كانت فاضية وكان معانا واحد صاحبنا بيخاف اوى قعدنا طول الليل نوهمه ان الشقة دى مسكونة وانا بنشوف فيها عفاريت اوقات طبعا هو كان على اخره بس ماسك نفسه بالعافية المهم قولنا هننام وكلنا كنا بنام فى اوضة واحدة قبل ما ننام واحد فينا ربط حبل فى الضلمة فى اوكرة الباب وبعد شوية والدنيا هدوء راح شادد الحبل مرة واحدة الباب اتفتح واترزع رزعة جامدة الواد كان نايم على كنبه تحت الشباك لقيناه بيفتح الشباك وهينط منه من الخضة واحنا فى الدور الرابع جرينا عليه علشان نمسكه ونقوله احنا بنهزر واحنا واقفين ماسكينه التليفزيون اشتغل لوحده كلنا خدنا ديلنا فى سنانا وطلعنا نجرى برة الشقه وبيتنا فى الشارع لحد الصبح ههههههههههههههه



كنت في المصيف مع العيله و خليت اختي قاعده و غرقتهاا بالميا و بعدين جريت علي الأوده بتاعتي و قفلت الباب و هي واقفه برره مستنيه افتح الباب تغرقني ، صحيت اخويا قلتله ماما عالباب افتحلها امهم ان هو فتح الباب و لبس جردل المايا في وشه ،، و قامت العركه



ابويا من النوع الديكتاتور واحنا فى شقة المصيف مكنش فيه غير تليفزيون واحد كان يمسك الريموت ويسمع اللى على مزاجه هو المهم انا نزلت حطيت على موبايلى برنامج الريموت كله ما يجيب قناه اقلب انا من الموبايل المهم هو اقتنع ان التليفزيون بايظ ودخل نام وانا سمعت اللى انا عايزه




كنت وانا ف الكليه .. مبحضرش سكشن الرياضه وكل اللى اعرفه عن الماده اسم المعيد كان شريف.. وجه المعيد ف اخر سكشن ف الترم وقال هياخد غياب السنه كلها .. وبعدين زمايلى قالولى بعديها بيوم .. طلعت مكتب المعيدين بسال على المعيد اللى اسمه شريف فواحد قالى هو مش موجود بس عاوز ايه .. قولتله انا بحضر السكاشن كلها وكان عندى ظروف ومحضرتش اخر سكشن وللاسف المعيد خد غياب السنه كلها فيه فلو حضرتك معاك رقمه اكلمه اشرحله ظروفى ... قالى انت كداب .. وشى احمر واكتشفت ساعتها انى بكلم شريف




هو موقف حصل معايا م كام يوم
بتكلم مع الراجل بتاع الغاز ع الموب وطلب ممنى اقولة رقم حاجة ف وصل م وصولات الغاز اللى عندى قولتلة ماشى
قومت اجيب الوصل وقولتلة قولى عاوز اية بالظبط منة قالى ف كلمة بلوك عندك ف مربع نص الوصل كدا قوليليى انتو بلوك كام وانا ادورر ع كلمة بلوك دى مش لاقياها اقولة ف عمارة والاسم وحاجات كتير ومفيش بلوك خالص دى يقولى طب هو انتى معاكى وصل ولا كعب اقولة وصل يقولى طب ازااااى مفيش بلوك !!!!

قعدت انا وهو حوالى 10 دقايق بالمنظر دة لحد ماراح بيقولى طب قوليلي مربع مربع مكتوب ف اية بالترتيب قولتلة كل المربعات وبردو مفيش بلوك اللى هو عاوزها دى
راح قالى انا بقالى 7 سنين شغال محصل غاز واول مرة اشوف وصل مش ف بلوك
هو قالى كدا وانا جالى زهول لثوانى وقولتلة اللى معايا وصل كهربا مش غاز
الراجل تقريبا وقع ف الارض م كتر الضحك وانا كمان
بس هو تقريبا قال انى ضاربة حاجة مع اننا كنا الصبح



مره كنت عايز صاحبي يجي معايا مشوار وماكنش رادي بيقول انه كسلان يطلع من البيت ..فبعت له رساله بقوله الحق يالا انا علي الطريق وشايف اختك واقفه مع واحد وماسك ايديها وقاعدين يضحكوا خلال خمس ثواني لقيت صاحبي قاعد علي رجلي ولقيته مطلع المطوه وبيقولي هي فين بنت ......... دي فضلت اضحك وقلت له بما انك جيت ونزلت من البيت تعالي معايا بقي المشوار علي النعمه يجي خمسه كيلوا جري وهو ورايا بالمطوه



كنت ضربت ابن خالى الصغير فى مرة و انا قاعد ف اوضتى .. لائيتة كل شوية يدخل الأوضة يشفط و يخرج يدخل يشفط شووية و يخرج .. اخر ما زهقت سالتة قولتلة بتعمل اية ياض ؟؟

قالى باخد الاكسجين من الاوضة عشان تتخنق و تموت




بابا اتوفى واحنا صغيرين اوى وكنا كل ما نعيط لماما ونقولها تجيبلنا أخ صغير كانت بتقولنا لما نخرج نبقى نروح نجيب واحد من عند عمر افندى
وانا فضلت فاهمه ان عمر افندى ده اللى بيفرق العيال الصغيرين
وكان بيجى فى بالى كل ما اشوف نونو وحش اقول مكنوش عارفين ينقو واحد حلو شويه



اخويا الصغير .. كنت العب معاه ومره استعبطه وفقولتلوا هسرق مناخيرك .. و مثلت انى اختها .. رااح مااات من العياط و يقول مش قادر اتنفس ههههههههههه وصريخ وكان مصدق اوى ..كنت اعملها فيه كل مره لحد ما كبر



كنت راكب عربيه جديده جايبها صاحب الشغلل لمراته كان ايام الحظر وحكم المجلس العسكرى وكان حاطت فى العربيه طقم كوليه دهب والمفروض انى اودى العربيه لمراته وافاجئها بيها المهم وقفونى ومش معايا ورق ولا نمر ولا اى حاجه والعربيه فيها دهب معدى ال100الف صاحب الشغل كان ماشى ورايا اول ما وقفونى نزلت قولتلهم انا مليش دعوه ودى حاجه الراجل ده وانا معرفوش خدونا احنا الاتنين واتحبسنا وصاحب الشغل يقولى انتا متعرفنيش يا ابن .....لغايه ما اثبت ان العربيه بتاعته واثبت انى شغال معاه ورفدنى بعدها



الواد هانى إبن خالتى وأنتيم الطفولة أصغر منى بسنة
بيخاف قوى من الضلمة والعفاريت وبيعشق أفلام الرعب وبيموت فى جلده منها
التلفزيون كان هايذيع فيلم إسمه الرقص مع الشيطان بتاع نور الشريف
وكل شوية يجيبوا التريلر بتاع الفيلم ويقولك فى سهرة يوم كذا
لمن لايعلم
الفيلم خيال علمى نور الشريف بيتحرك فيه عبر الزمن
وبيظهر له الشيطان فى صورة كلب إسود ضخم

هانى عاوز يتفرج عالفيلم بس خايف يشوفوه لوحده
قاللى تعالى إتفرج معايا قلتله لأ
طب هاجيبلك كذا لأ
طب خد كذا برضه لأ
ورحت عامل له الكمين
هانى قاعد عالسرير فى أوضه لها شباك عالسلم والشباك موارب
طافى النور ومشغل التلفزيون و انا واقف على السلم عالشباك
وهو مش شايفنى علشان الشاشة فى وشه
كل مالكلب يقرب شوية هانى يلم رجليه شويه
فضل يلم فيها ويرجع لورا لحد مالزق فى الحيطة وإتكلفت بالبطانية
وأول مالكلب بيطلع بشكل كامل
رحت انا ضارب الشباك فاتحه ومهوهو بصوت عالى
هانى شهق وراح مغمى عليه
وخدنا يجى ساعة على ماقدرنا نفوقه

مرة تانية كنت قاعد قدام البيت عندهم والنور قطع
لقيته طلع من البلكونة نده على الفكهانى وقالله إحدف لى كبريت
عرفت إنه خايف حتى يدخل المطبخ يجيب كبريت ولا ولاعة
رحت طاير على فوق طلعت له وكمنت له
أول ماولع عود الكبريت رحت قايله هوووووف وطفيته
هانى طلع عالمكتب بضهره إزاى ماعرفش
طلعت أجرى فى الشارع وهو يجرى واريا مدة مايقارب ساعة




اتصلت بواحد صاحبي من زمان عل الأرضي ووالدته ردت عليا قلتلها ده بيت كريم قالتلي أيوا ،قلتلها معاكي المقدم أشرف محروس ( كدب ) ياريت تشرفينا في قسم امبابة ،قالتلي يالهوي ،هو عمل ايه ابني قلتيلها لما تشرفينا وياريت تيجيبي معاكي هدووم لأنه محتاج لهدووم قالتلي قلقتني هو ممسوك في ايه بالظبط ابني يا فندم وصوتها قلقان جدا ،قلتيلها هو ليه قريب اسمه أحمد كامل،قالتلي أيوا ،ياريت تقولي عمل ايه ،،هو عموما ممسوك في جيلي ،، قالت نعم ! قولتيلها كريم اتمسك وهو بيأكل جيلي والشلة مش بتحب الجيلي . واحلى شتيمة تسمعها في التليفون بس هي عارفني و كانت سيدة متزنة وعاقلة وعارفة أن ابنها كان فاقد ومتوقعة أي شئ منه وكريم ذات نفسه كان مبسوط جدا بمقلب امه ! ،لولا كده مكناش عملنا فيها المقلب ،



لو عجبوكم هبقى اكمل الباقي



إظهار التوقيع
توقيع : الملكة نفرتيتي
#2

افتراضي رد: مواقف مضحكة من الفيس بوك

ههههه تحفه كملى بسرعه

إظهار التوقيع
توقيع : ana menna
#3

افتراضي رد: مواقف مضحكة من الفيس بوك

جوزي لما بيشتري حاجه جديده من الهدوم بيبقي كأنه اشتري قطعه اثار وتشتغل الوصايا العشر خلي بالك اغسلي الهدوم عل ضهرها انشريها علي ضهرها انقعيها علي ضهرها بﻻش الغساله عشان ضهرها المهم في يوم حطيت تﻻت تيشرتات جداد في طب الغسيل استعدادا لغسلهم علي ضهرهم وتلك هي النهايه دخل الكائن الفضائي العجيب ولدي الذي يبلغ من العمر سنتين ونص وحط ازازه الكلوركس اﻻبيض كلها علي التيشرتات وطبعا كانو الوان لكو ان تتخيلو الفن التجريدي اللي انبعث في التيشرتات وﻻ عزاء لضهرها وﻻ حتي وشها




اتصلت بواحد صاحبي من زمان عل الأرضي ووالدته ردت عليا قلتلها ده بيت كريم قالتلي أيوا ،قلتلها معاكي المقدم أشرف محروس ( كدب ) ياريت تشرفينا في قسم امبابة ،قالتلي يالهوي ،هو عمل ايه ابني قلتيلها لما تشرفينا وياريت تيجيبي معاكي هدووم لأنه محتاج لهدووم قالتلي قلقتني هو ممسوك في ايه بالظبط ابني يا فندم وصوتها قلقان جدا ،قلتيلها هو ليه قريب اسمه أحمد كامل،قالتلي أيوا ،ياريت تقولي عمل ايه ،،هو عموما ممسوك في جيلي ،، قالت نعم ! قولتيلها كريم اتمسك وهو بيأكل جيلي والشلة مش بتحب الجيلي . واحلى شتيمة تسمعها في التليفون بس هي عارفني و كانت سيدة متزنة وعاقلة وعارفة أن ابنها كان فاقد ومتوقعة أي شئ منه وكريم ذات نفسه كان مبسوط جدا بمقلب امه ! ،لولا كده مكناش عملنا فيها المقلب ،


كلهم حلوين يا جوجو انا مش قادره امسك نفسى من الضحك وكملى فى انتظارك

إظهار التوقيع
توقيع : zozoweza
#4

افتراضي رد: مواقف مضحكة من الفيس بوك

هههههههههههه يسلمو
إظهار التوقيع
توقيع : روزة
#5

افتراضي رد: مواقف مضحكة من الفيس بوك

ههههههههههههههههه ههههههههههههه
يجننووو تسلمي كتيييير ضحكتيني

إظهار التوقيع
توقيع : امونه احمد
#6

افتراضي رد: مواقف مضحكة من الفيس بوك

يسلمووووووووو
#7

افتراضي رد: مواقف مضحكة من الفيس بوك

هههههههههههههه
ههههههههههههه
ههه
ههههههه
ههههههههههههه
هههههههه
فظيييييع يا حبى
ربنا يسعدك

إظهار التوقيع
توقيع : حسناء
#8

افتراضي رد: مواقف مضحكة من الفيس بوك

كنت ضربت ابن خالى الصغير فى مرة و انا قاعد ف اوضتى .. لائيتة كل شوية يدخل الأوضة يشفط و يخرج يدخل يشفط شووية و يخرج .. اخر ما زهقت سالتة قولتلة بتعمل اية ياض ؟؟
قالى باخد الاكسجين من الاوضة عشان تتخنق و تموت
هههه
في انتظارك

إظهار التوقيع
توقيع : τнє τɪмє σf sυиsєτ
#9

افتراضي رد: مواقف مضحكة من الفيس بوك

ههه ضحكت من قلبي حقا
ارجوكى كملى بسرعة [mention=39550]الملكة نفرتيتي[/mention];

إظهار التوقيع
توقيع : بنوتة عسولة 654
#10

افتراضي رد: مواقف مضحكة من الفيس بوك

نورتوني ياقمرات ان شاء الله اكمل انهاردا

إظهار التوقيع
توقيع : الملكة نفرتيتي
#11

افتراضي رد: مواقف مضحكة من الفيس بوك

اتاخرتى علينا ليه ياقمرتنا [mention=39550]الملكة نفرتيتي[/mention]; خير ان شاء الله
إظهار التوقيع
توقيع : بنوتة عسولة 654
#12

افتراضي رد: مواقف مضحكة من الفيس بوك

روووعة يا احلى عدولة
إظهار التوقيع
توقيع : al asraa
#13

افتراضي رد: مواقف مضحكة من الفيس بوك

Hhhhhhhhhh
إظهار التوقيع
توقيع : فتاة بالحياء تجملت
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
الا بيحصل على الفيس ، حال بعض الإخوة و الأخوات على الفيس بوك ، نصيحة عن الفيس ندى ام منوعات x منوعات - مواضيع مختلفة
اتيكيت الفيس بوك ام سيف 22 فن الاتيكيت والتعامل مع الآخرين
الفيس بوك وتأثيره على علاقتك الزوجية!✘✘✘ مسلمة مصرية الحياة الزوجية والاسرية
كيف تقلل من إدمانك على الفيس بوك؟ ندى ام الكمبيوتر والانترنت
سلسلة الرجال مواقف للشيخ حسين يعقوب emanway08 صوتيات ومرئيات اسلامية


الساعة الآن 04:27 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل