عدلات - حكايات بنات فى الجامعة (ملف شامل عن حياة الجامعة )

https://upload.3dlat.com/uploads/3dl...3924003741.png

دخلتي الجامعة : تعالى أقولك همسة فى أذنك

أيام الجامعة .. أيام مبتتنسيش

سعادة غامرة اخيرا اتخلصتي من عبق المدارس .. ودخلتى فى حياة جديدة ومرحلة جميلة

خلاص البنوتة الصغيورة اللى كانت بتشيل شنطتها على ظهرها وتروح تلحق طابورها اصبحت فتاة على مشارف مرحلة جديدة من عمرها ( مرحلة الجامعة)

لكن أختى الحبيبة عايزة أضربلك مثال

لو عندك واحدة جارتك دخلت امتحان وخلصته ونجحت فيه
وجيتى انتى تدخلىنفس الامتحان ياترى ايه اول حاجة هتعمليها ؟؟

هسألها طبعا عملت ايه عشان تنجح فيه وتتفوق
وانا بردوا عايزاكى تخدي منا شوية خبرات ياشابة

بما انى خلصت جامعة واتخرجت
فعايزة أهمس فى أذنك بشوية حاجات هتنفعك ان شاء الله
هنحاول نساعدك
ازاااي اذاكر .. طيب ازاى اختار صديقاتي .. ازاىابقى متفوقة

.. ازاىاعيش حياة الجامعة بالتزام وبحب الله
كل ده هنخده مع بعض ان شاء الله
فى أول سلسلة على أحلى حياة خاصة لبنات الجامعات الحلوات

يالا ياقمر انا عزماكي على عصير ليمون مش اي كلام فى كافتيريا الجامعية
وتعالى نبدأ نحكي مع بعض

https://www.yardenvy.com/Images/Cate...ing_chairs.jpg

أصلها بتفرق من واحدة لواحدة طيب يعني ايه ؟

يعني ممكن واحدة

يدِخلها من باب الامر بالمعروف والنهي عن المنكر

وانا شاب غلبان زعلان من نفسي تعبان وشوفت التزامك ونفسك تخدي بايدي

النوعية دى منها كتيرررررر اوووي وبدايتها بتكون من على النت

وبعد كدة التطور الحقيقى للحاجة الساقعة

بتبقى خروجات ومقابلات وكافيهات وسلاطات مين قال هات https://www.goodwayinlife.com/forum/...20%2854%29.gif

شوفت بعينى والله بالصدفة شباب على الفيس بوك داخلين معلقين على صورة بنت

واللى يقولها

ضيفينى وخدي بإيدي للخير جزاكي الله كل خير

واللى يقولها

بسم الله ما شاء الله حضرتك قمر حفظكي الله ورعاكِ https://www.goodwayinlife.com/forum/...es/do3aaa2.gif

واللى يقولها

جزاكي الله خير على طلب الصداقة شكرا لكي
والناس كلها بقيت شيوخ ما شاء الله عليهم

وفي واحدة تانية

يدخلها من باب انا مجروح وانتى الطبيب

وواحدة تانية

يدخلها من ايتها باب عااااااتى عااااااتى : D

والله العظييم يابنااات كل ده ضحك على الدقون

انا حابة أنصح البنات اللى داخلة حياة جديدة

( حياة الجامعة وحوارتها الغريبة )

هتقابلي ناس كتيرة وهتلاقى فى جامعتك شباب اكتر من الهم على القلب
يعنى بعد مثلا ماكان بقالك 6 سنين فى مدارس للبنات فقط (مش مشتركة)
هتلاقي جو مختلط وتبقى قاعدة فى المدرج وراكي شباب وقدامك شباب
من اولها بجد حافظى على قلبك ده مفيش أغلى منه https://www.goodwayinlife.com/forum/...20%2868%29.gif

اقولك على موقف حصلي بجد فى اول اسبوع من الجامعة

بيني وبينك بس عشان انتى صاحبتى هحكهولك https://www.goodwayinlife.com/forum/...20%2854%29.gif

واحدة اتعرفت عليها فى اول اسبوع من الجامعة

كانت فى الاول البنوتة دي احيانا ليها زمايل شباب بتسلم عليهم بس سلام سلام

بس بعد كده ربنا تاب عليها واكرمها وما شاء الله دلوقتى عليها

المهم وقتها كنت ماشية انا وهي
لاقيت واحد طب ناحيتنا بالبرشوت هوباااااااا

و سلم عليها بص طبعا لاقنى معاها قالك ايه نصطاد فى المياه العكرة : D

نكمل المشاركة الجاية >>>

قالها مش تعرفينا :

والله العظيم ربنا قذف على لسانى انى اقوله مبتعرفش على حد قولتها ازاى؟!! معرفش

انا بطبعي خجولة اوووى بس ربنا قدرنى اقول كده لانه مش عايزنى احط نفسي فى دوامة الاختلاط دى اللى ما ليها اول من اخر

البنات بطبعها قلوبها رقيقة اووووي .. واى واحدة حد داخل يتعرف كده بجنتلة ورومانسية تقولك ايه

لا حرام اكسفه يعنيhttps://www.goodwayinlife.com/forum/...20%2869%29.gif

طيب شوفي بقى الشخص اللى خايفة انك تكسفيه عمل ايه بعد كده

تخيلوا موقف الولد لما لاقنى بقى (كـــبة) كده

زى ما بيقولواhttps://www.goodwayinlife.com/forum/...20%2854%29.gif الجنتلة راحت بقى لحالها وقال لصحبتى حاجة كده ومشي

عارفين كان بيقولها ايه ؟؟

قالتلى بعد فترة عارفة الواد اتغاظ انك مش رضيتى تكلميه

وقالها ما تسيبك منهاhttps://www.goodwayinlife.com/forum/...20%2888%29.gif خليها تمشي وتعالى انتى معانا

بس هي طبعا مرضيتش

انا مش بحكي الحكاية دى عشان اقول انى فندام ولا طنطكم الطاهرة الشريفة :

ده انا انسانة قليلة اووووى وفيه احسن مني بالملايييين

بس كل اللى عايزة ابينه لكم يابنات

الشباب مش عايزة غير انها تتسلى بالبنات

عمر ماحد محترم هيعوز يرتبط ببنت إلا عن طريق الحلال وانه يجي لحد بيتها

وبصراحة عمر ما شاب فى اولى جامعة هيقدر يفتح بيت ولا يتجوز منضحكش على نفسنا

والله يابنات انا خايفة عليكم متدوش ودنكم لاى شاب

واياكن والصحبة السيئة

بجد اضر شىء عليكم

سمعت عن شاب حاول يقلع عن التدخين وفضل شهر الا شوية ميدخنش لحد ما نزل مااصحابه فى خروجه لاقهم كلهم بيشربوا شرب معاهم

الصاحب ساحب بجد

حاولوا تنتقوا صديقاتكم يابنات وخليكم مع الصحبة الصالحة اللى تشد بإيدكم للخير

وثقي انه اى بنت عملت العكس واتمشيت مع ده وكلمت ده والله ربنا ما بياركلها بعد كده

إلا طبعا لو تابت

وشوفت بعينى نماذج وحكايات حقيقة هحكيلكم عنها الحكايات القادمة

ربنا يكرمكن ويفرحكن وان شاء الله يجعلكن من المتفوقات وعايزين مجاميع كبيرة فى الجامعات

مقبول اوعى جيد ياريت جيد جداا حبيبى وكفاءة

طبعاً حقوق الطبع والنشر محفوظة لكل مسلمة ومسلم :) فى اى مكان تحبوه

وعايزكم تبصوا بصية صغيرة على المواضيع دى إن شاء الله تفيدكم ياقمرات

انا عاوزه اعيش قصة حب

قلبك نيو(استخدام جديد)ولا سكند هاند(مستعمل)!!؟

وأقولكم على موضوع جامد اخر 25 حاجة :D

صراحة الموضوع ده اول مادخلت الجامعة لاقيته فى وشي فى منتدى بتاع كليتنا

بجد مش قادرة اقولكم ثبتنى انا وصحباتى ضد الاختلاطات كلها :D

يالا مرواااااااااح ) ومتنسوش تدعولى معاكم

وياريت تشوفوا الموضوع ده وانتوا تعرفوا قصدي

طـــلب صداقه ع الفيس بوك

السلام عليكم ورحمة الله وبركاته ::~

قصة من وحى الخيال تبدأ من هذه الغرفة التى تجلس فيها صاحبة حكايتنا

https://up.arab-x.com/May11/s1E19473.png
طلب صداقة ياترى من مين

ايه ده من ولد يووه طيب اضيفه ولا لأ

النفس الطيبة : بلاش تضيفه ولا متخذات اخدان

النفس الشريرة : اخص عليكى وتحرجيه

اضيفه وخلاص يعنى هيعمل ايه انا مش هكلمه اصلاً

انا مش بحب احرج حد https://www.mor3ben.com/forum/images/smilies/frown.gif

وبعد الإضافة : مرة كانت فاتحة صاحبتنا الشات وهو كان قاعد اكيد استغل الفرصة وهوبا :D نط بالبرشوت عليها

هاى

هى : ايه هاى دى ارد وخلاص

هى: أهلاً

هو : انا مش هقولك الحوارات بتاعت منكن اتعرف والكلام ده بس انتى واضح انك انسانه محترمة اووى وغير بقية البنات فى الفيس بوك

كل الحاجات اللى بتحطيها دينيه وحقيقى انتى بتأثرى فيا كتير بس محتاج منك طلب

هى: ياه انا عملت كل ده ده شكله انسان محترم اوى وبعدين انا بعمل خير لازم ارد عليه عشان يكمل الخير

: اتفضل اطلب

هو : انا محتاج منك تتابعينى فى الالتزام وتشجعيني منكن

هى : ممممم ازاى اتابعه يعنى

النفس الشريرة: تابعيه انتى ايه مش عايزة تخدى اى نوع من الثوابات احفظوا مع بعض قراءن وذكروا بعض بالصلاة والاذكار

يسلام على الصحبة الصالحة والله اعلم يمكن الموضوع يقلب ويبقى الزوج الصالح وتعيشى حياة دينية سعيدة

وتعيشي فى تبات ونبات وتخلفى صبيان وبنات

هى : بعد معاركة كبيرة مع نفسها الطيبة والشريرة

اخيراً وافقت وقالتله ماشي
https://img9.imageshack.us/img9/817/a7la111.png

ومرت الايام وفكرت نفسها بكده بتخد ثواب واجر وفى نفس الوقت زوج صالح مد ايده ليها عشان تساعده

وللأسف اكيد الشيطان كان فرحان وكل يوم بقى يدخل بينهم حوارات جانبيه وهى مكملة بحجة انها بتساعده على الإلتزام والايام تمر والكلام يتحول والحوارات تزيد

وبقى الكلام كله كل واحدعن حياته وانه معجب بيها وعمره ماشاف لا فى ادبها ولا طيبتها والحوارات دى و البنت معدتش تقدر يعدى يوم من غير ماتطمن عليه وتكلمه وللأسف شمعة الايمان اللى فى قلبها اطفيت والنور اللى كان يملىء قلبها بقى يضلم

وبقت على طول ذهنها شارد وتفكر فيه وبدأ قلبها يدق ليه لحد ما جيه يوم مالقتهوش على النت

كانت هتتجنن مش ممكن طيب ازااى ده اكيد فيه حاجة

منمتش اليوم ده ولا اللى بعده ظهر لحد ما مر 10 ايام وهى مبتنمش من كتر قلقها
https://img9.imageshack.us/img9/817/a7la111.png

ولقيته فى اليوم ال 11 اون لاين وهوباا نطيت على الشات بالبرشوت ماهو خلاص الشمعه انطفت والنور ضلم https://www.mor3ben.com/forum/images/smilies/frown.gif

وسألته بكل شغف انت كنت فين كل ده

رد عليها حد تانى

ايوا انا صاحبه بس هو مسافر برا البلد وكان مبلغنى ادخل على حسابه وادنى الباس وررد عشان الغيله حسابه لانه هيستقر هناك ومش ناوى يرجع دلوقتى خالص فقالى اقفله عشان محدش يقلق عليه

طيب حضرتك عايزانى اوصل له حاجة

هى : لا ابداً خلاص

قالها طيب عن إذنك

واتقفلت المحادثة على كده واتقفل الاكونت واتقفل قلب البنت معاه

مبقتش مصدقة ايه اللى بيحصل ده طيب ليه يعنى طلع بعد كل ده بيتسلى وبمجرد انه انشغل مفكرش يقولى حتى مع السلامة .. يااااه انا غلطت اووى فى حق نفسي يوم لما سمعت كلام شيطانى

وغلطت فى حق ربنا اكتر

طيب ليه كده وانفجرت البنت من البكاء وبقى ايامها كلها كئابة وحزن وندم

وفى مرة بعد فترة كبيرة اوووى دخلت الفيس بوك لاقيت الاكونت مفتوح ولاقيت صورته عليه دخلت جوا الصور لاقيت صوره مع فتيات صديقاته وصور مع الشله ومكتوب تعليق عليها

احلى ايام قضيتها فى حياتى الصيف ده

والتعلقيات ايوا يابرنس انت كده موقع قلوب البنات كلها

التعليق اللى بعده : ياجاااااااااامد وهكذا .....

نزلت دمعه ندم وتأكدت فعلاً انها انضحك عليها وانه لا كان عايز يلتزم ولا حاجة

بس كان حابب يتسلى مع نوع جديد من الفتيات

وقررت انها تلغيه من عندها وعاهدت ربها انها لا يمكن ابداً تضيف عندها او تكلم شاب تانى إلا لو كان زوجها

الملخص :

انه بجد يبنات فيه شباب كتير نسأل الله العفو العافية بيكون داخلين الفيس بوك او الشات والنت بصفة عامه بحجة التعارف والصحوبية وبيتأقلم مع كل بنت حسبها يعنى الملتزمة يبقى ملتزم
المتبرجة يبقى متبرج وهكذا
عشان كده اوعى تدى ودانك لشيطانك واوعى تفكرى إنك تكلمى ولد على النت او فى الجامعة او فى اى مكان
وياريت ميكونش هدفك انك بتتكلمى بحجة الدعوة او انك تلاقى نصك التانى .. حكاية صاحبتنا خلصت على كده بس فيه قصص وحكايا للأسف بتخلص على حاجات يدمى لها القلب
حافظى على الجوهرة اللى ربنا عطهالك ( قلبك )
صدقونى عمر ماولد بيخطب بنت كلمته لانه عمره ماهيثق فيها
أسأل الله ان يهدينا جميعاً ويرزقنا العفاف والتقى
الدال على الخير كفاعله
انشروا الموضوع فى كل مكان كي يعم الفائدة:)

بحبــــكم فى الله

https://img9.imageshack.us/img9/817/a7la111.png