أو

الدخول بواسطة حسابك بمواقع التواصل

#1

مميز أنا لو من جوزك ولا خطيبك كان زمانى رميتك فى النيل( للبنات فقط



بس المشاكل اللى هى بتحصل بسبب الست واللى بتعليلى الضغط وترفع مرارتى انا شخصيا
فما بالكوا بالمساكين الرجالة يعملوا ايه

يعنى قبل ماتكلم بس محدش يقوللى ماهو فى رجالة عايزة الشنق
انا معاكوا يا اوختشى فى رجالة تستاهل الاعدام رميا بالشباشب بس احنا هنمسك ناحية الست

وممكن نيجى على الست شوية صغننين عشان العقل زينة

والمركب تمشى


نبتدى بقى فقع المرارة مع بحضينا

-تلاقى الست بتشتكى تقوللك ايه

1-أبقى كانسة الشقة ومسحاها ومنضفاها وقلباها وشها فى قفاها والبيت بربرق وطالع عينى
وييجى المحروس من الشغل يدخل بالشوز بتاعه ويدوس على السجادة الحزينة على شبابها

وطبعا الشوز مليان تراب من الشارع وطينة بقى ويكسل يقلعها

يعنى هو لو قلعها وهو داخل هايتكسح

(ده على اساس انه داخل جامع يعنى)

ويدخل يترمى على الكنبة

ويرمى القميص فى حتة والشراب فى حتة

وطبعا البنطلون جوا فى الاوضة بلاش قلة ادب

ههه


**طيب تعالى كده بذمتك لو انتى جاية من الشغل وتعبانة برا طول النهار
حتى لو كان قاعد على مكتب 24 ساعة اهو برا البيت وده لوحده تعب

وجاى فى المواصلات ولا حتى فى عربيته

والدنيا زحمة وواقف فى الاشارة من أيام الهجرة

وفى الاخر يروح وميصدق الباب يتفتح عشان يدخل يترمى على الكنبة

ويقلع الهدوم اللى كابسة على نفسه دى

ده انتى بنفسك لو نزلتى تشترى كيس ملح وروحتى البيت

مابتصدقى تدخلى ترمى الطرحة ولا الهدوم وتاخدى نفسك فما بالك هو بقى



يبقى الحل اييييييييييه>>>>>>>>
سيبيه يدخل ويرتاح ويعمل اللى يعمله وانت كده فى خلال 5 دقايق تكونى جبتى المكنسة ومشيتيها على السجادة هتلاقيها زى الفل

لان انتى قبل كده المفروض يعنى انك منضفة الشقة ومخلياها تمام فمش هتحتاج مجهود دى حاجة بسيطة

وتلمى الهدوم وخلاص على كده

ولا هاتخسى ولا ايدك هاتنقص صوباعين

يعنى هو انتى بتعملى وتنضفى لمين مش ليه

ولا هى هتفضل نضيفة كده على طول


2-تقوللك يوم الاجازة ياخده كلللللللله نوم
وافضل اصحى فيه وهو متبت فى المخدة زى السحلية اللى متشعلقة فى فرع الشجرة

ويصحى يفطر وينام

وبعدين يصحى يتغدى وينام

وبعدين يصحى يتعشى

وطبعا طبعا

ينام

والست تفضل من جواها تلعن اليوم اللى شافت فيه خلقته واتجوزته

وتقول انا كان مالى ومال القرف ده مانا كنت قاعدة فى بيتنا معززززززززززززة مكرمة

وبصحى قبل المغرب بساعتين واسهر على فتكات براحتى

وهو طبعا نايم ولا فى دماغه اصلا


**طيب تعالى كده حطى نفسك مكانه
لو انتى لمدة 6 ايام فى الاسبوع

بتصحى بدرى ومش بتاخدى كفايتك فى النوم

وتروحى الشغل وتيجى هلكانة

وتنامى عشان تصحى تانى بدرى وهكذا

بدون فاصل

بذمتك مش هاتبقى نفسك تخبطى دماغك فى الحيطة عشان الصداع وقلة النوم

ده انتى لو ابنك لسة بيبى وسهرك ليلة ولا اتنين بتبقى شبه المحششين وبتقعدى تقولى يا ليل يا عين

طول النهار

وبتبقى هتموتى وتريحى ساعة ولا اتنين

فما بالك هو بقى 6 ايام رايح جاى زى اللى شغال فى ساقية

وكل ده عشانك مش عشان الجيران يعنى


يبقى الحل اييييييه>>>>>>>>>>
الحل ان يوم الاجازة ده المفروض تسميه اليوم الملكى

يعنى جوزك يؤمر وانتى تنفذى يعنى لو قالك انه عاوز ينام تسيبيه ينام واوعى تصحيه حتى

لو لقيتى تعلب فى المطبخ

اقعدى العبى معاه واوعى تصحى جوزك

بس لو حصل فقدان أعضاء انا معرفكيش

هههههههههههه

سيبيه ياخد راحته عشان لما يرتاح هيفوق ويقدر يكمل بعد كده

بدل مايقع من طوله كمان اسبوعين

مش هقوللك اتحبسى

لا طبعا

بس مش كل يوم جمعة تركبى فوق ودانه وتقوليله خرجنى خرجنى خرجنىىىىىىى

لا خليها مرة كل شهر

ولا حتى كل شهرين

ولما تحبى تخرجى فى اى وقت تانى خدى ولادك وانزلى او خدى صاحبتك او والدتك او حماتك اىىىىىىىىى حد

المهم يبقى ليكى طريقة تانية عشان تدى نفسك فرصة تحلى فيها عن دماغ الراجل الغلبان

وبكده هتبقى عندك حالة تشبع من الخروج وهو اللى هيتحايل عليكى عشان تخرجى معاه

وطبعا انتى مستحيل هاتزهقى

هههه



3-الست تقوللك الراجل ييجى من الشغل
ياكل ويقعد قدام التليفزيون يتفرج على حاجتين

يا اما القنوات الرياضية

يا اما الاخبار

وانا اقعد جمبه وابقى خلاص قربت أبيض عشان يجيبلى حلقة مهند وهو مش راضى

واكلمه مايردش عليا او الكلام يدخل من هنا يخرج من هناك

وكأنى هوا او تلجاية وساحت وهو مش شايفنى


**طيب تعالى كده انتى لما تكونى راجل عمرك ماهتستمتعى لو اتفرجتى على الشيف شربينى
ولا على مسلسل تركى 350 حلقة

ولا على تمارين رياضية لشد البطن

ولو راجل طبيعى لازم هايتفرج على الكورة او الاخبار فى الظروف المنيلة اللى احنا فيها

اللى بطبيعتها مأثرة على كل حاجة

واللى مش متأثر بيها يبقى مابيحسش


يبقى الحل ايييييه>>>>>>>>>>
الحل انه مجرد ماييجى من الشغل تخليه يجيب القناة اللى هو عاوزها اول مايقوم

ابقى استفردى بالتليفزيون انشالله تبلعيه هو والترابيزة اللى محطوط عليها

لكن مش هتخنقيه بقى الشوية اللى قاعدهم

ووقت الرغى ليه وقته

لما يكون هو رايق ومش فى نفسه حاجة وباله صافى كده هتلاقيه بيتكلم

لكن الكلام الطبيعى

وطبعا الستات رغيهم غير طبيعى

الستات لو فضلت ترغى 26 ساعة فى ال24 ساعة ولا هاتتعب ولا بؤها هايوجعها

لكن الرجالة بيحبوا الاختصار

يعنى مش لازم تقوليله ده انا نزلت جبت كرنباية والراجل الحرامى كان عاوز يديهالى ب10 جنيه وانا قلت ابدا

وخدتها ب9.5

اه امال ايه هو انا هبلة

هو مايهموش كل التفاصيل دى

هو بيحب المجمل

وخليكى كده ساكتة شوية هتلاقيه هو جه ينكشك عشان ترغى وتصدعيه من تانى

وكمان لما هو يكون مالوش مزاج للرغى اقعدى يا ستى اعملى اى حاجة بتحبيها

اعملى حاجة حلوة بتحبى تاكليها كوباية عصير

واقعدى كده اشربيها بمزاج واستطعميها

حتى لو جبتى بونبوناية واكلتيها بمزاج

استمتعى بعيد عنه عشان يشتاق لانك تستمتعى معاه فى اى حاجة فى حياتكوا

مش كل حاجة الراجل الراجل الراجل

او لو عندك اطفال اقعدى العبى معاهم
مش سيباهم يا اما بيلعبوا فى الاوضة او بيتفرجوا على كرتون او عايزة تنيميهم 24 ساعة

لازم تخلى وقت لنفسك تتدلعى فيه

مش تكبسى على نفسه الوقت كله


دى حاجات بسيطة يا قمرات
ولسة فى حاجات تانية كتير للمتزوجات والمخطوبات

وكمان مرة بقول ان مش كل الستات كده ومش كل الرجالة كده انا بس بتكلم فى الحالات الطبيعية والرجالة العادية

مش الرجالة اللى تستاهل الخنق

وكمان بطريقة لطيفة كده عشان متبقاش المعلومات والكلام تسميع كده وخلاص





ولسة لينا تكملة تانى كتير مع بعض ان شاء الله
مستنية رأيككم



إظهار التوقيع
توقيع : ام جنى وبس
#2

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

رد: أنا لو من جوزك ولا خطيبك كان زمانى رميتك فى النيل( للبنات فقط


والله كلامك مضبوط يا قمرالواحد عايز كل فترة يجلس يقيم نفسه يشوف ايه التقصيرات ال بيعملها في جميع النواحي

وعلي فكرة انا حقيمك علشان جهدك ظاهر في الموضوووووع والموضوع مكتوب بأيدك

إظهار التوقيع
توقيع : nesrinaaa
#3

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

مشكورة يا سكرة على موضوعك الرىئع فعلا
ولك احلا تقيم

إظهار التوقيع
توقيع : نواعم
#4

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

فعلا كلامك سليم والله انا بحاول اعمل اللي انتي بتقولي بس فعلا الواحد بطق من هيك حركات احيانا ولكي جزيل الشكر

#5

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

رد: أنا لو من جوزك ولا خطيبك كان زمانى رميتك فى النيل( للبنات فقط
إظهار التوقيع
توقيع : مدام نونا
#6

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

الحل انه مجرد ماييجى من الشغل تخليه يجيب القناة اللى هو عاوزها اول مايقوم
ابقى استفردى بالتليفزيون انشالله تبلعيه هو والترابيزة اللى محطوط عليها


ههههههه

إظهار التوقيع
توقيع : ام سيف
#7

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

كلامك جميل ومعقول جدا
بس الحمد لله امسكو الخشب
ها مسكتو
جوزى بقى مرتب جدا وبيساعدنى كمان فى شغل البيت
ويدخل يحط كل حاجه فى مكانها
ومن كتر ماهو مرتب قوى انا سعات بتخنق
شوفو بقى الستات مبيعجبهومش العجب

إظهار التوقيع
توقيع : همسه حالمه
#8

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

بارك الله فيكي حبيبتي

إظهار التوقيع
توقيع : ام هنا
#9

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

ههههههههه مشكوووورة بس النساء أكتر هالحاجات بعملوها وما بتبين مع الرجال
إظهار التوقيع
توقيع : لؤلؤة الايمان
#10

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

مشكورة
#11

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

مشكورة يا عسل
كلامك حلو اوى

إظهار التوقيع
توقيع : بوسى كات M
#12

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

هههههههههكلامك نص صح والباقي يفقع المرارة
إظهار التوقيع
توقيع : طُمُوحي الجنّة
#13

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

حراااام عليكى انتى مرمتينا معاكى هو الراجل على طول الى صح واحنا ايه كنب هوا قاعدين ما يساعدنا شوية ولا كله اكل اكل مفيش مساعدة بس موضوع عجبنى بجد
إظهار التوقيع
توقيع : حنين الروح123
#14

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

تسلم ايدك على الموضوع ياقمر
#15

افتراضي رد: أنا لو من جوزك ولا خطيبك كان زمانى رميتك فى النيل( للبنات فقط

2-تقوللك يوم الاجازة ياخده كلللللله نوم
وافضل اصحى فيه وهو متبت فى المخدة زى السحلية اللى متشعلقة فى فرع الشجرة

هه
والله انتي زي السكر
احلي تقيم عشان عيونك

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
60 سؤالا في أحكام الحيض والنفاس للشيخ بن عثيمين رحمه الله شوشو السكرة فتاوي وفقه المرأة المسلمة
مدونتي ~إبتساامه~ تسنيم عادل مدونآت الاعضآء!
الانثى انا دلوعة اوووى المنتدي الادبي
الحقيقه قصه قصيره مؤثره تحكي عن الظلم ( ليو تولستوي) صفاء الحياة قصص - حكايات - روايات


الساعة الآن 01:45 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل