|
مين هتساعدني علشان مخنوقه
يابنات انا تعبانه نفسيا من الاكل جايلي اكتئاب مش عاوزه ادخل اعمل اكل خالص انضف واروق واعمل كل حاجه واجي عند الاكل واتعصب والاقيني مش قادره رغم اني مكنتش كده كنت دايما اسهل حاجه اني اعمل اكل مش عارفه اعمل ايه بدات اتخانق انا وجوزي بسبب اني الفتره الاخيره بدات اعمل حاجات سريعه او اطنش اصلا مش عارفه مالي اللي عندها حل تقولي واللي بتعمل اكل لفتره وبيريحها تقولي اعمل ايه وازاي اخزنه لحد ما اخلص من الخنقه اللي انا فيها شكرا ليكم انا طولت معلش بس معرفش حد اشكيله غيركم
|
رد: مين هتساعدني علشان مخنوقه
اقتباس:
على فكرة كان لسه حصلى زيك بالظبط استغفرى كتييير بس وانتى داخلة المطبخ استغفرى كتيير وقولى لا حول ولا قوة الا بالله عن تجربة اى خنقة واى زهق هيروح بس والله استغفرى كتيير طول مانتى ماشية قاعدة فى المطبخ وفى اى حاجة جربى وان شاء الله هتبقى كويسة |
رد: مين هتساعدني علشان مخنوقه
والله كلنا كده وخصوصا فى الصيف لان وقفة البتوجاز فى الحر رخمه اووووووووى بس هنعمل ايه شر ولابد منه بصى ادعى دايما فى اول يومك بالدعاء ده اللهم انى احتسب يومى هذا لوجهك الكريم فيسره لى ثم بارك لى فيه اللهم اجعل عملى كله فى هذا اليوم خالصا لوجهك الكريم هتحسى ان ربنا باركلك فى اليوم وان كل امورك مشيت بخير وسلاسه بأمر الله والله اليوم اللى بفتكر فيه الدعاء ده بيختلف تماماااااااا عن اى يوم تانى |
رد: مين هتساعدني علشان مخنوقه
شكرا ليكم واناهعمل بنصايحكم يارب بفايده لحسن جبت اخري ومنكده علي البيت كله
|
رد: مين هتساعدني علشان مخنوقه
يارب البنات تكون افادتك
|
رد: مين هتساعدني علشان مخنوقه
ربنا يهدى سركم يارب وارقى البيت كده وشغلى قران يمكن محسودين ولا حاجه ربنا يسترها معاكى والله يا حبيبتى م فيش اى حاجه تستاهل غير انك تشوفى راحه بال جوزك وسعاده قلبه ولو فكرتى دايما ف كده هتسعى انك تحققيه :)
|
رد: مين هتساعدني علشان مخنوقه
لكي نتمكن من متابعة سير حياتنا بالشكل الطبيعي، وذلك من خلال منح نفسك هذه الفرص: دللي نفسك، استخدمي عطراً ناعماً، أو كريماً مرطباً منعشاً، وأضيئي شمعة وتأمليها لبرهة.
غداً ارتاح، فكري في الأمور الممتعة التي تريدين القيام بها في وقت لاحق من النهار. تنفسي ببطء وعمق، خذي نفساً عميقاً، حتى يملأ الهواء رئتيك وينفذ إلى خلاياك، واشعري بالأمر وكأنه موجة من الدفء تجتاح كيانك. رحلة نحو الخيال، سافري، أغمضي عينيك وتخيّلي نفسك ممدة على شاطئ رمليّ دافئ، تراقبين الغروب، أو سائرة في غابة خضراء، تركضين وتتنزهين، والأهم من ذلك كله أن تحركي حواسك جميعها أثناء التخيل. "اهدئي" كلمة قوليها لنفسك، أياً كان العمل الذي تقومين به، أوقفيه وابدئي الحديث مع نفسك بصوت خافت، أو مرتفع لا فرق فما يهم هو أن تكرري الكلمات المهدئة. البرودة احد الحلول، أن الحياة الصعبة هي كرحلة القطار سرعة وزخم مزعج! تخلصي منها جميعاً بخفض حرارتك، بمعنى آخر، اغسلي وجهك بمياه باردة، وافتحي النوافذ، أو شغلي المكيف الكهربائي. لذة الشوكولاتة، تذوقي الشوكولاتة ولا تأكليها.. https://forums.roro44.net/images/smi...-Smiles-15.gif أي اشعري بطعمها ولذتها، فقد أثبتت التجارب العلمية أنها تمنح المرء التفاؤل وتزوده بالقدرة على التركيز والتروي. متعة الرياضة، قومي بتمارين رياضية، ارفعي ذراعيك إلى الأعلى، اشبكي أصابعك ومددي جسمك إلى الأمام، ثم حرّكي من اليمين إلى اليسار، وهكذا. الفاكهة أيضا دواء، إن تناول أنواع معينة من الفاكهة والخضار، كالجزر والفريز، والتفاح، لا يؤدي فقط إلى التخلص من حال التوتر بل يساهم في إزالة السموم وتنقية الهرمونات العصبية. ارضي غريزة الأمومة، استدعي طفلك، اقتربي منه، عانقيه وتأمليه، وتذكري جمال الحياة معه، وقيمتها. ان شاء هتكونه كلكم احسن وعقبالى كده لما اتجوز وابقى ام زيكم :227: |
رد: مين هتساعدني علشان مخنوقه
يارب يسمع منكم
|
رد: مين هتساعدني علشان مخنوقه
هههههههههههخ دانتي رايقه علي الاخر ياااااااه لو الحياه بلبساطه دي مكنش حد غلب شكرا لردك وربنا يرزقك بزوج واطفال صالحين
|
رد: مين هتساعدني علشان مخنوقه
استهدي بالله كده واستعيزي باالله من الشيطان قبل ما تعملي اي حاجه
وخلي ذكر الله علي لسانك ع طوووول :) |
رد: مين هتساعدني علشان مخنوقه
اقتباس:
رائيي من رأي سوبر مامي وام سيف وربنا معاكي حبيبتي :0451: |
رد: مين هتساعدني علشان مخنوقه
اقتباس:
ديه ابسط من كده بكتير السعاده عمرها م كانت بـ مقياس هى بس محتاجه الحب والسعاده هتخبط ع بابك وراحه البال مش هتسيبك ربنا يخليكى يارب ع الدعوه الجميله ديه :) |
رد: مين هتساعدني علشان مخنوقه
حبيبتي علي اظن من كلامك انك مش زهقانه من الاكل انتي زهقانه من الروتين اليومي هذي حاجه بتحصل خصوصا لوكانتي شخصيه غير روتنيه او شخصيه مالوله ومشكلة القواز العربي بذات قواز روتني حبيبتي انا من رأي انك تغير روتينك تعملي اكلات فشلتي انك تعمليها اتعلمي اكله جديده من مطبخ ايطالي فرنسي غيري :13:من شكالك اقصت شعرك ده كلوا بدايت ملل اتغلبي عليه
اقتباس:
|
رد: مين هتساعدني علشان مخنوقه
شكلك كده عندك حق هجرب وافولك
|
رد: مين هتساعدني علشان مخنوقه
اقتباس:
|
رد: مين هتساعدني علشان مخنوقه
شغلى قران فى بيتك
|
رد: مين هتساعدني علشان مخنوقه
والله بشغل قران علي طول شكرا لاهتمامكم
|
رد: مين هتساعدني علشان مخنوقه
سمى الله قبل ما تدخلى المطبخ
وحطى فى بالك انك الازم تعملى الاكل علشان زوجك واولادك ولازم تعملى الاكل بنفس وبمزاج علشان يطلع حلو الاكل زى ما بيقولو نفس وربنا يبعد عنك الكسل والهم والزهق انتى والمسلمين جميعا |
رد: مين هتساعدني علشان مخنوقه
ومش هاينفه تعيشي من غير اكل يا قمر ربنا معاكي
|
رد: مين هتساعدني علشان مخنوقه
اكثري من الدكر و التسبيح و خاصة عندما ياتي وقت الطهو و انصحك بهدا الدعاء
(اللهم اني اعود بك من جهد البلاء و درك الشتاء و سوء القضاء و شماتة الاعداء ) و اعانك الله و ادهب عنك هدا البلاء اميييييين |
رد: مين هتساعدني علشان مخنوقه
ربنا ييسرلك امورك
|
| الساعة الآن 06:49 PM |