عدلات - الا حواجبك ياعدوله .. الناس اتعودت علي شكلك كده ماتغيريهوش

عدلات (https://adlat.net/index.php)

- فتيات تحت العشرين (https://adlat.net/forumdisplay.php?f=55)

الا حواجبك ياعدوله .. الناس اتعودت علي شكلك كده ماتغيريهوش

البنت فينا يا زهرتى لما تقرب على 15 .14 سنه كده
فيما فوق
تلاقيها جريت تلعب فى حواجبها
اشى تشيل شعره اتنين تلاته
واشى ترفعه خالص
واشى واشى واشى

طب يا قمر
ماسمعتيش حديث النبى عليه الصلاه والسلام
الى بيتكلم فى الموضوع ده

طب ايه رأيك تقريه احسن

اهه

- لعن الله الواشمات ، و المستوشمات ، و النامصات ، و المتنصمات ،و المتفلجات للحسن ، المغيرات خلق الله
الراوي:عبدالله بن مسعود المحدث:الألباني - المصدر: صحيح الجامع - الصفحة أو الرقم:5104
خلاصة حكم المحدث: صحيح

مافهمتيش حاجه

صح ؟؟!

طب اسمعى الفيديو ده كده
وشوفيه وانتى ان شاء الله تفهمى

اذا لم يعمل المقطع فاضغطي هنا

طب يا قمر
عرفتى ايه النمص
عرفتى انه مش بس حرام
لا ده كمان بيسبب
الطرد من رحمه ربنا (ده معنى اللعنه والعياذ بالله)
؟؟!

طب ايه رأيك ماتبدأيش تعمليه

هتقوليلى
شكلهم وحش اوووووووووى
وتخان اوووووووووووى

هقولك ببساطه
الناس اتعودت على شكلك كده
من وانتى صغيره
فمش هيبقى شكلك غريب عليهم لو ماعملتيهمش
تعرفى امتى يكون صعب
ولو ان مفيش حاجه تبقى صعبه على بنت عايزة ترضى ربنا

لكن هيكون اصعب عليكِ لما تعمليهم والنس تتعود على شكلك الجديد
وتحاولى ترجعى يبقى الموضوع اصعب

فليه تعرضى نفسك لحاجه زى دى
اصلا من الاول

انتى من دلوقتى وانتى صغيره كده
الناس متعوده على شكلك كده
وعلى شكل حواجبك كده
وماحدش هيحس بحاجه لو مالعبتيش فيهم
لانهم اتعودوا خلاص

طب ده اصحابى كلهم هيعملوه اشمعنه انا

ببساطه شديده لانك مش زيهم
انتى واحده امور ربك بتهمك
وبيهمك الحلال والحرام
وهمك تدخلى الجنه
وعشان كده انتى مش زى اى حد

ومش معنى ان واحد وقع نفسه فى حفره مليانه تعابين
ترمى نفسك وراه
ولا ايه؟؟!

طب بالنسبه للى عملتهم خلاص

الموضوع مش هيبقى صعب لو انتى فعلا عايزة
ترضى ربنا

وارد تحسى ان شكلك بقى وحش
بس اصبرى واعمليه بنيه انك ترضى ربنا
وانتى هتحسى انك احلى واحده فى الدنيا
وربنا هيرضي عليكِ ويرضيكِ على شكلك
ويرضى الناس عنه كمان

فى الاول
هتسمعى كلام سم من اصحابك

ايه ده
مش بتعمليهم ليه
مش ...
مش ...
مش ...

وكلام مالوش لازمه

دى بقى لا تفهميها انتى عملتى كده ليه
وازاى خايفه تخرجى من رحمه ربى
بسبب حاجه هايفه زى دى
وتحاولى تقنعيها تعمل زيك

لا تسيبك منها

لان فى بنات بتبقى نوعيه كده غريبه

لو ماعرفتش تعمل الصح وتبطل الغلط
تحاول تخلى كل الى حواليها زيها

عشان ماتبقاش اقل منهن فى حاجه

مش معنى كده ان كل الى هيسألك هيبقى وحش

لا فى ممكن ناس بتبقى فعلا عايزة تسأل
انتى بقى دورك تشجعيها تبطل تعمل زيك بالظبط

وتاخدى ثوابهم ان شاء الله

انا كده خلصت
مين ناويه ماتعملش؟؟!

فى

امان

الله