عدلات - طريقة عمل كحك العيد الناعم , طريقة عمل كحك ناعم للعيد

https://upload.3dlat.com/uploads/3dl...سملة55.gif

https://upload.3dlat.com/uploads/3dl...92601832-n.jpg

المقادير
1 كيلو دقيق
½ كيلو سمن
½ كوب زيت ذرة
1 معلقة كبيره بيكنج بودر أو قطعة خميره في حجم عين الجمل أو 3 معلقة خميره فورية
كوب ماء دافئ للعجن
معلقة كبيره ريحة كحك
3 معالق سمسم

الحشو ملبن بالمكسرت أو عجمية

لو هتحشي بالملبن ( هتجيبي 1/2 كيلو ملبن سادة وتحطي عليه 4 نقط روح الموز وتدعكيه بإيدك زتعمليه كور صغيره عشان تاخدي منه بسهولة )وتحطي معاه عين جمل أو بندق

الطريقة
1- يقدح السمن والزيت وبعدين نسيبه يهدي
2- ويوضع الدقيق في طبق عميق ويوضع عليه الملح وريحة الكحك والبيكنج بودر ( لو هتعمليه بالبيكنج بودر ) وتقلبيه وبعدين تعملي حفرة كبيرة في وسط الدقيق تبان منها ارضية الطبق وتحطي فيها السمسم
3- لو هتعمليه بخميره حطي معلقة سكر عليها وربع كوباية ماية دافية وخليها تخمر
4- وبعيدن نجيب مغرفة سمن ونحطها علي السمسم في النص ولما يهدا السمن شوية ننزل عليه بالدقيق واحدة واحدة ونقلب بمعلقة خشب وبعدين نضيف كبشة سمن تانية ونقلب لحد ما نخلص كل مقدار السمن ونقلب كويس وبعدين ننزل عليه بالخميره بس نخلي بالنا ان العجينة متكونش سخنة تكون دافية قبل ما ننزل بالخميره ونعجن ونحط ماية دافية ونعجن لحد ما العجينة تلم معانا وتبقي ماسكة نفسها
نغطيها ونسبها تخمر وترتاح ساعة
وبعدين تشكليها وتحشيها بالملبن مع بندق او عين جمل أو عجمية وتنقشيها او تحطيها في فورمة الكحك ومتكبريش الكحكة اوي عشان في الفرن لسة هتفرش
سخني الفرن كويس ورصي في صاج ودخليها فرن حامي مسبقا علي 180 درجة وكل شوية قلبي الصنية عشان تستوي وتاخد لون دهبي فاتح طلعيها
خليها تبرد وبعدين رصيها علي طول في علبة مفروشة ورق زبدة وغطيها بفوطة لحد ما تخلصي خالص الكمية
بألف هنا

https://upload.3dlat.com/uploads/3dl...ختام55.gif