أو

الدخول بواسطة حسابك بمواقع التواصل

#1

حصرياً تجربتي الشخصية مع الحمل ومراحله,تسمم الحمل,كيفية تفادى تسمم الحمل

تجربتي مع الحمل






تجربتي الشخصية مع الحمل ومراحله,تسمم الحمل,كيفية تفادى تسمم الحمل


تجربتي الشخصية مع الحمل ومراحله,تسمم الحمل,كيفية تفادى تسمم الحمل



شوفوا ياحلوات
أنا ليا 3 تجارب مع تسمم الحمل وربنا كتبلى النجاه الحمد لله
وكتب النجاه لبنوتين ورحم واحدة منهم اللي هي مايا رحمها الله
أسأل كل من تقرأ موضوعى بقراءة الفاتحة على روحها وعلى روح أموات المسلمين جميعا
ندخل في الموضوع علطول عشان ماتملوش منى
أنا بس محتاجة منكم تشجيع بانكم تقروا الموضوع بكامله وأكيد حيفيد كتير من العدولات لان فيه حاجات كتيرة قوي ماكنتش أعرفها عن تسمم الحمل وماعرفتهاش الا بعد مادورت كتير جدا لتفادى المشكلة دى وانها ماتوقعنيش في مشكلة أكبر
أنا أولا والدتى ماعندهاش غيري واتوفى بعدى 3 أولاد ومش عايزة أقولكم الموضوع ده سببلي صدمة وعقدة في حياتى ازاى؟
لما رحت وعرفت انى حامل أول مرة طبعا ماكانش عندى أى خبرة في الحمل غير اللي كنت بشوفه مع والدتى
بس جالى عرض الدوخة وآلام في الثدي ودخول للحمام أكرمك الله بطريقة غير عادية وخز شديد ومغص بالبطن يعني يعتبر زى أعراض الدورة الشهرية ماعدا طبعا الدوخة ودى أصلا كانت موجودة عندى لأسباب غير معروفة عشان كده ماشكتش انى حامل غير لما اتأخرت البريود وفضلت أسبوع لحد ماعملت التحليل وكنت عملته كمان عند طبيبتي
الأول كشفت عليا بالسونار وشافت ان جدار الرحم سميك وطبعا بتبقي أول التغيرات اللي بيشوفها الدكتور من بادئ الحمل
وقالتلي اعملى التحليل وطلعت النتيجة ايجابية والحمد لله فرحت جدا بالخبر ده بس كنت بتمني ان جوزى يبقي موجود بس للأسف كان مسافر
المهم كتبتلي علي الأدوية اللازمة منها دوا لتثبيت الحمل
وطبعا الفوليك اسيد
بصراحة ماحسيتش بأول 3 شهور الأولى لانى قضيتهم نايمة باستمرار عرى مانمت بعمق زى مانمت الأيام دي
بس طبعا ماكنتش عارفة آكل خالص وقتها وقضيت غالب أكلى فاكهة وكان بيديني الغذا اللى محتاجاه
بس كانت حصلتلي مشكلة في 3 شهر صحيت من النوم على خبر ان زوجة خالي حتولد بدري عن معادها وأنا بعتبرها زي اختي تمام واحنا كمان من نفس العمر المهم نزل عليا بقعة دم كبيرة أنا بصراحة كانت أعصابي هادية لكن كنت طبعا خايفة من رد فعل ماما وزعلها ورحت أنا وقريبتي للدكتورة بقت ملخومة فينا احنا الاتنين وادتني حقن مثبتة للحمل وقعدت 4 أيام والدم ينزل عليا بس البقعة بتخف كل يوم عن التانى لحد مالدم اترفع نهائيا
دخلت على 3 شهور اللي بعدهم دايما بتبقي أحلى مرحلة عند الحوامل بترجع شهيتك زى ماكانت عادي وبتقدري تغذي نفسك كويس وعدوا عليا بسلام بس جيت علي أول الشهر السادس كان بيجيلي مغص جامد وفضل يزيد عندى الدكتورة ادتني دوا يهدي الطلق المبكر اللي بيجيلي بس برضه ماكانش بيروح وجاتلى سخونية ماعرفش ايه سببها؟ وفضلت بالأيام بعمل كمادات باردة وباخد خافض للحرارة الدكتورة شكت في ان السخونية كان سببها التهاب الغدة اللعابية اللي كان موجود عندى وده كان ممكن يسبب السخونية وفي نفس الوقت المغص بيزيد والدكتورة تزودلى الحبوب اللي كنت باخدها اسمها جينبرال بس عيبها انها زودتلى دقات قلبي لان جرعة الحبوب بقت كل 4 ساعات
وطبعا وصلت لدرجة انى مابقيتش عارفة آخد نفسي خالص وبنفس الوقت كمان المغص مش بيسكت غير انى طول الشهر السادس مش بنام خالص غير ساعتين باليوم زيدي عليها كامن حسيت ان بطني صغرت هو طبعا بطني كانت تعتبر صغيرة بس حسيت انى كأنى مفيش أى زيادة حتى بحجم الرحم وطبعا لان حصل نقص في الأكسجين الواصل للجنين وبالتالى بيبقي حجم الجنين صغير وطبعا رحت للمستشفي لان ضغطى ارتفع كان وقتها 160/110 وكمان لما كشفت لقت ان عندى التهاب حاد بالمسالك البولية والمثانة متورمة تماما وده طبعا كان سبب السخونية اللي اتكلمت عليها وقعدت في المستشفي 10 أيام مابتنفسش غير بالأكسجين الصناعى وباخد جينبرال بالتنقيط البطئ يعني الكانيولا ماكانتش بتفارق ايدي وكمان كان عندى التجلط سريع كل ربع ساعة الدكتورة تدخل تسلك الكانيولا ألم رهيب بعيد عنكم والله وابتديت من وقتها كمان آخد اسبيرين بروتكت 100 عشان تعمل سيولة للدم عندى والحمد لله الأمور استقرت دخلت للشهر السابع وأخدت في حقن لزيادة حجم الجنين طول الشهر السابع والتامن كمان لحد مابتدت بطني تكبر وحسيت أخيرا انه ظهر عليا مظهر الحامل مش عايزة أقولكم أنا من الأول اتنفخت وبقى شكلى وحش يعني اتصدقوش خرافة ان الأم بتحلو في حملها بالبنت ماحصلش معايا خاااااااااالص في أى بنت حملت بيها من أولها بتنفخ وكمان بتطلعلى حبوب رهيبة بوجهي وكتيرة المهم بعيدا عن الشكليات
كنت ماشية علي خرافة ماشتريش أى ملابس للبيبي الا في الشهور الفردية يعني 3,5,7,9 كنت بشترى كل شهر منهم بعض الحاجات وماحسيتش بأى مشكلة بشرا حاجات البيبي ولحد مارجليا بقت وارمة جدا جدا وبقيت بتسند على جوزى طول فترة الشهر التامن عشان أمشي في الشقة وكانت الدكتورة دايما بتقولى بسبب تقل الجنين
المهم جيت بعد مامر اسبوع في الشهر التاسع وكنت خلاااااااااااااص جايبة آخرى ومش قادرة أستحمل أنا طبعا كنت مرعوبة من فكرة الولادة الطبيعية كمان فمكنش عندى مانع من الودلاة القيصري بس كمان أنا كانت رجلى ورمت تماما بشكل مخيف ويقلق وجهزت حاجتى وحاجة كنزى ورحت على الستشفي يوم الجمعة 21/3/2008 وولدت الساعة 3 عصرا وجات الأميرة كنزى ونورت حياتى
طبعا كل ده ماكنتش أعرف مصطلح تسمم الحمل أنا بس كنت أعرف انه ارتفاع في الضغط زى ماما بس مش أكتر
تابعوا معايا ثاني حمل وولادة وازاى حصلي تسمم حمل
وربنا نجانى ازاى؟




إظهار التوقيع
توقيع : مايا علي
#2

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

أنا عارفة ان الموضوع كبير وممكن تكونوا مليتوا منه بس اعتبروه كأنه حدوتة أنا عارفة انها حدوتة مملة بس صدقونى أنا كنت بحتاج حد يفهمنى ولو أقل التفاصيل خصوصا ان ماما نست كل حاجة وكنت بتحرج دايما من سؤال الدكتورة وده غلط كبير اوعوا تقعوا فيه زيى لان الدكتور مهمته يفهم مريضه كل حاجة ويتابعه بكل المشاكل اللى ممكن تحصل
ماعلينا دلوقتى بحكي حملى التانى في مايا

المرة دي عرفت بدرى شوية عملت التحليل بعد 5 أيام من تأخير البريود وظهر الحمل في التحليل علطووووووووووول
طبعا قبل الحمل استعديت رحت كشفت واطمنت على وضع الرحم والمبايض عندى واتأكدت ان مفيش مشكلة من حدوث الحمل وادتنى شوية أدوية أمشي عليها يعني فوليك اسيد ودوا الاسبيرين اللي كنت باخده وفيتامينات مهمة عشان يبقي جسمي مستعد كنت كمان استعدت رشاقتى تماما يعني بالعربي مفيش حاجة تمنع
وحصل الحمل وفرحت المرة دى أكتر من المرة اللي قبلها كان بعد وقت برضه كنزى كان عندها 4 سنين
وشاركت كنزي من أول ماعرفت وكانت مبسوطة ومترقبة زيي تمام
عدوا أول 3 شهور بنفس الدوخة والغثيان وكثرة التبول
بس ضغطى كان منخفض جدا وكمان كان بيجيلي هبوط في مستوي السكر بس لما دخلت الرابع راحت المشاكل دى من عندى وعرفت انى حامل ببنوتة وفرحت جدا أنا وباباها وكنزى وطلبت كنزى اننا نسميها مايا
في أول 3 شهور قابلتني مشكلة الاجهاض المنذر وكمان الشيمة كانت نازلة وطبعا علاجها الراحة مش أكتر لحد ماعدا أول 3 شهر بمشاكله تانى 3 شهور بيبقوا مريحين جدا عندى وعرفت انى حامل ببنوتة متاخرة المرة دى لانها كانت على وضع السجود دايما عرفت في منتصف الشهر الخامس طبعا في كنزي عرفت في الشهر الرابع
والحركة بتحسي بيها تانى مرة بدرى
كانت حركتها ماشاء الله عليها نشطة وجميلة بصراحة حركتها كانت بتسلني كتير لدرجة ان باباها قبل مايسافر شغله بيكلمها وينادى عليها وحاطط ودانه على بطنى فاتحركت كان مبسوط جدا
أنا جالى المرة دى في الشهر الخامس التهاب في المرارة واخد ليه علاج وابتديت آخد بالى كويس من أكلى مايبقاش دسم وعدت الحد لله المشكلة دى وابتدا الألم عندى يخف
طبعا وقتها كانت مشكلة قطع الكهرباء ومع التهاب المرارة كان افراز العرق عندى مضاعف ومن هنا بدأت مشكلتى مع تسمم الحمل
ابتديت أحس ان فيه تقل وأنا بعمل حمام بس افتكرت ده عادى يمكن تقل من الجنين وعملت تحليل أول الشهر السابع تحليل بول ودم كامل طلع التحليل عادي مافهوش مشكلة نسبة بسيطة جدا من الصديد بس رجلة كانت ورامة جدا من الشهر السادس واتقال ان ده التهاب مفصلي روماتيزمي وبقيت أعمل كمادات عليها ورافعة رجلى علطول بس مفيش فايدة وفي التحليل ظهر أثر للزلال قالت الدكتورة برضه عادي لحد ماوصلت آخر شهر رمضان كان آخر الشهر السابع عندى والألم بيزيد عندى كل ماعمل حمام وآخر كشف في رمضان لقت الدكتورة ان ضغطى 130/90 ومن هنا الضغط بيعلي زيادة والدكتورة قالتلي انها مش متفائلة بالضغط ده ومشيت من عندها وانا بتألم من كل مكان بجسمي عدا عليا أسبوع العيد وأنا حاسة ان فيه حاجة غريبة بحصل جوا جسمي مش متطمنالها بس الأمر لله من قبل ومن بعد
طبعا الأسبوع ده الأحلام والكوابيس كانت بتطاردنى بشكل مخيف اقرا قرآن وأشغل قرأن مفيش فايدة وبرضه بقت مش بنام الا الصبح
كل ده لا قست ضغطى ولا حاجة أنام آخر يوم في العيد وأقوم من النوم كل حاجة فيا وارمة جريت علي الدكتورة مع قريبتي لان والدتى كان عندها شرخ بمفصل الفخذ
وأول مادخلت على الدكتورة اتصدمت من منظرى وقالت ده شكل ولادة
واتفاجأت بان ضغطى 180/110 وطلبت طبعا انى لازم أدخل فورا المستشفي وفعلا رحت وقعدت معايا قريبتي لكن الفرق المرة دي انى كنت فهمت مصطلح تسمم الحمل
ايه الأعراض اللي ظهرت عليا وبرضه ماكنتش فاهمة
تقل في البول لان كان عندى التهاب بالكلى
صداع رهييييييب
تشوش بالرؤية عندى
ألم في الجهة اليمين تحت القفص الصدري بالضبط
الورم اللى في رجلى بقي لحد الركبة في حين انه كان في القدم بس
علمت تحليل بول بالعافية لان كيلتي ابتدت تقف عن العمل والسبب ان نسبة الصديد وصلت 70/80 نسبة عالية جدا
ابتدت تديني مضاد حيوي ودوا للضغط العالى لكن تاني يوم الدكتورة جاتلي الصبح تسمع نبض مايا للأسف ضعيف واتحركت يومها حركة واحدة أخيرة وبعدها ماتحركتش خالص نمت العصر شوية قمت جفنى اليمين مقفول تماما وفكي اليمين معووج وحاسة بشد في عضلات جسمي
جات الدكتورة فورا و طبعا قررت الولادة وادتنى حقنة كبريتات ماغنسيوم عشان تمنع من تشنج باقي الجسم
وقالت تاني يوم حاولد الساعة 8 صباحا يوم الاثنين
وكل ده وكليتي واقفة عن العمل مش بدخل الحمام خالص يعني كليتي وقفت تقريبا 24 ساعة
دخلت العمليات واخدت البنج النصفي وفشلت صاحية معاهم شوية بس كان عندى غثيان شديد فالدكتور خدرنى ونمت وقمت بحالة سيئة جدا وطبعا مايا دخلت الحضان
وعرفت انها ان طلعت حتبقي تغذيتها عن طريق أنبوب التغذية لمدة 6 شهور لان كان عندها قصور في التنفس ودخلت وشفتها كانت حالتها سيئة جدا نفسها طالع نازل باستمرار كأنها بتنهج
وقت في سري ربنا يرحمها لانها حتتعذب بوجودها في الدنيا كتير
وروحت تانى يوم
علي بالليل البنت تعبت جدا ودكتورة الجراحة للأطفال عملت ليها عملية أولى برضه مش قادرة تتنفس وعملت عملية تانية برضه مفيش فايدة اتوفت الساعة 6 صباحا وكل ده أنا مش عارفة طبعا حاجة خالي ومراته متابعين الحالة من بالليل ولقيتهم جايين الساعة 9 صباحا عشان بابايا يروح معاهم عشان يمضي علي تقرير اذا احتاجت عملية مارضوش يقولولى حاجة لان الدكورة طلبت منهم انهم يبلغونى تدريجيا
وعرفت الخبر الساعة 1 ظهرا أرجو انها ماتكونش اتعذبت قوى
رحمها الله بيتهيألى من سردى للحمل الثاني الأمور أوضح لتسمم الحمل أكتر
تابعونى في ثالث تجربة للحمل واللى ربنا مارضاش يكسر بخاطرى ولا خاطر اللى حواليا واستجاب لدعوات كتيييييييير منكم هنا في المنتدى تابعونى في حملي بجني بنت المنتدى

إظهار التوقيع
توقيع : مايا علي
#3

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل


نيجي بقي لمعاناتى التالتة مع تسمم الحمل وازاى قدرت أواجهه المرة دي بالفهم بحقيقة المشكلة
الصراحة بعد وفاة مايا كنت اكتئبت طبعا وحالتى كانت سيئة جدا وبقيت مابفكرش غير في انى أحل وبأسرع وقت
بالرغم من انى معارضة دائما ان الواحدة تحمل بسرعة لان الجسم بيكون مرهق جدا بعد الحمل وأنا طبعا طلعت من علقة جامدة والحمد لله كليتي اشتغلت بعد الولادة تانى بعد أخد مضادات حيوية بالحقن
وضغطى رجع لطبيعته بعد مرور شهر بعد الولادة طبعا بالأدوية للضغط العالى والدكتور بيسحب الدوا تدريجي من الجسم
لكن مخي وتفكيري مابطلش في موضوع الحمل
دخلت كتير جدا وبحثت أكتر عالنت في موضوع تسمم الحمل وخدت النصائح اللى حامشي عليها في الحمل لما ربنا يأذن بالحمل تانى
وماأخدتش أى وسيلة منع حمل لانى بمشي بالحبوب والحبوب بترفع الضغط وأنا ماكنتش عايزة مشاكل
وتم الحمل بعد 4 شهور فقط وعرفت المرة دي من تانى يوم من تاخر البريود بصراحة الواحدة لما بتعرف بدرى بتبقي رخمة لان الوقت بيبقي طويل لكن أنا كنت متشوقة انى أطمن وأعرف انى حامل ولا لأه
واتصلت بطبيبتي وقلتلها وقالت أمشي علي ايه من الأدوية؟
لحد ماأروحلها بعد 10 أيام
وفعلا رحتلها وقالتلى بعد الكشف بالسونار ان الكيس صغير ومش باين ولازم أروحلها بعد أسبوع تانى يمكن يكون حصل التبويض متأخر وفضلت على أعصابي لحد مارحت واطمنت وقالت ان الوضع طبيعي ومافيش حاجة تقلق ومشيت من الأول على مثبتات للحمل والفوليك اسيد والاسبيرين والاوميجا 3 مهم جدا للي بيجيلها تسمم حمل بيوصل الأكسجين كويس وبيظبط حجم الجنين
وفضلت ماشي عليه طول الحمل هو ومثبت الحمل كان لبوس مهبلي والاسبيرين
طبعا أول المشاكل اللى قابلتنى في أول 3 شهور الاجهاض المنذر برضه لان الرحم تعبان عندى أصلا والمرارة اشتغلت عندى بدرى المرة دي لما وصلت للشهر الرابع ارتفع ضغطى 130/90 طبعا الصيدلي لما لقاه كده قاللي عادى لكن أنا ضغطى طبيعته اما منخفض أو 120/80 فلما يرتفع للرقم ده يبقي فيه مشكلة عملت تحليل بول علطول من غير ماكلم الدكتورة طلع عندى نسبة صديد وأثر للزلال وكنت عملت كمان تحليل يوريك أسيد الخاص بالنقرس كانت النسبة عندى 6 طبعا بالنسبة للحامل مش حلو
طبعا مش عايزة اقولكم اكلى من بعد الولادة كان رسمى تماما يعنى كنت باكل كله مسلوق والسمك مشوى وعليه ملح بسيط جدا يعنى انتم لو دقتوه مش حتعرفوا تاكلوه
بس المضطر يركب الصعب
منعت اللحمة تماما والبقوليات عشان النقرس وبقي اكلى كله اما سمك أو فراخ مسلوقة وماكنتش باكل المشوية عشان التوابل خصوصا أنا بحط توابل منوعة في أكلى
الوقت كان بيعدى عليا بصعوبة حتى كتير هنا بالمنتدى حسوا نفس الاحساس معايا والاكتئاب كان أكبر مشكلة عندى من خوفى وقلقي من تكرار التجربة الأليمة وطبعا سببلى قلة نوم
وجبت من أول ماارتفع ضغطى جهاز قياس الضغط الزئبقي من أفضل الأجهزة بعد ماسئلت دكتورتى وسألت دكتور القلب بتاعى لانه أدق في القياس طبعا ماكنتش أعرف ازاى القياس لكن دورت في النت واتعلمت وبقيت أقيس لنفسي الضغط مرتين باليوم وأتابع حالتى طبعا ضغطى فضل مستقر على نفس القياس كنت باخد حبوب الدوميت وكل مادخل شهر جديد كل ماضغطى يرتفع زيادة ورجلى برضه كانت ورمت بدرى
خليت بالى من غير مالدكتورة حتى تقولى انى أعمل تحليل بول ويوريك اسيد كل شهر لحد ماوصلت الشهر السادس بقيت اعمل تحليل البول مرتين وطبعا بتابع مع الددكتورة لو ارتفع ضغطى بتصل بيها وبقولها وهى بتقولى اتصرف ازاى؟
طبعا دكتور الكلى طلب منى شرب المياه بكثرة بقت زجاجة المياه في ايدى باستمرار ومش ببالغ فعلا كانت علطول معايا
وطبعا جالى الطلق المبكر من الشهر السابع وابتديت آخد حبوب تهدى الطلق وبالرغم من انها بتتعب قلبي جدا سواء جينبرال أو ريتوبار لكن استحملت وصممت انى أعدى الفترة دى طبعا كله باذن ربنا لكن الوضوع محتاج منك شوية صحصحة للأعراض اللى عندك لو مش مظبوطة وتصميم وارادة وثقة بان ربنا مش حيخذلك دى أهم نقطة فيهم
وعدا السابع وأنا بنفس الحال وضغطى بيرتفع والحبوب بتزيد حسب الحالة
لكن لما دخلت الشهر التامن حسيت بان بطنى مشدودة جامد وكنت مؤلمة ولما شافتها الدكتورة قلقت منها لان البطن بتبقي بالشكل ده وقت الولادة وزودت جرعة اللبوس اللى باخده عشان يرخى البطن
لكن قالت احتمالات ولادتى ممكن تبقي في منتصف الشهر التامن وقالت ان وزن الجنين كيس لكن محتاجين حاجة تسرع شوية
ادتنى جرعة حقن للرئة مكثفة اللى هى ديكساميثازون
وحقن تزود حجم الجنين
وبصراحة كنت بدى لنفسي الحقن ومن كترها كنت مش قادرة لكن كنت بصبر نفسي لليوم اللى حاضمها في حضنى
رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل
وكنت مبسوطة جدا بحركتها وجوزى كان بيراقب دايما حركتها
رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل
ضغطى في الوقت ده وصل 160/100
والمغص عندى مش راضى يسكت أخدت حقن باسكوبان المركب لكن مافيش فايدة الطلق بيزيد ادتنى الدكتورة حقن ديكثاميسازون تانى
استعدادا للولادة
ورحت يوم السبت 31/8 عشان أولد الساعة 6 صباحا
وعلى الفجر أخدت حبوب الضغط زى الدكتورة ماقالت بكمية صغيرة جدا من المياه لان ضغطى كان 190/110
طبعا الدكتورة ولدتنى في مستشفي تانية فيها حضانA1
ودخلت غرفة الولادة وأخدت حقنة البنج النصفي استنى انها تعمل حاجة أبدا مش راضية تشتغل حكيت لدكتور التخدير انى حلمت قبل كام يوم نفس الموقف بان حقنة البنج ماعملتش مفعول ضحك وماصدقنيش وحطوا الساتر عند البطن والدكتورة بتعمل أول شق قلتلها أنا لسه حاسة وانى بحرك رجلى لسه قالولى ازاى؟
المهم الدكتور خدرنى ببنج كلى بس بجرعات عشان الضغط العالى
وخرجت من غرفة العمليات وأنا مش فاكرة أى حاجة ومابقيتش مدركة لأى حاجة وحصلى نزيف داخل غرفة العمليات ولما خرجت كمان وحصلى هبوط حاد بالدورة الدموية لان الهيموجلوبين نزلت نسبته من 11,5 لغاية 4 طبعا حصل ده بسبب الحمل ورا حمل سبب ارهاق للرحم
واتنقلي دم مرتين واخدت حقن حديد
طبعا جنى دخلت الحضان بعد ماكانت معانا في الغرفة عادى لكنها ازرقت وقالوا لازم تدخل الدفاية الأول لانها سقعانة بس استدعت حالتها انها تدخل برضه حضان
طبعا كل ده أنا ماعرفش عنه حاجة لانى كنت فاقدة الوعى وعلى بالليل لما اتحسنت شوية نزلتلها وقالوا ان حالتها سيئة بالرغم من انهم نبهوا على المشرفة على حالة جنى انها ماتبلغنيش بحاجة لان حالتى كانت سيئة لكن برضه قالتلى وانهارت طبعا لما عرفت بس قلت يارب ماليش غيرك اجعل تعبى بفايدة وعشان ح
خاطر كنزى بنتى لانها حالتها كانت سيئة هى كمان
قعدت 4 ايام بالمستشفي لكن مافيش تحسن بحالتى علطول بصرخ ببطنى وظهرى ومفيش ولا مسكن بيجيب نتيجة والدكتورة اصرت انى لازم أروح لان اللى عندى بسبب حالتى النفسية من المستشفي وفعلا أول ماروحت راح كل الوجع
وبقيت على اتصال بالمستشفي دايما مستنية يقولولى انها اتنقلت من أول مرحلة ويوم بعد يوم بتصل لحد ماتشالت من أول مرحلة اللى هى بتبقي كأنها جوا بطنى لسه ودخلت المرحلة التانية ومن مرحلة لمرحلة كانت تدينى أمل وكنت بروحلها وطلبت من الممرضة انى ألمسها لانى قريت ان اللمس والكلام مع البيبي في الحضان بيبقي مهم جدا وبيساعد البيبي انه يستعيد صحته بسرعة وبعدها استودعها في الله وأمشي لحد مالدكتور في يوم طمنى على حالتها وقال انها بتستجيب كويس جدا بس برضه مش راضي يطمن قلبي امتى حتخرج؟
وفي اليوم العاشر اتصلوا بينا وقالوا حضروا هدوم جنى
الفرحة ماكنت سايعانى وحضرت حاجتها ورحت أخدتها ورضعتها قبل مانمشي وضميتها لحضنى وروحنا علي البيت السعيد اللى كان ماليه الفرحة بقدوم جنى ليه
رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل
وعملنا أحلى سبوع لجنى وكنزى مبسوطة قوى بيها
وبتحبها جدا
ربنا مايحرمش حد من النعمة الغالية دى
ولكل أم مش حاسة بقيمة اللى معاها بقولها خلى بالك من النعمة اللى ربنا ادهالك لانها غالية قوى قوى ومش بتيجى بالساهل
والى اللقاء مع حمل جديد
ههههه بضحك طبعا الحمد لله على عطيته ليا

تابعونى لسه ماخلصتش

إظهار التوقيع
توقيع : مايا علي
#4

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

وهنا شرح وافى لتسمم الحمل بعد ماسردت ليكم تجربتي مع تسمم الحمل
يارب أفيدكم زيادة
رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل
تسمم الحمل Eclampsia

رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

يمكن تعريف تسمم الحمل على أنه حالة من التشنجات أو الغيبوبة ليس لها علاقة ولا تمت بصلة لحالة أخرى من حالات المخ التي من الممكن أن تسبب ذلك , وهي تحدث عند السيدات الحوامل , وقد تكون مسبوقة بما قبل تسمم الحمل preeclampsia . ومع أن معظم الحالات التي تحدث تكون موجودة خلال الثلاث شهور الأخيرة من فترة الحمل , أو خلال 48 ساعة من بعد الولادة , فإن حالات نادرة تم تسجيلها مبكرا عن ذلك, وقبل إتمام الأسبوع 20 من الحمل , وحالات أخري تم تسجيلها تأتى متأخرة عن ذلك , وبعد 23 يوم من الوضع , وقد تم تسجيل حالات لتسمم الحمل دون أن تكون مسبوقة بما قبل تسمم الحمل .

تولد المرض
وقد اقترح العديد من المهتمين أن حدوث المرض يعود إلى عوامل وراثية, و مناعية , و عوامل تتعلق بالغدد الصماء , و الغذاء , و العدوى كأسباب مسئولة عن تولد المرض . وبالرغم من الأبحاث الموسعة , لم يتم الوصول إلى سبب محدد . و المشيمة و أغشية الجنين من الممكن أن يكون لها دور كبير بدليل تحسن الحالات بعد الولادة , وأيضا القصور في الإمداد الدموي للمشيمة و الرحم , من الممكن أن يكون مرتبط بتولد المرض , فالعلماء يفترضون أن القصور في الإمداد الدموي للمشيمة و الرحم يهيئ لإنتاج و إطلاق وسائط كيماوية حيوية biochemical mediators تدخل الدورة الدموية للأم وتسبب خلل وظيفي واسع النطاق لبطانة الرحم , كما تسبب تضيق وانقباض بشرايين الجسم بشكل عام , و تسمم الحمل يسبب نقص وقصور في وظائف أعضاء الجسم المتعددة مثل الجهاز العصبي المركزي , و الدم , و الكبد, و الكلى, و القلب , و الجهاز الدوري, وشدة المرض تعود إلى عوامل طبية , وعوامل تتعلق بالحمل.


القصور في وظائف أعضاء أجهزة الجسم من الممكن أن يشمل الآتي:


القلب والدورة الدموية

تقلص عام بالأوعية الدموية .
زيادة مقاومة الأوعية الطرفية .
زيادة ضخ الدم من البطين الأيسر .
نقص ضغط الدم الوريدي المركزي .
نقص الضغط الشرياني الرئوي .
الدم
نقص حجم البلازما .
زيادة لزوجة الدم .
زيادة تركيز الدم .
زياد القابلية للتجلط .
الكلى
نقص معدل الترشيح الكبيبي .
نقص سريان البلازما في الكلى .
نقص تنقية حامض البوليك .
الكبد
نخر الخلايا حول الوريد البابي .
تلف بخلايا الكبد .
تجمع دموي تحت غلاف الكبد .
الجهاز العصبي المركزي
تجمع السوائل بين خلايا نسيج المخ .
نزف بالمخ .
حدوث المرض بين الأعراق المختلفة
يحدث المرض دون تفضيل عرقي واضح بين الأجناس , ولكن ربما يكون حدوثه أكثر في الولايات المتحدة بين الأمريكيين من أصل إفريقي .


نسبة حدوث المرض
في الولايات المتحدة 5% من حالات الحمل تصاب بما قبل تسمم الحمل , ومن هؤلاء من 0.5-2% يتقدم المرض و يصابون بتسمم الحمل , و يزداد المرض بين السيدات ذوى مستوى المعيشة المنخفض اقتصاديا و اجتماعيا , و حالات تسمم الحمل توضع في الحسبان كحالات تسبب اعتلالات ووفيات لكل من الأم والطفل.


الاعتلالات والوفيات
يسب تسمم الحمل سنويا حوالي 50,000 حالة وفاة بين الأمهات على مستوى العالم, وفى الولايات المتحدة تناقص عدد الوفيات حاليا مع التشخيص المبكر للحالات و العناية المكثفة بالمرضى إلى أقل من 1%. وكذلك انخفض عدد وفيات الأجنة بسبب تسمم الحمل , ولكن مازالت النسبة الآن حوالي 12 %.


و الإعتلالات الناشئة من تسمم الحمل عند الأم من الممكن أن تشمل تلف دائم بالجهاز العصبي نتيجة التشنجات المتكررة , أو النزف داخل الجمجمة , والقصور الكلوي, والوفاة . أما أسباب وفاة الأطفال حديثي الولادة فتشمل الولادة قبل اكتمال النمو, و احتشاءات المشيمة placental infarcts, و تأخر نمو الجنين داخل الرحم, و انفصال المشيمة عن بطانة الرحم abruptio placentae و نقص الأكسوجين بجسم الجنين.


علاقة عمر الحامل بحدوث المرض
يصيب تسمم الحمل جميع الأعمار , ولكن تزيد نسبة الإصابة بين الحوامل لأول مرة في عمر ما تحت العشرين عام , وما بعد سن الأربعين .


وهناك عوامل تزيد من خطر الإصابة بتسمم الحمل أهمها

عدم الحمل حتى سن ما بعد 35 عام .
نقص العناية الطبية قبل الولادة .
وجود ارتفاع بالضغط قبل الحمل أو مرض بالكلى .
وجود تاريخ مرضى بالأسرة أو العائلة .
مرض الذئبة الحمراء الجهازية .
حالات الحمل التي يصاحبها وفرة أو غزارة خملات المشيمة chorionic villi, مثل الحمل في توائم, و الحمل العنقودي molar pregnancies , واستسقاء الجنين الغير مناعي nonimmune hydrops fetalis .
توقيت حدوث تسمم الحمل
25% من حالات تسمم الحمل تحدث قبل الولادة .
50% من حالات تسمم الحمل تحدث أثناء الولادة .
25% من حالات تسمم الحمل تحدث بعد الولادة .
أعراض تسمم الحمل
صداع بالرأس (82,5 %) .
زيادة بالانعكاسات العصبية (80 %) .
وجود بروتين بالبول (52%) .
وجود انتفاخ وتورم بالجسم نتيجة وجود سوائل بين خلايا الأنسجة (49 %) .
اضطراب بالبصر (44,4 %) .
ألم بالناحية اليمنى العليا من البطن أو ألم بمنطقة المعدة (19 %) .
وقبل حدوث التشنجات بعض المرضى تكون حالتهم كالآتي :
عدم وجود انتفاخ أو تورم نتيجة تجمع سوائل بين خلايا أنسجة الجسم (39 %) .
عدم وجود بروتين بالبول (21 %) .
انعكاسات عصبية طبيعية (20 %) .
أما بالنسبة للتشنجات فحوالي 70% من تشنجات تسمم الحمل تسبق الولادة . كما أن السيدات اللاتي يعانين من تسمم حمل شديد يكن معرضات لخطر حدوث تشنجات بقدر كبير . أيضا 25 % من مرضى تسمم الحمل يكون عندهم حالة معتدلة من ما قبل تسمم الحمل .
علامات تسمم الحمل
تشنجات تسمم الحمل:
من الممكن أن يحدث التشنج للمريض مرة واحدة أو أكثر .
يستمر التشنج بصفة عامة من 60 إلى 75 ثانية .
يتغير وجه المريض become distorted في بداية التشنج مع حدوث بروز بالعينين protrusion of the eyes.
قد تحدث رغوة بالفم foaming at the mouth .
يتوقف التنفس ceases أثناء التشنج the duration of the seizure.
ويمكن تقسيم التشنج إلى مرحلتين:
المرحلة الأولى: تستمر من 15-20 ثانية وتبدأ بتقلص بعضلات الوجه, و يصبح الجسم متصلب, ويؤدى ذلك لحدوث انقباضات عضلية تشمل الجسم كله .
المرحلة الثانية: وتستمر 60 ثانية تقريبا وتبدأ بالفك السفلى, ثم تتجه نحو عضلات الوجه والجفون, ثم تنتشر لتشمل كافة الجسم وتبدأ العضلات في تبادل الانقباض و الانبساط في تعاقب سريع .
سبب التشنجات
لم يتضح للآن سبب التشنجات , بالرغم من أن عمليات متعددة تدخل في إحداثها , ومنها التقلص الشديد بالأوعية الدموية للمخ والتي تحدث قصور بؤري focal ischemia لتدفق الدم يكفى لإحداث تشنجات, وأيضا التغير الحادث لتدفق الدم , وتجمع السوائل بين خلايا نسيج المخ تسبب صداع, و اضطراب بالبصر, و اعتلال المخ بسبب ارتفاع الضغط hypertensive encephalopathy.

غيبوبة تسمم الحمل
وهى مرحلة من فقدان الوعي أو الشعور تعقب المرحلة الثانية من التشنج

يستمر التشنج فترة متغيرة.
عقب مرحلة الغيبوبة من الممكن أن تستعيد المريضة بعض الشعور .
تصبح المريضة في حالة تهيج وميالة للعراك.
لا تتذكر المريضة أنها حدث لها تشنجات.
تعقب التشنجات التوترية الارتجاجية tonic-clonic seizure , فترة من التنفس السريع العميق، وهى عملية تعويضية للحموضة التنفسية واللبنية respiratory and lactic acidosis التي تحدث أثناء توقف التنفس apneic phase .
المضاعفات الناشئة من التشنج تشمل عض اللسان, كدمات الرأس, وكسور العظام والاختناق نتيجة شفط الإفرازات بالفم.
التحاليل و الفحوص
لا يوجد تحليل واحد أو مجموعة من التحاليل تفيد في التنبؤ بمصير المولود أو الأم المصابة بتسمم الحمل .
وتشمل التحاليل :

رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل
رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

عد كامل لكرات الدم .
عد الصفائح الدموية .
بول 24 ساعة لتقدير البروتين والكرياتنين.
الأملاح المعدنية .
وظائف الكبد .
حمض البوليك .
سكر الدم .
يحدث انخفاض في عد الصفائح الدموية عند 17% من السيدات المرضى بتسمم الحمل. ويكون التخثر المنتشر بالدم نادر عند السيدات المرضى بتسمم الحمل.

وتشمل فحوص الأشعة

أشعة مقطعية على الرأس بالصبغة أو بدون صبغة والتي من الممكن أن تجرى لبعض حالات تسمم الحمل, بغرض استبعاد حالات أخرى مثل التجلط الوريدي بالمخ cerebral venous thrombosis , والنزيف داخل الدماغ intracranial hemorrhage , وأمراض الجهاز العصبي المركزي , وهى حالات مشابهة لتسمم الحمل من الممكن أن تحدث أثناء الحمل . والأشعة المقطعية من وسائل الفحص الآمنة عند إجرائها بعد الثلاث الأشهر الأولى من الحمل , كما يكشف هذا الفحص - عند نصف المرضى بتسمم الحمل - عن طبيعة الخلل الموجود بالمخ , ولذلك فهي تفيد أيضا في تشخيص المرض .
أشعة الرنين المغناطيسي (Magnetic resonance imaging (MRI: والتي تكشف عن طبيعة الخلل عند حوالي 90% من مرضى تسمم الحمل .
علاج تسمم الحمل و العناية الطبية
تعتبر حالات تسمم الحمل من حالات الطوارئ التي تحتاج لعلاج صحيح وكامل , للتقليل من الإعتلالات والوفيات . ولو أن المريضة حدث لها تشنج في المنزل فإنه يجب إدخالها المستشفى , وعادة ما يكون إدخال المريضة المستشفى وهى في غيبوبة , ويجب العناية بهذه الحالات بواسطة فريق من الأطباء (ويفضل المتخصصين في الولادة) والتمريض المؤهلين , كما يجب أن يظل هؤلاء المرضى تحت المراقبة الطبية المكثفة , كما ينبغي وضعهم في غرفة للولادة تحت المراقبة الطبية , وتكون الغرفة بعيدة عن الضوضاء أو المحفزات الخارجية.
العلاج الأولى: كما هو في كل حالات التشنج يجب العناية بتحرير المسالك التنفسية, و إعطاء الأكسوجين الكافي, كما توضع المريضة على الجانب الأيسر لتحسين سريان الدم بالرحم , وعدم انسداد الوريد الأجوف السفلى نتيجة ضغط الرحم الذي به الجنين , كما يجب العمل على عدم تعرض الحامل لإصابة أثناء التشنج , وتوضع قطعة من الشاش بين الأسنان لمنع عض اللسان , ويتم شفط الإفرازات الموجودة بالفم .
بعد نهاية التشنجات يتم عمل خط وريدي intravenous line , لسحب عينات للتحليل والفحص , ولإعطاء محاليل لتعوض السوائل التي تخرج من الجسم .

السيطرة على التشنجات: لا ينصح بالتدخل في التشنج الأول بتقصيره أو إلغاؤه , ويعطى كبريتات الماغنسيوم في العضل أو الوريد بإبرة حقن تحتوى على 2-4 جرام لمنع مزيد من التشنجات .
عمل التحاليل والفحوص: بأخذ عينات وإرسالها للتحليل .
ضبط ضغط الدم : يجب قياس ضغط الدم كل 10 دقائق , وضبط الضغط بإعطاء دواء مضاد لارتفاع ضغط الدم .
المراقبة Monitoring: يتم مراقبة الحالة العصبية , وكمية البول , والتنفس , وحالة الجنين , وإبقاء قسطرة فولى Foley catheter لفترة بالمثانة البولية لجمع البول وتقدير كميته . كما يتم مراقبة الضغط بالشريان الرئوي, والذي يكون ضروريا لضبط سوائل الجسم , وخاصة عند المرضى الذين يعانون من تجمع سوائل بين خلايا النسيج الرئوي , أو انعدام البول أو نقصه .
تقييم الحالة :ويتم بعد انتهاء التشنجات , واستعادة المريضة لوعيها , وعندما تستقر حالة المريضة يتم إحداث التوليد .
الولادة: الولادة هى علاج تسمم الحمل بعد استقرار حالة المريضة , ويجب عدم عمل محاولات للتوليد إلا بعد مرور التشنجات والغيبوبة , ويتم اختيار طريقة الولادة سواء كانت بدون عملية قيصرية أو بعملية قيصرية , حسب المعايير الطبية مع أفضلية الولادة بدون قيصرية لحالة الأم , وعند عدم وجود وضع غير طبيعي للجنين fetal malpresentation أو ضيق جنيني fetal distress , تعطى مادة الأوكسيتوسين oxytocin لإحداث الولادة وذلك عند وصول الحمل إلى 30 أسبوع أو أكثر , أو عندما يكون عنق الرحم ضمن المعايير التي تسمح بإحداث الولادة favorable cervix, أما في الحالات التي لا يصل فيها الحمل إلى 30أسبوع أو أقل أو يكون عنق الرحم لا يناسب إحداث الولادة unfavorable cervix تجرى عملية قيصرية بعد انتهاء التشنجات والغيبوبة واستقرار حالة المريضة , ويكون اختيار إنهاء الحمل بسبب الخطورة العالية للتعرض لمضاعفات في الحمل الذي لم يتم 30 أسبوع , وأهمها تأخر نمو الجنين والضيق الجنيني وحدوث انفصال بين المشيمة والرحم .
مراقبة الجنين: يتم مراقبة شدة انقباضات القلب , ومعدل نبضات قلب الجنين . ونقص معدل نبضات الجنين Fetal bradycardia يحدث في العادة بعد انتهاء التشنجات بخمس دقائق ويستمر من 30 ثانية إلى 9 دقائق , وتلو ذلك يحدث سرعة ضربات القلب بشكل مؤقت وعابر Transitory ويمكن تفسير هذا التغير بقلة سريان الدم إلى الرحم بسبب تضيق الشرايين أثناء التشنجات وزيادة نشاط الرحم uterine hyperactivity , وإذا لم تتحسن نبضات الجنين بعد انتهاء التشنجات فإن ذلك يسبب تأخر اكتمال نمو الجنين .
العناية الجراحية
قد تحتاج المريضة بتسمم الحمل , إلى إجراء توليد عاجل بعملية قيصرية وفق حالة الأم والجنين.
يكون استقرار حالة المريض وانتهاء التشنجات والغيبوبة له أهمية قبل إجراء عملية قيصرية حيث أن إجراء العملية قبل ذلك من الممكن أن يزيد من نقص البول ويزيد من مضاعفات المرض .
من المهم إخبار طبيب التخدير بحالة الأم


أنا عارفة ان موضوعى طويل جدا جدا وأكيد انتوا مليتوا بس فيه من الحوامل اللي بيصابوا بتسمم الحمل عايزين معلومات باستيفاء ويقروا تجارب عشان يفهموا أكتر أنا كنت بدور كتير علي حالات زيي عشان أفهم
تابعونى

إظهار التوقيع
توقيع : مايا علي
#5

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل
في حالة إجراء العملية القيصرية ضمن ظروف غير طارئة , يفضل التخدير فوق الأم الجافية epidural anesthesia وذلك مع الوضع في الاعتبار عدم حدوث هبوط لضغط دم الأم.

العناية المتخصصة والمشورات التي تحتاجها الأم والجنين: تحتاج المريضة إلى متخصص ذو خبرة في مجال الولادة , ومتخصص في مجال طب صحة الأم و الجنين, وفي حالة نزول جنين ناقص النمو يكون هناك احتياج لطبيب أطفال حديثي الولادة .

الغذاء

الأم المريضة بتسمم الحمل لا يقدم لها شيء عن طريق الفم إلى حين استقرار حالتها .
أثناء التشنج تعطى أهمية للعناية بالمسالك التنفسية مع مراعاة عدم اختناق المريض بمحتويات المعدة بسبب حدوث قيئ .
نشاط المريضة
لزوم المريضة الفراش يكون إجباريا وصارما .
نوم المريضة على الجانب يساعد تدفق الدم من الرحم إلى الجنين .
الأدوية التي تعطى للمريضة
يكون الهدف من إعطاء الدواء هو التقليل من الاعتلال ومنع المضاعفات وتصحيح تسمم الحمل
الأدوية المفضلة هى كبريتات الماغنسيوم , والفنيتوين , والديازيبام , والهيدرالزين , واللابيتالول , والنيفديبين .
مضادات التشنج Anticonvulsants
كبريتات الماغنسيوم Magnesium sulfate: كشفت دراسات عديدة عن أن كبريتات الماغنسيوم هى الدواء المفضل لعلاج تشنجات تسمم الحمل , وهو ينجح في السيطرة على التشنجات في 95% من الحالات , ويمنع تكرار حدوثها , واستخدامه له أهمية أيضا بالنسبة للجنين حيث يزيد من تدفق دم الرحم إلى الجنين, وهو يقلل انطلاق مادة الأستيل كولين acetylcholine عند اتصال الأعصاب بالعضلات at the motor endplate , كما أنه يفلل من تأثير عنصر الكالسيوم على العضلات competitive antagonistic effects with calcium. وله تأثير بسيط أيضا في إنقاص ارتفاع ضغط الدم , ويمكن إعطاؤه بالحقن العضلي أو الوريدي ويفضل الحقن الوريدي لسهولة التحكم بالكمية المعطاة ولأنه يسبب ألم عند حقنه بالعضل .
الفنيتوين Phenytoin : تم استخدامه بنجاح في تشنجات تسمم الحمل , ومراقبة القلب تكون لها أهمية نظرا لحدوث بطء بضربات القلب , وانخفاض للضغط يصاحب إعطاؤه , ويمكن إعطاؤه بالفم لأيام حتى تستقر حالة المريضة .
الديازيبام Diazepam : تم استخدامه في حالات طارئة من تسمم الحمل .
الأدوية المخفضة لضغط الدم المرتفع Antihypertensives
ارتفاع الضغط المصاحب لتسمم الحمل يتم السيطرة عليه بانتهاء التشنجات
تستخدم الأدوية المخفضة لضغط الدم عندما يكون الضغط الانبساطي أكثر من 110 مم زئبق , ويكون الهدف من تقديم العلاج هو الاحتفاظ بالضغط الانبساطي عند معدل من 90 إلى 100 مم زئبق , ويكون لاستخدام الأدوية المخفضة للضغط هدفين , الأول هو التقليل من احتمال اعتلال الأم ووفاتها المصاحب للتشنجات و تقليل حدوث العجز البؤري بخلايا المخ بسبب قصور إمداد المخ بالدم strokes , أو صمة الشريان الرئوي pulmonary embolism , والثاني هو التقليل من احتمالات اعتلال الجنين ووفاته الناشئين عن الحد من نمو الجنين داخل الرحم أو انفصال المشيمة عن جدار الرحم, وعند حدوث انخفاض سريع لضغط الدم , فإنه يحدث انخفاض لإمداد الرحم بالدم يصاحبه توسع بالأوعية الدموية للرحم , وهذا يسبب أيضا نقص إمداد المشيمة بالدم من الرحم , وبالرغم من أن سوائل الجسم عند السيدة المصابة بتسمم الحمل تكون زائدة , إلا أن حجم الدم يكون أقل , ولذلك يجب تجنب استخدام مدرات البول بدون تقدير سابق لحجم الدم .
والأدوية المستخدمة لتخفيض ضغط الدم هى : الهيدرالزين ,واللوبيتالول , والنفيديبين .
الهيدرالزين hydralazine يخفض الضغط من خلال إحداث توسع للأوعية الدموية , وهو يساعد في زيادة سريان الدم للرحم , ويعالج زيادة الضغط عند 95%من حالات تسمم الحمل .
اللوبيتالول labetalol قد يستخدم كبديل للهيدرالزين في تسمم الحمل .
النيفديبين Nifedipine وهو يسبب توسع في الأوعية الدموية , واستعماله أقل قبول في حالات تسمم الحمل.
المتابعة
يجب متابعة ضغط الدم , والحالة العصبية للمريضة , وكمية البول .
يجب متابعة المريضة بخصوص العجز المتبقي كأثر للتشنجات , وأيضا تعليم المريضة .
الوقاية
من خلال الرعاية قبل الحمل .
من خلال التشخيص المبكر , والعلاج المكثف .
المضاعفات
حوالي 65% من حالات تسمم الحمل يصبن بعجز مؤقت ويشمل ذلك فقدان البصر .
معظم السيدات لا يحدث لهن عواقب على المدى الطويل من أثر التشنجات , ومع ذلك يجب متابعتهن حتى الشفاء التام .
قد تحدث وفاة للأم أو الجنين كأثر لتسمم الحمل .
التنبؤ بمصير المرضى
حوالي 25% من السيدات اللاتي أصبن بتسمم الحمل , يكون لديهم ارتفاع بضغط الدم في مرات الحمل اللاحقة .
فقط 5% من السيدات الذين لديهم ارتفاع بضغط الدم يحدث لهم حالات شديدة من تسمم الحمل .
حوالي 2% من السيدات اللاتي يصبن بتسمم الحمل يحدث لهم تسمم حمل آخر في مرات الحمل التالية .
السيدات اللاتي يحملن مرات متعددة , واللاتي يصبن بتسمم الحمل , يتعرضن لخطر الإصابة بضغط الدم الأولى أو الأساسي.
السيدات اللاتي يحملن مرات متعددة ويصبن بتسمم الحمل , تكون معدلات الوفاة بينهن أعلى من اللاتي يحملن لأول مرة .
تعليم المرضى
يجب تعليم المرضى , وتقديم النصح لهن طوال فترة المرض , وطوال فترة وجود أي مشاكل متبقية .
يجب تعليم المرضى تجنب ومنع الإصابة بتسمم الحمل في مرات الحمل التالية , من خلال العناية الكافية قبل الحمل .
إذا كانت المريضة تعانى من ارتفاع ضغط الدم قبل الحمل , فإنه يجب ضبط ضغط الدم قبل الحمل , وخلال قترة الحمل , كما يجب متابعة حالتها جيدا بغرض التشخيص المبكر, والعلاج لتسمم الحمل في حالة ح
دوثه .
تابعونى

إظهار التوقيع
توقيع : مايا علي
#6

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

خلاصة تجاربى
1.اهتمي بأكلك كويس وفي حالة انك معرضة لتسمم الحمل بلااااااااش الأكل الحادق خالص وخليكي في الأكل الصحي صدقيني الموضوع يستاهل انك تستحملى شوية

2.تابعي مع الدكتورة وأى حاجة بتشكي فيها اتصلي بالدكتور أو روحى فورا واتبعي دايما حدسك لانه غالبا بيطلع صح
3.اهتمى بالتحاليل المطلوبة منك وخصوصا تحليل البول واليوريك اسيد لان أى خلل في الكلى بيرفع الضغط فورا
4.سيبي مهلة بين الحمل والحمل عشان جسمك يستريح ويستعيد عافيته.
5.اهتمى بالكالسيوم ومصادره لان نقص الكالسيوم ممكن يسبب تسمم حمل.
6.اهتمى بالحديد ومصادره واعملى تحليل دم كامل عشان قلة الهيموجلوبين بتسبب نزيف أثناء وبعد الولادة.
7.صلي وادعى ربنا وارقري قرآن وارقي نفسك وجنينك واستودعيه عند ربنا وان شاء الله ربنا مش حيكسر بخاطرك.
8.هاتى جهاز قياس الضغط الزئبقي في البيت لانه مهم عشان تتابعي الضغط مش حتفضلي تنزلى كل شوية ومش صعب علي فكرة خالص انك تتعلميه.
أخيرا بتمني لكل حامل انها تقوم بالسلامة هي والبيبي ويفرح قلب كل مشتاقة
رد: تجربتي الشخصية مع الحمل ومراحله,تسمم الحمل,كيفية تفادى تسمم الحملماتنسوش تقيموا موضوعى لانى تعبت فيه جدا بصراحة

إظهار التوقيع
توقيع : مايا علي
#7

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

اللهم ارحم مايا ويجمعك بيها فى الجنه باذن الله
وتفرحى ببناتك يا عسل
الف شكر للموضوع حبيبتى ولمجهودك

إظهار التوقيع
توقيع : هبه شلبي
#8

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

تسلمى حبيبتى لتقديرك
نورتينى

إظهار التوقيع
توقيع : مايا علي
#9

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

ورمتي قلبي الله يكون في عونك
ويفرحك في بناتك وتشوفيهم احلى عرايس

إظهار التوقيع
توقيع : روزة
#10

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

متميزه كعادتك مايا
تسلمى حبيبتى على مجهودك

إظهار التوقيع
توقيع : ام طاطو
#11

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

عيطيتى وفرحتينى
ربنا يرحم مايا ويجمعك بيها على خير
وبعد عمر مديد وسعيد مع بنوتاتك الحلوات
رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

إظهار التوقيع
توقيع : Frawla
#12

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

انا قريتة كله بصراحة كتر خيرك في الي اتحملتية كله
ربنا يجزيكي كل خير ويحفظلك بناتك

إظهار التوقيع
توقيع : الملكة نفرتيتي
#13

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

بجد مجهود مميزة
ربنا يجزيكى كل خير
ربنا يفرح قلبك يا امانى ياارب




إظهار التوقيع
توقيع : ندى ام
#14

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

الحمد لله على سلامتك حبيبتي وسلامة البنوتات الحلوات ربنا يخليهملك

ربنا يرحم مايا ويجعلها حورية من حوريات الجنة

ألف شكر ع الموضوع المفيد جداااااااااا

ربنا يرزق كل مشتاقة يارب ويرفحكم كلكم بالنعمه دي

#15

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

تسلمولي يالغاليات
نورتونى

إظهار التوقيع
توقيع : مايا علي
#16

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

حمدالله علي سلامتك ياقمر وربنا يرزقك بمولود كمان بس ان شاء الله من غير تعب ولا أي سوء بإذن الله
إظهار التوقيع
توقيع : حياه الروح 5
#17

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

تسلميلي حبيبتى وربنا يرزق الجميع ان شاء الله من غير قلق
إظهار التوقيع
توقيع : مايا علي
#18

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

[IMG]https://www.***- /vb/storeimg/img_girls-ly1363828886_961.gif[/IMG]

إظهار التوقيع
توقيع : فلسطين
#19

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

ربنا يجعل كل الالام اللى اتحملتيها فى ميزان حسناتك
ويباركلك فى كنزى وجنى و ربنا يجعلهما من الصالحات

إظهار التوقيع
توقيع : توتى 1
#20

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

تسلمى حبيبتى
ويباركلك فى وﻻدك يارب نورتينى

إظهار التوقيع
توقيع : مايا علي
#21

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

يسلموووووو حبيبتى وربنا يخليلك بناتك

إظهار التوقيع
توقيع : محبه لله
#22

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

تسلمى حبيبتى وربنا يباركلك بولادك يارب نورتينى
إظهار التوقيع
توقيع : مايا علي
#23

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

موضوع جميل و جهد مميز
ربنا يباركلك فى بناتك ويبارك فيكِ

إظهار التوقيع
توقيع : ام سلمة
#24

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

ربنا يخليلك ولادك
انا برده اصبت بتسمم حمل و ضغطي كان عالي و الكلي كمان تعبت و خدن ابر الرئة و عشت مواويل
بس الحمد لله مرت بسلام

إظهار التوقيع
توقيع : زهرة الأوركيدا
#25

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

تسلميلي ياام سلمة نورتينى
وحمد الله على سلامتك يازهرة اﻷوركيدا وان شالله يترب ماتشوفى وحش ابدا
نورتينى

إظهار التوقيع
توقيع : مايا علي
#26

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

ياااااه يا امانى
انا كنت عارفه انك تعبانه فى حملك
بس ما كنتش اعرف للدرجه دى
حمد لله ع السلامه
وربنا يحفظهملك يارب

إظهار التوقيع
توقيع : قصرالاحلام
#27

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

الله يسلمك حبيبتى والحمد لله على كل حال
نورتينى حبيبتى

إظهار التوقيع
توقيع : مايا علي
#28

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

مشكورهع الطرح الرائع
إظهار التوقيع
توقيع : ♥ احبك ربى ♥
#29

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

تسلميلي حبيبتى
إظهار التوقيع
توقيع : مايا علي
#30

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

حمد لله على السلامة و تسلمي على الافادة
#31

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

الله يسلمك ياقمر نوتينى
إظهار التوقيع
توقيع : مايا علي
#32

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

ربنا يباركلك ويجازيكي خير كل الخير بالدنيا واﻷخره يااااااارب
#33

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

موضوعك اكتر من هايل
#34

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

موضوع مهم فعلا
الحمد لله على سلامتك

إظهار التوقيع
توقيع : نسمة مساء
#35

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

شكرااااااااااااااااااااااا
#36

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل


المشاركة الأصلية كتبت بواسطة krkro111
ربنا يباركلك ويجازيكي خير كل الخير بالدنيا واﻷخره يااااااارب
تسلمي حبيبتى اللهم آمين يارب نورتينى


المشاركة الأصلية كتبت بواسطة ايمان1981
موضوعك اكتر من هايل
تسلمي ياقمر نورتيني


المشاركة الأصلية كتبت بواسطة نسمة مساء
موضوع مهم فعلا


الحمد لله على سلامتك
الله يسلمك ياقمر نورتيني


المشاركة الأصلية كتبت بواسطة minamira62
شكرااااااااااااااااااااااا

نورتيني

إظهار التوقيع
توقيع : مايا علي
#37

افتراضي رد: تجربتي الشخصية مع الحمل ومراحله,تسمم الحمل,كيفية تفادى تسمم الحمل

جزاكي الله خير
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
ملف شامل كامل متكامل عن كل ما يخص الحمل جاسمين77 مرحلة الحمل والولاده
مواضيع منوعه عن الحمل مهمه شوشو السكرة مرحلة الحمل والولاده
الحمل واعراضه وطريقة تشخيصه عرين مرحلة الحمل والولاده
موضوع كامل عن الحمل عند المراة وكل مايخصه واعتنااء بطفلهاا وهو في رحمهاا نٌےـجَےـوِى ٱلجَےـزٱئريّےـة31 مرحلة الحمل والولاده
ماذا تعرفي عن تسمم الحمل ؟؟؟؟؟ هاااااااااااام جدا هبة هيثم مرحلة الحمل والولاده


الساعة الآن 07:23 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل