عدلات - اعملى بنفسك ستارة برقع تجمل اوضة نومك سهلة وبسيطة

عدلات (https://adlat.net/index.php)

- الخياطة والكروشية والتريكو (https://adlat.net/forumdisplay.php?f=38)

اعملى بنفسك ستارة برقع تجمل اوضة نومك سهلة وبسيطة

ازيكم يا بنات وحشتونى قويييييييييي الكام يوم اللى فاتو انا ما بعدتش عن المنتدى انا كنت بتصفحة صفحة صفحة والحمد لله خلصته كله ودة اللى خلانى ما اجبش حاجة جديدة بس اوعدكم بشوية حاجات ملهمش حل من صنع ادية ويارب يعجبوكم النهاردة هنتعلم نعمل ستارة برقع فوق السرير سهلة جدا ومش مكلفة ودى صورتها
https://upload.3dlat.com/do.php?imgf=13702099621.jpg الطريقة سهلة هتعوزي متر من القماش اللون اللى عايزاة عشان الفسطونة ومتر ونصف من القماش اللون الاخر للبرقع وطبعن شيفون
1- هنثبت الماسورتين في الحيط بشكل عامودي ووراها ماسورة افقية للبرقع
2- هتمسكي القماشة بتاعت الفسطونة وتطبقيها زي ما تكوني بتعملى المورحة الورق
3- تكونى قاصة القماشة الشيفون نصفين بالطول وتركبى فيها شريط الستاير من الخلف وتشدى الخيط للكشكشة
4- ركبى العلاقات في الشريط ودخليهم في الماسورة وبعدين علقى الماسورة
5- تمسكي طرف القماش اليمين اللى عملتيه مروحة وتلفيه على الماسورة العامودية لفة واحدة وترخى ايدك شوية وتلفي الطرف التانى على الماسورة التانية
6- امسكى الناحيتين اللي اللى فوق من الطرفين النازلين وشديهم مع بعض بالراحة عشان تديكى الاستقامة اللى فوق دى
ولو عايزة تضيفي اى ابتكار من عندك اكيد هيكون اجمل
يارب اكون فدتكم