تجربتي في الحمل مع الضغط والوزن الزايد ونصائح مهمة لكل حامل
 

https://upload.3dlat.com/uploads/3dl...a3f4671951.gif
الحمل من أهم وأخطر المراحل اللي بتمر علي المرأة
وكل أم عرفت أو لازم تعرف أن كل حمل بيختلف عن التاني
في حملي الأول والثاني كان سني 22 و24
إنما الثالث 32 سنة
ففي فرق في كل حاجة
انا حبيت أتكلم عن حملي ده بالذات لأنه كان كله مشاكل والم والحمد لله ربنا كمل علي خير برحمته سبحانه وتعالى ثم بدعاء امي وأصحابي ليا
أول مشكلة هي الضغط العالي جدا
في أول الحمل الدكتورة كتبت لي علي حبوب للضغط مناسب للحمل وفي آخر شهرين وصل ل6حبايات فى اليوم
انا بقول كده ليه لأنه وصل بيا الضغط لتسمم الحمل ده وربنا ستر
لأن اكتر حاجة لازم تخافي منها هي الضغط العالي لأنه يؤدي لتسمم حمل وطبعا ممكن يؤدي لوفاة الجنين
فإذا كان فيه ضغط عالي لازم لو كنت هتحملي تقدري الخطورة دي وتتابع أسبوعيا الضغط واشتري جهاز زي بتاع الدكاترة يبقى عندك دايما تتابع بيه
وطبعا ممنوع أي مخلل أو موالح او سكريات عالية برضه
وشرب الكركديه باعتدال
انا عملت كده بس لأن كان فيه شوية ضغط عصبي ومشاكل الأضرار كانت اقوي
♡♡♡♡♡
تانى مشكلة الوزن الزايد
الطفل زي ماالدكتورة قالتلي ليه مكانه حتى لو وزنك200كيلو لكن تخفيض الوزن
قبل الحمل هيفيد لو الجراحة قيصرية
الدكتورة طبعا خافت من الضغط والقلب والجرح فطلبت مني اني أولد في مستشفي حكومي وهي عندنا في المنصورة مستشفى الجامعة
طبعا مش هقول غير ربنا يجازيهم اللي عملوا الجراحة كل خير
وانا مااعرف أي حد فيهم قبل كده
الاهتمام الطبي بالحالة ممتاز
لكن زي أي مستشفي حكومي كل ما هو سيء موجود في معاملة الناس
لكن ده ميمنعش ن الواحد مكنش ينفع خالص يولد في مستشفي خاص بالحالة دي
لأن زي ماقلت كانت حالة تسمم ووزن زايد وارتفاع ضغط وكمان أنيميا حادة
وكل ده حصل في أول أسبوع في التاسع
مع أن المتابعة كانت مرتين في الشهر
تالت مشكلة ودي بعد الولادة وهي الورم اللي فى الرجل والإيد
مكنتش مصدقة أن ده بروح هو استغرق عندي شهرين لحد مبدأ أحس اني طبيعية بس أهم حاجة الالتزام بالأدوية وتطهير الجرح
ولو الوزن زايد حقن التجلط مهمة والدكتور بيحددها
وربط الساق برابط ضغط أو شراب بيشترى من الصيدلية عشان الأوردة فى القدم ما يحصل ليها تجلط
ولو حبيت تسألوا أي سؤال انا أن شاء الله بجاوبكم
وفي النهاية كل حمل ربنا هو اللي بقدر وهو اللي بيحمبه
ربنا يحمي كل أم وطفل وحامل
♡♡♡♡♡♡♡♡♡

رد: تجربتي في الحمل مع الضغط والوزن الزايد ونصائح مهمة لكل حامل
 

حمد الله على سﻻمتك ربنا يبارك فى مولودك كلامك فعﻻ صح ممكن الضغط العالى يسبب تسمم والجنين يتوفى
ربنا يعافينا .وربنا يتم شفاكى على خير .شكرا على النصايح الغاليه دى .ربنا يجعله فى ميزان حسناتك

رد: تجربتي في الحمل مع الضغط والوزن الزايد ونصائح مهمة لكل حامل
 

مشكورة ياقمر
افدتنا والله
احلى تقييم لعيونك

رد: تجربتي في الحمل مع الضغط والوزن الزايد ونصائح مهمة لكل حامل
 

مشكورة يا قمر

رد: تجربتي في الحمل مع الضغط والوزن الزايد ونصائح مهمة لكل حامل
 

مشكورة حبيبتي

رد: تجربتي في الحمل مع الضغط والوزن الزايد ونصائح مهمة لكل حامل
 

نورتوني يابنات
وشكرا لدعواتكم

رد: تجربتي في الحمل مع الضغط والوزن الزايد ونصائح مهمة لكل حامل
 

شكراااااا لكي حبيبتي

رد: تجربتي في الحمل مع الضغط والوزن الزايد ونصائح مهمة لكل حامل
 

تسمم الحمل او زلال البول ممكن تتبعيه بعمل فحص بول شامل كل شهر
انا كان عندي وتابعت مع دكتور كلي والحمد لله نزلته
بس المشكله دلوقتي في تجلط الدم وقت الحمل
ومفيش حقنه نافعه معايا اخدت الكليكسان وحصل اجهاض
جربت الهيبارين وحصل اجهاض
ارجو الافاده اللي عندها مشكله زي كده تكتب تجربتها