علامات الجوع والشبع في الاطفال
https://www2.0zz0.com/2015/03/20/21/996814073.gif
علامات الجوع والشبع في الاطفال: بالنسبة للاطفال اللي عدو سن الست شهور, علاقتهم مع الأكل اساسية لنمو وتأسيس مظبوط والمرحلة دي مهمه لأنها اللي هتحدد علاقتهم بالأكل لبقية حياتهم. بس المرحلة دي صعبة علشان لسة مش بيتكلموا ولا بيعرفوا يعبروا عن جوعهم أو شبعهم وللأسف من كتر مابنكون عاوزينهم يكبروا ويتغذوا مش بنتعامل صح في نظام اكلهم وكمان بسبب التقاليد وفكرة إن كل ما ياكل حتى لو بالعافية كل ما كان أحسن له. بس المشكلة دي حلها بسيط, هنقولك الطريقة الصح علشان طفلك يتأسس بـعلاقة صحية مع الأكل • قدمي لطفلك كمية صغيرة من الأكل في كل وجبة وزوديها شوية بـشوية لما يخلصها • ما تصمميش إنه يخلص طبقه ولا ياكل بالعافية علشان ده هيعلمه إنه يبطل أكل لما جسمه يكتفي ومعناها إن وصل لجسمه كمية الأكل اللي محتاجها • . تجنبي استخدام الأكل أو الحلويات كمكافأة علشان ده هيعوده ياكل للمتعة مش للجوع. • ساعات طفلك ممكن يكون عطشان مش جعان علشان كده تجنبي برده إنك تأكليه بالعافية. • لو طفلك جعان هتلاحظي إنه بيتحمس في وجود الاكل أو بيشاور على الأكل أو بيحاول يمسكه • لو طفلك شبعان واكتفى من الأكل هتلاقي بياكل ببطء أكتر وبدأ يزق الأكل بعيد أو يقفل بقه ويبطل أكل . اللي هتعودي طفلك عليه من صغره هيطبقه بقيه حياته فـا عوديه على نظام غذائي صحي وعادات مظبوطة علشان يتأسس صح https://www2.0zz0.com/2015/03/20/21/919679789.gif |
رد: علامات الجوع والشبع في الاطفال
|
رد: علامات الجوع والشبع في الاطفال
رااااااااااااااىع شكراااا
|
الساعة الآن 11:15 PM |